Faarfannaa

Geggeessaa muuziqaatiif; meeshaawwan muuziqaa ribuu qabaniin kan faarfatamu. Faarfannaa Daawit.

61 Yaa Waaqayyo, iyyan gargaarsa argachuuf dhageessisu dhaggeeffadhu.

Kadhannaa koo xiyyeeffannaadhaan dhagaʼi.+

2 Garaan koo yommuu abdii kutatutti,*

Ani andaara lafaatii gara keetti nan iyyadha.+

Gara qarsaa ana irra ol dheeratutti na geessi.+

3 Sababiin isaas, ati iddoo ani kooluu itti galu,

Masaraa cimaa diina irraa na eegu dha.+

4 Dunkaana kee keessatti bara baraaf keessummummaadhaan nan jiraadha;+

Gaaddisa qoochoo keetii jalattis kooluu nan gala.+ (Seelaa)

5 Yaa Waaqayyo, ati wareegawwan koo dhageesseetta.

Dhaala warra maqaa kee sodaataniis naaf kenniteetta.+

6 Umurii* mootichaa ni dheeressita,+

Umuriin isaa dhalootaa hamma dhalootaatti ni taʼa.

7 Inni bara baraaf Waaqayyo dura teessoo irra taaʼa;*+

Akka isa eeganiif, jaalala amanamaa fi amanamummaa isaaf ajaji.*+

8 Sana booda yommuun guyyaa guyyaadhaan wareega koo raawwadhutti,+

Bara baraaf maqaa keetiif faarfannaa galataa nan faarfadha.*+