Iren Sawas kan ong Doaropwehn Kasukuhl ong Mihting en Mour oh Kalohk
© 2025 Watch Tower Bible and Tract Society of Pennsylvania
JULY 7-13
SOAHNG KESEMPWAL KAN SANG MAHSEN EN KOHT | LEPIN PADAHK 21
Kaweid Erpit kan ong Mouren Pwopwoud Nsenamwahu
Iaduwen Ahmw Kak Wiahda Pilipil Mwahu kan?
Wia pilipil akan me sohte wehwe mwahu kak imwila suwed. Lepin Padahk 21:5 (NW) kaweidki: “Wiahda ahmw koasoandi ni keneinei, ke ahpw pahn paiekihda, ahpw ma ke pahn pwurur, e pahn imwila suwed.” Karasepe, pwutak oh serepein pwulopwul akan me kin mwahukihda emen emen anahne kihong ahnsou itar mwohn arail pilada ren pwopwoud. Pwe irail dehpahno lelohng dahme soun nting koasoi en England, William Congreve, koasoia: “Aramas akan me kin karuwaru oh mwadang pwopwoudida pahn ahneki ahnsou reirei koluhkihla arail mwekid.”
g 7/08 7 par. 2
Dahme Kak Wiahda Mouren Pwopwoud Ehu en Pweida Mwahu
Kasalehda aktikitik. “Kumwail dehr wia mehkot sang ni akamai de aklapalap, ahpw ni aktikitik, kumwail wiahki meteikan lapalapasang kumwail.” (Pilipai 2:3) Kahpwal tohto kin pwarada pwehki pwopwoud ehu kin aklapalap oh song en kapwukoahki emenemen ara kahpwal kan, ahpw ira sohte kin song en ni aktikitik kamwahwihala nanpwungara. Aktikitik kak seweseiuk powehdi omw men ngihtehtehki me ke pwung nan akamai ehu.
“Pereperenki Serepein Me Ke Pwoudiki”
13 Iaduwen ma pwopwoud ieu pahn soansuwedda pwehki sang ni mwohmw akan me ira kin wiapene nanpwungara? Rapahkihda dahme pahn kamwahuwihala kin anahne doadoahk laud. Karasepe, mwein elen koasoakoasoipene lemei oh pwisirek kin miehla nanpwungara oh ira ahnla. (Lepin Padahk 12:18) Duwen me pwaradahr nan artikel en mwowe, me kak kauwehla pwopwoud. Mahsen loalokong en Paipel mahsanih: “Kousoan pohn pwelengen ihmw ehu mwahusang iang kousoan nan ihmw ehu me lih pwopwoud lokaia tohto men mihmi loale.” (Lepin Padahk 21:19) Ma kowe soangen lih pwopwoud wet, eri pein idek rehmw, ‘Mwomwei kat kin kahpwalihala ahi pwoud en kin patohdohng ie?’ Paipel padahkiong ohl pwopwoud akan mahsanih: “Kumwail ohl akan, kumwail en poakohng amwail pwoud kan, oh dehr lemeiong irail.” (Kolose 3:19) Ma kowe ohl pwopwoud emen, pein idek rehmw, ‘Mwomwen ahi wiewia ong ahi pwoud, kin wia kasongosong ieu en rapahkihla nsenamwahu wasa tohrohr?’ Mehlel me sohte kahrepe ieu me dipen kamwahl en wiahki mehkot konehng. Ahpw, pwehki soahng suwed wet a kak wiawi, iei me kahrehda e mwahu aramas en koasoia apwal akan me pid met ni sohte ekiek.
Ire Kesempwal kan
Mehn Kasansal akan me Pid Wehin Koht Wiahier Mehkot Mehlel
9 Sises solahr wiewiahte aramas me dakehlong ahs pwul nan kahnimw, ahpw me e wia ahnsou wet, e wiahier nanmwarki roson emen. Kasansal kin kihda me e dakedake oahs emen—ni mahsen en Pwuhk Sarawi kin wia kilel en mahwen. (Lepin Padahk 21:31) Kaudiahl 6:2 mahsanih: “I ahpw kilangada oahs pwetepwet men. Me dakeo weuwa kesik ketieu pwoat oh nihn ehu kohieng. E ahpw mwesel kohkohla, kolahng kalowehdi eh imwintihti kan.” Pil soun melkahka Depit ntingihdi: “Kauno pahn ketin katelapahla sapwellimomwi manaman en kaunda wehi pokon sang Saion. E mahsanih: ‘Komwi en kaunda sapwellimomwi imwintihti kan.’”—Melkahka 110:2.
JULY 14-20
SOAHNG KESEMPWAL KAN SANG MAHSEN EN KOHT | LEPIN PADAHK 22
Kaweid Erpit kan ong Kakairada Seri
Noumw Seri kan Pahn Papah Siohwa ni Ahnsou me Irail Laudla?
7 Ma kumwa pwopwoud ehu oh men naineki seri, pein idek rehmwa: ‘Se wia aramas aktikitik me kin poakohng Siohwa oh sapwellime Mahsen? Siohwa pahn kak ketin pilada sen apwalih mouren seri pwelel men me kesempwal?’ (Mel. 127:3, 4) Ma ke wia pahpa de nohno men, pein idek rehmw: ‘I kin padahkihong nei serio kesempwalpen en kin doadoahk laud?’ (Ekl. 3:12, 13) ‘I kin wia uwen ei kak koaros en pere nei seri kan sang keper kan me irail kakete lelohng nan ahn Sehdan sampah?’ (Lep. Pad. 22:3) Ke sohte kak perehsang noumw seri kan kahpwal koaros me irail kakete lelohng. Met sohte kak wiawi. Ahpw ke kak kaunopirailda ong kahpwal kan en mour sang ni omw pousehlahte padahkih irail ni limpoak ong ia duwen arail en likih kaweid en Paipel. (Wadek Lepin Padahk 2:1-6.) Karasepe, ma kisehn peneinei men pilada en uhdihsang papah Siohwa, sewese noumw serio en sukuhlkihsang nan Mahsen en Koht dahme kahrehda e uhdahn kesempwal en loalopwoat ong Siohwa. (Mel. 31:23) De ma emen me kumwail kin poakohng mehla, kasalehiong noumw seri ko iren Paipel kan me kak sewese irail en powehdi nsensuwed oh en ahneki meleilei.—2 Kor. 1:3, 4; 2 Tim. 3:16.
Pahpa Nohno kan—Kaiahnehda Noumwail Seri kan en Poakohng Siohwa
17 Tepida mwadang en kaiahne noumw seri kan. Ma pahpa nohno kan tepida mwadang en kaiahne neirail seri kan, e pahn uhdahn mwahu. (Lep. Pad. 22:6) Medewehla Timoty, me mwuhr iang wahnpoaron Pohl seiloakseli. Ahn Timoty nohno, Iunis, oh eh nohno kahlapo Lois, kaiahnehda ih ‘sang ni eh seri pwelel.’—2 Tim. 1:5; 3:15.
18 Pil ehu pwopwoud sang Côte d’Ivoire, Jean-Claude oh Peace, pil kak en kaiahnehda neira seri wenemen ko koaros en poakohng oh papah Siohwa. Dahme sewese ira en pweida mwahu? Ira idawehn mehn kahlemeng en Iunis oh Lois. Ira nda, “Se kin pwurupwurehng padahki oh katamanki nait seri kan duwen Mahsen en Koht sangete ar pwelel, se tepida mwurinte arail ipwidi.”—Deud. 6:6, 7.
19 Ia wehwehn en “padahkihong” noumwail seri kan Mahsen en Siohwa? Nan Deuderonomi 6:7, lepin lokaiahn Ipru me kawehwehdi ong “padahkihong” kin wehwehki en “kalapw pwurupwurehng padahki oh katamanki.” Pwehn wia met, pahpa nohno kan anahne kalapw kihong ahnsou en mi rehn neirail seri kan. Ekei pak pahpa nohno kan kakete tihwohkihla arail pwurupwurehng kaweid neirail seri kan. Ahpw pahpa nohno kan kak nantihong en kilangwohng met nin duwen ahnsou mwahu ehu en sewese neirail seri kan en wehwehki Mahsen en Koht oh kapwaiada.
w06 4/1 9 par. 4
Pahpa Nohno kan—Wia Mehn Kahlemeng Mwahu ong Noumwail Seri kan
Ei mehlel, ih kin mwomwen seri kan, ekei kin men uhwong de pil kin ketihwo. (Senesis 8:21) Eri dahme pahpa nohno kan kak wia? Paipel mahsanih: “Pweipwei kin pirapiriong nan mohngiong en kisin pwutak men, ahpw tuhkehn peneu pahn kihsang met reh.” (Lepin Padahk 22:15, NW) Ekei kin medewe me met nohn lemei oh solahr kin kadoadoahk. Ni mehlel, Paipel sohte kin pwungki tiahk lemei oh soangen tiahk en wiakau koaros. ‘Tuhkeo’ kak ekei pak wehwehki mehlel en tuhke, ahpw ni mehlel e kin wehwehki manaman me pahpa nohno kin ahneki pwehn kihda kaweid ni inen ahpw limpoak oh konehng ni arail nsenohki en neirail seri ko ar nsenamwahu kohkohlahte.—Ipru 12:7-11.
Ire Kesempwal kan
Diar Peren nan Omw Pwais kan
11 Duwehte met, kitail kak kalaudehla atail peren sang ni atail kin poadidiong wia pwukoa sohte lipilipil me kitail ahneki nan sapwellimen Siohwa doadoahk. Ken “soupisengkihla” doadoahk en kalohko, oh doadoahk laud nan mwomwohdiso. (Wiewia 18:5; Ipru 10:24, 25) Kaunopada mwahu ong mihting kan pwe ken kak kihda pasapeng kangoang kan. Kesempwalki omw pwukoahn padahk de kamwomwada nan mihting en wihk kan. Ma brother kan peki omw sawas en wia pwukoa ehu nan mwomwohdiso, ken mwadangala oh kasalehda me irail kak likih iuk. Dehr medewe me pwukoa ehu me ke ahneki sohte kesempwal oh me ke sohte anahne wiahda ahnsou ong. Nantihong ken koahiekla nan omw doadoahko. (Lep. Pad. 22:29) Ma ke uhdahn doadoahk laud ong Siohwa, ke pahn wiahla kompoakepah mwahu men oh ke pil pahn uhdahn peren. (Kal. 6:4) E pil pahn mengei ong uhk en iang perenda ni meteikan ar alehdi pwukoa ehu me ke men alehdi.—Rom 12:15; Kal. 5:26.
JULY 21-27
SOAHNG KESEMPWAL KAN SANG MAHSEN EN KOHT | LEPIN PADAHK 23
Kaweid Erpit kan ong Nim Sakau en Wai
Kolokolete Madamadau Toupahrek Ong Duwen Doadoahngki Sakau en Wai
5 Ahpw, iaduwen ma aramas emen nim sakau en wai ahpw kanahieng pwe e sohte pahn nim lao aramas kak kasawihada me e sakaula? Ekei aramas kin sohte nohn sansal me re sakaula mendahte ma re nimala wehieu. Ahpw, ma kitail medemedewe me soangen wiewia wet sohte keperpe, met kin wehwehki me kitail kin pitipitih pein kitail. (Seremaia 17:9) Ekis ekis e pahn doudoulahte mwowe oh aramaso sohla kakasang sakau en wai oh ih eri wiahla “lidun wain.” (Taitus 2:3) Soun nting pwuhk emen me ede Caroline Knapp koasoia iaduwen aramas emen kak wiahla soangen aramas me mehn wai kin kahdaneki “alcoholic”: “Met kin wia irair ieu me kin wawai ekis ekis lalaudla, kaineng oh rir.” Mihla pahn ineng en sakau en wai wia lidip en kamala ieu!
6 Tehk mahsen en kaweid en Sises me mahsanih: “Kumwail pein mwasamwasahn kumwail. Kumwail dehr kedirepwehkin kumwail mwenge laud oh sakau kehlail, oh pwunod kan en sampah wet; pwe Rahno kakete leledohng kumwail ni ahnsou mwadang. E pahn kohdo, rasehng nsar ehu ong aramas koaros pohn sampah.” (Luk 21:34, 35) Nim sakau en wai sohte anahne en lel ni irair en sakaula pwe aramas emen en men memeir oh dangahngahla—ni paliwar oh pil pali ngehn. Ia pahn mwomwe ma aramaso mihmi nan irairo a rahnen Siohwa eri leledo?
it-1 656
Sakaula
Paipel mahsanih en dehr wia met. Paipel kihda peneu kehlail ong nim sakau daulihala. Sounnting loalokong en pwuhken Lepin Padahk kawehwehda ni sansal oh ni ahl ehu me pwungiong palien sains, imwilahn nim sakau daulihala. E koasoia: “Ihs me kin lokolok? Ihs me kin pwunod? Ihs me kin akamai? Ihs me kin kaulim? Ihs me kin ohla ni soh kahrepe? Ihs me kin nan mas weitahta? Iei irail akan me kin niminim wain ahnsou reirei; irail akan me kin raparapahki wain doal. Dehr linganki weitahtahn waino, de pil eh kin lingaling nan kepo [ni ahnsou me waino mwomwen nohn lingan, wie lingaling] oh eh kin tangamwahu [ni eh kin kohdihla mwahu nan kepinwar], pwe ni imwila, e kin keikei duwehte serpent men, oh e kin kihwei pwoisin duwehte sineik pwoisin men [e kak kahrehiong emen en soumwahuda ni paliwar (karasepe, e kin kahrehda soumwahu en eh) oh madamadau (kahrehda kahpwal laud ni emen eh uhdihsang sakau, me adaneki delirium tremens), oh aramas kak mehkihla sakau]. Mesomw kan pahn kilangada soahng kan me ehu soahng [sakauo kin kamwakid mwahlielo; kahrehiong aramaso en tepida wia tiahk kan me e sohte kalapw wia; e kin tepida kilang soahng kan me sohte uhdahn wiawi; pwehki e manokehla dahme uhdahn wiawi, e kin kinehkihda soahng kan me mwomwen mehlel; e sohla kehn dahme e wiewia], oh omw mohngiong pahn koasoia soahng suwed kan [eh madamadau oh ineng kan me e sohte kin kasalehda pahn sansalda].”—Lep 23:29-33, NW; Os 4:11; Md 15:18, 19.
Sounntingo kawehwehda mwomwen aramas sakauo ni eh doula koasoia: “Ke pahn pehm duwehte ma ke mihmi nan madau, mehnmadau [pingada rasehng emen me pahn duhla, oh sohla kehn wasa], likilikahs pohn kehu en sohp pwoat me kin mwekimwekid [pwehki mwekimwekid en sohpo kin keieu laud wasaht, en me sakauo eh mour kin mihla nan keper en aksident, mwoatorala (stroke), pei, de soahng teikan]. Ke ahpw pahn nda, ‘Re kemeiedahr, re wokihiedier, ahpw I sohte tamataman [me sakauo ele lokolokaiahng pein ih; e sehse dahme wiewiawi oh lokolok me e lelohng pwehki dahme wiawihong ih]. Dahme I sohte kak pwourkihda? I uhdahn anahne pil ehu kepen sakau [met e anahne meir pwehki e ohn sakau, ahpw e wialahr lidu en sakau oh kasikasik pwurehng nim ni ahnsou me e kak].’” E pahn semwehmwehkihla eh kin doadoahngkihla mwohni laud ong sakau oh pil sang ni eh wiahla emen me soh likilik me kahrehiong en sohla kak doadoahk.—Lep 23:20, 21, 34, 35.
Ire Kesempwal kan
w04 11/1 31 par. 2
Peidek kan Sang Sounwadawad kan
Karasepe, nohn mworourou kakete wia kilelepen mehwo en mwenge, ahpw kaidehn ih kahrepeo met ahnsou koaros. Emen kakete nohn mworourou pwehki e ahneki soumwahu ehu. Met pil kak kohsang soumwahu ehu me e kohwahki sang eh peneinei. Kitail pil anahne taman me nohn mworourou kin pidada paliweren emen, ahpw mehwo en mwenge kin pidada en emen eh madamadau. Nohn mworourou kin wehwehki “irair en paliwar ehu me kin kohsang nohn tohtohlahn kirihs en nan paliwar,” a mehwo en mwenge iei “mehwo de mwenge daulihala.” Kahrehda en emen eh madamadau ong mwenge me kin kasalehda ma e mehwo en mwenge, a kaidehn uwen laud en ih. Aramas emen kak sais mwahu de pil tihti ahpw pil kin mehwo en mwenge. Patehng met, ehuehu wasa kin wekpeseng arail madamadau ong soangen paliwar dah me keieu mwahu.
JULY 28–AUGUST 3
SOAHNG KESEMPWAL KAN SANG MAHSEN EN KOHT | LEPIN PADAHK 24
Kakehlakaiuk ong Kahpwal kan
it-2 610 par. 8
Kalokolok
Kristian kan kin pil wehwehki duwen keting me pahn kohwong irail kan me kin dadaur. Me pid keting wet, Sises mahsanih: “Meid pai irail me kin kalokolok pwehki ar wia dahme pwung, pwe arail wehi iei Wehin nanleng.” (Md 5:10) Arail ese koapworopwor en kaiasada oh ese Ihs me ketikihda koapworopwor wet kin kakehlaka irail. E kin kakehlaka irail en lelepek ong Koht mendahki ma sounkalokolok lemei kan kin kamasangkin irail mehla. Pwehki arail pwoson dahme sapwellimen Sises pwoula kapwaiada, irail saledeksangehr masak soangen kamakamala wet. (Ipr 2:14, 15) En Kristian men madamadau kesempwal ma e men kolokolete eh lelepek ni eh lelohng uhwong. “Kumwail kolokol elen madamadau wet me pil kin mi rehn Krais Sises. . . E ketin . . . peik lao e pwoula, ei, pwoula nin tuhkehn kalokoloko.” (Pil 2:5-8) “Pwehki peren me mi mwowe [mwohn Sises], e ketin dadaurete ni tuhkehn kalokoloko oh sohte namenengki.”—Ipr 12:2; pil kilang 2Ko 12:10; 2De 1:4; 1Pi 2:21-23.
Kolokol Peren ni Ahnsou Apwal akan
12 Lepin Padahk 24:10 kin mahsanih: “Ma ke me luwet ni ahnsou apwal, ke me uhdahn lamalam luwet.” Ehu lepin padahk pil mahsanih: “Ni ar kin nsensuwed, re kin seren pahtou.” (Lep. Pad. 15:13) Ekei Kristian kin nohkla mworus kahrehda re uhdihsang arail kaukaule wia wadawad en Paipel oh doudouloale Mahsen en Koht. Arail kapakap kan solahr wia mehkot kaperen oh ele re pil sohla patehng iengarail tohnkaudok kan. Eri, e sansal me e keper en kolokol atail pepehm en mworusala.—Lep. Pad. 18:1, 14.
13 Ni pali teio, en ahneki madamadau pwung pahn sewese kitail en kilangwohngete wasa kan nan atail mour me kitail kak ahneki peren. Depit ntingihdi: “Maing ei Koht, ia uwen ei kin ngoangki kapwaiada kupwuromwien!” (Mel. 40:8) Ma mehkot sapwungala nan atail mour, kitail en dehr uhdihsang atail koasoandi mwahu en kaudok. Ni mehlel, ehu ahl mwahu en pelian atail nsensuwed iei en iang wiewia kan me kin wahdo peren. Siohwa mahsanihong kitail me kitail kak diar peren oh nsenamwahu ni atail kaukaule wadek sapwellime Mahsen oh kin tehk kanaiehng ire kan. (Mel. 1:1, 2; Seims 1:25) Kitail kin ale koasoi kansenamwahu kan me kak kangoange kitail oh kaperenda mohngiongitail sang nan Paipel oh mihting kan en Kristian.—Lep. Pad. 12:25; 16:24.
Peidek kan Sang Sounwadawad kan
Lepin Padahk 24:16 mahsanih: “Sohte katepen uwen tohtohn aramas lelepek men eh pahn pwupwudi, ahpw e kin pwurehng pwourda.” Ia duwe, met kin dokedoke emen me pwurupwurehng wiahda dihp ahpw Koht ketin mahkohng?
Soh, kaidehn ih wehwehn iretikitiko met. Iretikitiko kin dokedoke emen me kin lelohng kahpwal tohto ahpw kin dadaurete.
Ei, Lepin Padahk 24:16 sohte kin mahmahsanih duwen emen eh kin “pwupwudi” ong nan dihp, ahpw e kin mahmahsanih duwen emen eh kin pwurupwurehng lelohng kahpwal kan. Nan sampah suwed wet, aramas lelepek men ele kin kohwahki soumwahu de pil lelohng kahpwal teikan. Ele e pil kin ale kalokolok sang palien koperment pwehki eh pwoson. Ahpw e kak likih me Koht iei sawasepe oh pahn ketin sewese ih en dadaurete oh pweida. Pein idek rehmw, ‘Pakehr depe I kilang soahng kan ar kin imwila mwahu ong sapwellimen Koht ladu kan?’ Ia kahrepen atail pahn idek met? Pwehki kitail uhdahn kamehlele me Siohwa “kin ketin sewese irail kan me kin mihla nan apwal; e kin ketin pwekada irail kan me kin pwupwudi.”—Mel. 41:1-3; 145:14-19.
Ire Kesempwal kan
w09 10/15 12
Peidek kan Sang Sounwadawad kan
Ni mwehin Paipel, ma ohl emen men ‘kauwada imwe’ de pwopwoudida oh nainekihda seri, e anahne pein idek reh, ‘I onopadahngehr en apwalih oh sewese ei pwoud oh nait seri me se ele pahn nainekihda mwuhr?’ Mwohn eh pahn pwopwoudida oh nainekihda seri, mie doadoahk e anahne wia ni eh apwalih eh mwaht de wahn sahpw kan. Ihme kahrehda Paipel mahsanih: “Ke dehr kauwada imwomw oh koasoanehdi loale, ke lao kaunopada omw mwaht akan nan sapwomw, oh ke wehwehkiher me ke kakehr mour sang loale.” Iren kaweid wet kadoadoahkte ahnsouwet?
Ei. Ohl emen me men pwopwoudida anahne kaunopada mwahu ong pwukoa wet. Ma e roson mwahu oh kak, e uhdahn pahn anahne doadoahk. Mehlel, en ohl emen eh doadoahk laud en apwalih ah peneinei sohte pidadahte arail anahn en paliwar. Mahsen en Koht kasalehda me ohl emen me sohte kin apwalih mwahu en eh peneinei anahn en war, pepehm, oh arail nanpwungmwahu rehn Koht suwedsang emen me sohte eh pwoson! (1 Tim. 5:8) Ihme kahrehda ohl emen me kaukaunop en pwopwoud de ahneki peneinei ehu anahne pein idek reh soangen peidek pwukat: ‘I onopadahngehr en apwalih ei peneinei? I onopadahngehr en wia tapwin peneinei me pahn sewese ei peneinei en kolokol arail nanpwungmwahu rehn Siohwa? I pahn kak kapwaiada ei pwukoa en kaukaule onop Paipel rehn ei pwoud oh nei seri kan?’ Mahsen en Koht uhdahn kasalehda kesempwalpen pwukoa pwukat.—Deud. 6:6-8; Ep. 6:4.
Eri ohl emen me raparapahki eh pwoud anahne medewe mwahu duwen iren kaweid me kileldi nan Lepin Padahk 24:27. Pil duwehte met, lih emen anahne pein idek reh ma e onopadahngehr wia pwukoa kan en lih pwopwoud oh nohno men. Pwopwoud ehu ele pil pahn idek soangen peidek kohte ma ira medemedewe en naineki seri. (Luk 14:28) En mourki sapwellimen Siohwa kaweid kan kak sewese sapwellime aramas akan ren soikala soahng kansensuwed tohto oh ahneki mouren peneinei nsenamwahu.
AUGUST 4-10
SOAHNG KESEMPWAL KAN SANG MAHSEN EN KOHT | LEPIN PADAHK 25
Kaweid Erpit kan ong Mwomwen Atail Koasoi
Doadoahngki Omw Koahiek en Lokaia ong me Mwahu
6 Dahme kahrehda e kesempwal en pilada ahnsou me konehng en koasoi? Lepin Padahk 25:11 (NW) mahsanih: “Lokaia ehu ni ahnsou me konehng duwehte apel me wiawihkihda kohl oh kapwatkihda silper.” Apel kan me wiawihkihda kohl kin kaselel, ahpw re uhdahn pahn kaselel sang met ni ar kin kapwatkihda silper. Ni ahlohte, ele mie mehkot mwahu me kitail pahn ndahng emen. Ahpw ma kitail pilada ahnsou me konehng en koasoi, kitail kak uhdahn sewese aramaso. Ia duwen atail kak wia met?
7 Ma kitail koasoi ni ahnsou me sohte konehng, ele aramas sohte pahn wehwehki de pwungki dahme kitail nda. (Wadek Lepin Padahk 15:23.) Karasepe, nan March pahr 2011, rerrer en sahpw oh ilok laud kauwehla kahnimw tohto nan palimese en Sapan. Aramas tohtohsang 15,000 mehla. Mendahki tohtohn arail peneinei oh kompoakparail kan mehla, Sounkadehdehn Siohwa kan men doadoahngki Paipel pwehn sewese meteikan me mi nan soangen irairohte. Ahpw re ese me tohtohn irail pwukat kin iang pelien lamalam en Buddha oh sehse Paipel. Ihme kahrehda, ni ahnsowo re sohte padahkihong aramas ako duwen kaiasada, ahpw re kamweitirailla oh kawehwehda dahme kahrehda soahng suwed pwukat kin wiawihong aramas mwahu.
Doadoahngki Omw Koahiek en Lokaia ong me Mwahu
15 Mwomwen atail koasoiong meteikan kak kesempwal duwehte dahme kitail kin nda. Aramas kin perenki rong Sises pwehki e kin ketin padahk ni ahl kadek. (Luk 4:22) Ni atail kin lokaia kadek, aramas uhdahn pahn perenki rong kitail oh pwungki dahme kitail nda. (Lep. Pad. 25:15) Kitail pahn kak koasoiong meteikan ni ahl kadek ma kitail kin wauneki irail oh nsenohki arail pepehm. Ihme Sises kin ketin wia. Karasepe, ni eh mahsanihada pokon ehu me kin songosong en rong ih, e kin kupwurperenki ketiket rehrail oh padahk ong irail. (Mark 6:34) Pil ni ahnsou kan me aramas lahlahwe ih, Sises sohte kin ketin dupuk.—1 Pit. 2:23.
16 Mendahki kitail poakohng atail peneinei oh kompoakepatail kan, kitail kakete nda soahng kan me sohte kadek ong irail pwehki kitail uhdahn ese irail. Kitail kakete medewe me kitail sohte anahne kanahieng mwomwen atail pahn koasoiong irail. Ahpw Sises kin ahnsou koaros ketin kasalehda kadek ni eh mahsen ong kompoakepah kan. Ni ekei irail akamaiki ihs me keieu lapalap, e ketin kapwungala irail ni kadek oh doadoahngki karasaras en kisin seri men pwehn sewese irail wekidala arail madamadau. (Mark 9:33-37) Elder kan kak alasang sapwellimen Sises mehn kahlemeng sang ni arail kaweid meteikan ni ahl kadek.—Kal. 6:1.
w95 4/1 17 par. 8
Kasalehda Limpoak oh Wiewia Mwahu kan—Ia Duwen?
8 Ni atail papah Koht, kitail koaros kin ele kamwakid emenemen sang ni atail mehn kahlemeng. Sises kin uhdahn kamwakid me kin rong sapwellime padahk kan. E uhdahn ketin nsenohki oh kesempwalki doadoahk en kalohk. E mahsanih me e duwehte mwenge ong ih. (Sohn 4:34; Rom 11:13) Soangen ngoang wet kak kamwakid meteikan en pil ahneki soangen ngoangohte. Ke pil kak kasalehda omw perenki kalohk duwehte met? Ehukihong meteikan nan mwomwohdiso soahng mwahu kan me wiawihong uhk nan kalohk, ahpw kanahieng en dehr ngilen suwei. Ni omw kin luke meteikan en iang uhk kalohk, kilang ma ke kak sewese irail en ahneki peren mehlel ni arail kin ehukihong meteikan duwen Sounwiapatail Lapalapo, Siohwa.—Lepin Padahk 25:25.
Ire Kesempwal kan
it-2 399
Mpahi
Aramas emen kin mpahi pwehki e ahneki pwoson oh mie mehkot kin kakehlaka. E sohte kin mwadangete kesehla eh madamadau toupahrek de mweidohng mehkot en kahrehiong en mwekid ni pweipwei. Aramas emen sohte kin kasalehda mpahi pwehki e kin pehm me e sohte itar, kin tihwohla, sohte ahneki pwoson oh koapworopwor, oh pil kin mwoarosala. Lepin padahko kawehwehda aramas emen me sohte kin mpahi ni eh mahsanih: “Ma ke sohte kak kanengamahiong omw lingeringer, eri, ke me luwet duwehte kahnimw ehu me sohte keledi, me mengeiong aramas en mahweniong.” (Lep 25:28). E kin mengei ong ih en ahnekihda soangen madamadau suwed koaros, me kak kamwakid ih en wia tiahk kan me sohte konehng.
AUGUST 11-17
SOAHNG KESEMPWAL KAN SANG MAHSEN EN KOHT | LEPIN PADAHK 26
Dehr Patehng “Aramas Pweipwei Men”
it-2 729 par. 6
Keteu
Ahnsou kan (Seasons). Nan Sapwen Inowo kin mie ahnsou riau, iei ahnsoun karakar oh ahnsoun kopou, me pil kak adaneki ahnsoun madekeng oh ahnsoun keteu. (Pil kilang Me 32:4; Mm 2:11) Sang nanwerengen April lel nanwerengen October kin keteu tikitik. Keteu sohte kin kalapw wiawi erein ahnsouwet me dondol kin wiawi. Lepin Padahk 26:1 kasalehda me e uhdahn ehusoahng ma keteu kin mweredi erein ahnsoun dondol. (Pil kilang 1Sa 12:17-19.) Erein ahnsoun keteu, ekei rahn kin keteu a ekei rahn kin ketipin. Pwehki e pil wia ahnsoun kopou ehu, e kin inenen lemwulemwur ni ahnsou me keteu kin mweredi. (Esr 10:9, 13) Kahrehda aramas kan kin uhdahn kalahnganki ma mie wasa irail pahn rukala ie.—Ais 4:6; 25:4; 32:2; Sop 24:8.
w87 10/1 19 par. 12
Peneu Kin Kapwarehda Wahn Popohl
12 Ong ekei aramas irail anahne mehkot me laudsang met, nin duwen me Lepin Padahk 26:3 kasalehda: “Ke uhdahn pahn wokih oahs, salihedi ahs, oh ke uhdahn pahn wokih aramas pweipwei men.” Ekei pak Siohwa kin ketin mweidohng mehn Israel kan ren lelohng kahpwal me irail pein kahrehiong irail, pwe ren kak aktikitikla: Re “kahngohdiong kosonned en Koht, Wasa Lapalap, oh soikeweisang rehrail sapwellime kaweid kan. Solahr angirail pwehki ar doadoahk laud; re ahpw kin pwupwudi, oh sohte me men sewese irail. Re ahpw likweriong KAUN-O sang nan ar apwal, e ahpw ketin doareirailla sang nan ar lokolok kan.” (Melkahka 107:11-13) Ahpw pwehki keptakailahn ekei me pweipwei kan, re solahr kak ale peneu me kak kamwahwihala irail: “Ma ke pahn keptakai ni ahnsou koaros me emen pahn kapwung ong uhk, ehu rahn ke pahn pwupwudi oh sohla kak pwurehng pwourda.”—Lepin Padahk 29:1.
it-2 191 par. 4
Neh Mwoator, Dangepel
Kadoadoahk nan lepin padahk kan. Nanmwarki erpit Solomon koasoia: “Ma ke pahn ilakih aramas pweipwei men, eri, e konehng ke en lupukasang nehmwen [me pahn kahrehiong ken neh mwoator]; pwe met ke pekipeki ehu kahpwal.” Ei mehlel, emen me alehda me pweipwei men en wiahda eh doadoahk ehu kin kahrehiong ih nan kahpwal laud duwehte emen me lupukasang neh. E uhdahn pahn kilang eh doadoahk sohte pweida oh e pahn ohkihla met.—Lep 26:6.
Ire Kesempwal kan
it-1 846
Pweipwei
En “wia pasapeng en aramas sahliel ong peidek en sahliel ehu,” me wehwehki en alasang mwomwen eh kin akamai, kin kahrehiong emen me wia met en mwomwen pwungki en me pweipweio elen madamadau oh tiahk kan. Pwe kitail en dehr duwehla me pweipweio ni ahl wet, lepin padahko kasalehda me kitail en dehr “sapeng peidek en sahliel ehu” pwe kitail en dehr “pil sahliel duwehte aramas me wia peideko.” Ahpw Lepin Padahk 26:4, 5 pil kak wehwehki me mie katepen en “sapeng peidek en sahliel ehu” pwehki met kin kasansalehda ire pweipwei kan en me pweipwei men oh e pil kin kasalehiong me dahme e kin akamaiki sohte kin dokpene.
AUGUST 18-24
SOAHNG KESEMPWAL KAN SANG MAHSEN EN KOHT | LEPIN PADAHK 27
Ia Duwen Atail Kin Paiekihda Kompoakepah Mehlel kan
Siohwa Ketin Kesempwalki Sapwellime Ladu Aktikitik kan
12 Aramas aktikitik men kin kalahnganki kaweid. Karasepe, medewehla me ke iang mihting en Kristian ehu. Mwurin omw koasoakoasoiong ekei riomw Kristian, emen irail ahpw kahreiuksang mwo oh kelehpwkihla oh ndaiong uhk me mie mehkot teng nan ngihmw kan. Mwein ke pahn namenekda. Ahpw ke sou pil pahn kalahnganki eh ndaiong uhk met? Ni mehlel, ke uhdahn men emen en mwadang padahkihong uhk! Duwehte met, kitail en aktikitik oh kalahnganki ni riatail men eh kaweid kitail ni ahnsou me kitail anahne. Kitail kin wiahki ih kompoakepatail, ahpw kaidehn atail imwintihti.—Wadek Lepin Padahk 27:5, 6; Kal. 4:16.
it-2 491 par. 3
Mehn Mpomw
Ahpw Lepin Padahk wet kin kihda kaweid me pid en kin likih oh kamehlele kompoakepah men, oh duwen eh konehng en likwerih soangen aramas menet ni omw anahne sawas: “Ke dehr manokehla kompoakepahmw kan de kompoakepahn semomw kan. Ma ke milahr nan apwal, ke dehr peki riomw en seweseiuk; mehn mpomw [sha·khenʹ] me karanihiuk pahn seweseiuk mwahusang riomw me dohsang uhk.” (Lep 27:10) Wasaht sounntingo mwomwen ndinda me ken kesempwalki oh peki sawas rehn kompoakepahmw keren men, a kaidehn rehn kisehmw kan de pil uhdahn riomw men, ma riomwo dohsang uhk, pwehki ele e sohte pahn kak sawas duwehte kompoakepahmwo me karanihiuk.
Me Pwulopwul kan—Soangen Mour Dah me Kumwail Mwahuki?
7 Ehu mehn kasukuhl me kitail kak sukuhlkihsang en Sohas pilipil suwed iei me kitail anahne pilada kompoakepah mwahu kan me kin poakohng Siohwa oh kaperenda ih. Kitail kak kompoakepahnki irail kan me mah de pwulopwul sang kitail. Tamataman me Sohas uhdahn pwulopwul sang kompoakepaho Sehoiada. Pwehn pilada kompoakepahmw kan, pein idek rehmw: ‘Kompoakepahi kan kin sewese ie en kakehlakahda ei pwoson Siohwa? Irail kin wia uwen arail kak en peikiong ih oh kangoange ie en wia soahngohte? Irail kin koasoia duwen Siohwa oh soahng kan me re sukuhlkihsang nan Paipel? Irail kin kihong ie kaweid ni ahnsou me I uhdahn anahne?’ (Lep. Pad. 27:5, 6, 17) Ni mehlel, ma kompoakepahmw kan sohte poakohng Siohwa, ke sohte anahne irail. Ahpw ma kompoakepahmw kan poakohng Siohwa, irail pahn ahnsou koaros seweseiuk!—Lep. Pad. 13:20.
Ire Kesempwal kan
Ire Kesempwal akan Sang Nan Pwuhken Lepin Padahk kan
27:21. Kaping kin kak kasalehda ihs kitail. Aktikitik kin sansalda ma kaping kin kamwekid kitail en pohnese atail pweipwand ong Siohwa oh kamwekid kitail en tengediong papah Ih. Aklapalap kin sansalda ni ahnsou kaping kin kamwekid madamadau me kitail mwahu sang meteikan.
AUGUST 25-31
SOAHNG KESEMPWAL KAN SANG MAHSEN EN KOHT | LEPIN PADAHK 28
Wekpeseng en me Suwed Men oh me Pwung Men
w93 5/15 26 par. 2
Ke Kin Idawehn Siohwa ni Unsek?
“ARAMAS lelepek kin kommwad duwehte laion.” (Lepin Padahk 28:1) Re kin pwoson, likih Mahsen en Koht, oh wonowei ni eimah nan sapwellimen Siohwa doadoahk mendahki kahpwal kan.
it-2 1139 par. 3
Koahiek en Wehwehki
Irail kan me kin soikala Utupen koahiek wet. Aramas emen me pilada en wiahda dihp sohla kin tehk sapwellimen Koht madamadau ni eh kin wiahda pilipil kan oh koasoandi kan. (Sop 34:27) Soangen aramas menet kin mweidohng eh mohngiong en kahrehiong en sohla kak kilang me dahme e wiewia ko sapwung oh e pil kin sohla kak dehdehki mwahu irair kan. (Me 36:1-4) Mehnda ma dene e kin kaudokiong Koht, e kin kesempwalki oh men rong en aramas akan ar koasoandi laudsang sapwellimen Koht koasoandi kan. (Ais 29:13, 14) E kin song en kihda kahrepe kan me dene eh tiahk kanamenek kan sohte nohn suwed oh kin wiahki tiahk pwukat “mwadong ehu” (Lep 10:23, NW) oh e kin mwersuwed, lemei, ahneki madamadau en me pweipwei, oh uwen eh soaloalokong kahrehiong en medewe me Koht sohte ketin mwahngih eh wiewia suwed kan mwomwen me Koht sohte kak ketin kasawih dahme mwahu oh dahme suwed. (Me 94:4-10; Ais 29:15, 16; Ser 10:21) Sang mwomwen eh mour oh wiewia kan, e kin mwomwen ndinda “Sohte Siohwa” (Me 14:1-3) oh e sohla kin medewe Ih nan eh mour. Pwehki e sohte ale sawas sang sapwellimen Siohwa kaweid kan, e sohte kak kasawih mwahu ire kan ni pwung, kilang mwahu kahpwalo oh ire kan me pidada kahpwalo, oh wiahda pilipil pwung kan.—Lep 28:5.
it-1 1211 par. 4
Loalopwoat
Aramas emen kak kolokolete soangen mour loalopwoat wet, kaidehn sang ni pein eh kehl en wia me mwahu, ahpw ihte pwehki eh pwoson laud oh eh kin likih Siohwa oh sapwellime manaman en doarehla ih. (Me 25:21) Koht ketin inoukihda me e pahn ketin wia “mehn sansar” ehu oh “wasahn ruk kehlail” ehu me kin sinsile elen me loalopwoat kan. (Lep 2:6-8, NW; 10:29, NW; Me 41:12) Arail mour kin kak soandi mwahu pwehki re kin ahnsou koaros men alehdi sapwellimen Siohwa kupwuramwahu, kahrehda re kin kak inenwohngete arail mehn akadei. (Me 26:1-3; Lep 11:5; 28:18) Nin duwen me Sohp kasawihada, mehnda ma me pwung kan ele kin lokolongki kaundahn me suwed kan de kin pil lelohng mehla duwehte me suwed kan, Siohwa ketin kamehlelehiong irail me E kin ketin mwahngih mouren me pwung kan oh E ketin inoukihda me en soangen aramas menet eh sohso pahn mihmi kohkohlahte, e pahn ahneki popohl ahnsou kohkohdo, oh pahn ahneki soahng mwahu kan. (Sop 9:20-22; Me 37:18, 19, 37; 84:11; Lep 28:10) Duwehte en Sohp irairo, dahme pahn kasalehda me aramas men uhdahn kesempwal oh warohng alehdi wahu iei ma ih aramas loalopwoat men, a kaidehn pwehki e kepwehpwe. (Lep 19:1; 28:6) Meid pai seri kan me ahneki soangen pahpa de nohno menet (Lep 20:7), pwe re alehdi sohso kaselel ehu sang mehn kahlemeng mwahu en arail pahpao oh iang paiekihda adamwahu oh wahu me e kadoahkihada.
Ire Kesempwal kan
w01 12/1 11 par. 3
Soikala Keper me Rasehng Medek Ehu me Lel Emen (Heart Attack)
Nohn koapworopworkihla pein kitail. Aramas tohto me lel medek ehu kin uhdahn koapworopworki me re roson mwahu mwohnte ar lel medek ehu. Re kin kalapw kouruhrki oh medewe me re sohte anahne tuhwong toahkte de wia keseu kan. Duwehte met, mwein ekei kin pehm me pwehki irail wia Kristian kei erein ahnsou werei, sohte mehkot kak wiawihong irail. Ele re kin seukautihong pein kasawih arail pwoson lao re lelohng nan kahpwal laud. E kesempwal en tamataman kaweid mwahu me wahnpoaron Pohl kihda me pid en dehr nohn koapworopworkihla pein kitail: “Mehmen me pepehm me e kesikesihnen teng, a en kanahieng pwe e de pwupwudi.” Kitail pahn kasalehda me kitail ahneki erpit ma kitail pohnese me kitail soh unsek oh anahne kaukaule kasawih atail pwoson.—1 Korint 10:12; Lepin Padahk 28:14.