“Ine Ndilipo! Nditumizeni”

Tonsefe tiyenera kutsanzira Yesaya pokhala ndi mtima wodzipereka. Iye anasonyeza chikhulupiriro ndipo anavomera mwamsanga kutumidwa ngakhale kuti sankadziwa zambiri zokhudza ntchito imene agwire. (Yes. 6:8) Kodi inuyo mungasinthe zinthu zina pa moyo wanu kuti mukatumikire kudera limene kukufunika olalikira Ufumu ambiri? (Sal. 110:3) N’zoona kuti muyenera “kuwerengera” mtengo wake musanasankhe kusamuka. (Luka 14:27, 28) Komabe ndi bwino kukhala ofunitsitsa kusiya zinthu zina kuti muwonjezere zimene mumachita pa ntchito yolalikira. (Mat. 8:20; Maliko 10:28-30) Vidiyo yakuti Kusamukira Kumene Kukufunika Olalikira Ambiri, imasonyeza kuti madalitso amene timapeza potumikira Yehova amakhala ambiri kuposa zinthu zimene tingasiye.

MUKAONERA VIDIYOYI, YANKHANI MAFUNSO AWA:

• Kodi anthu a m’banja la a Williams analolera kusiya komanso kusintha zinthu ziti kuti akatumikire ku Ecuador?

• Kodi anaganizira zinthu ziti posankha dziko loti akatumikire?

• Kodi anapeza madalitso otani?

• Kodi mungapeze kuti mfundo zokuthandizani ngati mukufuna kusamukira kudera limene kukufunika ofalitsa ambiri?

PA KULAMBIRA KWANU KWA PABANJA, KAMBIRANANI MAFUNSO AWA:

• Kodi banja lathu lingawonjezere bwanji zimene timachita potumikira Yehova? (km 8/11 4-6)

• Ngati sitingathe kusamukira kudera lina, kodi tingawonjezere bwanji zimene timachita pothandiza mpingo wathu? (w16.03 23-25)