Zofunika Kukumbukira pa Chikumbutso

Chikumbutso cha chaka chino chidzachitika Lolemba, pa April 2. Akulu akumbukire zinthu izi.

◼ Pokonza nthawi ya mwambowu, aonetsetse kuti asadzayendetse mkate ndi vinyo dzuwa lisanalowe.

◼ Aliyense, ngakhale wokamba nkhani, auzidwe nthawi yeniyeni ya mwambowu ndiponso kumene udzachitikire.

◼ Apezeretu mkate ndi vinyo woyenera.—Onani Nsanja ya Olonda ya February 15, 2003, mas. 14 ndi 15.

◼ Mbale, matambula, tebulo ndi nsalu za patebulo zoyenerera zibwere ku holo nthawi yabwino n’kuziikiratu pamalo ake.

◼ Nyumba ya Ufumu kapena malo ena alionse ochitirapo mwambowu akonzedweretu bwinobwino.

◼ Ayenera kusankhiratu akalinde ndi operekera mkate ndi vinyo ndipo awauziretu ntchito yawo ndi mmene adzayendetsere zinthu, ndiponso kuti afunika adzavale zovala zaulemu ndiponso kudzikonza bwino.

◼ Akonze zokapereka mkate ndi vinyo kwa wodzozedwa aliyense amene akudwala ndipo satha kupezekapo.

◼ Ngati mipingo ingapo idzagwiritsa ntchito Nyumba ya Ufumu imodzi, mipingoyo iyenera kugwirizana bwino, kuti anthu asadzapanikizane pakhomo, m’tinjira, ndi koimika magalimoto.