Setulu he Tau Feleveiaaga Fekafekau
MAILOGA: Ke kamata mo e fufuta nei he Ha Tautolu a Fekafekauaga he Kautu, to lafi e Setulu he Tau Feleveiaaga Fekafekau ke he vala he tapu fakamua he Feleveiaaga Fekafekau he mahina ka hau.
Fahi Tapu Kamata ia Tesemo 6
Lologo 207
10 minu: Tau fakailoaaga he matakavi. Tau Fakailoaaga fifili mai he Ha Tautolu a Fekafekauaga he Kautu.
20 minu: “Fifitaki e Nakai Fakamailoga Tagata a Iehova.” Fakakaupa e kamataaga ke nakai molea e minuti, ti matutaki ke he fetaliaki. Fakamaama e kakano he nakai fakamailoga tagata, e puhala ne fakakite mai e Iehova, mo e puhala kua maeke ia tautolu ke fakaaoga he fekafekauaga ha tautolu.—Kikite e Insight, Volume 1, lau 1192, paratafa 4-7.
15 minu: “Foaki Fakamakai Ni e Tautolu a Tautolu ma e Tau Gahua Mitaki Oti.” Lauga fakaalaala he motua mai he paratafa 1-9.
Lologo 218 mo e liogi fakaoti.
Fahi Tapu Kamata ia Tesemo 13
Lologo 168
10 minu: Tau fakailoaaga he matakavi. Fakailoa e tupe. Foaki e tau puhala ke tali fakatekiteki atu he tau feleveiaaga tukugahua. Kaeke fai lagaki ne fakaputu he fakapotopotoaga he tohi Greatest Man po ke Great Teacher, fakatata e puhala ke fakaaoga fakamitaki he fekafekauaga ka tukugahua he Kerisimasi.
15 minu: “Ko e Aoga Fekafekau Fakateokarasi he 2000.” Lauga mai he leveki Aoga Fekafekau Fakateokarasi. Liu fatiaki e tau mena ka hikihiki he setulu ma e tau ka hau. Kotofaaga Nu. 3 ka fakave ke he “Bible Topics for Discussion” ke kikite mai he New World Translation. Kotofaaga Nu. 4 ke tumau ke matutaki ke he tau mahani he tau tagata he Tohi Tapu mai he Insight on the Scriptures ati fakave ke he “Bible Topics for Discussion” he tau mahina tolu he fakahikuhiku he tau. Ka kitia e numera (#) mo e hana a kotofaaga, kua lata he matakainaga tane ke taute e vala ia. Fakamafana oti ke taofi mau fakafahitapu e totouaga he Tohi Tapu ti makaukau ke fakamoli e tau kotofaaga he aoga.
20 minu: “Foaki Fakamakai Ni e Tautolu a Tautolu ma e Tau Gahua Mitaki Oti.” Vala fetaliaki he paratafa 10-15. Kikite e tau mena kua lata he matakavi mo e tau puhala kua maeke fakalataha ke foaki e lagomataiaga.
Lologo 220 mo e liogi fakaoti.
Fahi Tapu Kamata ia Tesemo 20
Lologo 219
10 minu: Tau fakailoaaga he matakavi. Liu fatiaki e fakailoaaga he fakamanatu e tau matakainaga ke tuku e tau hokotaki ha lautolu ma Tesemo. Fakaaoga e tau tagata fakailoa ke talahau fakaku e tau talahauaga fiafia mai anei he fekafekauaga ha lautolu.
15 minu: Tali ke he tau Tutalaaga Fakalata. Tutala fakalataha mo e tau fakatata. Totou e “Comments” he lau 15-16 he tohi Reasoning. Fifili mai ua po ke tolu e “conversation stoppers” he lau 16-20, po ke fakaaoga e falu ne fa mahani ke fakaaoga tumau he matakavi hau. Liu fatiaki mai falu tali, mo e fifili kua ha ne mitaki ke fakaaoga he fonua. Fakatata fakaku mai e falu. Uiina e faoa ke talahau falu a puhala ne fakaaoga e lautolu ne fua mitaki mai.
20 minu: Lata Nakai Ia Au ke Talia e Gahua ne Putoia ke he Fakatokaaga Fakalotu? Lauga e motua, ne fakave ke he Aperila 15, 1999, Watchtower, lau 28-30. Falu ne kua talia e tau gahua pihia ti iloa fakamui kua ai lautatai mo e tau matapatu fakaakoaga he Tohi Tapu. Fatiaki mai e tau huhu kua lata ia tautolu ke manamanatu ki ai kaeke fifili ha gahua ne lauia mo e ha mena fakalotu. Fakamafana oti ke tutuli e puhala ne fakamoli e tuaga mitaki ki mua a Iehova.—2 Kori. 6:3, 4, 14-18.
Lologo 109 mo e liogi fakaoti.
Fahi Tapu Kamata ia Tesemo 27
Lologo 166
10 minu: Tau fakailoaaga he matakavi. Kaeke hiki e tau magaaho he feleveiaaga he fakapotopotoaga hau he tau fou, fakamafana fakaeneene oti ke taofi mau e feoaki tumau ke he tau feleveiaaga he tau magaaho fou. Fakailoa ke he tau tagata fakaako Tohi Tapu mo e faoa ne fa fiafia mai he tau hikiaga, ti fakaaoga e tau laupepa fakailoa ne tokai e magaaho fou. Fakamanatu oti ke tuku e tau hokotaki he fonua ma Tesemo.
17 minu: “Nakai Kia kua Leva he Logona e Mautolu e Mena Ia?” Lauga mo e tutala auloa. Uiina e faoa fanogonogo ke talahau ke he puhala fatiaki ne lagomatai aki a lautolu ke maama mo e mua atu e loto fakaaue ke he kupu moli.—Kikite e Watchtower, Iulai 15, 1995, lau 21-2, mo e Kolo Toko, Sepetema 1, 1993, lau 6-8, paratafa 10-12.
18 minu: Foakiaga he tau Tohi Tuai ia Ianuari. Lauga mo e tau fakatata. Fakakite ua po ke tolu e tohi tuai lau 192, ne lolomi ke hoko ke he tau tau 1986, ne fakaputu he fakapotopotoaga, mo e fakamafana e tau tagata fakailoa ke fakaaoga he fekafekauaga. (Kaeke nakai fai, ti tutala ke he foakiaga ia Ianuari.) Fakamaama e kakano ne mitaki agaia e tau tohi tuai nai ke fakalagalaga e fiafia ke he Tohi Tapu. He tau tohi takitaha, fakakite e tau vala ke tutala ki ai mo e tau fakataiaga ke fakaaoga fakamitaki ke kamata aki e tutalaaga. Fakatata taha po ke ua e fakataiaga. Kaeke moua e tagata ne manako ki ai, ti fakaaoga e porosua Manako ke kamata aki e fakaakoaga.
Lologo 224 mo e liogi fakaoti.
Fahi Tapu Kamata ia Ianuari 3
Lologo 10
8 minu: Tau fakailoaaga he matakavi.
17 minu: Iloa e Hala ke Foaki e Tali. (Kolo. 4:6) Lauga mo e tutala fakalataha. Ko e tohi Reasoning ko e puhala fuluola lahi ke folafola atu e kupu moli he Tohi Tapu ke he falu. Kaeke huhu mai he tagata he fale taha manatu totoko ke he taha taofiaga ha tautolu, maeke ia tautolu ke fakaaoga e vala “If Someone Says— ” he fakahikuaga he vala he taofiaga ia. Tutala ke he tau manatu hagaao ke he Tohi Tapu ne mailoga he lau 64-8, mo e manamanatu kua aoga fefe e tau tali ne foaki.
20 minu: “Ko e Heigoa Hau ka Talahau ke he Tagata Nakai Talitonu ke he Atua?” Vala fetaliaki. Fatiaki e tau kakano kehekehe he tokologa ne kua galo e falanaki ke he Atua. Fakakite e falu puhala ke fakafeleveiaaki a lautolu, ke lagomatai aki a lautolu ke kitia e mitaki he mailogaaga ke he Atua. Fakaaoga taha po ke ua e fakatataaga. Ma e falu fakailoaaga foki, kikite e tohi Reasoning, lau 145-51, mo e Mankind’s Search for God, veveheaga 14.
Lologo 56 mo e liogi fakaoti.