Laqgħat tas-Servizz għal Jannar
Ġimgħa Li Tibda 6 Taʼ Jannar
10 min: Avviżi lokali. Avviżi magħżulin minn Il-Ministeru Tas-Saltna. Ikkummenta fuq ir-rapport tas-servizz taʼ l-għalqa għal Settembru, kemm għall-pajjiż u kemm għall-kongregazzjoni lokali.
20 min: Wasal Iż-Żmien Li Nġeddu L-Biljett Taʼ Direttiva Medika Bil-Quddiem/Li Jeħles Lit-Tobba. Anzjan ikkwalifikat jiddiskuti l-importanza taʼ li nimlew il-biljett kompletament u nġorruh magħna l-ħin kollu. Dan id-dokument jitkellem għalik jekk int ma tistax titkellem għalik innifsek f’każ t’emerġenza. (Qabbel Proverbji 22:3.) Għandu jimtela biljett ġdid kull sena biex tingħata dikjarazzjoni kurrenti dwar l-irrifjutar tad-demm, peress li xi tobba u oħrajn sostnew li dokumenti li għandhom iktar minn sena jistgħu ma jirriflettux il-konvinzjoni li għandu bħalissa l-individwu. Wara l-laqgħa, il-pubblikaturi mgħammdin kollha se jingħataw il-biljett taʼ Direttiva Medika Bil-Quddiem/Li Jeħles Lit-Tobba, u dawk li għandhom tfal taħt l-età mhux mgħammdin se jirċievu Biljett taʼ l-Identità għal kull tifel u tifla. Spjega li dawn il-biljetti m’għandhomx jimtlew dik il-lejla. Għandhom jiġu mimlijin bil-għaqal id-dar imma MA JIĠUX iffirmati. L-iffirmar taʼ l-individwu, tax-xhieda, u l-kitba tad-data fuq il-biljetti kollha se jsir wara l-Istudju tal-Ktieb tal-Kongregazzjoni li jmiss, taħt il-ħarsien taʼ dak li jikkonduċi l-istudju tal-ktieb. Dan se jiċċekkja li dawk kollha assenjati fil-grupp tiegħu rċevew biljett u għandhom l-għajnuna meħtieġa. Dawk li jiffirmaw bħala xhieda għandhom attwalment jaraw lil sid il-biljett jiffirma d-dokument. Kulmin ma jkunx preżenti dak in-nhar se jiġi mgħejjun minn dawk li jikkonduċu l-ktieb jew xi anzjan ieħor fil-Laqgħa tas-Servizz li jmiss sakemm il-pubblikaturi kollha li jixtiequ dan jimlew u jiffirmaw il-biljetti tagħhom kif jixraq. (Irrevedi l-ittra taʼ l-1 taʼ Novembru 1996.) Billi jaddattaw il-lingwaġġ minn dan il-biljett skond iċ-ċirkostanzi u t-twemmin tagħhom, pubblikaturi mhux mgħammdin jistgħu jiktbu d-direttiva tagħhom stess biex jużawha għalihom infushom u għal uliedhom. Spjega li l-formola tad-direttiva bil-quddiem dwar il-kura tas-saħħa pprovduta mis-Soċjetà hija dokument legali rrikonoxxut minn nies mediċi u legali u li, meta jimtela kif suppost, dan joffri iktar assiguranza legali li x-xewqat taʼ dak li jkun se jiġu rrispettati fuq id-demm u fuq deċiżjonijiet oħrajn taʼ kura tas-saħħa u waqfien tal-ħajja. Pubblikaturi mgħammdin jistgħu jiksbu kopja taʼ dan id-dokument mingħand is-segretarju. (Kuntrarju għall-biljett taʼ Direttiva Medika Bil-Quddiem/Li Jeħles Lit-Tobba, li jiġi mġedded kull sena, il-formola tad-direttiva bil-quddiem dwar il-kura tas-saħħa jkollha bżonn tinbidel biss meta int tagħżel li tagħmel xi bidla fiha.) Li neżerċitaw dehen f’li nieħdu ħsieb dawn id-dettalji vitali se jagħtina l-prosit mingħand Jehovah.—Prov. 16:20.
15 min: “Ikkwalifikati u Mgħammrin Biex Ngħallmu Lil Oħrajn.” (Paragrafi 1-6) Agħmel kummenti qosra fuq paragrafi 1-2, billi tenfasizza l-bżonn li nkunu kunfidenti li bl-għajnuna taʼ Jehovah nistgħu ngħallmu lil oħrajn b’mod effettiv. Ħejji żewġ pari taʼ pubblikatur u inkwilin kull wieħed biex jagħmlu turija tal-preżentazzjonijiet f’paragrafi 3-6, billi kull par juri kif issir l-ewwel żjara u ż-żjara lura.
Għanja 14 u talba taʼ l-għeluq.
Ġimgħa Li Tibda 13 Taʼ Jannar
15 min: Avviżi lokali. Rapport tal-kontijiet. Semmi xi punti taʼ konversazzjoni fl-aħħar rivisti li ħarġu. Offri xi suġġerimenti dwar kif nintroduċu lilna nfusna meta navviċinaw lin-nies sabiex nagħtuhom xiehda informali. Stieden lill-aħwa fl-udjenza biex isemmu liema kliem tal-ftuħ użaw meta tkellmu maʼ wħud fil-ħwienet, fit-triq, fil-ġonna, fuq it-trasport pubbliku, u affarijiet bħal dawn.
15 min: “Ikkwalifikati u Mgħammrin Biex Ngħallmu Lil Oħrajn.” (Paragrafi 7-9) Irrakkonta l-esperjenza dwar li nagħmlu żjajjar lura li hemm f’paġna 45 tan-1995 Yearbook, fil-waqt li tenfasizza l-importanza li mmorru lura kulfejn inkunu sibna xi interess. Ħejji pubblikatur taʼ l-esperjenza biex jagħmel turija tal-preżentazzjonijiet f’paragrafi 7-8. Għalkemm għall-ewwel noffru kotba oħrajn, għandna nikkonċentraw l-isforzi tagħna biex eventwalment nikkonduċu studji fil-ktieb Għarfien. Ħeġġeġ lil kulħadd biex il-ġimgħa d-dieħla jwarrab ftit ħin biex jagħmel żjajjar lura.
15 min: Bżonnijiet lokali. Jew “Always Throw Your Burden on Jehovah.” Taħdita inkuraġġanti bbażata fuq The Watchtower taʼ l-1 t’April, 1996, paġni 27-9.
Għanja 15 u talba taʼ l-għeluq.
Ġimgħa Li Tibda 20 Taʼ Jannar
10 min: Avviżi lokali.
15 min: “Kull Xorta Taʼ Nies Se Jiġu Salvati.” Mistoqsijiet u tweġibiet. Stieden lill-aħwa fl-udjenza biex jirrakkontaw fil-qosor xi esperjenzi li juru kif kisbu rispons favorevoli mingħand nies li ġejjin minn livelli tal-ħajja differenti.
20 min: Nagħtu Xiehda b’Kondotta Tajba. Anzjan imexxi diskussjoni maʼ tnejn jew tliet żgħażagħ. Id-diskussjoni hija bbażata fuq il-Watchtower tal-15 t’Awissu, 1987, paġni 10-20. Inkludi xi esperjenzi ppubblikati kif ukoll xi esperjenzi lokali li juru kif osservaturi baqgħu impressjonati b’mod favorevoli bil-kondotta retta taʼ żgħażagħ Kristjani.
Għanja 23 u talba taʼ l-għeluq.
Ġimgħa Li Tibda 27 Taʼ Jannar
5 min: Avviżi lokali.
10 min: Reviżjoni tal-Kaxxa Għall-Mistoqsija mis-segretarju.
15 min: “Aħna ‘Nippridkaw il-Kelma.’” Mistoqsijiet u tweġibiet. Inkludi xi kummenti għala aħna napprezzaw profondament il-valur tal-Kelma t’Alla.—Ara l-Awake! tat-22 taʼ Marzu, 1984, paġni 9-11.
15 min: Irrevedi l-Offerta tal-Letteratura għal Frar. Semmi xi aspetti interessanti tal-ktieb, bħalma huma: (1) It-titli li jispikkaw tal-kapitli, (2) stampi mżewqin, (3) il-mappa. Fi qbil mal-parti li saret qabel fil-laqgħa, ħeġġeġ l-użu taʼ skrittura magħżula sew fil-preżentazzjoni. Ħejji waħda jew żewġ preżentazzjonijiet qosra. Fakkar lil kulħadd biex din il-ġimgħa jiġbor il-kotba li se juża.
Għanja 26 u talba taʼ l-għeluq.