Jekk Tipproduċi Riżultati, Użaha!
1 Il-Ministeru tas-Saltna tipprovdilna kontinwament varjetà taʼ preżentazzjonijiet suġġeriti biex nużawhom fil-ministeru. Dan jagħtina ideat ġodda fuq kif noħolqu interess fil-messaġġ tas-Saltna. Jistaʼ jkun li int tagħmel sforz kull xahar biex titgħallem waħda jew iktar minn dawn il-preżentazzjonijiet. Madankollu, xi pubblikaturi jistgħu jsibu li sakemm ikunu laħqu wżaw waħda minnhom għal xi ftit drabi, ħarġa oħra taʼ Il-Ministeru tas-Saltna tipprovdi preżentazzjonijiet ġodda. Ovvjament, għandu mnejn ma jkunx possibbli għal kulħadd li jitgħallem preżentazzjoni ġdida qabel ma jkun effettiv f’dik taʼ qabel.
2 M’għandniex xi ngħidu, hemm eluf taʼ pijunieri u pubblikaturi oħrajn li jqattgħu ħafna ħin fis-servizz taʼ l-għalqa. Iktar minn hekk, ħafna kongregazzjonijiet jaħdmu t-territorju kollu tagħhom kull ftit ġimgħat. F’dawn iċ-ċirkostanzi, il-pubblikaturi japprezzaw li jkollhom metodi u ideat ġodda taʼ kif iwasslu l-messaġġ. Dan jgħinhom itejbu l-abbiltajiet tagħhom. Jagħmel ukoll lill-ministeru tagħhom iktar interessanti u li jagħti iktar frott, u jgħinhom jilqgħu l-isfidi li jiltaqgħu magħhom.
3 Ikun x’ikun il-każ, jekk ippreparajt preżentazzjoni li hija effettiva biex tqajjem l-interess, ċertament kompli użaha! M’hemmx għalfejn tieqaf tuża preżentazzjoni effettiva li tkun qed tipproduċi riżultati. Sempliċement addattaha għall-offerta tal-letteratura għal dak ix-xahar. Waqt li tirrevedi s-suġġerimenti offruti f’Il-Ministeru tas-Saltna, fittex punti interessanti li għandek mnejn tkun tixtieq tinkludihom fil-preżentazzjoni tiegħek.
4 Mela meta tirċievi ħarġa ġdida taʼ Il-Ministeru tas-Saltna, ftakar li l-preżentazzjonijiet li fiha huma sempliċement suġġerimenti. Jekk tistaʼ tużahom, tajjeb. Imma jekk int diġà sibt preżentazzjoni li tipproduċi riżultati fit-territorju tiegħek, uża lilha! L-importanti huwa li ‘taqdi sewwa l-ministeru tiegħek’ b’manjiera mill-aħjar, billi ssib lil dawk li jistħoqqilhom u tgħinhom isiru dixxipli.—2 Tim. 4:5.