ലോകത്തെ വീക്ഷിക്കൽ

മിച്ചം​വ​രുന്ന പാൽ ഒഴിച്ചു​ക​ള​ഞ്ഞു

കഠിന​മായ ഭക്ഷ്യദൗർല​ഭ്യ​ങ്ങ​ളു​ണ്ടാ​യി​രു​ന്നി​ട്ടും, ദക്ഷിണാ​ഫ്രി​ക്ക​യി​ലെ ക്ഷീരോ​ത്‌പാ​ദന കേന്ദ്രങ്ങൾ കഴിഞ്ഞ അഞ്ചുവർഷ​ങ്ങ​ളി​ലാ​യി ലക്ഷക്കണ​ക്കി​നു ലിററർ പാൽ ഒഴിച്ചു​ക​ള​ഞ്ഞി​രി​ക്കു​ന്നു. മിച്ചം​വ​രുന്ന പാൽ വിതരണം ചെയ്യാൻ ഏർപ്പാടു ചെയ്യേ​ണ്ടി​യി​രുന്ന ക്ഷീരോ​ത്‌പാ​ദ​ന​ബോർഡ്‌, പാലുൽപാ​ദ​ന​കേ​ന്ദ്ര​ങ്ങ​ളു​ടെ​മേൽ ഒരു കരം ഈടാ​ക്കി​യി​രു​ന്നു. ബോർഡ്‌ അങ്ങനെ ചെയ്യാ​തി​രു​ന്ന​തി​നാൽ ദേശീയ പാൽ വിതരണ അസോ​സി​യേ​ഷന്റെ ഒരുന്ന​താ​ധി​കാ​രി പറഞ്ഞു: “ഞങ്ങൾക്ക്‌ എന്തു​ചെ​യ്യാൻ കഴിയും? ഞങ്ങൾ ഒഴിച്ചു​ക​ളഞ്ഞേ പററൂ. പാൽ സൗജന്യ​മാ​യി കൊടു​ക്കു​ക​യോ നീക്കാൻ പണം ചെലവാ​ക്കു​ക​യോ ചെയ്‌തു​കൊ​ണ്ടു ഞങ്ങളു​ടെ​തന്നെ സാമ്പത്തിക അവസ്ഥയെ തുരങ്കം​വ​യ്‌ക്കു​ന്നതു സാമ്പത്തി​ക​വി​വേ​കമല്ല.” നേരെ​മ​റിച്ച്‌, മററു സ്ഥാപനങ്ങൾ പാഴാ​ക്ക​ലി​നെ​പ്പ​ററി പരിത​പി​ച്ചു. “ദക്ഷിണ ആഫ്രി​ക്ക​യി​ലെ ലക്ഷക്കണ​ക്കി​നു വൃദ്ധർ അവശ്യ​സാ​ധ​നങ്ങൾ വാങ്ങി​ക്കു​ന്ന​തി​നു​പോ​ലും മല്ലിടുന്ന സമയത്ത്‌” പാൽ ഒഴിച്ചു​ക​ള​ഞ്ഞി​രി​ക്കു​ന്നു​വെന്നു വൃദ്ധർക്കു​വേ​ണ്ടി​യുള്ള സമിതി പ്രസ്‌താ​വി​ച്ചു. (g92 11/22)

മേഘങ്ങളെ കൊയ്‌തെ​ടു​ക്കു​ന്നു

ചിലി​യി​ലെ ചുംഗു​ങ്ങ്‌ഗൊ എന്ന ചെറു ദരിദ്ര മത്സ്യബന്ധന ഗ്രാമ​ത്തിൽ വർഷങ്ങ​ളോ​ളം കുടി​ക്കാ​നുള്ള ശുദ്ധജലം ഇല്ലായി​രു​ന്നു. എന്നാൽ, വെള്ളം ശേഖരി​ക്കാ​നുള്ള ഒരു അപൂർവ്വ​മായ രീതി​നി​മി​ത്തം ഈയിടെ അതു മാറി. ഈ പ്രദേ​ശത്തു മഴ വിരള​മാണ്‌, എങ്കിലും പസഫിക്ക്‌ സമു​ദ്ര​ത്തിൽനി​ന്നു മൂടൽമഞ്ഞ്‌ പതിവാ​യി ഉരുണ്ടു​കൂ​ടി വന്നിരു​ന്നു. ഗ്രാമ​ത്തി​നു മുകളി​ലാ​യി 800 മീററർ ഉയരമുള്ള പർവ്വത​ത്തി​നു മുകളി​ലൂ​ടെ കടന്നു​പോ​കു​മ്പോൾ മൂടൽമഞ്ഞു പ്രത്യേ​കി​ച്ചും സാന്ദ്ര​മാ​യി​രി​ക്കും. ഇവിടെ കാനഡ​യി​ലെ​യും ചിലി​യി​ലെ​യും ശാസ്‌ത്ര​ജ്ഞൻമാ​രു​ടെ ഒരു സംഘം, ഈ മേഘങ്ങ​ളിൽനി​ന്നു വെള്ളം കൊയ്‌തെ​ടു​ക്കാൻ രൂപകൽപ്പന ചെയ്‌തി​ട്ടുള്ള, ചെറു സുഷി​ര​ങ്ങ​ളോ​ടു​കൂ​ടിയ 50 വലിയ പ്ലാസ്‌റ​റിക്ക്‌ വലകൾ വിരിച്ചു. വലയിൽ തുള്ളികൾ കുടു​ങ്ങു​ന്ന​ത​നു​സ​രിച്ച്‌ അവ ഒത്തു​ചേ​രു​ക​യും വലയുടെ കടയ്‌ക്ക​ലുള്ള കുഴലി​ലേക്ക്‌ ഇററി​ററു താഴോ​ട്ടു വീഴു​ക​യും ചെയ്യുന്നു. കുഴലു​കൾ ഒത്തു​ചേ​രു​ക​യും താഴെ ഗ്രാമ​ത്തി​ലേക്കു വെള്ളം കൊണ്ടു​പോ​വു​ക​യും ചെയ്യുന്നു. യാതൊ​രു ഊർജ്ജ​വും ഉപയോ​ഗി​ക്കാ​തെ എളുപ്പ​ത്തിൽ സാധി​ക്കുന്ന ഈ ഏർപ്പാട്‌ ചുംഗു​ങ്ങ്‌ഗൊ​യി​ലെ 350 നിവാ​സി​ക​ളിൽ ഓരോ​രു​ത്തർക്കും ദിവസം ഏകദേശം 25 ലിററർ കുടി​ക്കാ​നുള്ള ശുദ്ധജലം നൽകുന്നു. ആറു ഭൂഖണ്ഡ​ങ്ങ​ളി​ലാ​യി ഏതാണ്ട്‌ 22 രാജ്യ​ങ്ങൾക്ക്‌ ഇതു​പോ​ലൊ​രു പദ്ധതി​യിൽനി​ന്നു പ്രയോ​ജനം നേടാൻ കഴിയു​മെന്നു പദ്ധതി​യു​മാ​യി ബന്ധപ്പെട്ട ഗവേഷകർ വിശ്വ​സി​ക്കു​ന്നു. എന്നാൽ ഇതു പുതിയ ഒരാശ​യ​മേയല്ല; വൃക്ഷങ്ങൾ ആയിര​ക്ക​ണ​ക്കി​നു വർഷങ്ങ​ളാ​യി മൂടൽമ​ഞ്ഞിൽനി​ന്നു വെള്ളം കൊയ്‌തു​കൊ​ണ്ടാ​ണി​രി​ക്കു​ന്നത്‌. (g92 12/8)

പായസ​ന​ദി

തീരത്തുള്ള നൂറു​ക​ണ​ക്കിന്‌ ഗ്രാമീ​ണ​രു​ടെ ഭക്ഷണത്തി​ന്റെ നിർണ്ണാ​യക ഉറവാ​യി​രുന്ന തായ്‌ല​ണ്ടി​ലെ നോം പോങ്ങ്‌ നദി, ഈയിടെ പെട്ടെന്ന്‌ കൊഴു​ത്ത​തും ഒട്ടുന്ന​തു​മാ​യി​ത്തീർന്നു. ഏഷ്യാ​വീക്ക്‌ മാസിക പറയുന്ന പ്രകാരം, പ്രാ​ദേ​ശിക പഞ്ചസാ​ര​മി​ല്ലി​ലെ ഒരു സംഭര​ണി​ക്കു പെട്ടെന്നു ചോർച്ച​വ​രു​ക​യും, 9,000 ടൺ വെല്ലം നദിയി​ലേക്കു തള്ളപ്പെ​ടു​ക​യും ചെയ്‌തു. ചെകി​ടി​പ്പു​ണ്ടാ​ക്കും​വി​ധം മധുര​മുള്ള ചോർച്ച നദിയി​ലെ ഓക്‌സി​ജൻ ഇല്ലാതാ​ക്കി​യ​പ്പോൾ, അതു താഴോ​ട്ടു​സ​ഞ്ച​രിച്ച്‌ ഓരോ കിലോ​മീ​റ​റ​റി​നും കണക്കനു​സ​രിച്ച്‌ 872 കിലോ മത്സ്യ​ത്തെ​വീ​തം കൊന്നു. “നാശനി​യ​ന്ത്ര​ണ​ത്തി​നുള്ള വഴി​തെ​റ​റിയ ശ്രമം” എന്ന്‌ ഏഷ്യാ​വീക്ക്‌ വിളിച്ച സംരം​ഭ​ത്തിൽ 840 ക്യുബിക്ക്‌ മീററർ വെള്ളം സമീപ​ത്തുള്ള ഒരു ഡാമിൽനി​ന്നു തുറന്നു​വി​ട്ടു​കൊണ്ട്‌ അധികൃ​തർ ഈ പായസം തള്ളിക്ക​ള​യാൻ ശ്രമിച്ചു. വെല്ലത്തെ 600 കിലോ​മീ​ററർ താഴോ​ട്ടും മററു രണ്ടു നദിക​ളി​ലും​കൂ​ടെ പരത്തു​ന്ന​തി​നും മാത്രമേ പദ്ധതി വിജയി​ച്ചു​ള്ളു. മൂന്നു നദിക​ളും പുനഃ​സ്ഥി​തീ​ക​രി​ക്കു​ന്ന​തി​നു കുറഞ്ഞ​പക്ഷം 12 വർഷ​മെ​ങ്കി​ലു​മെ​ടു​ക്കും എന്നാണ്‌ ഒരു പരിസ്ഥി​തി വിദഗ്‌ദ്ധൻ കണക്കാ​ക്കു​ന്നത്‌. (g92 12/8)

വിദേ​ശ​സ​ഹാ​യം—ആർക്ക്‌ എന്തുകി​ട്ടു​ന്നു?

വിദേ​ശ​സ​ഹാ​യം ദരി​ദ്രർക്കു വളരെ​യ​ധി​കം പ്രയോ​ജ​ന​പ്പെ​ടു​ന്നു​വോ? ഐക്യ​രാ​ഷ്‌ട്ര സംഘട​ന​യു​ടെ മാനവ വികസന റിപ്പോർട്ട്‌ 1992 പ്രകാരം വിദേ​ശ​സ​ഹാ​യ​ത്തി​ന്റെ വെറും 27 ശതമാനം മാത്രമേ ലോക​ത്തി​ലെ 72 ശതമാനം ദരിദ്രർ പാർക്കുന്ന പത്തു രാജ്യ​ങ്ങ​ളി​ലേക്കു പോകു​ന്നു​ള്ളു. ലോക​ത്തി​ലെ വികസ്വര രാജ്യ​ങ്ങ​ളി​ലെ ഏററവും ധനിക​രായ 40 ശതമാ​ന​ത്തിന്‌, ഏററവും ദരി​ദ്ര​രായ 40 ശതമാ​ന​ത്തി​നു കിട്ടു​ന്ന​തി​നേ​ക്കാൾ രണ്ടരയി​രട്ടി സഹായം ലഭിക്കു​ന്നു. ലോക​ത്തി​ലെ ഏകദേശം പകുതി പരമദ​രി​ദ്രർ വസിക്കുന്ന ദക്ഷി​ണേ​ഷ്യൻ രാഷ്‌ട്ര​ങ്ങൾക്ക്‌ ആളൊ​ന്നുക്ക്‌ 5 ഡോളർ ലഭിക്കു​ന്നു. ദക്ഷി​ണേ​ഷ്യ​യു​ടെ ആളോ​ഹരി വരുമാ​ന​ത്തി​ന്റെ മൂന്നി​ര​ട്ടി​യുള്ള മദ്ധ്യപൂർവ്വ​രാ​ജ്യ​ങ്ങൾക്ക്‌, ആളൊ​ന്നുക്ക്‌ 55 ഡോളർ ലഭിക്കു​ന്നു. ആയുധ​ങ്ങ​ളിൽ കൂടുതൽ മിതമാ​യി ചെലവി​ടുന്ന രാജ്യ​ങ്ങ​ളെ​ക്കാൾ രണ്ടിര​ട്ടി​യോ​ളം ആളോ​ഹരി സഹായം, ആയുധ​ങ്ങ​ളിൽ ഭീമമാ​യി ചെലവി​ടുന്ന രാഷ്‌ട്ര​ങ്ങൾക്കു ലഭിക്കു​ന്നു​വെ​ന്നും റിപ്പോർട്ടു കൂട്ടി​ച്ചേർക്കു​ന്നു. അടിസ്ഥാന മാനു​ഷി​കാ​വ​ശ്യ​ങ്ങൾക്ക്‌—വിദ്യാ​ഭ്യാ​സം, ആരോ​ഗ്യ​പ​രി​പാ​ലനം, നല്ല കുടി​വെള്ളം, ശുചീ​ക​രണം, കുടും​ബാ​സൂ​ത്രണം, പോഷ​കാ​ഹാ​ര​പ​രി​പാ​ടി എന്നിവക്ക്‌ ധനസഹാ​യ​ത്തി​ന്റെ ഏററവും ചെറി​യ​പങ്ക്‌ (ദ്വിപ​ക്ഷീയ സഹായ​ത്തി​ന്റെ 7 ശതമാ​ന​വും കൂട്ടായ സഹായ​ത്തി​ന്റെ 10 ശതമാ​ന​വും) ആണ്‌ ആകെപ്പാ​ടെ ലഭിക്കു​ന്നത്‌. (g92 11/22)

നീണ്ടകാ​ലം ജീവി​ക്കുന്ന ജപ്പാൻകാർ

ലോകാ​രോ​ഗ്യ സംഘട​ന​യു​ടെ സ്ഥിതി​വി​വ​ര​ക്ക​ണ​ക്ക​നു​സ​രിച്ച്‌ ഭൂമി​യി​ലെ ഏതൊരു രാഷ്‌ട്ര​ത്തി​ലു​ള്ള​വ​രെ​ക്കാ​ളും ആയുർ​ദൈർഘ്യ​മു​ള്ളവർ ജപ്പാൻകാ​രാണ്‌. ജപ്പാനിൽ സ്‌ത്രീ​ക​ളു​ടെ ആയുർ​ദൈർഘ്യം ശരാശരി 82.5 വർഷവും പുരു​ഷൻമാ​രു​ടേത്‌ 76.2 വർഷവു​മാണ്‌. സ്‌ത്രീ​ക​ളു​ടെ ആയുർ​ദൈർഘ്യ​ത്തി​ന്റെ കാര്യ​ത്തിൽ രണ്ടാം​സ്ഥാ​നം ഫ്രാൻസി​നാണ്‌, 81.5 വർഷം, തൊട്ടു​പി​ന്നാ​ലെ സ്വിറ​റ്‌സർല​ണ്ടു​മുണ്ട്‌ 81.0 വർഷം. പുരു​ഷൻമാ​രു​ടെ കാര്യ​ത്തിൽ രണ്ടാം​സ്ഥാ​നം ഐസ്‌ല​ണ്ടി​നാണ്‌ 75.4 വർഷം, പിറകെ ഗ്രീസും 74.3 വർഷം. 350 പേജുള്ള സ്ഥിതി​വി​വ​ര​വാർഷി​ക​പ്പ​തിപ്പ്‌ മററു രസകര​മായ വസ്‌തു​ത​ക​ളും പ്രദാനം ചെയ്യുന്നു. ഓരോ സ്‌ത്രീ​ക്കും ശരാശരി 8.3 കുട്ടി​ക​ളുള്ള റുവാ​ണ്ട​യി​ലാണ്‌ ലോക​ത്തി​ലെ ഏററവും ഉയർന്ന ഉത്‌പാ​ദ​ക​നി​ര​ക്കു​ള്ളത്‌. ഒരു ലക്ഷം പേർക്ക്‌ 1.3 എന്ന ഏററവും താഴ്‌ന്ന ആത്മഹത്യാ​നി​ര​ക്കു​ള്ളത്‌ ബഹാമാ​സി​ലും ഏററവും ഉയർന്ന ആത്മഹത്യാ​നി​രക്ക്‌ ഹംഗറി​യി​ലു​മാണ്‌, 1,00,000 പേർക്ക്‌ 38.2 പേർ വീതം. മോ​ട്ടോർവാ​ഹ​നാ​പ​ക​ട​മ​ര​ണ​ങ്ങ​ളു​ടെ ഏററവും ഉയർന്ന​നി​രക്ക്‌, ദക്ഷിണ അമേരി​ക്ക​യി​ലെ ചെറിയ രാഷ്‌ട്ര​മായ സുറി​നാ​മി​ലാണ്‌, 1,00,000-ൽ 33.5 വീതം. ഏററവും താഴ്‌ന്ന​തോ? ഓരോ 1,00,000 ആളുകൾക്കും വെറും 1.6 മാരക​മായ വാഹനാ​പ​ക​ടങ്ങൾ മാത്ര​മുള്ള മാൾട്ട. (g92 11/22)

ചിലന്തി​ഭയം വേണ്ട

ചിലന്തി​ഭ​യ​ത്തി​നു “കാരണം, പലപ്പോ​ഴും അജ്ഞതയാണ്‌” എന്നു സൗത്താ​ഫ്രി​ക്കൻ പനോരമ എന്ന മാസിക പറയുന്നു. ആഫ്രി​ക്ക​യി​ലെ ചിലന്തി​കളെ സംബന്ധി​ച്ചു മുന്തിയ ആധികാ​രി​ക​ത​യുള്ള ഡോക്ടർ ഓൻസി ഡിപ്പ​നോ​റു​ടെ വേല​യെ​പ്പ​ററി റിപ്പോർട്ടു ചെയ്യവേ, ലോക​ത്തി​ലെ അറിയ​പ്പെ​ടുന്ന തരം ചിലന്തി​ക​ളിൽ 0.2 ശതമാ​ന​ത്തിൽ കുറവേ മനുഷ്യന്‌ അപകട​കാ​രി​ക​ളാ​യി​ട്ടു​ള്ളു​വെന്നു മാസിക ചൂണ്ടി​ക്കാ​ട്ടു​ന്നു. അവയുടെ ഉചിത​മായ സ്ഥാനത്ത്‌, ഈ ചെറു​ജീ​വി​കളെ ശത്രു​ക്ക​ളാ​യല്ല, സുഹൃ​ത്തു​ക്ക​ളാ​യി പരിഗ​ണി​ക്കണം. വിളകൾ നശിപ്പി​ക്കുന്ന പ്രാണി​കളെ നിയ​ന്ത്രി​ക്കു​ന്ന​തിൽ അവ അമൂല്യ​മാണ്‌. ചില തരത്തി​ലു​ള്ള​വ​യിൽ, ഒരേ​യൊ​രു ചിലന്തിക്ക്‌ പ്രതി​ദി​നം 200 കീടക്കു​ഞ്ഞു​ങ്ങളെ കൊല്ലാൻ കഴിയും. ഞാവൽ വയലിൽ ചിലന്തി​കൾ ഉണ്ടായി​രി​ക്കാൻ അനുവ​ദി​ക്കു​ക​യാ​ണെ​ങ്കിൽ, ഉദാഹ​ര​ണ​ത്തിന്‌, ചിലന്തി​കൾ കൊല്ല​പ്പെ​ടുന്ന വയലു​ക​ളേ​ക്കാൾ ഏക്കറിന്‌ 2.4 ടൺ അധിക​വി​ള​വു​ണ്ടാ​യി​രി​ക്കും. “കൃഷി​ക്കാർ ചിലന്തി​ക്കൂ​ട്ട​ങ്ങളെ സംരക്ഷി​ക്കണം, അതുവഴി പരിസ്ഥി​തി മലിനീ​ക​ര​ണ​ത്തി​നി​ട​യാ​ക്കുന്ന ചെല​വേ​റിയ കീടനാ​ശി​നി​ക​ളു​ടെ ഉപയോ​ഗം കുറക്കു​ക​യും ചെയ്യാം” എന്നു ലേഖനം കൂട്ടി​ച്ചേർത്തു. (g92 11/22)

കുടി​യേ​റ​റ​പ്ര​ശ്‌നം

കടുത്ത വരൾച്ച​മൂ​ലം ദക്ഷിണാ​ഫ്രി​ക്ക​യിൽ ആയിര​ക്ക​ണ​ക്കി​നാ​ളു​കൾ തങ്ങളുടെ ഗ്രാമീ​ണ​ഭ​വ​നങ്ങൾ ഉപേക്ഷിച്ച്‌ ജോലി​തേടി പട്ടണങ്ങ​ളി​ലേക്ക്‌ ചേക്കേ​റു​ക​യാണ്‌. സാമ്പത്തിക മാന്ദ്യം ഉള്ളതി​നാൽ, പട്ടണങ്ങ​ളിൽ ജോലി കണ്ടെത്താ​നുള്ള സാദ്ധ്യത വാസ്‌ത​വ​ത്തിൽ ശോഭ​നമല്ല. കുടി​യേ​റ​റ​ത്താ​മ​സ​ക്കാ​രു​ടെ താൽക്കാ​ലിക കുടി​ലു​കൾ വ്യാപ​ക​മാ​യി​ത്തീർന്നി​രി​ക്ക​യാണ്‌. വസ്‌തു​വ​ക​ക​ളു​ടെ വിലയി​ടി​ച്ചി​ലി​നെ​യും മോഷ​ണ​ങ്ങ​ളു​ടെ നാടകീ​യ​മായ വർദ്ധന​വി​നെ​യും കുറിച്ചു സമീപ​വാ​സി​ക​ളായ വീട്ടു​ട​മസ്ഥർ പരാതി​പ്പെ​ടു​ന്നു. കുടി​യേ​റ​റ​ക്കാർക്കു ചെലവു കുറഞ്ഞ താമസ സൗകര്യം ഗവൺമെൻറ്‌ ലഭ്യമാ​ക്ക​ണ​മെന്നു ചിലർ അഭി​പ്രാ​യ​പ്പെ​ടു​ന്നു. എന്നാൽ സൊ​വേതൻ എന്ന വർത്തമാ​ന​പ്പ​ത്രം പറഞ്ഞ​പ്ര​കാ​രം അത്തര​മൊ​രു പദ്ധതി “ചെലവു കുറഞ്ഞ”തോ എളുപ്പ​മോ ആയിരി​ക്കില്ല. കുടി​യേററ ക്യാമ്പു​ക​ളി​ലാ​യി രാജ്യ​ത്തു​ട​നീ​ളം എഴുപതു ലക്ഷം ആളുകൾ ഉണ്ടെന്നാണ്‌ ഒരു ഗവേഷ​ണ​സം​ഘം കണക്കാ​ക്കു​ന്നത്‌. (g92 12/8)

മയക്കു​മ​രുന്ന്‌ എന്നനി​ല​യിൽ കാപ്പി?

കായി​ക​താ​ര​ങ്ങൾക്കു പ്രകടനം മെച്ച​പ്പെ​ടു​ത്താ​നാ​യി, അവർ മയക്കു​മ​രുന്ന്‌ ഉപയോ​ഗി​ക്കു​ന്ന​തു​പോ​ലെ, കാപ്പി ഉപയോ​ഗി​ക്കാൻ സാധി​ക്കും—ചില​പ്പോൾ ഉപയോ​ഗി​ക്കു​ക​യും ചെയ്യുന്നു എന്നു ബ്രസ്സീ​ലി​ലെ ഒരു പ്രൊ​ഫസ്സർ പറഞ്ഞു. ഓ എസ്‌താ​ദോ ദേ എസ്സ്‌. പാവ്‌ലോ എന്ന പത്രം റിപ്പോർട്ടു ചെയ്യു​ന്ന​ത​നു​സ​രി​ച്ചു സ്‌കൂൾ ഓഫ്‌ ഫിസിക്കൽ എഡ്യു​ക്കേഷൻ ഓഫ്‌ ദ ഫെഡറൽ യൂണി​വേ​ഴ്‌സി​ററി ഓഫ്‌ മീനാസ്‌ ജറായ്‌സി​ലെ പ്രൊ​ഫ​സ്സ​റായ ലുയീഷ്‌ ഒഷ്വോൾഡു റുത്രി​ഗിസ്‌ പറയുന്നു: “എന്റെ ഗവേഷ​ണ​ത്തിൽ ഞാൻ നിരീ​ക്ഷി​ച്ചി​ട്ടുള്ള കായി​ക​താ​രങ്ങൾ, അവർ കഴിച്ചി​രുന്ന കാപ്പി നിയമ​വി​രു​ദ്ധ​മെന്നു കരുത​പ്പെ​ടുന്ന അളവി​നേ​ക്കാൾ കുറവാ​യി​രു​ന്നെ​ങ്കിൽപ്പോ​ലും ലഹരി​ക്ക​ടി​മ​ക​ളാ​യി​രു​ന്നു എന്നതിൽ എനിക്കു യാതൊ​രു സംശയ​വു​മില്ല.” അന്താരാ​ഷ്‌ട്ര ഒളിമ്പിക്ക്‌ കമ്മിററി 750 മില്ലി​ഗ്രാം കോഫീൻ ആണ്‌ പരിധി​യാ​യി നിശ്ചയി​ച്ചി​രി​ക്കു​ന്നത്‌. അത്‌ ഏകദേശം 11 കപ്പ്‌ കടുപ്പ​മുള്ള കാപ്പി​യോ​ളം​വ​രും. ഡോക്ടർമാർ പറയു​ന്ന​ത​നു​സ​രിച്ച്‌, ദീർഘ​ദൂര ഓട്ടക്കാർക്ക്‌ അവരുടെ പ്രകട​ന​ത്തിൽ 20 ശതമാ​ന​ത്തോ​ളം വർദ്ധനവ്‌ കാപ്പി​യി​ലെ കോഫീൻമു​ഖാ​ന്തരം ലഭിക്ക​യു​ണ്ടാ​യി. (g92 12/8)

ഡോക്ടർമാ​രെ സമാനു​ഭാ​വം പഠിപ്പി​ക്കു​ന്നു

ഡോക്ടർമാർ കൂടുതൽ സമാനു​ഭാ​വ​മു​ള്ള​വ​രാ​യി​രി​ക്കാൻവേണ്ടി അവരെ പരിശീ​ലി​പ്പി​ക്കു​ന്ന​തി​നുള്ള അസാധാ​ര​ണ​മായ കാര്യ​പ​രി​പാ​ടി​കൾ ഐക്യ​നാ​ടു​ക​ളിൽ ചില ആശുപ​ത്രി​ക​ളി​ലും മെഡിക്കൽ സ്‌കൂ​ളു​ക​ളി​ലും പ്രയോ​ഗ​ത്തിൽ വരുത്തു​ക​യാണ്‌. രോഗി​ക​ളു​ടെ ഭാഗം അഭിന​യി​ക്കു​ന്ന​തി​നു​വേണ്ടി ന്യൂ​യോർക്കു സിററി​യി​ലെ ഒരു ആശുപ​ത്രി അഭി​നേ​താ​ക്കളെ വാടക​യ്‌ക്ക്‌ എടുക്കു​ക​യാണ്‌. പരിശീ​ല​ന​ത്തി​നി​ട​യിൽ, ഡോക്ടർ രോഗി​ക​ളു​ടെ പരാതി​കൾ ശ്രദ്ധി​ക്കു​ന്നതു വീഡി​യോ ടേപ്പിൽ പകർത്തി​യെ​ടു​ക്കു​ക​യും അദ്ദേഹം പിന്നീ​ടതു വീക്ഷി​ക്കു​ക​യും ചെയ്യുന്നു. “ടേപ്പിൽ അതു കാണു​ന്ന​തി​ന്റെ ഫലമായി അവർ താഴ്‌മ​യു​ള്ള​വ​രും ആശ്ചര്യ​ച​കി​ത​രു​മാ​യി തീരുന്നു”വെന്ന്‌ ആശുപ​ത്രി ഡയറക്ട​റായ ഡോ. മാർക്ക്‌ ഷ്വാർട്ട്‌സ്‌ ദ ന്യൂ​യോർക്ക്‌ ടൈംസ്‌ പത്രത്തിൽ പറഞ്ഞു. “‘എന്റെ മുഖത്ത്‌ എല്ലായ്‌പ്പോ​ഴും ഇതേ ഭാവം ആണോ?’ ‘ഞാൻ വാസ്‌ത​വ​ത്തിൽ ഇത്രയും കർക്കശ​നാ​ണോ?’ അവർ അതിശ​യി​ക്കു​ന്നു.” ചികിത്സ സ്വീക​രി​ക്കു​മ്പോ​ഴു​ണ്ടാ​കുന്ന അനുഭവം എപ്രകാ​ര​മാ​ണെന്ന്‌ അറിയു​ന്ന​തി​നു​വേണ്ടി ഡോക്ടർമാർ രോഗി​ക​ളെന്നു നടിച്ചു ആശുപ​ത്രി​ക​ളിൽ പ്രവേ​ശി​ക്കുന്ന ക്രമീ​ക​രണം ചില ആശുപ​ത്രി​ക​ളിൽ നിലവി​ലുണ്ട്‌. പ്രത്യേക വിഷയ​ത്തിൽ ഉപരി​പ​ഠനം നടത്തുന്ന ഡോക്ടർമാ​രു​ടെ ഇന്ദ്രി​യ​ങ്ങളെ തൽക്കാ​ല​ത്തേക്കു മന്ദീഭ​വി​പ്പി​ച്ചും കാഴ്‌ച​മ​ങ്ങിയ കോണ്ടാക്ട്‌ ലെൻസും ചെവി​യിൽ ഘടിപ്പി​ക്കുന്ന പ്ലഗ്ഗും റബർ കയ്യുറ​ക​ളും ധരിപ്പി​ച്ചും മുതിർന്ന​വ​രോ​ടു സഹാനു​ഭൂ​തി​യു​ണ്ടാ​കാൻ പഠിപ്പി​ക്കു​ന്നു. ഇതിനു വിധേ​യ​രാ​കു​ന്നവർ അസ്ഥിസ​ന്ധി​കളെ മരവി​പ്പി​ക്കു​ന്ന​തി​നു തടിച്ചീൾ വച്ചു​കെ​ട്ടു​ക​യും കാലിൽ ആണി​രോ​ഗ​വും മുഴക​ളും ഉണ്ടെന്നു നടിക്കു​ന്ന​തിന്‌ അവരുടെ ഷൂസി​നു​ള്ളിൽ കട്ടിയായ പട്ടാണി​ക്കടല ഇടുക​യും വേണം. അവർ ഇൻഷു​റൻസി​നുള്ള ഫാറം പൂരി​പ്പി​ച്ചു​കൊ​ടു​ക്കുക, കുട്ടി​ക​ളു​ടെ പാൽകു​പ്പി​യു​ടെ അടപ്പു തുറക്കുക തുടങ്ങിയ “ലഘു”വായ വേലക​ളും അനുഷ്‌ഠി​ക്കേ​ണ്ട​തുണ്ട്‌. “ഇതിനു ശേഷമുള്ള ചർച്ചാ​വേ​ള​ക​ളിൽ തങ്ങൾക്കു കഴിഞ്ഞ​കാ​ല​ങ്ങ​ളിൽ പ്രായ​മേ​റിയ രോഗി​ക​ളു​ടെ​മേൽ ഉണ്ടായ രോഷ​ത്തിൽ അവർ മിക്കവാ​റും കുണ്‌ഠി​തം പ്രകടി​പ്പി​ക്കാ​റുണ്ട്‌” എന്നു ടൈംസ്‌ കുറി​ക്കൊ​ള്ളു​ന്നു. (g92 12/8)

പാപ്പാ കുററം സമ്മതി​ക്കു​ന്നു

ജോൺ പോൾ രണ്ടാമൻ പാപ്പാ അടിമ​ക്ക​ച്ച​വ​ട​ത്തി​ന്റെ പേരിൽ ആഫ്രിക്കൻ ജനത​യോട്‌ രണ്ടു പ്രാവ​ശ്യം ക്ഷമാപണം നടത്തി. സെനഗ​ലി​ലേ​ക്കുള്ള പാപ്പാ​യു​ടെ യാത്ര​ക്കി​ട​യിൽ ഫെബ്രു​വ​രി​യി​ലാ​യി​രു​ന്നു ആദ്യ​ത്തേത്‌. ആ സമയത്ത്‌ ഇററാ​ലി​യൻ പത്രമായ കൊറീ​യെരെ ദെല്ല സേര റിപ്പോർട്ടു ചെയ്‌തത്‌ “‘ദൈവ​ത്തി​ന്റെ ക്ഷമ’യ്‌ക്കും ക്രിസ്‌ത്യാ​നി​കൾ പോലും . . . കളങ്കമാ​ക്ക​പ്പെട്ട അടിമ​ക്ക​ച്ച​വ​ട​മെന്ന ചരി​ത്ര​പ​ര​മായ കുററ​ത്തിന്‌ ആഫ്രി​ക്ക​ക്കാ​രു​ടെ മാപ്പി”നും വേണ്ടി പാപ്പാ യാചിച്ചു എന്നാണ്‌. മൂന്നു മാസം കഴിഞ്ഞ​പ്പോൾ സാവോ തോ​മേ​യി​ലെ സന്ദർശ​ന​ത്തി​നി​ട​യിൽ രണ്ടാമത്തെ ക്ഷമാപ​ണ​വും നടത്തി. വത്തിക്കാ​നിൽവച്ച്‌ പാപ്പാ ഇങ്ങനെ വിശദീ​ക​രി​ച്ചു: “സഭ പാപി​ക​ളാൽ ഉണ്ടാക്ക​പ്പെ​ട്ടി​രി​ക്കു​ന്ന​തി​നാൽ നൂററാ​ണ്ടു​ക​ളി​ലാ​യി സ്‌നേ​ഹ​ത്തി​ന്റെ തത്ത്വത്തിൽ ലംഘനങ്ങൾ ഉണ്ടായി​ട്ടുണ്ട്‌ . . . ക്രിസ്‌ത്യാ​നി​കൾ എന്ന പേരി​നാൽ തങ്ങളെ​ത്തന്നെ അലങ്കരിച്ച സംഘങ്ങ​ളു​ടെ​യും വ്യക്തി​ക​ളു​ടെ​യും ഭാഗത്തു​നി​ന്നുള്ള പരാജ​യ​ങ്ങ​ളാ​ണവ.” “പാപ്പാ​യു​ടെ ക്ഷമാപണ”ത്തെപ്പററി അഭി​പ്രാ​യം പറഞ്ഞു​കൊണ്ട്‌ ലാ റിപ്പബ്ലിക്ക എന്ന ദിനപ​ത്രം ഇങ്ങനെ പറഞ്ഞു: പാപ്പാ “പൊതു​വെ ക്രിസ്‌ത്യാ​നി​ക​ളു​ടെ ഭാഗത്തുള്ള പാപ​ത്തെ​പ്പ​ററി സംസാ​രി​ച്ചു, എന്നാൽ പാപ്പാ​മാർ, റോമൻ സഭകൾ, ബിഷപ്പു​മാർ, പുരോ​ഹി​തൻമാർ എന്നിവ​രു​ടെ​തി​നെ​ക്കു​റി​ച്ചും പറയേ​ണ്ട​താ​യി​രു​ന്നു. അടിമ​ത്ത​ത്തി​ന്റെ ഈ ചരിത്രം വാസ്‌ത​വ​ത്തിൽ കത്തോ​ലി​ക്കാ പുരോ​ഹി​ത​മേ​ധാ​വി​ത്വ​ത്തി​ന്റെ ഭാഗത്തു​നി​ന്നുള്ള ഉത്തരവാ​ദി​ത്വ​വു​മാ​യി ബന്ധപ്പെ​ട്ടു​കി​ട​ക്കു​ക​യാണ്‌.” (g92 11/22)