19 Sagaleen xurumbaa sanaa ittuma dabalaa yeroo deemutti Museen ni dubbata ture; sagaleen Waaqa dhugaas isaaf ni deebisa ture.

10 Guyyaa isin Horeeb keessatti Waaqa keessan Yihowaa dura dhaabbattanii turtanitti Yihowaan, ‘Isaan yeroo lubbuudhaan lafa irra jiran hundumaatti na sodaachuu akka baratanii+ fi ijoollee isaaniis akka barsiisaniif,+ ani dubbii koo akkan isaan dhageessisutti sabicha gara kootti walitti qabi’ naan jedhee ture.+

11 “Kanaafuu, isin dhihaattanii gaaricha jala ni dhaabbattan; gaarichis ibiddi isaa hamma samii* bira gaʼutti bobaʼaa ture; dukkanni, duumessii fi duumessi gurraachis jira ture.+ 12 Yihowaanis ibiddicha keessaa isinitti dubbachuu jalqabe.+ Isin sagalee dubbatu kan dhageessan taʼus, wanta tokko illee hin argine;+ sagalee qofatu dhagaʼama ture.+ 13 Innis kakuu isaa isa akka eegdan isin ajaje sana, jechuunis Ajajawwan Kurnan*+ sana isiniif ni labse.+ Achiis gabateewwan dhagaa lama irratti isaan barreesse.+