Tajaajila Keessan Irratti Weeb Saayitii jw.org Fayyadamaa—“Michuu Yihowaa Taʼi”
Baafata Weeb saayitii keenyaa “Barumsa Macaafa Qulqulluu” jedhu jalatti kutaan “Michuu Yihowaa Taʼi” jedhuu fi faarfannaawwan, viidiyoowwanii fi gilgaalawwan qabate Afaan Ingiliffaatiin ni argama. Kutaa kana tajaajila irratti itti fayyadamtanii beektuu? Warra ijoollee xixinnoo qaban Macaafa Qulqulluu qayyabsiisaa jirta taanaan, maaliif isaanitti hin argisiistu? Akkas gochuun kee kutaawwan Weeb saayitii keenya kaan ilaaluuf isa kakaasuu dandaʼa.
Obboleessi tokko Oduu Mootummichaa Lakk. 38 utuu raabsaa jiruu, dubartiin inni tiraaktii kenneef tokko yeruma sana tiraakticha dubbisuu jalqabdee turte. Ijoollee xixinnoo kan qabdu siʼa taʼu, isaanis waaʼee tiraaktii kanaa beekuu baayʼee barbaadanii turan. Obboleessi yaada tiraaktichaa gabaabsee erga ibseefii booda, teessoo Weeb saayitii keenyaa duuba tiraaktichaa irraa isheetti argisiise. Dubartittiin fedhii waan argisiisteef, viidiyoo Kaaleb moobaayilii isaatti fayyadamee ishee fi ijoollee isheetti argisiisuuf carraa kanatti fayyadame.
Obboleettiin tokko, dubartii ishee wajjin hojjettuu fi ijoollee xixinnoo qabdutti waaʼee Weeb saayitii keenyaa fi maatii ilaalchisee odeeffannoo inni qabate itti himte. Dubartittiinis ijoollee ishee wajjin jw.org ilaalte. Yeroo booda, ijoolleen ishee mana keessa asii fi achi deemaa faarfannaa “Dubbicha Lallabi” jedhuu fi kutaa “Michuu Yihowaa Taʼi” jedhamu keessa jiru akka faarfatan obboleettii kanatti himteetti.
Weeb saayitii jw.org jedhamu irraa kutaa kana daawwadhu; akkasumas viidiyoowwan, faarfannaawwan ykn gilgaalawwan achi keessa jiran keessaa tokko moobaayilii keetti garagalfadhu. Akkas yoo goote, kutaa Weeb saayitii kana tajaajila irratti fayyadamuu dandeessa. Kutaan Weeb saayitichaa kun, meeshaa gaarii Gooftaadhaaf hojjechuuf nu gargaaru dha!—HoE. 20:19.