ലക്ഷ്യം സഫലമാ​ക്കുന്ന വയൽസേവനയോഗങ്ങൾ

1. ഏതു ലക്ഷ്യത്തി​ലാണ്‌ വയൽസേ​വ​ന​യോ​ഗങ്ങൾ നടത്തു​ന്നത്‌?

¹ ഒരു പ്രസം​ഗ​പ​ര്യ​ട​ന​ത്തി​നു പോകു​ന്ന​തി​നു മുമ്പ്‌ യേശു 70 ശിഷ്യ​ന്മാ​രു​മാ​യി യോഗം നടത്തി. (ലൂക്കോ. 10:1-11) അവർ തനിച്ച​ല്ലെ​ന്നും ‘കൊയ്‌ത്തി​ന്റെ യജമാ​ന​നായ’ യഹോ​വ​യാണ്‌ അവരെ നയിക്കു​ന്ന​തെ​ന്നും പറഞ്ഞ്‌ യേശു അവരെ പ്രോ​ത്സാ​ഹി​പ്പി​ച്ചു. പ്രസം​ഗ​വേല നിർവ​ഹി​ക്കു​ന്ന​തിന്‌ ആവശ്യ​മായ നിർദ്ദേ​ശങ്ങൾ നൽകി അവൻ അവരെ പരിശീ​ലി​പ്പി​ക്കു​ക​യും ചെയ്‌തു. സംഘടി​ത​മായ വിധത്തിൽ അവരെ “ഈരണ്ടാ​യി” തിരിച്ച്‌ വിട്ടു. ഇന്നു നമ്മൾ വയൽസേ​വ​ന​ത്തി​നു പോകു​ന്ന​തി​നു മുമ്പ്‌ നടത്തുന്ന യോഗ​വും ഇതേ ലക്ഷ്യത്തി​ലാണ്‌. നമ്മെ പ്രോ​ത്സാ​ഹി​പ്പി​ക്കാ​നും പരിശീ​ലി​പ്പി​ക്കാ​നും നമ്മൾ സംഘടി​ത​രാ​യി​രി​ക്കാ​നും ഇതു സഹായി​ക്കു​ന്നു.

2. വയൽസേ​വ​ന​യോ​ഗ​ത്തിന്‌ എത്ര സമയം എടുക്കാം?

² ഇപ്പോൾ വയൽസേ​വ​ന​യോ​ഗ​ത്തിന്‌ 10 മുതൽ 15 മിനിട്ട്‌ വരെ എടുക്കു​ന്നു. ഇതിൽ, കൂട്ടത്തെ സംഘടി​പ്പി​ക്കു​ന്ന​തും പ്രദേശം നിയമി​ച്ചു കൊടു​ക്കു​ന്ന​തും പ്രാർഥി​ക്കു​ന്ന​തും ഉൾപ്പെ​ട്ടി​രു​ന്നു. ഇതിനു മാറ്റം വരിക​യാണ്‌. ഏപ്രിൽമു​തൽ വയൽസേ​വ​ന​യോ​ഗം 5 മുതൽ 7 മിനി​ട്ടി​നു​ള്ളിൽ അവസാ​നി​ക്കും. എന്നാൽ സഭാ​യോ​ഗ​ത്തി​നു ശേഷമാ​ണെ​ങ്കിൽ അതു പിന്നെ​യും ചുരു​ക്കാ​വു​ന്ന​താണ്‌. കാരണം, സഹോ​ദ​രങ്ങൾ അപ്പോൾതന്നെ ഒരു തിരു​വെ​ഴു​ത്തു​ചർച്ച​യിൽ പങ്കെടു​ത്തു​ക​ഴി​ഞ്ഞി​രി​ക്ക​യാണ്‌. വയൽസേ​വ​ന​യോ​ഗം ഹ്രസ്വ​മാ​യി​രി​ക്കു​മ്പോൾ എല്ലാവർക്കും ശുശ്രൂ​ഷ​യിൽ ചെലവ​ഴി​ക്കാൻ കൂടുതൽ സമയം ലഭിക്കും. കൂടാതെ, പയനി​യർമാ​രോ പ്രസാ​ധ​ക​രോ വയൽസേ​വ​ന​യോ​ഗ​ത്തിന്‌ മുമ്പ്‌ ശുശ്രൂഷ ആരംഭി​ച്ചി​ട്ടു​ണ്ടെ​ങ്കിൽ അവരുടെ പ്രവർത്ത​ന​ത്തിന്‌ ചെറിയ ഇടവേ​ളയേ ഉണ്ടാകൂ.

3. പ്രസാ​ധ​കർക്ക്‌ കൂടുതൽ ഗുണം ചെയ്യുന്ന വിധത്തിൽ വയൽസേ​വ​ന​യോ​ഗം ക്രമീ​ക​രി​ക്കാ​വു​ന്നത്‌ എങ്ങനെ​യാണ്‌?

³ പ്രസാ​ധ​കർക്ക്‌ പരമാ​വധി പ്രയോ​ജനം ലഭിക്കുന്ന വിധത്തിൽവേണം വയൽസേ​വ​ന​യോ​ഗം ക്രമീ​ക​രി​ക്കാൻ. വയൽസേ​വ​ന​യോ​ഗം ഒന്നിച്ച്‌ ഒരു സ്ഥലത്ത്‌ നടത്തു​ന്ന​തി​നെ​ക്കാൾ വെവ്വേറെ കൂട്ടങ്ങ​ളാ​യി നടത്തു​ന്ന​താ​കും പ്രയോ​ജ​ന​പ്രദം. ഇത്‌ യോഗ​ത്തി​നാ​യും അവി​ടെ​നി​ന്നു പ്രദേ​ശ​ത്തേ​ക്കും യാത്ര ചെയ്യു​ന്നത്‌ പ്രസാ​ധ​കർക്ക്‌ എളുപ്പ​മാ​ക്കും. കൂട്ടം ചെറു​താ​യി​രി​ക്കു​മ്പോൾ പ്രസാ​ധ​കരെ വേഗം സംഘടി​പ്പി​ക്കാ​നും ഗ്രൂപ്പ്‌ മേൽവി​ചാ​ര​ക​ന്മാർക്ക്‌ തങ്ങളുടെ കൂട്ടത്തി​ലു​ള്ള​വരെ അടുത്ത്‌ ശ്രദ്ധി​ക്കാ​നു​മാ​കും. സാഹച​ര്യ​ങ്ങൾ പരിഗ​ണി​ച്ചു​കൊണ്ട്‌ മൂപ്പന്മാ​രു​ടെ സംഘം ഏറ്റവും മെച്ചമായ വിധം തീരു​മാ​നി​ക്കണം. ഹ്രസ്വ​മായ പ്രാർഥ​ന​യോ​ടെ യോഗം അവസാ​നി​പ്പി​ക്കു​ന്ന​തി​നു മുമ്പ്‌ തങ്ങൾ ആരോ​ടൊ​പ്പ​മാ​ണെ​ന്നും എവി​ടെ​യാണ്‌ പ്രവർത്തി​ക്കു​ന്ന​തെ​ന്നും എല്ലാവ​രും അറിഞ്ഞി​രി​ക്കണം.

4. വയൽസേ​വ​ന​യോ​ഗത്തെ മറ്റു സഭാ​യോ​ഗ​ങ്ങ​ളെ​ക്കാൾ പ്രാധാ​ന്യം കുറഞ്ഞ​താ​യി വീക്ഷി​ക്ക​രു​താ​ത്തത്‌ എന്തു​കൊണ്ട്‌?

⁴ മറ്റു സഭാ​യോ​ഗ​ങ്ങ​ളെ​ക്കാൾ പ്രാധാ​ന്യം കുറഞ്ഞതല്ല: ശുശ്രൂ​ഷ​യ്‌ക്കു പോകു​ന്ന​വ​രു​ടെ പ്രയോ​ജ​ന​ത്തി​നു​വേ​ണ്ടി​യാണ്‌ വയൽസേ​വ​ന​യോ​ഗം എന്നതു​കൊണ്ട്‌ സഭയി​ലുള്ള എല്ലാവ​രും ഇതിൽ ഹാജരാ​ക​ണ​മെ​ന്നില്ല. എന്നാലും മറ്റു സഭാ​യോ​ഗ​ങ്ങ​ളെ​ക്കാൾ വില കുറഞ്ഞ​തോ പ്രാധാ​ന്യം കുറഞ്ഞ​തോ ആയി ഇതിനെ വീക്ഷി​ക്ക​രുത്‌. മറ്റുള്ള യോഗ​ങ്ങ​ളെ​പ്പോ​ലെ​തന്നെ വയൽസേ​വ​ന​യോ​ഗ​വും യഹോ​വ​യിൽനി​ന്നുള്ള ഒരു കരുത​ലാ​യി നമ്മൾ കാണണം. ഇതും സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ പറ്റിയ ഒന്നാണ്‌. (എബ്രാ. 10:24, 25) വയൽസേ​വ​ന​യോ​ഗം നടത്തു​ന്നവർ നന്നായി തയ്യാറാ​കണം. അങ്ങനെ​യാ​യാൽ യോഗ​ത്തി​ലെ ചർച്ചകൾ യഹോ​വ​യ്‌ക്ക്‌ മഹത്വം കൈവ​രു​ത്തു​ക​യും ഹാജരാ​യി​രി​ക്കു​ന്ന​വർക്കെ​ല്ലാം പ്രയോ​ജ​ന​പ്പെ​ടു​ക​യും ചെയ്യും. ശുശ്രൂ​ഷ​യ്‌ക്കു പോകാൻ ക്രമീ​ക​രി​ക്കു​ന്നവർ സാധി​ക്കു​മെ​ങ്കിൽ ഹാജരാ​കാൻ നല്ല ശ്രമം ചെയ്യണം.

5. (എ) വയൽസേ​വ​ന​യോ​ഗം ക്രമീ​ക​രി​ക്കു​ന്ന​തിൽ സേവന മേൽവി​ചാ​ര​കന്റെ പങ്ക്‌ എന്താണ്‌? (ബി) ഒരു സഹോ​ദരി വയൽസേ​വ​ന​യോ​ഗം നടത്തു​ന്നത്‌ എങ്ങനെ​യാ​യി​രി​ക്കും?

⁵ നടത്തു​ന്ന​വ​രു​ടെ തയ്യാറാ​കൽ: സഭാ​യോ​ഗ​ങ്ങ​ളി​ലെ ഒരു ഭാഗം നന്നായി തയ്യാറാ​യി അവതരി​പ്പി​ക്ക​ണ​മെ​ങ്കിൽ നിയമനം നേര​ത്തെ​തന്നെ ലഭിച്ചി​രി​ക്കണം. വയൽസേ​വ​ന​യോ​ഗ​ത്തി​ന്റെ കാര്യ​ത്തി​ലും ഇത്‌ സത്യമാണ്‌. വയൽസേവന കൂട്ടങ്ങൾ വെവ്വേറെ കൂടി​വ​രു​മ്പോൾ ഗ്രൂപ്പ്‌ മേൽവി​ചാ​ര​ക​നോ സഹായി​യോ തങ്ങളുടെ കൂട്ടത്തി​നു​വേണ്ടി യോഗം നടത്തുന്നു. എന്നാൽ സഭയ്‌ക്കു മുഴു​വ​നാ​യി വയൽസേ​വ​ന​യോ​ഗം നടത്തു​മ്പോൾ സേവന മേൽവി​ചാ​രകൻ ഒരു നിർവാ​ഹ​കനെ നിയമി​ക്കണം. ചില സേവന മേൽവി​ചാ​ര​ക​ന്മാർ നിർവാ​ഹ​കർക്കെ​ല്ലാം പട്ടിക കൊടു​ത്തിട്ട്‌ അതിന്റെ പകർപ്പ്‌ സഭയുടെ നോട്ടീസ്‌ ബോർഡിൽ പതിപ്പി​ക്കു​ന്നു. സേവന മേൽവി​ചാ​രകൻ നിർവാ​ഹ​കരെ നിയമി​ക്കു​മ്പോൾ നല്ല ന്യായ​ബോ​ധം പ്രകട​മാ​ക്കണം. കാരണം, യോഗ​ത്തി​ന്റെ ഗുണമേന്മ, പഠിപ്പി​ക്ക​ലി​നെ​യും നിർവാ​ഹ​ക​രു​ടെ സംഘാ​ട​ന​പ്രാ​പ്‌തി​യെ​യും ആശ്രയി​ച്ചാ​ണി​രി​ക്കു​ന്നത്‌. ഏതെങ്കി​ലും ദിവസം ഒരു മൂപ്പനോ ശുശ്രൂ​ഷാ​ദാ​സ​നോ യോഗ്യ​ത​യുള്ള സ്‌നാ​ന​മേറ്റ മറ്റൊരു സഹോ​ദ​ര​നോ ഇല്ലാത്ത​പക്ഷം സേവന മേൽവി​ചാ​രകൻ പ്രാപ്‌ത​യായ ഒരു സഹോ​ദ​രി​യെ വയൽസേ​വ​ന​യോ​ഗം നടത്താൻ നിയമി​ക്കണം.—“ഒരു സഹോ​ദരി നടത്തേ​ണ്ട​താ​യി വരു​മ്പോൾ” എന്ന ലേഖനം കാണുക.

6. വയൽസേ​വ​ന​യോ​ഗം നടത്തു​ന്നവർ നന്നായി തയ്യാറാ​കേ​ണ്ടത്‌ എന്തു​കൊണ്ട്‌?

⁶ ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​ലോ സേവന​യോ​ഗ​ത്തി​ലോ ഒരു നിയമനം ലഭിക്കു​മ്പോൾ നാം അത്‌ ഗൗരവ​മാ​യെ​ടുത്ത്‌ നന്നായി തയ്യാറാ​കു​ന്നു. നിയമനം നടത്തു​മ്പോൾ എന്തു പറയും എന്നതി​നെ​പ്പറ്റി ചിന്തിച്ചു തുടങ്ങു​ന്നത്‌ യോഗ​ത്തി​നു​വേണ്ടി യാത്ര ചെയ്യു​മ്പോ​ഴാ​യി​രി​ക്കില്ല. ഒരു വയൽസേ​വ​ന​യോ​ഗം നടത്തു​ന്ന​തി​ലും ഇതേ വീക്ഷണം പുലർത്തണം. ഇപ്പോൾ വയൽസേ​വ​ന​യോഗ സമയം ചുരു​ക്കി​യി​ട്ടു​ള്ള​തി​നാൽ അത്‌ അർഥവ​ത്താ​വു​ക​യും സമയത്തി​നു തീരു​ക​യും ചെയ്യണ​മെ​ങ്കിൽ നല്ല തയ്യാറാ​കൽ കൂടിയേ തീരൂ. എവിടെ പ്രവർത്തി​ക്കു​മെന്ന്‌ മുന്നമേ തീരു​മാ​നി​ക്കു​ന്ന​തും നല്ല തയ്യാറാ​ക​ലിൽപ്പെ​ടും.

7. നിർവാ​ഹ​കന്‌ ചർച്ച ചെയ്യാ​വുന്ന ചില കാര്യങ്ങൾ എന്തൊ​ക്കെ​യാണ്‌?

⁷ എന്തു ചർച്ച ചെയ്യണം: ഓരോ പ്രദേ​ശ​ത്തെ​യും സാഹച​ര്യ​ങ്ങൾ വ്യത്യ​സ്‌ത​മാ​യ​തി​നാൽ വിശ്വ​സ്‌ത​നായ അടിമ ഓരോ വയൽസേ​വ​ന​യോ​ഗ​ത്തി​നും ബാഹ്യ​രേഖ തരുന്നില്ല. “വയൽസേ​വ​ന​യോ​ഗ​ത്തിൽ പരിചി​ന്തി​ക്കാ​നാ​കുന്ന വിവരങ്ങൾ” എന്ന ചതുര​ത്തിൽ സാധ്യ​ത​യുള്ള ചില ബാഹ്യ​രേ​ഖകൾ കൊടു​ത്തി​രി​ക്കു​ന്നു. സാധാ​ര​ണ​ഗ​തി​യിൽ ഒരു ചർച്ചയാ​യി​ട്ടാണ്‌ യോഗം നടത്തേ​ണ്ടത്‌. ചില​പ്പോ​ഴൊ​ക്കെ നന്നായി തയ്യാറായ ഒരു അവതര​ണ​മാ​കാം, അല്ലെങ്കിൽ jw.org -ൽ നിന്നെ​ടുത്ത അനു​യോ​ജ്യ​മായ വീഡി​യോ ആകാം. വയൽസേ​വ​ന​യോ​ഗം നടത്തുന്ന വ്യക്തി ശുശ്രൂ​ഷ​യിൽ ആ ദിവസം പോകു​ന്ന​വരെ പ്രോ​ത്സാ​ഹി​പ്പി​ക്കാ​നും പരിശീ​ലി​പ്പി​ക്കാ​നും എന്താണ്‌ വേണ്ട​തെന്ന്‌ തയ്യാറാ​കു​മ്പോൾ ചിന്തി​ക്കണം.

8. ശനിയാ​ഴ്‌ച​ക​ളി​ലെ​യും ഞായറാ​ഴ്‌ച​ക​ളി​ലെ​യും വയൽസേ​വ​ന​യോ​ഗ​ത്തിൽ എന്തു ചർച്ച ചെയ്യു​ന്ന​താ​യി​രി​ക്കാം ഏറ്റവും പ്രയോ​ജ​ന​പ്രദം?

⁸ ഉദാഹ​ര​ണ​ത്തിന്‌ മിക്ക പ്രസാ​ധ​ക​രും ശനിയാഴ്‌ച വീക്ഷാ​ഗോ​പു​രം, ഉണരുക! മാസി​കകൾ സമർപ്പി​ക്കും. ശനിയാഴ്‌ച ശുശ്രൂ​ഷ​യ്‌ക്കു പോകുന്ന പലരും ഇടദി​വ​സ​ങ്ങ​ളിൽ പോകാ​ത്ത​തി​നാൽ അവർ കുടും​ബാ​രാ​ധ​ന​യിൽ ചിന്തിച്ച വിവരങ്ങൾ മറന്നു പോ​യേ​ക്കാം. അതിനാൽ നമ്മുടെ രാജ്യ​ശു​ശ്രൂ​ഷ​യി​ലെ മാതൃ​കാ​വ​ത​രണം പുനര​വ​ലോ​കനം ചെയ്യു​ന്നത്‌ പ്രയോ​ജ​ന​പ്രദം ആയിരി​ക്കും. സാധ്യ​മായ മറ്റൊരു വിധം, പ്രാ​ദേ​ശിക വാർത്ത​യോ സംഭവ​മോ വിശേ​ഷ​ദി​വ​സ​മോ മാസി​ക​യു​മാ​യി എങ്ങനെ കോർത്തി​ണക്കി അവതരി​പ്പി​ക്കാം എന്നു കാണി​ക്കു​ന്ന​താണ്‌. മാസിക സ്വീക​രി​ക്കു​ന്ന​വ​രു​ടെ അടുത്ത്‌ മടങ്ങി​ച്ചെ​ല്ലാ​നുള്ള ഒരുക്കങ്ങൾ നടത്തു​ന്ന​താ​യി കാണി​ക്കു​ന്ന​താണ്‌ മറ്റൊരു വിധം. വയൽസേ​വ​ന​യോ​ഗ​ത്തി​നു വന്നിട്ടുള്ള ആരെങ്കി​ലും ഇതി​നോ​ടകം ആ മാസിക സമർപ്പി​ച്ചി​ട്ടു​ണ്ടെ​ങ്കിൽ ഹ്രസ്വ​മായ നിർദ്ദേ​ശ​ങ്ങ​ളോ നല്ല അനുഭ​വ​ങ്ങ​ളോ പങ്കു​വെ​ക്കാൻ നിർവാ​ഹ​കന്‌ അവരോട്‌ ആവശ്യ​പ്പെ​ടാ​വു​ന്ന​താണ്‌. ഞായറാ​ഴ്‌ച​ക​ളിൽ, ആ മാസത്തെ സമർപ്പ​ണ​സാ​ഹി​ത്യം ഉപയോ​ഗിച്ച്‌ ഇതേ വിധത്തിൽ വയൽസേ​വ​ന​യോ​ഗം നടത്താൻ ചില നിർവാ​ഹകർ തീരു​മാ​നി​ച്ചേ​ക്കാം. ദൈവം പറയു​ന്നതു കേൾക്കു​വിൻ!, സുവാർത്താ ലഘുപ​ത്രിക, ബൈബിൾ പഠിപ്പി​ക്കു​ന്നു പുസ്‌തകം എന്നിങ്ങനെ അധ്യയ​ന​ത്തിന്‌ ഉപയോ​ഗി​ക്കുന്ന പ്രസി​ദ്ധീ​ക​ര​ണങ്ങൾ ഏതു ദിവസ​വും സമർപ്പി​ക്കാം. അതിനാൽ ഇതിൽ ഏതെങ്കി​ലും ഒന്ന്‌ സമർപ്പി​ക്കാ​നുള്ള വിവരങ്ങൾ നിർവാ​ഹ​കന്‌ ഹ്രസ്വ​മാ​യി പരിചി​ന്തി​ക്കാം.

9. വാരാ​ന്ത​ങ്ങ​ളിൽ സഭ പ്രത്യേക പ്രചാ​ര​ണ​വേ​ല​യിൽ ഏർപ്പെ​ടുന്ന സമയത്ത്‌ എന്തൊക്കെ ചർച്ച ചെയ്യാം?

⁹ വാരാ​ന്ത​ത്തിൽ സഭ പ്രത്യേക പ്രചാ​ര​ണ​വേ​ല​യിൽ ഏർപ്പെ​ട്ടി​രി​ക്കു​ക​യാ​ണെ​ങ്കിൽ പുതിയ മാസി​ക​ക​ളോ​ടൊ​പ്പം ക്ഷണക്കത്തോ ലഘു​ലേ​ഖ​യോ സമർപ്പി​ക്കു​ന്ന​തി​നെ​ക്കു​റിച്ച്‌ പറയാ​നാ​കും. അല്ലെങ്കിൽ താത്‌പ​ര്യം കാണിച്ച ഇടങ്ങളിൽ എന്തു ചർച്ച ചെയ്യണ​മെ​ന്നും നിർവാ​ഹ​കന്‌ പറയാൻ കഴിയും. ഇങ്ങനെ​യുള്ള പ്രചാ​ര​ണ​വേ​ല​യു​ടെ മൂല്യം എടുത്തു​കാ​ണി​ക്കുന്ന അനുഭ​വങ്ങൾ വിവരി​ക്കു​ന്ന​താ​യി​രി​ക്കാം വയൽസേ​വ​ന​യോ​ഗം നടത്താ​നുള്ള മറ്റൊരു മാർഗം.

10, 11. വയൽസേ​വ​ന​യോ​ഗം വിജയി​പ്പി​ക്കു​ന്ന​തിൽ പ്രസാ​ധ​ക​രു​ടെ തയ്യാറാ​കൽ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁰ പ്രസാ​ധ​ക​രു​ടെ തയ്യാറാ​കൽ: വയൽസേ​വ​ന​യോ​ഗം നന്നായി നടത്തു​ന്ന​തിൽ പ്രസാ​ധ​കർക്കും ഒരു പങ്കുണ്ട്‌. കുടും​ബാ​രാ​ധ​ന​യി​ലോ മറ്റോ ശുശ്രൂ​ഷ​യ്‌ക്കാ​യി മുന്നമേ തയ്യാറാ​കു​മ്പോൾ, ലഭിക്കുന്ന വിവര​ങ്ങ​ളിൽ ചിലത്‌ മറ്റു പ്രസാ​ധ​ക​രു​മാ​യി പങ്കു​വെ​ക്കാ​നാ​കും. മാസി​ക​ക​ളും മറ്റു സാഹി​ത്യ​ങ്ങ​ളും വയൽസേ​വ​ന​യോ​ഗ​ത്തി​നു വരുന്ന​തി​നു മുമ്പേ കൈയിൽ കരുതു​ന്നത്‌ നന്നായി തയ്യാറാ​കു​ന്ന​തിൽ ഉൾപ്പെ​ടു​ന്നു. ഇങ്ങനെ​യാ​യാൽ സമയം കളയാതെ എല്ലാവർക്കും പ്രവർത്ത​ന​സ്ഥ​ല​ത്തേക്കു പെട്ടെന്ന്‌ പോകാ​നാ​കും.

¹¹ വയൽസേ​വ​ന​യോ​ഗം തുടങ്ങു​ന്ന​തിന്‌ ഏതാനും മിനിട്ട്‌ മുമ്പ്‌ വരുന്നത്‌ പ്രധാ​ന​മാണ്‌. സഭാ​യോ​ഗ​ങ്ങൾക്കെ​ല്ലാം സമയത്തിന്‌ എത്താൻ നമ്മൾ ശ്രമി​ക്കു​ന്നു എന്നത്‌ ശരിയാണ്‌. എന്നാൽ വയൽസേ​വ​ന​യോ​ഗ​ത്തിന്‌ നമ്മൾ വൈകി​യാണ്‌ എത്തുന്ന​തെ​ങ്കിൽ അത്‌ കൂടുതൽ കുഴപ്പ​ങ്ങൾക്ക്‌ ഇടയാ​ക്കും. ഇത്‌ എങ്ങനെ​യാണ്‌? നേതൃ​ത്വ​മെ​ടു​ക്കുന്ന സഹോ​ദരൻ കൂട്ടത്തെ സംഘടി​പ്പി​ക്കു​ന്ന​തി​നു മുമ്പ്‌ പല കാര്യങ്ങൾ കണക്കി​ലെ​ടു​ക്കും. പ്രസാ​ധകർ കുറവാ​ണെ​ങ്കിൽ ഭാഗി​ക​മാ​യി പ്രവർത്തിച്ച ഒരു പ്രദേ​ശ​ത്തേക്ക്‌ എല്ലാവ​രെ​യും വിടാൻ അദ്ദേഹം തീരു​മാ​നി​ച്ചേ​ക്കാം. പ്രദേശം ദൂരെ​യാ​യി​രി​ക്കു​ക​യും എന്നാൽ ചിലർ വയൽസേ​വ​ന​യോ​ഗ​ത്തിന്‌ ഏറെ ദൂരം നടന്നു​വ​രി​ക​യു​മാണ്‌ ചെയ്‌ത​തെ​ങ്കിൽ വാഹന​മു​ള്ള​വ​രോ​ടൊ​പ്പം അദ്ദേഹം ഇവരെ തിരി​ച്ചു​വി​ട്ടേ​ക്കാം. അത്ര സുരക്ഷി​ത​മ​ല്ലാത്ത പ്രദേ​ശ​ത്താണ്‌ പ്രവർത്തി​ക്കു​ന്ന​തെ​ങ്കിൽ സഹോ​ദ​രി​മാ​രു​ടെ കൂട്ടം പ്രവർത്തി​ക്കു​ന്ന​തി​ന​ടുത്ത്‌ സഹോ​ദ​ര​ന്മാ​രെ അദ്ദേഹം നിയമി​ച്ചേ​ക്കാം. ശാരീ​രിക വൈക​ല്യ​മുള്ള പ്രസാ​ധ​കരെ നിരപ്പായ, അധികം നിലകൾ ഇല്ലാത്ത വീടുകൾ ഉള്ള തെരു​വു​ക​ളിൽ പ്രവർത്തി​ക്കാൻ നിയമി​ച്ചേ​ക്കാം. പുതിയ പ്രസാ​ധ​കരെ അനുഭ​വ​പ​രി​ചയം ഉള്ളവ​രോ​ടൊ​പ്പം നിയമി​ച്ചേ​ക്കാം. എന്നാൽ വൈകി വരുന്ന​വരെ ഉൾപ്പെ​ടു​ത്താൻ ഈ ക്രമീ​ക​ര​ണങ്ങൾ തിരു​ത്തു​ക​യോ മാറ്റു​ക​യോ ചെയ്യേണ്ടി വന്നേക്കാം. ചില​പ്പോൾ വൈകി വരുന്ന​തി​നു തക്ക കാരണം കണ്ടേക്കാം. എന്നാൽ വൈകി വരുന്നത്‌ നമ്മുടെ പതിവാ​ണെ​ങ്കിൽ വയൽസേ​വ​ന​യോ​ഗ​ത്തോ​ടുള്ള വിലമ​തി​പ്പി​ല്ലാ​യ്‌മ​മൂ​ല​മാ​ണോ അതോ നമ്മു​ടെ​തന്നെ സംഘാ​ട​ന​ത്തി​ന്റെ അഭാവ​മാ​ണോ എന്ന്‌ സ്വയം ചോദി​ക്കണം.

12. ശുശ്രൂ​ഷ​യ്‌ക്ക്‌ സ്വന്തമായ ക്രമീ​ക​ര​ണ​മാണ്‌ സാധാ​ര​ണ​യാ​യി നിങ്ങൾ ചെയ്യു​ന്ന​തെ​ങ്കിൽ ഇനി എന്തുകൂ​ടി പരിഗ​ണി​ക്കണം?

¹² ശുശ്രൂ​ഷ​യ്‌ക്ക്‌ കൂടി​വ​രുന്ന പ്രസാ​ധകർ യോഗ​ത്തി​നു​മുമ്പ്‌ പ്രവർത്തി​ക്കാ​നാ​യി സ്വന്തം ക്രമീ​ക​രണം നടത്തു​ന്ന​തിൽ തെറ്റില്ല. അല്ലെങ്കിൽ നിർവാ​ഹകൻ ഒരു പങ്കാളി​യെ നിയമി​ച്ചു​കൊ​ടു​ക്കും. സ്വന്തമാ​യി ക്രമീ​ക​രണം നടത്തു​ന്ന​താണ്‌ നിങ്ങളു​ടെ പതി​വെ​ങ്കിൽ എല്ലായ്‌പ്പോ​ഴും കൂടെ പ്രവർത്തി​ക്കുന്ന ഉറ്റ സുഹൃ​ത്തു​ക്ക​ളു​മാ​യി മാത്രം പ്രവർത്തി​ക്കാ​തെ മറ്റുള്ള​വ​രോ​ടൊ​പ്പം പ്രവർത്തി​ച്ചു​കൊണ്ട്‌ ‘വിശാ​ല​ത​യു​ളള’വരാകാൻ ശ്രമി​ച്ചു​കൂ​ടേ? (2 കൊരി. 6:11-13) താരത​മ്യേന പുതിയ പ്രസാ​ധ​ക​രു​ടെ പഠിപ്പി​ക്കൽപ്രാ​പ്‌തി മെച്ച​പ്പെ​ടു​ത്താൻ സഹായി​ച്ചു​കൊണ്ട്‌ ഇടയ്‌ക്കൊ​ക്കെ നിങ്ങൾക്ക്‌ അവരോ​ടൊ​പ്പം പ്രവർത്തി​ച്ചു​കൂ​ടേ? (1 കൊരി. 10:24; 1 തിമൊ. 4:13, 15) പ്രവർത്തനം തുട​ങ്ങേ​ണ്ടത്‌ എവി​ടെ​യാണ്‌ എന്നതുൾപ്പെ​ടെ​യുള്ള നിർദ്ദേ​ശങ്ങൾ ശ്രദ്ധിച്ച്‌ കേൾക്കുക. നേരത്തെ നടത്തിയ ക്രമീ​ക​ര​ണങ്ങൾ മാറ്റാതെ യോഗം കഴിയു​മ്പോൾ ഉടനടി പ്രദേ​ശ​ത്തേക്ക്‌ പോകുക.

13. എല്ലാവ​രും ആത്മാർഥ​മാ​യി തങ്ങളുടെ ഭാഗം നിർവ​ഹി​ച്ചാൽ വയൽസേ​വ​ന​യോ​ഗങ്ങൾ നമുക്കു പ്രയോ​ജ​ന​പ്പെ​ടു​ന്നത്‌ എങ്ങനെ?

¹³ ശുശ്രൂ​ഷ​യ്‌ക്കാ​യി യേശു സംഘടി​പ്പിച്ച 70 പേർ പ്രസം​ഗ​ത്തി​നു​ശേഷം “സന്തോ​ഷ​ത്തോ​ടെ മടങ്ങി​വന്നു.” (ലൂക്കോ. 10:17) പ്രസം​ഗി​ക്കാൻ ശിഷ്യ​ന്മാ​രെ അയയ്‌ക്കു​ന്ന​തി​നു മുമ്പ്‌ യേശു അവരോ​ടൊ​പ്പം നടത്തിയ യോഗ​മാണ്‌ വിജയി​ക്കാൻ അവരെ സഹായി​ച്ചത്‌ എന്നതിൽ സംശയ​മില്ല. ഇന്നും വയൽസേ​വ​ന​യോ​ഗ​ത്തിൽനി​ന്നു സമാന​മായ ഫലം ലഭിക്കും. എല്ലാവ​രും ആത്മാർഥ​മാ​യി തങ്ങളുടെ ഭാഗം നിർവ​ഹി​ച്ചാൽ വയൽസേ​വ​ന​യോ​ഗം നമ്മെ പ്രോ​ത്സാ​ഹി​പ്പി​ക്കു​ക​യും പരിശീ​ലി​പ്പി​ക്കു​ക​യും സംഘടി​പ്പി​ക്കു​ക​യും അങ്ങനെ “സകലജാ​തി​കൾക്കും സാക്ഷ്യ​മാ​യി” പ്രസം​ഗി​ക്കുക എന്ന നമ്മുടെ നിയോ​ഗം പൂർത്തീ​ക​രി​ക്കാ​നു​മാ​കും.—മത്താ. 24:14.