Barruulee Raabsuuf Akkam Jennee Jalqabuu Dandeenya?

MASARAA EEGUMSAA Ebla-Waxabajjii

“Namoonni addunyaarra jiran, Maariyaam haadha Yesus ilaalchisee ilaalcha addaddaa qabu. Atoo ilaalcha akkamii qabda? [Hanga deebii kennutti eegi.] Macaafni Qulqulluun, seenaa keessatti iddoo guddaa Maariyaam qabdu ni dubbata. [Luqaas 1:30-32 dubbisi.] Barruun kun fakkeenyasheerraa maal barachuu akka dandeenyu ibsa.”

Dammaqaa! Caamsaa

“Tajaajiltoonni tokko tokko Waaqayyoon yoo gammachiifne, inni nu sooromsa jedhanii lallabu. Haata’u malee namoota gaarii hiyyeessa ta’an ati beektu jiraachuu danda’u ta’a. Waaqayyo akka sooromnu ni barbaada jettee yaadda? [Hanga deebii kennutti eegi. Achiis Ibroota 13:5 dubbisiif.] Barreeffamni kun Waaqayyo akkamitti akka nu eebbisu ibsa.” Mataduree fuula 12⁠rra jiru itti argisiisi.

MASARAA EEGUMSAA Ebla-Waxabajjii

“Namoonni wanta dogoggora ta’e akka hojjennu dhiibbaa nurraan ga’aa utuu jiranii, wanta sirrii ta’e hojjechuun baay’ee rakkisaa ta’uu danda’a. Dhiibbaa akkasiitiif akka hin mo’amne wanti nu gargaaru jira jettee yaaddaa? [Hanga deebii kennutti eegi. Achiis Fakkeenya 29:25 dubbisi.] Matadureen kun sababiiwwan shanan nama utuu hin ta’in, Waaqayyoon itti sodaachuu qabnu ibsa.” Mataduree fuula 12 jiru itti argisiisi.

Dammaqaa! Waxabajjii

“Akkuma beektu sirrii ta’us ta’uu baatus ulfa baasuu ilaalchisee mormii cimaatu ka’aa jira. Murtee namoonni tokko tokko dhimma kanarratti godhan ilaalchisee Macaafni Qulqulluun isaan gargaaruu danda’a jettee yaaddaa? [Hanga deebii kennutti eegi. Achiis 2 Ximotewos 3:16, 17 dubbisiif.] Barruun kun dhimma kana ilaalchisee wanta Macaafni Qulqulluun jedhu ibsa.”