AKKA KIRISTIYAANA TOKKOOTTI JIRAACHUU
Dandeettii Tajaajila Irratti Qabnu Fooyyeffachuu Namoota Naannoo Tajaajilaa Keenya Keessatti Argaman Hunda Haasofsiisuu
BARBAACHISAA KAN TAʼE MAALIIFI? Zakaariyaas sabni afaan gara garaa dubbatan hundumaa keessaa dhufan misiraachicha akka fudhatan raajii dubbateera. (Zak 8:23) Haa taʼu malee eenyutu isaan barsiisa? (Rom 10:13-15) Namoota naannoo tajaajilaa keenya keessa jiran hundaaf misiraachicha lallabuuf mirgaa fi itti gaafatamummaan nuuf kennameera.—od-AM 84 guf. 10-11.
KANA GOCHUU KAN DANDEENYU AKKAMITTI?
Qophaaʼaa. Namoonni qooqa kan biraa dubbatan isin mudatanii beekuu? Ittiin lixa salphaa barachuuf appilikeeshinii JW Language jedhamutti fayyadamaa. Yookiin moobaayilii keessanitti fayyadamuudhaan, namni sun qooqa isaatiin weeb saayitii jw.org irraa akkamitti odeeffannoo dabalataa argachuu akka dandaʼu itti argisiisaa
Hubannaa kan qabdan taʼaa. Manaa gara manaatti kan tajaajiltan yoo taʼe, carraan dhugaa baʼuuf argattan akka isin darbu gochuu mannaa, namoota karaa irra darbanii fi konkolaataa keessa taaʼanii namoota eeganiif lallabaa. Gaariitti fayyadamtanii kan lallabdan yoo taʼe kaayyoo keessan isa guddaa, jechuunis dhugaa baʼuu irratti xiyyeeffadhaa
Dhimmaa barbaadaa. Namoota jalqaba irratti manatti hin arganne argachuuf yaalii godhaa. Namoota tokkoon tokkoon mana jireenyaa keessa jiran haasofsiisuuf carraaqqii godhaa, tarii guyyuma sana saʼaatii biraatti ykn torbanuma sana guyyaa kan biraatti deemuuf yaalii godhaa. Namoota tokko tokko xalayaadhaan, bilbilaan ykn karaa irratti isaaniif lallabuun barbaachisaa taʼu dandaʼa
Hordofaa. Nama fedhii argisiise utuu hin turin deebiʼaa gaafadhaa. Namni sun qooqa kan biraa kan dubbatu yoo taʼe, nama qooqa isaatiin isa gargaaruuf gaʼumsa qabu barbaaduuf yaalaa. Babalʼisaa qooqa isaa dubbatu hamma argatutti garuu deddeebiʼaa isa gaafadhaa.—od-AM 94 guf. 39-40
VIIDIYOO “HANGA ANDAARA LAFAATTI” LALLABUU JEDHAMU ILAALAA, ACHIIS GAAFFIIWWAN ARMAAN GADII DEEBISUUF YAALAA:
Obboloonnii fi obboleettonni namoota fagoo jiran argachuuf qophii akkamii godhanii turan? (1Qo 9:22, 23)
Wantoota gufuu taʼan akkamii moʼuu isaan barbaachisee ture?
Eebba akkamii argataniiru?
Namoota naannoo keetti argaman dabalataa haasofsiisuuf carraaqqii akkamii gochuu dandeessa?