Zofunika Kukumbukira pa Chikumbutso

Chikumbutso cha chaka chino chidzachitika Lachinayi, pa March 24. Akulu asamalire zinthu izi:

◼ Pokonza nthawi ya mwambowu, onetsetsani kuti musapereke zizindikiro dzuwa lisanalowe.

◼ Aliyense, ngakhale wokamba nkhani, auzidwe nthawi yeniyeni ndi kumene kudzachitikire mwambowu.

◼ Mupezeretu mkate ndi vinyo woyenera.—Onani Nsanja ya Olonda ya February 15, 2003, tsamba 14 ndi 15.

◼ Mbale, matambula, thebulo labwino ndi nsalu za pathebulo ziyenera kubwera ku holo ndi kuziikiratu m’malo ake nthawi yabwino.

◼ Nyumba ya Ufumu kapena malo ena alionse ochitirapo mwambowu ayeretsedweretu bwinobwino.

◼ Muyenera kusankhiratu akalinde ndi operekera zizindikiro ndipo muwauziretu ntchito yawo ndi mmene adzayendetsere zinthu, ndiponso kuti afunika adzavale zovala zopatsa ulemu ndiponso kudzikonza bwino.

◼ Konzani zokapereka zizindikirozo kwa wodzozedwa aliyense amene akudwala ndipo satha kupezekapo.

◼ Ngati mipingo ingapo idzagwiritsa ntchito Nyumba ya Ufumu imodzi, mipingoyo iyenera kugwirizana bwino, kuti anthu asadzapanikizane pakhonde, pakhomo, m’tinjira, ndi koimika magalimoto.