ദയവായി ബന്ധപ്പെ​ടുക (S-43) ഫാറം ഉപയോ​ഗി​ക്കേണ്ട വിധം

മറ്റൊരു പ്രദേ​ശത്തു താമസി​ക്കു​ക​യോ മറ്റൊരു ഭാഷ സംസാ​രി​ക്കു​ക​യോ ചെയ്യുന്ന ആരെങ്കി​ലും നമ്മുടെ സന്ദേശ​ത്തോ​ടു താത്‌പ​ര്യം കാണി​ക്കു​മ്പോൾ ഈ ഫാറം പൂരി​പ്പി​ക്കേ​ണ്ട​താണ്‌. വ്യക്തി താത്‌പ​ര്യം കാണി​ക്കു​ന്നെ​ങ്കിൽ മാത്രമേ സാധാ​ര​ണ​ഗ​തി​യിൽ നാം ഇത്‌ ഉപയോ​ഗി​ക്കു​ക​യു​ള്ളൂ. എന്നാൽ കേൾവി​ശ​ക്തി​യി​ല്ലാത്ത ഒരാ​ളെ​യാണ്‌ കാണു​ന്ന​തെ​ങ്കി​ലോ? ആ വ്യക്തിക്ക്‌ താത്‌പ​ര്യ​മു​ണ്ടെ​ങ്കി​ലും ഇല്ലെങ്കി​ലും, അടുത്ത്‌ എവി​ടെ​യെ​ങ്കി​ലും ആംഗ്യ​ഭാ​ഷാ​ക്കൂ​ട്ടം ഉണ്ടെങ്കിൽ S-43 ഫാറം പൂരി​പ്പി​ക്കണം.

പൂരി​പ്പി​ച്ച ഫാറം എന്തു ചെയ്യണം? അത്‌ സഭാ സെക്ര​ട്ട​റി​ക്കു കൈമാ​റുക. ഏതു സഭയ്‌ക്കാണ്‌ ഫാറം അയയ്‌ക്കേ​ണ്ട​തെന്ന്‌ അറിയാ​മെ​ങ്കിൽ അദ്ദേഹം അത്‌ പ്രസ്‌തുത സഭയിലെ മൂപ്പന്മാർക്ക്‌ അയച്ചു​കൊ​ടു​ക്കും; താത്‌പ​ര്യ​ക്കാ​രനെ സഹായി​ക്കാൻ വേണ്ട ക്രമീ​ക​ര​ണങ്ങൾ അപ്പോൾ അവർക്കു ചെയ്യാ​നാ​കും. ഏതു സഭയി​ലേക്ക്‌ അയയ്‌ക്ക​ണ​മെന്ന്‌ അറിയി​ല്ലെ​ങ്കിൽ സെക്ര​ട്ടറി അത്‌ ബ്രാഞ്ച്‌ ഓഫീ​സി​ലേക്ക്‌ അയയ്‌ക്കും.

നിങ്ങളു​ടെ പ്രദേ​ശത്തു താമസി​ക്കുന്ന മറ്റൊരു ഭാഷക്കാ​ര​നായ ഒരാൾ താത്‌പ​ര്യം കാണി​ക്കു​ന്ന​പക്ഷം, സാധ്യ​മെ​ങ്കിൽ, നിങ്ങളു​ടെ സഭയി​ലോ അടുത്ത സഭയി​ലോ ഉള്ള പ്രസ്‌തുത ഭാഷ സംസാ​രി​ക്കുന്ന ഒരു പ്രസാ​ധകൻ അദ്ദേഹത്തെ സന്ദർശി​ക്കു​ന്ന​തു​വരെ നിങ്ങൾ മടക്കസ​ന്ദർശനം നടത്തണം; അദ്ദേഹ​ത്തി​ന്റെ താത്‌പ​ര്യം നഷ്ടപ്പെ​ടാ​തി​രി​ക്കാ​നാണ്‌ അത്‌. 2009 നവംബർ ലക്കം നമ്മുടെ രാജ്യ ശുശ്രൂ​ഷ​യു​ടെ 3-ാം പേജ്‌ കാണുക.