Tau Feleveiaaga Fekafekau ma Fepuari
Fahi Tapu Kamata ia Fepuari 1
Lologo 154
10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakamanatu oti ke tuku e tau hokotaki he fonua ma Ianuari.
17 minu: “Foaki e Tohi Fiafia he Magafaoa ke he Tau Tagata he Tau Tau Moui Kehekehe.” Fetutalaaki e motua mo e ua po ke tolu he tau tagata fakailoa matua hagaao ke he vala tala. Ko e foliaga ke lagomatai e falu ke mailoga ko e mena galo he fiafia he magafaoa ne kautu ka muitua e fakatonuaga he Tohi Tapu. (Kikite e Fiafia he Magafaoa, lau 9-12.) Fakatata taha fakataiaga kua totoku. Fakakite e puhala ke totoku e fakatokaaga fakaalofa mo e fakatu e liu aahi atu.
18 minu: “Tapulu ke he Tagata Fou.” Lauga, fakamaama mai he Efeso 4:20-24. (Kikite e Kolo Toko, Mati 1, 1993, lau 25-29, paratafa 4-17.) Fakamaama kua maeke fefe a tautolu ke tuku kehe e tagata tuai mo e fakatapulu ke he fou.
Lologo 4 mo e liogi fakaoti.
Fahi Tapu Kamata ia Fepuari 8
Lologo 12
10 minu: Tau fakailoaaga he matakavi. Fakailoa tupe.
15 minu: Tau mena kua lata ma e fakapotopotoaga.
20 minu: “Leveki he Tufuga Homo Ue Atu ha Tautolu a Tautolu!” Tau huhu mo e tau tali. Fakamaama e puhala ke fakaaoga e tohi Creator ke lagomatai aki a lautolu ne tuaha po ke nakai talitonu ke he Atua. Pete ni kua nakai fakaaoga e tohi he fakaakoaga Tohi Tapu, maeke ai ke fakaohooho e tau tagata ke kumikumi e tau talahauaga oti he Tohi Tapu. (Kikite tohi Creator, lau 189-91.) Uiina e tau tagata fakailoa ke talahau ha lautolu a tau manamanatuaga hagaao ke he tohi mo e ha mena ne lauia mo lautolu he fakaaoga ai he fonua mo e falu.
Lologo 173 mo e liogi fakaoti.
Fahi Tapu Kamata ia Fepuari 15
Lologo 40
10 minu: Tau fakailoaaga he matakavi. Tau Tala Fakateokarasi.
18 minu: Aoga Fefe a Tautolu he Hu Atu ke he Aoga Fekafekau Fakateokarasi? Tutalaaga auloa ke takitaki he leveki aoga. Ke fakaako ke vagahau mo e tau tagata nakai ni ko e kakano he aoga. Ha ha i ai e falu puhala ke aoga tonu mai a tautolu. (Kikite e School Guidebook, lau 12-13.) Kua fakaako a tautolu ke matutaki fakamitaki mo e tau tagata. Kua fakaako a tautolu ke vagahau fakamahino, fakatekiteki, mo e loto malolo. Kua makaka a tautolu ke tali e tau huhu hagaao ke he tau taofiaga ha tautolu mo e fakamaama e tau fifiliaga ha tautolu ne fakave ke he Tohi Tapu. Kua fakatolomaki e iloilo ha tautolu ke he Tohi Tapu, lagomatai ai a tautolu ke lauia mitaki atu ka matutaki ke he falu. Kua fakaako a tautolu ke mailoga e tau mena hepehepe mo e talia e tau fakatonuaga, ti fua mai ai e fakafetuiaga mitaki mo e falu. Ko e fakaakoaga ne fakatoka mai he aoga kua lagomatai ke “maeke” a tautolu ke fakatumau he tau fekafekau he Atua.—2 Kori. 3:5, 6.
17 minu: “Puhala ke Kaufakalataha Katoatoa e Tau Tagata he Magafaoa—Ke he Fakaakoaga he Tohi Tapu.” Fetutalaaki auloa e magafaoa. Uku a lautolu kua fakaaoga fefe e lautolu e tau fakaakoaga moua mai he Kolo Toko, Iuni 1, 1996, lau 12-13, mo e Novema 1, 1992, Kolo Toko, lau 16-17, ke he totouaga fakamagafaoa he Tohi Tapu.
Lologo 57 mo e liogi fakaoti.
Fahi Tapu Kamata ia Fepuari 22
Lologo 170
10 minu: Tau fakailoaaga he matakavi.
15 minu: Fakamatala he tau Fale Pokofale. (Kaeke kua nakai loga e tau fale pokofale he fonua ha mutolu, kikite e tala “Fakamau Hifo Mo Ha e Tau Nakai-Ha-Ha-He-Kaina?” he Our Kingdom Ministry, Me 1995.) Fetutalaaki ua po ke tolu e tau tagata fakailoa. Kua uka lahi ke fakamatala ke he tau tagata nonofo he tau pokofale ha kua maeke ni ke he initakomo (intercom). Kikite e tau puhala ke fakalagalaga aki e fiafia. He puhala fekapitigaaki, fakafeleveia atu a koe ko e katofia; fakaaoga e higoa he tagata kaeke kua fakakite he lapa fakahigoa aki; talahau e matakupu ne manako a koe ke fakatutala, po ke totou fakahako mai he taha kamataaga he tohi Reasoning, lau 9-15; ti fakamaama atu e manako hau ke age e tuleke, mekasini, po ke porosua ne tali aki e huhu aoga lahi, mo e talahau ai. Kaeke kua ai maeke ke fakafeleveia, tohi e tau tohi ki a lautolu ne nonofo i ai po ke fakamatala ki a lautolu he puhalatu he o mai mo e o atu. Fakatata e puhala fa mahani ke fakaaoga ne moua e fua mitaki mo lautolu ne nonofo pokofale.
20 minu: Maeke Fefe ke Moua e Fiafia he Tauteaga Tutaki. Lauga ne fakave ke he Watchtower, Fepuari 15, 1996, lau 19-22.
Lologo 91 mo e liogi fakaoti.