Faarfannaa
97 Yihowaan Mootii taʼeera!+
Lafti haa gammaddu.+
Odolawwan hedduun haa ililchan.+
2 Duumessii fi duumessi gurraachi isatti marsanii jiru;+
Buʼuurri teessoo isaa qajeelummaa fi haqa dha.+
4 Ifni bakakkaa isaa lafti akka iftu godha;
Lafti kana argitee ni hollatti.+
5 Gaaronni Yihowaa duratti,
Gooftaa guutummaa lafaa duratti akkuma gagaa ni baqu.+
6 Samiiwwan qajeelummaa isaa ni labsu,
Namoonni hundis ulfina isaa ni argu.+
7 Warri fakkiiwwan bocaman akkamii iyyuu tajaajilan,+
Warri waaqolii isaanii warra gatii hin qabneen boonan haa qaaneffaman.+
Isin waaqoliin hundi, isaaf sagadaa.*+
8 Xiyoon kana dhageessee ni gammaddi;+
Yaa Yihowaa, murtiiwwan keetiin kan kaʼe
9 Yaa Yihowaa, ati guutummaa lafaa irratti Hundaa Oli;
Waaqolii kaan hundumaa caalaa baayʼee ol qabamteetta.+
10 Isin warri Yihowaa jaallattan, wanta hamaa jibbaa.+
11 Ifni isa qajeelaadhaaf,
Gammachuunis warra garaan isaanii qajeelaa taʼeef ni baʼe.+
12 Isin qajeelonni Yihowaatti gammadaa,
Maqaa* isaa isa qulqulluudhaafis galata galchaa.