Faarfannaa

2 Saboonni kan jeeqaman,

Namoonnis wantoota duwwaa taʼanitti kan gunguman* maaliifi?+

 2 Mootonni lafaa iddoo iddoo isaanii qabatanii,

Abbootiin taayitaa ol aanoonis tokko taʼanii walitti qabamanii,*+

Yihowaa irrattii fi isa inni dibe*+ irratti kaʼaniiru.

 3 Isaan, “Funcaa isaanii of irraa haa kukkunnu,

Wadaroo isaaniis of irraa haa darbannu!” jedhu.

 4 Inni samii keessa teessoo isaa irra taaʼu ni kolfa,

Yihowaan isaanitti qoosa.

 5 Yeroo sanatti inni dheekkamsa isaatiin isaanitti dubbata,

Dheekkamsa isaa isa bobaʼuunis isaan naasisa;

 6 “Ani Xiyoon+ isa gaara koo isa qulqulluu taʼe irratti,

Mootii koo muudeera”+ jedha.

 7 Labsii Yihowaa nan labsa;

Inni akkana naan jedhe: “Ati ilma koo ti;+

Ani harʼa si dhalcheera.+

 8 Na gaafadhu, anis saboota dhaala kee,

Andaara lafaas qabeenya kee godhee siif nan kenna.+

 9 Atis ulee sibiilaa mootiitiin isaan caccabsita,+

Akka qiraaciittis isaan hurreessita.”+

10 Kanaafuu, isin mootonni hubannaa qabaadhaa;

Isin abbootiin murtii lafaas sirreeffama fudhadhaa.*

11 Sodaadhaan Yihowaa tajaajilaa,

Isaaf hollachuuttis gammadaa.

12 Ilma isaatiif ulfina kennaa,*+ taʼuu baannaan Waaqayyo* ni dheekkama,

Isinis karaa irraa ni balleeffamtu,+

Sababiin isaas, dheekkamsi isaa dafee bobaʼa.