Faarfannaa
Faarfannaa Daawit. Maaskiil.*
32 Namni balleessaan isaa isaaf dhiifame, cubbuun isaas isaaf haguugame* gammadaa dha.+
2 Namni Yihowaan yakkaan isa hin gaafanne,+
Gowwoomsaanis yaada isaa keessatti hin argamne gammadaa dha.
3 Yommuun calluma jedhetti, guyyaa guutuu aaduu kootiin kan kaʼe lafeen koo ni dhume.+
4 Sababiin isaas, halkanii fi guyyaa harki* kee natti ulfaateera.+
Jabinni koo akkuma bishaan hoʼa bonaa keessa jiruutti hurkeera.* (Seelaa)
Ani, “Balleessaa koo Yihowaatti nan himadha” nan jedhe.+
Atis dogoggora koo fi cubbuu koo naaf dhiiste.+ (Seelaa)
Sana booda lolaan illee isa bira hin gaʼu.
Ililcha fayyinaatiin na marsita.+ (Seelaa)
8 “Ani hubannaa siifan kenna, karaa irra deemuu qabdu ilaalchisees qajeelfama siifan kenna.+
Ija koo si irra kaaʼee sin gorsa.+
9 Isin akka fardaa fi gaangee hubannaa hin qabnee hin taʼinaa,+
Isaan isinitti* dhihaachuu isaanii dura,
Luugamaa fi fuuloodhaan* toʼatamuu qabu.”
10 Rakkinni nama hamaa hedduu dha;
Namni Yihowaatti amanamu garuu jaalala isaa isa amanamaadhaan marfameera.+
11 Isin qajeelonni Yihowaatti gammadaa, ililchaas;
Isin warri garaa qajeelaa qabdan hundi ililchaa.