Barruulee Raabsuuf Akkam Jennee Jalqabuu Dandeenya?

Masaraa Eegumsaa Amajjii-Bitootessa

“Hayyoonni jireenya maatii keessatti ga’ee guddaa abbootiin raawwatan hubataniiru. Nama tokko abbaa gaarii kan taasisu maalidha jettee yaadda? [Hanga deebii kennutti eegi.] Yesus fakkeenyi Abbaasaa hammam akka isa gargaare jabeessee ibseera. [Yohannis 5:19 dubbisiif.] Barruun kun ga’ee abbaan raawwatu ilaalchisee qabxii barbaachisoo ta’an ja’a ibsa.” Mataduree fuula 24⁠rraa jalqabu itti argisiisi.

Dammaqaa! Amajjii

“Namoonni hedduun rakkoowwan gaafa isaan mudatan Waaqayyo akka isaan adabaa jiru itti dhaga’ama. Atoo akkas sitti dhaga’amee beekaa? [Hanga deebii kennutti eegi. Achiis Yaaqoob 1:13 dubbisiif.] Matadureen kun maddi rakkoowwanii maal akka ta’eefi rakkoowwan kunis dhihootti akka badan maaliif amanamuu akka dandeenyu ibsa.” Mataduree fuula 28⁠rraa jalqabu itti argisiisi.

Masaraa Eegumsaa Amajjii-Bitootessa

“Abbaan manaafi haati manaa gorsa Macaafa Qulqulluu kana hojiirra utuu oolchanii hariiroon gaa’elasaanii ni cima jettee yaaddaa? [Iyoob 31:1 dubbisiif. Achiis hanga deebii kennutti eegi.] Matadureen kun seerawwan bu’uuraa Macaafa Qulqulluu hiriyoonni gaa’elaa waadaasaanii eeganii jiraachuuf isaan gargaaru qabateera.” Mataduree fuula 28⁠rraa jalqabu itti argisiisi.

Dammaqaa! Guraandhalaa

“Wantoonni lafarra jiran hundumtuu lubbu qabeeyyiin akka jiraataniif uumamuusaanii argisiisa. Wantoonni kun akka tasaa kan dhufanmoo Uumaa tokkoon uumamuusaanii kan argisiisan sitti fakkaata? [Hanga deebii kennutti eegi.] Namoonni baay’een yaada Macaafa Qulqulluu kana ni amanu. [Achiis Faarfannaa 104:24 dubbisiif.] Barruun kun Uumaa ilaalchisee ragaa saayinsiifi Caaffata Qulqullaa’aa kenna.”