Studyim Gohed for Luk Aot! Brochure
Iumi bae studyim Gohed for Luk Aot! brochure long Kongregeson Buk Study start long week bilong October 29, go kasem November 26, 2007. Plis iusim olketa kwestin hia taem iu preparem and conductim disfala study. Long taem bilong study, readim datfala information and olketa scripture sapos taem hem fitim.
Week Bilong October 29
◼ Page 3-4: Which wan long olketa problem hia nao hem barava affectim laef bilong iu? Wanem nao showimaot long iu hao olketa problem hia no happen nomoa long kantri bilong iu?
◼ Page 5: Wanem nao mekem iu feel sure hao God hem barava tingim iu? Wanem samting nao maet showimaot sapos iumi barava tingim God and samting wea hem gohed for duim or nomoa?
◼ Page 6-8: Wanem nao Matthew 24:1-8, 14 talem abaotem mining bilong olketa samting wea happen long world distaem? Olsem 2 Timothy 3:1-5 hem showimaot, wanem taem nao iumi stap insaed distaem? Hem olketa last day bilong wanem? Wanem nao mekem iu barava bilivim hao Bible hem really Word bilong God? Wanem nao datfala Kingdom wea iumi preach abaotem?
◼ Page 9-10: Why nao iumi shud barava tingting gud and careful abaotem samting wea iumi disaedem evriday and olketa samting wea iumi markem olsem important long laef? (Rom. 2:6; Gal. 6:7) Taem iu reviewim olketa kwestin long page 10, olketa wanem scripture nao iu tingim wea shud affectim samting wea iu duim?
Week Bilong November 5
◼ Page 11: Why nao iumi wanwan shud ting raonem olketa kwestin wea stap long disfala page? (1 Cor. 10:12; Eph. 6:10-18) Long wanem wei nao ansa bilong iumi for olketa kwestin hia hem showimaot sapos iumi ting strong long kaonsel bilong Jesus long Matthew 24:44 or nomoa?
◼ Page 12-14: Wanem nao datfala “hour bilong judgment” wea Revelation 14:6, 7 hem storyim? Wanem nao hem minim for “fraet long God and givim glory long hem”? Wanem nao Bigfala Babylon, and wanem nao bae happen long hem? Wanem nao iumi need for duim distaem from Bigfala Babylon hem klosap for finis? Wanem samting moa hem insaed datfala hour bilong judgment? Hao nao wei for no savve long datfala “day or hour” bilong judgment bilong God hem affectim iumi? (Matt. 25:13)
◼ Page 15: Wanem nao datfala kwestin abaotem sovereign rul, and hao nao hem affectim iumi wanwan?
◼ Page 16-19: Wanem nao datfala “niu skae” and “niu earth”? (2 Pet. 3:13) Hu nao promisim diswan? Wanem nao olketa change wea datfala niu skae and niu earth bae mekem kamap? Waswe, bae iumi wanwan kasem gud samting from datwan?
Week Bilong November 12
◼ Page 20-1: Wanem warning saed long wei for ranawe nao Jesus talem long olketa follower bilong hem long first century? (Luke 21:20, 21) Wanem taem nao olketa fit for ranawe? Why nao hem important for no delay for ranawe? (Matt. 24:16-18, 21) Why nao staka pipol ting nating long olketa warning? Long wanem wei nao plande thousand pipol long China and Philippines laef from olketa obeyim olketa warning wea man fit for trustim? Why nao olketa warning from Bible abaotem end bilong disfala world hem moa important for iumi obeyim? From end hem barava klosap, wanem responsibility nao iumi garem? (Prov. 24:11, 12)
◼ Page 22-3: Long Australia long 1974 and Colombia long 1985, why nao plande pipol ting smol long olketa disaster warning, and wanem nao kamaot from datwan? Sapos iu stap long olketa ples hia and herem olketa warning olsem, wanem nao bae iu duim, and why nao olsem? Tingim sapos iumi stap long taem bilong Noah, wanem samting abaotem iumi nao maet showimaot sapos iumi bae obeyim warning wea hem talem or nomoa? Why nao pipol laek stap long Sodom or klosap raonem datfala taon? Wanem gud samting nao iumi savve kasem sapos iumi tingting strong abaotem samting wea happen long Sodom?
Week Bilong November 19
◼ Page 24-7: Iusim “Olketa Study Kwestin” long page 27.
Week Bilong November 26
◼ Page 28-31: Iusim “Olketa Study Kwestin” long page 31.
For studyim gud disfala brochure bae helpem iumi for “gohed for lukaot” and pruvim hao iumi redi. So iumi mas mek sure ministry bilong iumi hem evritaem showimaot iumi tingim tumas hao end bilong disfala world hem klosap nao, olsem datfala angel hem talemaot taem hem sei: “Fraet long God and givim glory long hem, from hour bilong judgment bilong hem kam finis nao.” —Matt. 24:42, 44; Rev. 14:7.