Хъусын кӕн Иегъовӕйы ном ӕмӕ йӕ хъуыддӕгты тыххӕй
1 «Хицауы [«Иегъовӕйы», НД] кадджын кӕнут, дзурут Уый номмӕ; хъусын кӕнут Йӕ хъуыддӕгтӕ адӕмты ’хсӕн... Хъӕлдзӕг уӕд Хицауы агурджыты зӕрдӕ» (Пс. 104:1, 3). Ацы ныхӕстӕ чи ныффыста, уыцы псаломзарӕггӕнӕг иннӕтӕн ӕхсызгонӕй дзырдта Иегъовӕйы ӕмӕ йӕ «хъуыддӕгты» тыххӕй. Цавӕр хъуыддӕгты тыххӕй? Ӕнӕмӕнг, уыцы хъуыддӕгтӕ баст сты Хуыцауы кадджын паддзахиуӕгадимӕ ӕмӕ «ирвӕзындзинад уымӕй кӕй у, уый тыххӕй цины хабаримӕ» (НД) (Пс. 95:2, 3; 144:11, 12).
2 2001 азы Ӕрымысӕн изӕр кӕй ӕрхӕццӕ кӕны, уымӕ гӕсгӕ нын ис бирӕ аххосӕгтӕ Иегъовӕйы хъуыддӕгтыл цин кӕнынӕн. Куыд? Кӕй зӕгъын ӕй хъӕуы, Хицауы Ӕрымысӕн изӕр ӕцӕг чырыстӕттӕн у афӕдзы ӕппӕты стырдӕр бон. Уый хуызӕн ахсджиаг иу цау дӕр нӕу, стӕй йӕ цӕмӕн ӕмӕ куыд бӕрӕг кӕнынц, уымӕн дӕр ис стыр нысаниуӕг. Уыцы рӕстӕджы мах иууылдӕр хъуамӕ нӕ зӕрдыл ӕрлӕууын кӕнӕм, Иегъовӕ ӕмӕ Йесо нӕ ирвӕзындзинадӕн цы сарӕзтой, уый. Кӕй зӕгъын ӕй хъӕуы, ныфс нӕ ис, Ӕрымысӕн изӕры размӕ дӕр ӕмӕ йӕ фӕстӕ дӕр уацамынды зӕрдиагдӕрӕй кӕй архайдзыстӕм, «ирвӕзындзинады... тыххӕй цины хабар» куы хъусын кӕнӕм, уӕд!
3 Ӕххуысгӕнӕг пионерӕй лӕггад кӕндзынӕ? Фарон апрелы Уӕрӕсейы уыд ӕххуысгӕнӕг пионерты ӕппӕты стырдӕр нымӕц — 13 644 пионеры. Нӕ бон у ацы аз дӕр мартъи ӕмӕ апрелы фылдӕр хъусын кӕнын? Мартъийы ис фондз сабаты, апрелы та — фондз хуыцаубоны. Хъусынгӕнджытӕй ӕнӕхъӕн бон чи кусы, уыдонӕй бирӕтӕ фӕлладуадзӕн бонтӕ рахицӕн кодтой хъусын кӕнынӕн ӕмӕ бамбӕрстой, сӕ бон кӕй у ӕххуысгӕнӕг пионертӕй лӕггад кӕнын, уый. Цӕмӕй ӕххуысгӕнӕг пионерӕн йӕ бон суа мӕй 50 сахаты хъусын кӕны, уый тыххӕй хъуамӕ къуыри хъусын кӕна 12 сахаты бӕрц. Ацы фарсыл рамкӕйы цы графиктӕ ис, уыдонмӕ бӕстон ӕркӕс. Дӕуӕн дзы искӕцы сбӕздзӕн? Кӕд нӕ, уӕд, гӕнӕн ис, дӕхӕдӕг дӕхицӕн график саразай, цӕмӕй ацы аз мартъи ӕмӕ апрелы ӕххуысгӕнӕг пионерӕй лӕггад кӕнай.
4 Хистӕр нӕлгоймӕгтӕ хъуамӕ ныртӕккӕ райдайой ӕмбырды уӕнгты разӕнгард кӕнын ӕмӕ сын хъуамӕ баххуыс кӕной, цӕмӕй фылдӕр хъусын кӕной. Фарон иу ӕмбырды хистӕр нӕлгоймӕгтӕ ӕмӕ службӕйон ӕххуысгӕнджытӕ иууылдӕр апрелы лӕггад кодтой ӕххуысгӕнӕг пионертӕй, ӕмӕ уымӕ гӕсгӕ ӕмбырды 121 хъусынгӕнӕгӕй 64 уыдысты пионертӕ! Стӕй ма ӕмбырды адӕм куыд цин кодтой, ӕхсӕз ӕнӕаргъуыд хъусынгӕнӕджы мартъи ӕмӕ апрелы уацамынды хыгъд дӕттын куы райдыдтой, уӕд. Ӕцӕгӕйдӕр, сывӕллӕттӕн ӕмӕ цымыдисгӕнаг адӕмӕн уый у ӕппӕты хуыздӕр рӕстӕг, цӕмӕй хъусын кӕнын райдайой; ууыл хъуамӕ аныхас кӕной хистӕр нӕлгоймӕгтимӕ.
5 Ӕппӕт тыхтӕй архайын хӕссы арфӕдзинӕдтӕ. Йӕ разы сӕрмагонд нысӕнттӕ чи сӕвӕры ӕмӕ ӕппӕт тыхтӕй чи фӕархайы, уыцы ӕмбырдтӕ ӕрцӕуынц тынг арфӕгонд. Ӕмбырдтӕй иуӕй-иутӕн сӕ бон у сӕ хъус тынгдӕр ӕрдарын арӕх цы территорийы нӕ фӕхъусын кӕнынц, уымӕ, цӕмӕй йыл аххӕссой.
6 Адӕймаг рынчын кӕнӕ ацӕргӕ куы уа, уӕд уый ӕнӕмӕнг ууыл дзурӕг у, ӕмӕ йӕ бон ӕппӕт тыхтӕй кӕй нӕу лӕггад кӕнын? Алкӕддӕр афтӕ нӕ вӕййы. Зӕгъӕм, иу хойӕн, 86-аздзыд, кӕд йӕ къӕхты рак уыд, уӕддӕр апрелы лӕггад кодта ӕххуысгӕнӕг пионерӕй. Телефонӕй кӕй хъусын кодта, уый руаджы арӕзта, йӕ бон цас уыд, уыйбӕрц ӕмӕ Иегъовӕйы тынгдӕр кадджын кодта. Уый бафидар кодта йӕхи дӕр ӕмӕ ӕмбырды дӕр.
7 Ӕрымысӕн изӕрмӕ хорз бацӕттӕ кӕн. Ацы аз Ӕрымысӕн изӕр уыдзӕн 8 апрелы. Уый хуыцаубон кӕй у, уымӕ гӕсгӕ фылдӕр адӕмӕн суыдзӕн сӕ бон ӕрбацӕуын. Гӕнӕн ис, ацы аз фылдӕр адӕм ӕрбацӕуа, 1) нӕхӕдӕг куы ӕрбацӕуӕм ӕмӕ 2) иннӕты Ӕрымысӕн изӕрмӕ куы фӕхонӕм, уӕд. Кӕй хъуамӕ фӕхонӕм?
8 Ӕркӕс, хӕдзарӕй-хӕдзармӕ хъусын кӕнгӕйӕ цы ныффыстай, уымӕ, ӕмӕ, ӕцӕгадӕй гыццыл дӕр чи бацымыдис кодта, уыдоны банысан кӕн, кӕд сӕм арӕх нӕ бацӕуыс, уӕддӕр. Бацархай, цӕмӕй Ӕрымысӕн изӕрӕй дыууӕ кӕнӕ ӕртӕ къуырийы раздӕр се ’ппӕтмӕ дӕр бацӕуай ӕмӕ сын радтай хуынды гӕххӕттытӕ Ӕрымысӕн изӕрмӕ. Ӕрбацӕуын кӕй фӕнда, уыдонӕн кӕд дӕ бон у баххуыс кӕнын, уӕд сын зӕгъ, кӕй сӕ акӕндзынӕ, Изӕр кӕм уыдзӕн, уырдӕм.
9 Иуӕй-иу ӕмбырдты хуынды гӕххӕттытӕй баззайы. Ӕмбырдты секретартӕ хъуамӕ бацархайой, цӕмӕй хуынды гӕххӕттытӕ ӕмбырды афойнадыл уой, уымӕн ӕмӕ хъуамӕ иууылдӕр лӕвӕрд ӕрцӕуой. Дӕ бон у хуынды гӕххӕттыл бынӕй мыхуыргӕнӕн машинкӕйӕ кӕнӕ та къухӕй бӕлвырд ныффыссын, Ӕрымысӕн изӕр кӕд ӕмӕ кӕм уыдзӕн, уый. Кӕнӕ ма дӕ бон у адӕймагӕн радтын ӕмбырды фембӕлдтӕм хуынды гӕххӕтт Паддзахады залы адрисимӕ, кӕд Ӕрымысӕн изӕр уым уа, уӕд. Дӕ зӕрдыл дар: фылдӕрхатт Ӕрымысӕн изӕрмӕ хуынды гӕххӕтт фӕхъӕуы радтын хӕдзары хицауӕн йӕхимӕ.
10 Ма ферох кӕн, рагӕй чи нал хъусын кӕны, уыдоны дӕр. Библи чи фӕахуыр кӕны, уый Иегъовӕйӕн нывонддзырд куы радты ӕмӕ йӕ донаргъуыдӕй куы равдисы, уӕд цас циндзинад ӕрхӕссы уый. Фӕлӕ алы аз дӕр вӕййы афтӕ, ӕмӕ иуӕй-иутӕ фембӕлдтӕм нал фӕцӕуынц, иннӕтӕн Иегъовӕйы ном ӕмӕ йӕ хъуыддӕгты тыххӕй нал фӕдзурынц. Кӕй зӕгъын ӕй хъӕуы, алчидӕр нӕ ууыл фӕмӕт кӕны. Кӕд уыдонӕй сӕ фылдӕр ӕцӕгад нӕ ныууагътой, уӕддӕр, чи зоны, нал хъусын кӕнынц, фыдӕнхъӕл кӕй фесты кӕнӕ сӕ царды цавӕрдӕр зындзинӕдтӕ кӕй фӕзынд, уый тыххӕй (Матф. 13:20—22). Йӕ уырнындзинад фидар кӕмӕн нал у, уыдоны хъӕуы ӕххуыс, цӕмӕй ӕмбырдмӕ раздӕхой, цалынмӕ сӕ Сайтаны цардӕвӕрд нӕ аныхъуырдта, уӕдмӕ (1 Пет. 5:8). Мах фӕнды Ӕрымысӕн изӕры размӕ дӕр ӕмӕ йӕ фӕстӕ дӕр уӕлдай зӕрдиагӕй бацархайын, цӕмӕй, рагӕй чи нал хъусын кӕны, фӕлӕ сӕ чырыстон хъусынгӕнӕджы домӕнтӕ чи ӕххӕст кӕны, уыдонӕн баххуыс кӕнӕм ӕмӕ фӕстӕмӕ хорз уацхъуыд хъусын кӕнын райдайой.
11 Ӕмбырды секретарь хъуамӕ чиныгахуыркӕнынӕдты разамонджытӕн рагацау сӕ зӕрдыл ӕрлӕууын кӕна, сӕ къордтӕй рагӕй чи нал хъусын кӕны, уыдоны. Ӕмбырды службӕйон комитет хъуамӕ спълан кӕна ахӕм хъусынгӕнджыты се ’ппӕты дӕр бабӕрӕг кӕнын. Афтӕ куы уа, ӕмӕ адӕймагӕн ахъаз фӕуыдзӕн йемӕ сӕрмагондӕй Библи ахуыр кӕнын, уӕд службӕйон комитет хъуамӕ равзара, хуыздӕр чи сарӕхсдзӕн, ахӕм хъусынгӕнӕджы. Кӕд ахуыр кӕнын бирӕ рӕстӕджы дӕргъы нӕ бахъӕуа, уӕддӕр хъусынгӕнӕгӕн йӕ бон у уацамынды хыгъды йӕ рӕстӕг, дыккаг бацыдтӕ ӕмӕ Библи ахуыр кӕныны тыххӕй фыссын.
12 Фарон апрелы иу хо хъусын кодта хӕдзарӕй-хӕдзармӕ ӕмӕ уынджы радта журналтӕ иу ӕрыгон нӕлгоймагӕн. Куыд рабӕрӕг, афтӕмӕй йӕ ус уыд, рагӕй чи нал хъусын кодта, ахӕм Ӕвдисӕн. Нӕлгоймаг бафарста Паддзахады залы адрис ӕмӕ хойӕн загъта, цӕмӕй сӕм бацыдаид. Афтӕмӕй уыцы лӕг ӕмӕ ус бацыдысты иннӕ фембӕлдмӕ ӕмӕ сразы сты Библи ахуыр кӕныныл.
13 Цӕттӕ кӕн фылдӕр лӕггад кӕнынмӕ! Иегъовӕйы ном ӕмӕ йӕ хъуыддӕгты тыххӕй кӕй хъуамӕ хъусын кӕнӕм, уый чи загъта, уыцы псаломзарӕггӕнӕг ма нӕ ноджыдӕр разӕнгард кӕны: «Сзарут Уымӕн ӕмӕ Йын зарут; дзурут Йӕ ӕппӕт диссӕгты тыххӕй. Ӕппӕлут Йӕ сыгъдӕг номӕй» (Пс. 104:2, 3). Уӕдӕ Иегъовӕйы стыр ном ӕмӕ йӕ «диссӕгтӕн» кӕй аргъ кӕнӕм, уый равдисӕм, ӕппӕт тыхтӕй лӕггадгӕнгӕйӕ ӕмӕ ацы аз Ӕрымысӕн изӕрӕй ӕппӕты стырдӕр бон скӕнгӕйӕ!
[Рамкӕ 3 фарсыл]
Куыд ис къуыри 12 сахаты хъусын кӕнӕн, цӕмӕй ӕххуысгӕнӕг пионерӕй балӕггад кӕнай
Бон Сахӕттӕ
Къуырисӕр 1 2 − −
Дыццӕг 1 − 3 −
Ӕртыццӕг 1 2 − 5
Цыппӕрӕм 1 − 3 −
Майрӕмбон 1 2 − −
Сабат 5 4 3 5
Хуыцаубон 2 2 3 2
Ӕдӕппӕтӕй: 12 12 12 12
Ацы графиктӕй дын искӕцы сбӕздзӕн? Кӕд нӕ, уӕд дӕхи бон нӕу дӕхицӕн график саразын?