Словарё важ и библейски алава
А Б В Г Ӷ Д Е Ж З И К Қ Л М Н О П Ԥ Р С Т Ф Х Ц Ч Ш Я
А
Азия.
Альфа и Амега.
Аминь.
Сыкавэл «тэ авэл кадя; чаче». Када жыля лэ еврейсконэ алавэстар ама́н, саво пэрэдэл о гиндо «тэ зритярэс о алав; тэ авэс надёжно». Алав «аминь» ԥэнэнас, кала сас соӷласни ла солахаса, ла молитваса или лэ алавэса, саво дэнас англа миро. Андэ Свынто тайна кадэва алав ԥэнэнпэ сар лэ Исусостири лэ Христостири звания (Вт 27:26; 1Лт 16:36; Рм 1:25; Тн 3:14).
Амрай.
Ла ԥэнэнас, кай тэ авэл бида варикастэ или варисостэ. И амрая, пала савэ пистромэ андэ Библия, най еқэндар кодэлэса, кала страминпэ или акушэнпэ. Кадяжэ най вся и время и амрая ԥэнэнас андэ бари холи. Часто, кала дэнас амрая, кадя англа всаворэ сыкавэнас, кай варикасти сас виандярдо о приӷоворо или варикаса терэлапэ варисави бида. Если и амрая ԥэнэнас о Дэл или варико анда лэстирэ слуӷоря, када точно трэбуй сас тэ авэл (Бт 12:3; Чс 22:12; Мк 11:21; Дл 23:12; Рм 12:14; Гл 3:10).
Анӷелоря.
О еврейско алав мала́хо и греческо алав а́нгеласо ворта сыкавэн кодэлэс, ко пэрэдэл варикастирэ алава. Кадэла алава пэрэандярдён сар «анӷело», кала и дума жал пала кодэла, ко жувэл по небо (Бт 16:7; 32:3; Иак 2:25; Тн 22:8). Кай и анӷелоря исин баро зор. О Дэл лэн создал пэбутэстэ май данглал, чем лэ манушэн. Андэ Библия пала лэндэ кадяжэ ԥэнэнпэ, кай лэн «бут тысячи свынти», кай вонэ «лэ чачунэ Дэвлэстирэ шавэ» и «черӷая англа тэсара» (Вт 33:2; Иов 1:6; 38:7; Ид 14). Вонэ на сас создани кадя, кай лэндэ тэ арақадён кацавэ жэ, сар вонэ. И анӷелоря фартэ бут, лэн милионоря (Дан 7:10). Андэ Библия ԥэнэнпэ, кай кажнонэ анӷелостэ исин алав и пэско характеро. Но вонэ на домэкэн, кай лэн тэ полэн сар дэвлэн, и бут андар лэндэ дажэ на ԥэнэн пэско алав (Бт 32:29; Лк 1:26; Тн 22:8, 9). И анӷелоря залэн разно ҭан по небо, и кажно терэл пэстири дила. Вонэ терэн дила англа лэ Иеговаско троно, пэрэдэн лэстирэ алава, поможын лэ Иеговастирэ манушэнди пэ ԥув, зритярэн кода, со присындой о Дэл, и поможын андэ дила, кай тэ ашундёл и лащи новость (2Цр 19:35; Пс 34:7; Мф 4:11; Лк 1:30, 31; Тн 5:11; 14:6). Май англэ вонэ лэна тэ подритярэн лэ Исусос андэ война Армагедоно (Тн 19:14, 15).
Апостало.
Арамейско шыб.
Када ек анда семицки шыба, сави шолпэ пэ пурани еврейско шыб. Спэрва пэ кадэя шыб дэнас дума и арамеёря, ай ӷэт май интя када ашэля ӷлавно шыб, пэ сави дэнас дума андэ Асирия и андо Вавилоно. Кадяжэ кадэя шыб сас ӷлавно андэ Персия (Езд 4:7). Пэ арамейско шыб сас пистромэ дэсавэ котора андэ книжка Ездра, Иеремия и Даниил (Езд 4:8—6:18; 7:12—26; Иер 10:11; Дан 2:4б—7:28; Мк 14:36; Дл 9:36).
Армагедоно.
Арханӷело.
Аряпаго.
Вучо плаёро андэ Афины, саво сас каринг о северо-западо лэ форостар Акропалё. Кадя ԥэнэнас и по круӷо (сындо), саво стидэласпэ пэ кадэва плаёро. Еқвар и епикурейцоря и стоикоря андэ́ лэ апосталос лэ Павлос по Аряпаго, кай во тэ росԥэнэн, андэр со патял (Дл 17:19, сн.).
Ахая.
Андэ Гречески Лила кадя ԥэнэнпэ пэ римско область, сави сас по юӷо андэ Грецыя. Ӷлавно форо андэ кадэя область сас о Каринфо. Андэ Ахая ужалас вся о Пелапанэсо и дэсави ла ԥувьятири часть андэ Грецыя (Дл 18:12).
Б
Бари бида.
О греческо алав, саво пэрэандярдо сар «бида», пэрэдэл о гиндо пала ԥари время, сави исин андэ лэ манушэстири жызня, и пала ԥаримос, савэстар найдраго по ди. Кала о Исусо ԥэндя, кай по Иерусалимо дэла и бида, пэрво, пэр со во камля тэ шол сама, сас и «бари бида», сави дэла пэ всаворэ мануша. Када терэлапэ тоди, кала во авэла и дицола, «сави дэ бари бах лэстар марэл» (Мф 24:21, 29—31). Па лэ Павлостирэ алава дицол, кай кадэла бидаса о Иегова лэла тэ рий «кодэлэнди, ко на ӷанэн лэ Дэвлэс, и кодэлэнди, ко на приашундёл каринг и лащи новость» пала Исусо Христос. Андэ книжка Свынто тайна ԥэнэнпэ, кай о Исусо лэла тэ хулай лэ небеснонэ халавдэнца, савэ жана против о зверё и против ла ԥувьятирэ царёря лэндирэ халавдэнца (2Фс 1:6—8; Тн 19:11—21). Кадэя бида пэрэжувэла «баро ӷурто манушэн» (Тн 7:9, 14). Дик АРМАГЕДОНО.
Бари патив каринг о Дэл.
Баро ковло ди.
Греческо алав ха́рисо сыкавэл, кай варико дэл анда ди и здиқэл пэ авэр. Кала и дума жал пала лэ Дэвлэско баро ковло ди, када ԥэнэнпэ пала кода, кай о Дэл делийпэ всаворэ́ одеса и нисо пала када на аштярэл, ай кадяжэ сыкавэл, кай во любий и драго обжалпэ лэ манушэнца. Кай кадя о Дэл тэ обжалпэ амэнца, амэ када не сможэм тэ затерас, кочай во када терэл кати важ кода, кай лэстэ баро и ковло ди. Кадэва греческо алав кадяжэ пэрэандярдёл сар «здиқэл» и «делийпэ всаворэ одеса» (2Кр 6:1; Еф 1:7).
Баро рашай.
Андэ Еврейски Лила ԥэнэнпэ «ӷлавно рашай». Андэ Гречески Лила «барэ рашая», май ӥто всаворэстар, ԥэнэн пэ кодэла, ко сас ӷлавно андэ рашаицко дила, и кардэ, можэт, ужан и ӷлавни рашая, савэ ужэ на терэн кадэя дила. Инке кадя ԥэнэн пэ барэдэра андэ 24 рашаицки круӷоря (2Лт 26:20; Езд 7:5; Мф 2:4; Мк 8:31).
Барэ Хуластири мисяйля.
Особо мисяйля, кай тэ сэрэн пала лэ Исусостири лэ Христостири смэрть. Пэ кадэя мисяйля хан о пресно марно и пэн о лоло вино, саво сыкавэл лэстири тила и о рат. Сар ԥэнэнпэ андэ Библия, всаворэ христианоря трэбуй «тэ справин лэ Барэ Хуластири мисяйля». Важ кода кай пэ кадэя мисяйля вспоминают пала лэ Христостири смэрть, пэр латэ инке ԥэнэн Поминально вечеря важ лэ Исусостири лэ Христостири смэрть (1Кр 11:20, 23—26).
Барэдэр; барэдэр ԥрал.
Если тэ ԥэнас ворта, када мурш, саво май ԥуро аврэндар и савэсти май бут бэрш, чем аврэнди. Но андэ Библия када кадяжэ ԥэнэн пэ муршэстэ, савэстэ исин право тэ хулаий и саво терэл бари дила андо ӷурто или андо народо (Исх 4:29; Пр 31:23). Инке о алав «барэдэр ԥрала» ԥэнэн пэ дэвликунэ мурша, савэн стодэ тэ заботинпэ пала христианско ӷурто. Андэ Гречески Лила алавэса «барэдэр ԥрал» пэрэандярдён алава пресби́тэрас и епи́скапас. Лэдуй кадэла алава еқэндар сыкавэн кодэлэс, ко лэлпэ хуласа андо христианско ӷурто, кати о алав пресби́тэрас шол сама, пэскати о мануш дэ састо па лэ Дэвлэстири время, ай о алав епи́скапас ԥэнэн пала дила, сави лэсти динэ. Ӷлавно гиндо, саво пэрэдэл о алав епи́скапас, — када кай кацаво мануш диқэл пала авэр, кай тэ заботийпэ пала лэндэ и тэ фэрий лэн. Кадэва алав исин андэ Дила 20:28; Филипы 1:1; 1 Тимафеё 3:2—7; Тито 1:7; 1 Пётро 2:25 (сноска); 5:2. Ай аврэтэ, например андо 1 Тимафеё 5:17, алавэса «барэдэр ԥрал» пэрэандярдо греческо алав пресби́тэрас. Кадяжэ андэ книжка Свынто тайна барэдэра ԥэнэнпэ пэ анӷелоря (Тн 4:4).
Барэдэр пэ область.
Бэсэйно важ о вино.
Обычно када сас дуй вишындэ ямы, машкар савэ сас найбари канавка. Кала о виноӷрадо тасавэнас андэ упруни яма, о вино спитялас андэ тэлуни. Кадэва алав ԥэнэнпэ кадяжэ най ворта, кала и дума жал пала лэ Дэвлэско сындо (Тн 19:15).
Билажавардимос.
Важ о Дэл уӷодно, кала сэксуальни отношэнии исин машкар хулай и хулаи андо брако, саво зареӷистрировано. Ай о греческо алав парнэ́я, саво пэрэандярдо сар «билажавардимос», сыкавэл кодэла сэксуальни отношэнии, савэ неуӷодни лэ Дэвлэсти. Андэ када ужал, кала о мануш придэл пэстирэ хулас или ла хулая, кала андярэл шоварицко жызня, кала кодэва, ко най андо брако, шалыийпэ кодэлэса, ко лэсти най хулай или хулаи, кала и мурша совэн ек еқэса и кала када терэн лэ жывотнонэнца. Андэ книжка Свынто тайна о алав парнэ́я ԥэнэнпэ, кала и дума жал пала хохавни вера, пэ сави ԥэндо Ашунгло Вавилоно. Вой шоварка, важ кода кай ԥирадёл кадэла люматирэ правителёнэнца, кай тэ авэл латэ бут мищимос и тэ авэл право тэ хулаий (Мф 5:32; Дл 15:29; Гл 5:19; Тн 14:8; 17:2; 18:3). Дик ШОВАРКА.
Бесовестно пэс андярэн.
О греческо алав асэ́лгея сыкавэл, кала о мануш ворта жал против лэ Дэвлэско законо и терэл када наӷло и найпативалэс, и кадэлэса сыкавэл, кай на стол патив и дажэ приасалпэ лэ законостар и кодэлэндар, кастэ исин право тэ хулаин. Кала о мануш андярэл пэс бесовестно, када фартэ серьёзно (Гл 5:19; 2Пт 2:7).
Болдёс; болэс.
Бэнг.
В
Ваало.
Када ханаанско дэл, лэс прижанэнас сар лэ небостирэ хулас, саво дэл о брышын и уражаё. Ваалоря кадяжэ ԥэнэнас пэ разни катутнэ дэвла. Пэ еврейско шыб кадэва алав сыкавэл «хулай; ӷосподино» (1Цр 18:21; Рм 11:4).
Вельзевуло.
Кадя ԥэндо по Сатана, саво лэ найвужэнго царё, или правителё. Можэт, кадя па аврятэ пистройпэ лэ Ваало-Зевулоско алав, када дэл, савэс полэнас и филистимляноря андо Екроно (2Цр 1:3; Мф 12:24).
Востро рувли.
Када лунго рувли, пэ сави востро саструно краё. Кацавя рувляса ӷонин лэ скотос. Кала о буйно гурув дэлас пэ кадэя рувли, во пусавэлас пэс. Катар и жыля о алав «дэс пэ востро рувли». Кадяжэ ла вострона рувляса сыстонпэ лэ годявэрнэ манушэстирэ алава, савэ поможын тэ приашундён каринг о лашо совето (Дл 26:14; Сд 3:31).
Вуӷлово бар.
Када бар, саво стонас андэ лэ цэрэско вуӷло по стыко машкар дуй стины. Во сас фартэ важно, кай тэ стидэл лэ цэрэстирэ стины и кай вонэ тэ авэн май састэ. О ӷлавно вуӷлово бар стонас андо фундаменто. Важ и важни здании и лэ форостирэ стины витидэнас фартэ састо бар. Кадэва алав ԥэнэнпэ най ворта, кала и дума жал пала кода, сар стерди и ԥув (Иов 38:6). Кадяжэ пала Исусо ԥэнэнпэ сар пала вуӷлово бар, пэ саво ритярдёл о христианско ӷурто, ай о ӷурто сыстойпэ лэ цэрэса (Еф 2:20). Инке по Исусо ԥэнэн «упруно вуӷлово бар», саво драго дицол. Сар кадэва бар, о Исусо находийпэ понад о христианско ӷурто, саво сар дэвликуни қандири (Мф 21:42; Дл 4:11; 1Кр 3:16, 17).
Вужымос; вужо.
Андэ Библия кадэва алав ԥэнэнпэ най кати кай о мануш тэ авэл просто вужо, но и кала варисо вужарэн, например ла дошатар, ла мэлатар, и кала освободин всаворэстар, со мэлярэл или римой лэ манушэско ди и годи и дурярэл лэ Дэвлэстар. Андэ лэ Маисеёско законо ԥэнэнаспэ пала особо порядко, саво трэбуй сас тэ стерэн, кай варико или варисо тэ ашэл вужо (Лв 10:10; Пс 51:7; Мф 8:2; 1Кр 6:11).
Вужя қандиряко празнико.
Кадэва празнико стонас кажно бэрш, кай тэ сэрэн о дес, кала и қандири ашэля вужи, посли кода сар ла маӷрисардя о Антиохо Штарто Епифано. Кадэва празнико залэсаспэ 25 кислево и жалас восемь деса (Ин 10:22).
Вурдон.
Г
Геена.
Пэ греческо шыб кадя ԥэнэнас пэ ла малятири ԥув Хиномо, сави сас по юӷо и по юӷо-западо лэ дэлмутнэ Иерусалимостар. Сас ԥэндо, кай када авэла ҭан, каринг лэна тэ шон и трупоря (Иер 7:31, 32; 19:6). Нисо на доԥэнэн, кай андэ геена сԥабарэнас лэ жундэ манушэн и лэ жывотнонэн или кай вонэ котэ мучинаспэ. Вижал, када не можэт тэ авэл ҭан, кай и мануша вечно мучинпэ андэ яг. О Исусо и лэстирэ ученикоря ԥэнэнас о алав «геена», кай тэ сыкавэн о гиндо пала кода, со полностью и пэ вся и время авэла стрисардо, или сыкавэл «дуйто смэрть» (Тн 20:14; Мф 5:22; 10:28).
Гермесо.
Греческо дэл, лэ Зевсоско шаво. И мануша анда Листра гиндосардэ, кай о Павло — Гермесо, важ кода кай полэнас кадэлэ дэвлэс сар кодэлэс, кас бишалэн авэр дэвла важ и разно дила и ко ӷанэн шукарнэс тэ дэл дума (Дл 14:12).
Града.
Заӷородимэ територия круӷом свынто катуна, ай ӷэт май интя вой сас опстоди стинэнца круӷом и қандири. Андэ града, кай сас и свынто катуна, и андэ ла қандирятири цынёни града тердёлас о жэртвенико, кай сԥабарэнас и жэртвы. Андэ Библия ԥэнэнпэ кадяжэ пала лэ цэрэндирэ грады и пала грады андэ дворецоря (Исх 8:13; 27:9; 1Цр 7:12; Мф 26:3; Мк 15:16; Тн 11:2).
Грекоря; греческо шыб.
О алав «грекоря» моӷли тэ ԥэнэн най кати пэ кодэла, ко грекоря па рат, но и пэ всаворэ авэр народоря, кроме евреёря, ай кадяжэ пэ кодэла, ко дэлас дума пэ греческо шыб и пэрэлэлас лэ греконэндирэ традицыи (Ил 3:6; Ин 12:20).
Ӷ
Ӷамо.
Када каш, саво шолпэ по карамысло, кай тэ ԥиравэн пэ ԥиқэ о ԥаримос; кадяжэ када каштуно хамуто или рама, сави шонас пэ кор дуе жывотнэнэнди, обычно лэ гурувэнди, кай тэ стон лэн тала варисави-то канструкцыя или тала вурдон. Важ кода кай андэ дэлмутни время, кай тэ пэрэандярэн о ԥаро ӷрузо, о ӷамо часто стонас пэ раборя, кадэва алав сыкавэлас, кай варико варикаско рабо или трэбуй тэ кандэл, ай кадяжэ кай пэ варикастэ тасавэн и мучин. Тэ сшос или тэ ԥагэс о ӷамо — када тэ освободиспэ анда рабство (Лв 26:13; Мф 11:29, 30).
Ӷаравлицко гоно.
Када гоно анда лэ жывотнонэндири мурцы (бузняни, бакрани или анда авэр), кай тэ ритярэн о паи, о вино, о ҭуд и авэр. О вино вся и время шонас андэ нэвэ ӷаравлицки гонэ, важ кода кай, кала лэл тэ цэлэл о вино, во вимэкэл уӷлекисло ӷазо, саво роздуияс кадэла гонэ. И нэвэ гонэ сас ковлэ, и важ када вонэ росцырдэнаспэ, ай и пуранэ гонэ сас жостки и росшындёнас (ИсН 9:4; Мф 9:17).
Ӷипсо.
Или «алебастро». Када бар, саво виӷанавэнас паша форо Алабастроно (Египто). На трэбуй тэ гиндос, кай када кодэва ӷипсо, саво щас исин, парно, сар яро. Анда ӷипсо терэнас найбарэ бутылочки важ и духоря. Лэндэ сас обычно вусько кэрлоро, саво састэс заԥандавэнас, кай котар нисо тэ на випитял и тэ на вижал о запахо (Мк 14:3).
Ӷлавно рашай.
Па лэ Маисеёско законо када само баро рашай, саво сас лэ народоско прецтавителё англа Дэл и савэс кандэнас авэр рашая. Кати о ӷлавно рашай еқвар андо бэрш, кала жалас Примирительно дес, моӷ тэ зажал андэ Само свынто комната андэ свынто катуна или андэ қандири. «Ӷлавно рашай» кадяжэ ԥэнэн по Исусо Христос (Лв 16:2, 17; 21:10; Мф 26:3; Евр 4:14).
Ӷурто.
Када ӷрупа мануша, савэ стидэ́пэ важ варисави дила. Андэ Еврейски Лила кадэва алав ԥэнэнас пэ вся израильско народо, ай кадяжэ пэ дэсавэ мануша, савэ стидэнаспэ важ и особо дила, например важ и дэвликунэ празникоря или важ и мероприятии, савэ исин андэ лэндирэ традицыи. Инке ӷурто ԥэнэнас, кала стидэнаспэ андэ кодэя время, сар жанас и дэвликунэ празникоря. Андэ Гречески Лила ӷурто ԥэнэн пэ отдельни лэ христианонэндирэ ӷрупы, но май часто кадя ԥэнэнпэ пэ всаворэ христианоря (1Цр 8:22; Де 9:31; Рм 16:5).
Д
Давидоско шаво.
Дер; дерало.
Када ԥаро насвалимос пэ тила. Кала андэ Библия ԥэнэнпэ алав «дер», и дума на жал кати пала насвалимос, саво исин адес, важ кода кай кадя ԥэнэнас най кати пэ мануша, но и пэ ӥда и пэ здания. Дерало — када мануш, савэстэ пэ тила исин дер (Лв 14:54, 55; Лк 5:12).
Дес англа субота.
Дес важ о сындо.
Када «дес», или время, сави витидя о Дэл, кай тэ спушэл дэсавэ манушэндар, лэ народонэндар или всаворэ́ миростар. Важ кодэла, касти виандярдо смэртно приӷоворо, о дес важ о сындо можэт тэ сыкавэл, кай о Дэл спушэла лэндар, ай важ авэр када можэт тэ сыкавэл, кай вонэ спасынапэ и лэна тэ жувэн вечно. О Исусо Христос и лэстирэ апосталоря дэнас дума пала «Дес важ о сындо», саво авэла англэ. Кадэва сындо авэла най кати пэ жундэ, но и пэ кодэла, ко дэлмут муля (Мф 12:36).
Десятиградия.
Када гречески фороря, савэ сас стидэ́ вместе. Спэрва лэн сас дэш. Кадэя названия жыля лэ греческонэ алавэстар дэ́ка (озн. «дэш») и по́лисо (озн. «форо»). Инке Десятиградия ԥэнэнас пэ область по востоко ла Галилейскона морятар и ла лэнатар Ярдано, паша савэ тердёнас май бут анда кадэла фороря. Вонэ сас ӷлавни фороря важ и торӷовля и важ и греко-восточно культура. Через кадэла фороря прожалас о Исусо, но амэ на ӷанас, зажылясас во хоть андэ ек андар лэндэ чи най (Мф 4:25; Мк 5:20).
Десято часть.
Када 10 процэнторя, савэ отдэнас или потинэнас сар налоӷо, со май ӷлавно, важ лэ Дэвлэстири дила (Вт 26:12; Мл 3:10; Мф 23:23; Евр 7:5). Па лэ Маисеёско законо и израильтяноря кажно бэрш отдэнас лэ левитонэнди и десято часть анда урожаё и анда ското, саво арақаделя, кай тэ подритярэн лэндири дила важ о Дэл. Ай и левиторя отдэнас пэстири десято часть анда кадэя часть, кай тэ подритярэн лэ рашан, савэ жылэ лэ Ароностар. Инке сас и авэр десяти части. И христианоря на трэбуй тэ отдэн и десято часть.
Дили.
Динариё.
Доӷоворо.
Када о доӷоворо, саво стердо лэдонэ ригэндар, — лэс терэл о Дэл лэ манушэнца или и мануша машкар пэстэ. Кадэлэса вонэ дэн алав, кай трэбуй варисо тэ терэн или варисо тэ на терэн. Дэкала о алав трэбуй сас тэ зритярэл кати варико ек (када доӷоворо еқа ригатар). Андэ авэр маменто о алав трэбуй сас тэ зритярэн лэдуй (када доӷоворо дуе ригэндар). Кроме доӷовороря, савэ сас стердэ машкар о Дэл и мануша, андэ Библия пистромэ пала доӷовороря, савэ терэнас машкар пэстэ и мануша, и ӷурторя и народоря. Само важни доӷовороря сас кодэла, савэ о Дэл стердя лэ Авраамоса, лэ Давидоса и лэ израильсконэ народоса (лэ законоско доӷоворо) и лэ Дэвлэстирэ Израилёса (нэво доӷоворо) (Бт 9:11; 15:18; 21:27; Исх 24:7; 2Лт 21:7; Лк 22:29; Дл 3:25; 2Кр 3:6; Евр 8:6).
Драбатяримари.
Или «астролаӷо». Када мануш, саво драго розуӷанэн о қам, о шон и черӷая, кай тэ ԥэнэн, со авэла англэ (Мф 2:1).
Драбатяримос.
Када патяимос андэ кода, кай и мулэ моӷут тэ дэн дума лэ жундэнца, обычно через о мануш, савэстэ лэнца исин бари связь. Греческо алав фармаки́а, саво пэрэандярдёл сар «драбатяримос», ворта сыкавэл «прилэс и наркотикоря». Кадэва алав сԥангло лэ драбатяримаса, важ кода кай андэ дэлмутни время кодэла, ко драбатярэлас, ханас и драба, или прилэнас и наркотикоря, кала виақарэнас лэ найвужэн, кай тэ лэн лэндар о зор (Гл 5:20; Тн 21:8).
Драхма.
Андэ Гречески Лила кадя ԥэнэн пэ рупуни греческо манета, савятэ сас о весо 3,4 ӷ. (Мф 17:24).
Дром.
Андэ Библия кадэва алав часто сыкавэл, сави жызня уӷодно лэ Иеговасти, ай сави най. Пэ лэ Исусостирэ лэ Христостирэ ученикоря ԥэнэнас, кай вонэ прижан каринг о «Дром». Када сыкавэлас, кай вонэ жанас лэ Христостирэ дромэса и терэнас, сар во, и андэ лэндири жызня само ӷлавно сас о патяимос андэр лэстэ (Дл 19:9).
Душа.
Кадя обычно пэрэандярдёл о еврейско алав не́феш и о греческо алав психе́. Андэ Библия кадэла алава тердён, кала и дума жал: 1) пала мануша, 2) пала жывотни и 3) пала лэ манушэндири или лэ жывотнонэндири жызня (Бт 1:20; 2:7; Чс 31:28; Дл 27:37; кадяжэ сн.).
Дэвликунэ алава.
Када и алава, савэ жан лэ Дэвлэстар, кала во росԥэнэн и новость, пэрэдэл пэско гиндо или ԥэнэн, со уӷодно лэсти. Када можэт тэ авэл, кала о Дэл камэл варисости тэ сытярэл, тэ ԥэнэн, со лэсти чалёл, или тэ виандярэл о приӷоворо, ай кадяжэ тэ ԥэнэн, со авэла англэ (Мф 13:14; 2Пт 1:20, 21).
Дэвлэско Царство.
Е
Евнухо.
Ворта када мурш, савэсти стердэ кастрация. Часто кацавэ мурша сас слуӷоря кай и царица и диқэнас пала ӷаремо. Евнухоря инке ԥэнэнас пэ барэ мануша анда лэ царёстири града, савэ на сас кастрировани. Кадэва алав инке найворта ԥэнэн, кала и дума жал пала мануша, савэ ритярэн пэс андэ вас, кай вся пэстири жызня тэ отдэн важ лэ Дэвлэстири дила. Можно тэ ԥэнэс, вонэ ашэлэ сар «евнухоря... важ о небесно Царство» (Мф 19:12, сн.; Эсф 2:15; Дл 8:27).
Евреёря; еврейско шыб.
Пэрво разо евреё сас ԥэндо по Аврамо (Авраамо), кай тэ сыкавэн, кай во на шолпэ пэ амареёря, савэ жувэнас паша лэстэ. Потом евреёря линэ тэ ԥэнэн пэ лэ Авраамостирэ бэяцэ, савэ жылэ лэстирэ внукостар лэ Иаковостар, ай пэ шыб, пэ сави вонэ дэнас дума, ԥэнэнас «лэ евреёнэндири шыб». Андэ лэ Исусостири время андэ еврейско шыб сас бут арамейски алава. Пэ кадэя шыб дэлас дума о Исусо и лэстирэ ученикоря (Бт 14:13; Исх 5:3; Дл 26:14).
Епикурейцоря.
Кадя ԥэнэнас пэ кодэла мануша, савэ жувэнас кадя, сар сытярэлас о ӷрамотно мануш о Епикуро, саво сас греко (341—270 ж. а. э.). Вонэ сытярэнас, кай само ӷлавно андэ жызня — када кай о мануш тэ раюий (Дл 17:18).
Ефиопия.
Када страна андэ дэлмутни время, сави сас найдур лэ Египтостар. Андэр латэ ужалас лэ адесутнэ Египтостири южно часть и лэ адесутнэ Суданости северно часть. Дэкала Ефиопия ԥэнэн по краё, пэ саво и евреёря ԥэнэнас Кушо (Эсф. 1:1).
Ефрато.
Само лунго и со май важно лэн андэ юӷо-западно Азия; ек анда дуй ӷлавни лэна андэ Месапатамия. Пала латэ пэрво разо пистромэ андэ Бытие 2:14. Вой ек анда штар лэна, савэ питянас анда Едэмско садо. Часто пэр латэ просто ԥэнэнпэ «лэн» (Бт 31:21). О Ефрато сас Израильско северно ӷраница (Бт 15:18; Тн 9:14; 16:12).
Ж
Жребиё.
Жундёс.
Када кала варико рийпэ каринг и жызня. О греческо алав ана́стасисо, саво пэрэандярдёл сар «жундярэс», ворта сыкавэл «ваздэспэ; ущес». Андэ Библия ԥэнэнпэ пала девять разоря, сар жундёнас и мануша, и кардэ ужал, кала о Дэл Иегова жундярдя лэ Исусос. Хоть лэ манушэн жундярэнас о Илья, о Елисеё, о Исусо, о Пётро и о Павло, можно точно тэ ԥэнас, кай кадэла чудеса вонэ терэнас лэ Дэвлэстирэ зорэса. Па лэ Дэвлэско баро гиндо обязательно трэбуй тэ жундён «кодэла, ко терэлас правильно и ко терэлас неправильно» (Дл 24:15). Андэ Библия кадяжэ ԥэнэнпэ, кай авэна кодэла, ко жундёла каринг и жызня по небо. Пэрви, ко рияпэ каринг и жызня, авэна лэ Исусостирэ ԥрала, савэ сас витидэ́ лэ свынтонэ зорэса (Ин 5:28, 29; 11:25; Фп 3:11; Тн 20:5, 6).
Жызнятири витка.
Жэртва.
Када подарко, саво анэнас лэ Дэвлэсти, кай тэ сыкавэн пэстири блаӷодарность, тэ сыкавэн, кай каинпэ, или тэ рин и лащи дружба лэ Дэвлэса. Жы анда лэ Авелёстири время и мануша анэнас разни жэртвы (кадяжэ и лэ жывотнонэн), кала камэнас када тэ стерэн, ай кала сас дино лэ Маисеёско законо, и жэртвы трэбуй сас тэ анэн обязательно. Посли кода сар о Исусо отдя пэстири жызня сар идеально жэртва, будэр на трэбуй тэ анэн лэ жывотнонэн андэ жэртва. Но и христианоря идоси анэн лэ Дэвлэсти и дэвликунэ жэртвы (Бт 4:4; Евр 13:15, 16; 1Ин 4:10).
Жэртва важ о бэзэх.
Када жэртва, сави анэнас важ о бэзэх, если во сас стердо дэзначай, если варико подяпэ лэ бэзэхэстиря тилати. Андэ жэртва важ о бэзэх анэнас разнонэ жывотнонэн — лэ гурувэстар жы каринг о ӷолубо. Када зависило кодэлэстар, ко када и саво лэстэ достатко, кай лэско бэзэх тэ авэл простисардо (Лк 4:27, 29; Евр 10:8).
Жэртвенико.
Када поцтавка, сави вазгли анда ԥув, анда бара или анда каш, вой сас опшути састреса. Пэр латэ анэнас и жэртвы и сԥабарэнас и араматно смесь лэ чачунэ Дэвлэсти или лэ хохавнэ дэвлэнди. Андэ пэрво комната андэ свынто катуна, ай ӷэт май интя андэ қандири тердёлас найбаро сомнакуно жэртвенико, кай тэ сԥабарэн и араматно смесь. Во сас стердо анда каш и опшуто сомнакаса. О баро харкумуно жэртвенико сас важ кода, кай пэр лэстэ тэ сԥабарэн всаворэ жэртвы, и во тердёлас андэ ла катунатири града или андэ ла қандирятири града (Исх 39:38, 39; 1Цр 6:20; Мф 5:23, 24; Лк 1:11; Дл 17:23).
З
Законикоря.
Спэрва када сас кодэла, ко терэлас копии па Свынти Лила. Андэ лэ Исусостири время кадя ԥэнэнас пэ мурша, савэ драго ӷанэнас лэ Маисеёско законо и сытярэнас аврэн. Лэ закониконэнди на чалёлас о Исусо (Езд 7:6; Мк 12:38, 39; 14:1).
Законо.
Зевсо.
Када само баро дэл важ и грекоря. И мануша анда Листра гиндосардэ, кай о Варнава — када Зевсо. Найдур кадэлэ форостар виарақлэ пуранэ лила, андэ савэ ԥэнэнпэ пала «Зевсо, лэ қамэско дэл» и пала «лэ Зевсостирэ драбатяримаря». По кораблё, пэ саво лагля о Павло по острово Мальта, по нак сас украшэния «лэ Зевсостирэ Шавэ» — када сас нарисовани дуй ԥрала пэ ек муй о Касторо и о Палуксо (Дл 14:12; 28:11).
Знако.
Када вещь, дила, кала варисо терэлпэ или кала сыкадёл варисо необычно, и када сыкавэл, со трэбуй тэ авэл акана или англэ (Мф 24:30).
Зэрноско бар.
Дуй плоски круӷли бара, савэ стонас ек пэ ек; лэнца мэлинас о зэрно. Андо машкар по тэлуно бар застонас рувли, пэ сави болдэласпэ о упруно бар. Андэ библейско время пэ кацавэ мэльницы обычно терэнас и жувля. Если варисавэ ерестэ тэ на авелоп кацави мэльница, тоди о ери на халоп марно кажно дес, ай андэ лэ Маисеёско законо сас пистромэ, кай нащи тэ лэн, сар завдатко, вся и мэльница или лако упруно бар. И барэ бара болдэнас и жывотни (Вт 24:6; Мк 9:42).
Зэрноско участко.
Када ҭан, кай о зэрно вимарэнас анда колосо и вужарэнас ла шэлухатар. Кадэва участко обычно сас ровно и круӷло площатка, сави терэнас по вучо ҭан, кай драго ԥурдэлас и балвал. Обычно о зэрно вимарэнас лэ каштэса, ай кала сас стидо бут зэрно, лэнас спецально инструменто — доски или роты, лэн и жывотни цырдэнас пала пэстэ па колосоря, савэ сас росшутэ па кадэва участко (Лв 26:5; Иса 41:15; Мф 3:12).
И
Иаково.
Лэ Исакоско и ла Ревекако шаво, савэсти ӷэт май интя о Дэл дя алав Израилё. Лэ Иаковостар жыля о израильско народо: лэстирэ 12 шавэндар жылэ и 12 еря андо Израилё. Кадяжэ алав Иаково часто ԥэнэн сар лэ Израилёско дуйто алав, и во означает израильско народо, или израильтяноря (Бт 32:28; Дл 4:10; Рм 9:6; Гл 6:16).
Иегова.
Кадя пэ романи шыб обычно ԥэнэнпэ лэ Дэвлэско алав. Андо Нэвя люмако переводо андэ Гречески Лила лэ Иеговаско алав исин 237 разоря. Дик и Тема А5.
Израилё.
Алав, саво о Дэл дя лэ Иаковости. Потом кадя линэ тэ ԥэнэн пэ всаворэ лэ Иаковостирэ бэяцэ. Пэ бэяцэ, савэ жылэ лэстирэ 12 шавэндар, часто ԥэнэнас «лэ Израилёстирэ шавэ», «израильско народо» и «израильтяноря». Инке «Израилё» ԥэнэнас по северно царство, саво отделисайля лэ южнонэ царствостар. Ӷэт май интя кадэва алав линэ тэ ԥэнэн пэ избрани христианоря — пэ «лэ Дэвлэско Израилё» (Гл 6:16; Бт 32:28; Дл 4:10; Рм 9:6).
Илирико.
Када римско область по северо-западо андэ Грецыя. О Павло ԥэндя: «Мэ росԥэнав и лащи новость... жы каринг о Или́рико». Но амэ на ӷанас, росԥэнэнас во и лащи новость андэ кадэя область чи кати дожыля каринг латэ (Рм 15:19).
Ирадо.
Када царско колено, савэсти о Римо дя право тэ правий андэ Иуде́я. О И́радо Пэрво Ашунгло ашунделя кодэлэса, кай строисардя и қандири андо Иерусалимо и приԥэндя тэ умарэн лэ бэятонэн андо Вифлеемо, кай тэ на ашэлпэ о Исусо (Мф 2:16; Лк 1:5). Кала муля о И́радо Пэрво Ашунгло, дэсо анда лэско царство дорэсляпэ лэстирэ шавэнди лэ Ирадости лэ Архелаёсти и лэ Ирадости лэ Антипасти (Мф 2:22). О Ирадо Антипа сас тетрархо, пэ саво о миро ԥэнэнас «царё». Во правияс, кала пэ ԥув терэлас и дила о Исусо и жы каринг кодэя время, пала сави пистромэ андэ 12 ӷлава Дила (Мк 6:14—17; Лк 3:1, 19, 20; 13:31, 32; 23:6—15; Дл 4:27; 13:1, сноска). Посли лэстэ правителё ашэля о Ирадо Агрипа Пэрво, саво сас внуко лэ Ирадости лэ Пэрвонэсти лэ Ашунглэсти. Но во правияс найдолӷо: лэ Дэвлэско анӷело бишалдя пэр лэстэ насвалимос и во муля (Дл 12:1—6, 18—23). Лэско шаво о Ирадо Агрипа Дуйто правияс жы кай кодэя время, кала и евреёря звазглэпэ против о Римо (Дл 23:35; 25:13, 22—27; 26:1, 2, 19—32).
Лэ Ирадостирэ мануша.
Када сас ӷрупа нацыоналисторя, савэ подритярэнас андэ палитика лэ Ирадонэн, кала вонэ правинас тала Римско правительство. Дэсавэ садукеёря, файма, сас анда кадэя ӷрупа. Лэ Ирадостирэ мануша сԥэнделэ лэ фарисеёнэнца против о Исусо (Мк 3:6).
Исопо.
Када чар цынёне листонэнца, савяса сар веничкоса брызӷиинас о рат или о паи, кай тэ стерэн варисо вужо. Можэт, када сас душыца (Origanum maru; Origanum syriacum). О исопо, пала саво ԥэнэнпэ андо Иоано 19:29, моӷ тэ авэл пучко душыца, саво сас приԥангло каринг о стеблё пэ растения, пэ сави ԥэнэн дура и сави анда видо сорго обычно (Sorghum vulgare). О стеблё кай кадэя растения фартэ лунго, и важ када сас вушэро, кай тэ лэн и ӷубка, тэ тиндярэн ла андо шукло вино и тэ подындярэн каринг лэ Исусоско муй (Евр 9:19).
Иуда.
Штарто лэ Иаковоско шаво, саво арақаделя лэстиря хулаятар ла Лиятар. Кала о Иаково мэрэлас, во ԥэндя, кай анда лэ Иудаско ери авэла ашунгло правителё, саво никала на мэрэла. Лэ Иудастар жыля о Исусо. Иуда кадяжэ ԥэнэнас пэ лэ Израилёско колено, андэ саво сас лэ Иудастирэ бэяцэ (Бт 29:35; 49:10; Евр 7:14).
Иудеёря.
Када кодэла, ко сас анда лэ Иудаско колено, ай потом кадя ԥэнэнас пэ кодэла, ко жувэлас андо Иудейско царство (2Цр 16:6). Посли вавилонско плено алав «иудеёря» линэ тэ ԥэнэн пэ израильтяноря, савэ сас анда разни коленоря и савэ рисайлэ пэ пэстирэ краёря (Езд 4:12). Ӷэт май интя пэ израильтяноря линэ тэ ԥэнэн иудеёря, кай сразу тэ полэн, кай вонэ най анда авэр народоря (Эсф 2:5, сн.). Кала о апостало Павло ԥэнэнас алав «иудеё», во камэлас тэ сыкавэл авэр гиндо, кала пистрояс, кай андо христианско ӷурто о Дэл на шол сама пэ нацыя (Рм 2:28, 29, сн.; Гл 3:28).
К
Кадилы.
Када посуда, сави сас стерди анда сомнак, руп или харкум, и вой трэбуй сас важ и дила андэ свынто катуна и андэ қандири. Андэр латэ сԥабарэнас и араматно смесь, пэ сави ԥэнэнас «фимиамо»; кадяжэ андэр латэ стидэнас о янгар па жэртвенико и оԥабардэ фитилёря (Исх 37:23; 2Лт 26:19; Евр 9:4).
Каийпэ.
Калдуно.
Када мануш, савэстэ исин зор лэ найвужэндар (Дл 13:6).
Катунэнго празнико.
Инке ԥэнэнас лэ Тэрминоско празнико или лэ Урожаёско празнико. Лэс справинас 15—21 етанимо. Кадэва празнико сыкавэлас, кай закончилась ла малятири бути, и о народо лошавэлас и блаӷодарияс лэ Иеговас, кай во дя лэнди баро урожаё. Кала жалас о празнико, о миро жувэлас андэ катуны или тала навесоря и вспоминал, сар во вижыля анда Египто. Лэ Катунэнго празнико сас ек анда трин празникоря, пэ савэ всаворэ израильски мурша трэбуй сас тэ авэн андо Иерусалимо (Лв 23:34; Езд 3:4; Ин 7:2).
Ко́ро.
Када мера, кай тэ измерин о весо лэ паести и лэ шукимасти, варикай 220 литроря. Виадинонас кодэлэстар, скати андэр латэ сас баторя (1Цр 5:11; Лк 16:7, сн.).
Куй.
Куртенго празнико.
Када ек анда трин ӷлавни празникоря, пэ саво всаворэ израильски мурш трэбуй сас тэ авэн андо Иерусалимо. Андэ Гречески Лила пэр лэстэ ԥэнэнас «Панчже дэшэнго дес», или «Пятидесятница», важ кода кай кадэва празнико справинас по 50 дес посли 16 нисано, ай андэ Еврейски Лила пэр лэстэ инке ԥэнэн лэ Урожаёско празнико (Исх 23:16; 34:22; Дл 2:1, сн.).
Қ
Қандири.
Када здания андо Иерусалимо; вой сас ӷлавно ҭан, кай и израильтяноря тэлёнас лэ Иеговасти вместо и свынто катуна, сави пэрэандярэнас. И пэрво қандири строисардя о Саламоно, ай потом ла розмардэ и вавило́няноря. И дуйто қандири вазгля о Зарава́велё, кала о народо рисайля анда Вавилоно, ай ӷэт май интя ла пэрэстердя о Ирадо Пэрво Ашунгло. Андэ Библия часто ԥэнэн пэ қандири «лэ Иеговаско цэр» (Мф 21:13; Лк 11:51; 1Лт 29:1; 2Лт 2:4; Мф 24:1).
Л
Ладано.
Када смола, сави исин андэ дэсавэ витки и кусторя анда видо басвелия (Boswellia). Кала ла ԥабарэнас, латар жалас лашо запахо. О ладано шонас, кала терэнас и араматно смесь, сави трэбуй сас тэ авэл важ и дила андэ свынто катуна и андэ қандири. Лэс кадяжэ стонас пэ марнэстири жэртва и пэ кажно стопка свынто марно андэ Свынто комната (Исх 30:34—36; Лв 2:1; 24:7; Мф 2:11).
Лащи новость.
Левиё; левиторя.
Када лэ Иаковоско трито шаво, саво лэстэ арақаделя лэстиря хулаятар ла Лиятар; кадяжэ када о колено, пэ саво ԥэнэнас лэско алав. Лэ Левиёстирэ тринэ шавэндар жылэ трин ӷлавни ӷрупы анда левиторя. Хоть дэкала о алав «левиторя» ԥэнэнас пэ всаворэ лэ Левиёстирэ шавэ, обычно кардэ на ужанас и рашая анда лэ Ароноско ери. Лэ Левиёстирэ колености на дорэсляпэ и пай, кала розделинас и обещано ԥув, но лэсти отделисардэ 48 фороря машкар авэр коленоря (Вт 10:8; 1Лт 6:1; Евр 7:11).
Лепта.
Люма.
Со май часто кадя можэт тэ пэрэандярдёл о греческо алав ко́смас, саво можэт тэ сыкавэл: 1) всаворэ́ манушэн, 2) лэ мироско порядко, 3) кодэлэ манушэн, савэндэ нинай дружба лэ Дэвлэса (Ин 3:16; 17:5; 1Ин 2:15—17). Алавэса «люма» кадяжэ пэрэандярдёл о греческо алав аён, кала и дума жал пала дила или пала особи маменторя, савэ терэнпэ андэ ек время. Кала о алав аён пэрэдэл кадэва гиндо, во кадяжэ пэрэандярдёл сар «щас», «англэ», «кадэя время» (Мф 12:32; Мк 10:30). И алава «кадэя люма» андэ Библия сыкавэн, со терэлпэ андэ люма, ай кадяжэ сави жызня андярэн кадэла люматирэ мануша (2Тм 4:10). Кала о Дэл стердя пэстирэ народоса лэ законоско доӷоворо, заляпэ и время (или и люма), пэ сави дэкала ԥэнэн лэ израильтянонэндири время, или лэ евреёнэндири. Через лэ Исусостири лэ Христостири жэртва о Дэл стердя, кай тэ залэлпэ авэр время (или люма), сави сас сԥангли лэ Христостирэ ӷуртоса. Андэ кадэя время ля тэ ашэл кадя, сар сас ԥэндо андэ лэ Маисеёско законо (Мф 24:3; Мк 4:19; Рм 12:2). Кала о алав аён тердёл андо множэствено число, во сыкавэл разно время или разно порядко, саво сас дэлмут или авэла англэ (1Кр 2:7; 10:11). Дэкай о алав «люма» можэт тэ сыкавэл вся, со создал о Дэл, например қам, шон, черӷая и ԥув (Евр 11:3).
М
Магистраторя.
Када барэ мануша, савэ хулаинас пэ захутилдэ области. Котэ лэндэ сас право тэ диқэн пала порядко и пала кода, сар тратинпэ и ловэ, ай кадяжэ па законо тэ сындон и тэ спушэн лэ манушэндар (Дл 16:20).
Лэ Маисеёско законо.
Дик ЗАКОНО.
Македония.
Када область по северо андэ Грецыя, сави ашэля ашунгли, кала правияс о Александро Македонско, и пэр латэ нико на хулаияс, пока ла на захутилдэ и римляноря. И Македония сас римско область, кала о Павло пэрво разо сас андэ Европа. Во тривар сас андэ Македония (Дл 16:9).
Мақэс.
Ӷлавно гиндо, саво пэрэдэл о еврейско алав, — када «мақэс варисо жытко». О вулей шонас по мануш или пэ варисо авэр и кадэлэса сыкавэнас, кай када свынто или отделимэ важ и особо дила. Андэ Гречески Лила кадэва алав кадяжэ ԥэнэнпэ, кала и дума жал, кай о свынто зор дэлпэ кодэлэнди, ко сас витидо тэ жувэл по небо (Исх 28:41; 1См 16:13; Лк 4:18; Дл 10:38; 2Кр 1:21).
Малохо.
Када дэл, савэсти тэлёнас и аманитяноря. Возможно, када кодэва дэл, пэ саво ԥэнэн Малхамо или Милкомо (Дл 7:43).
Мана.
Када лэ израильтянонэнго постояно хамос, саво лэнди дэлас о Иегова 40 бэрш андэ пустыня. И мана кажно тэсара появияспэ пэ ԥув, кроме субота, посли кода сар прожалас и дросын. Кала пэрво разо и израильтяноря додиқлэ и мана, вонэ линэ тэ пушэн: «Со када?» — или по еврейски ман ху (Исх 16:13—15, 35). О Исусо ԥэнэнас пала мана, кай тэ пэрэдэл авэр гиндо (Ин 6:49, 50).
Манушэско Шаво.
Кадя ԥэнэнпэ по Исусо Христос андэ Евангелия варикай 80 раз. Када сыкавэл, кай о Исусо арақаделя пэ ԥув, и сас па чачимастэ мануш, ай най просто ля пэсти манушыкани тила, сар када терэнас авэр анӷелоря. Инке кадэва алав сыкавэл, кай о Исусо трэбуй сас тэ стерэл кадя, сар сас запистромэ андо Даниил 7:13, 14. Андэ Еврейски Лила кадя ԥэнэн по Езэкилё и по Даниило и када сыкавэл, сави разница исин машкар обычни мануша, савэ пэрэдэнас и новость лэ Дэвлэстар, и машкар о Дэл, савэстар жал кадэя новость (Иез 3:17; Дан 8:17; Мф 19:28; 20:28).
Мастеро пэ ӷлина.
Или «ӷанчаро». О еврейско алав, саво пэрэандярдо сар «мастеро пэ ӷлина», ворта сыкавэл кодэлэс, ко вилепий или придэл форма. Кода, со о мастеро можэт тэ стерэл анда ӷлина, поможый тэ полас, со о Иегова можэт тэ стерэл анда кажно мануш или анда народо (Иса 64:8; Рм 9:21).
Месия.
Жал лэ еврейсконэ алавэстар, саво ворта сыкавэл «помақло». Пэ греческо шыб када авэла «Христос» (Дан 9:25; Ин 1:41).
Мидяноря; Мидия.
Када народо, саво жыля лэ Мадаёстар, лэ Яфетостирэ шавэстар. Вонэ линэ тэ жувэн пэ Ирански плая и стердэ пэстири страна Мидия. И мидяноря сас андо Иерусалимо, кала жалас лэ Куртенго празнико андо 33 бэрш андэ амари эра (Дл 2:9).
Мина.
Андэ Гречески Лила ек мина ашэлас 100 драхмы. Лако весо сас 340 ӷ (Лк 19:13).
Мира.
Када араматно смола, сави вилэн анда разни калючи кусторя и анда найвуче витки, савэ анда видо камифоро (Commiphora). И мира сас андо свынто вулей, савэса мақэн. Ла шонас пэ ӥда и пэ постель, кай драго тэ қандэл, ай кадяжэ дошонас андо вулей важ о масажо и андэ касметика важ и тила. Ла зӷаминас лэ виноса, кай тэ авэл пимос, саво залярэл. Кадяжэ ласа мақэнас лэ мулэстири тила, англа кода сар тэ притидэн (Исх 30:23; Пр 7:17; Мк 15:23; Ин 19:39).
Моӷилка.
Кадэва алав сыкавэл лэ манушэстири моӷилка, кай во притидо; опщё моӷилка важ всаворэ мануша. Май часто всаворэстар, кадя пэрэандярдёл о еврейско алав шэо́л и о греческо алав ха́дэс, савэстэ точно кацаво жэ гиндо. Кадэла алава сыкавэн кабута исин ҭан, кай находинпэ и мулэ, или кай вонэ нисо не моӷут тэ терэн (Бт 47:30; Эк 9:10; Мф 27:61; Дл 2:1).
Мэлалимос; мэлало.
Кадэла алава моӷут тэ сыкавэн обычно мэл или чик, ай кадяжэ, кала варико жал против лэ Дэвлэстирэ законоря. Но андэ Библия кадэла алава часто ԥэнэн каринг кода, со мэлало или найвужо па лэ Маисеёско законо (Лв 5:2; 13:45; Мф 10:1; Дл 10:14; Еф 5:5). Дик ВУЖЫМОС; ВУЖО.
Мэримос лэ насвалимастар.
Када любо насвалимос, саво ӥто пэрэдэлпэ, и саво можэт фартэ тэ розжалпэ и тэ анэн каринг и смэрть (Лк 21:11).
Н
Назаретянино.
Най наестар.
Или «пядё». Када мера, кай тэ измерин о лунгимос; када о лунгимос машкар и ростодэ ная лэ барэ наестар жы кай о мизинцо. Если тэ адинос, кай о куй андо лунгимос сас 44,5 см, тоди вижал о пядё сас 22,2 см (Исх 28:16; 1См 17:4).
Найвужэ.
Када найлашэ анӷелоря, савэ на дицон и савэ пэбутэстэ май зоралэ лэ манушэндар. О Дэл не создал лэн, кай вонэ тэ авэн вэрыти: андэ Библия пэр лэндэ ԥэнэнпэ «лэ чачунэ Дэвлэстирэ шавэ» и «анӷелоря» (Бт 6:2; Ид 6). Кадэла анӷелоря ашэлэ лэ Дэвлэстирэ вороӷоря, важ кода кай андэ лэ Ноёстири время на канглэ лэ Дэвлэс и сԥанглэпэ лэ Сатанаса, кай тэ жан против о Иегова (Вт 32:17; Лк 8:30; Дл 16:16; Иак 2:19).
Найлашо.
Кадэя звания ԥэнэнпэ по Сатана Бэнг, саво жал против о Дэл и против лэско правильно законо (Мф 6:13, сн.).
Нардо.
Када кучутно вулей, савэстэ сас лоло цвето; лэс вилэнас кати анда растения, пэ сави ԥэнэнпэ кадя жэ нардо (Nardostachys jatamansi). Через кода, кай о нардо сас фартэ кучутно, лэс часто розбавинас аврэ вулеенца, савэ сас най кацавэ дэ лашэ, и терэнас дажэ найчачуно нардо. Интересно, кай, сар ԥэндя о Марко и о Иоано, лэ Исусости по шэро и пэ пэрнэ вишутэ «вужо нардо» (Ин 12:3; Мк 14:3).
Нисано.
Кадя посли вавилонско плено линэ тэ ԥэнэн по авиво, по пэрво шон андо еврейско свынто календарё; андо опщё календарё када седьмо шон. Па амарятэ када епаш марто и епаш апрелё (Не 2:1). И иудейско Патради справинас андо 14 нисано, и о Исусо Христос стодя пэстири мисяйля андэ кадэва дес (Лк 22:15, 19, 20). Андэ кадэва жэ дес лэс казнисардэ по столбо (Лк 23:44—46).
Нэво шон.
Када пэрво дес андэ кажно шон па еврейско календарё. Андэ кадэва дес и израильтяноря стидэнаспэ ӷуртом пала ек мисяйля, ай кадяжэ анэнас особи жэртвы лэ Дэвлэсти. Потом кадэва дес ашэля важно празнико важ вся о народо, кала и мануша на терэнас бути (Чс 10:10; 2Лт 8:13; Кл 2:16).
О
Оджас лэ чачимастар.
Одялэ подаркоря.
Када помощь кодэлэнди, ко попэля андэ ԥари ситуацыя. Хоть андэ Еврейски Лила ворта на ԥэнэнпэ пала «одялэ подаркоря», андэ лэ Маисеёско законо ԥэнэнаспэ, кай израильтяноря трэбуй сас тэ поможын лэ чорорэнди (Мф 6:2, сн.).
Опара.
Када добавка, сави шонас андо хумэр или андо паи, кай во тэ ваздэлпэ. Обычно када сас которо шукло хумэр, саво ашэляпэ аврэ заӷамимэ хумэрэстар. Андэ Библия о алав «опара» часто сыкавэл о гиндо пала бэзэх или варисо римомэ, ай кадяжэ сыкавэл вся, со ӥто барёл, но када на дицол (Исх 12:20; Мф 13:33; Гл 5:9).
Опшындёс.
Особено черӷай.
Особо солах.
Када кала варико дэл алав лэ Дэвлэсти тэ стерэл варисо, тэ анэн жэртва или подарко, тэ залэл тэ терэл и особо дила или тэ ритярдёл май дур кодэлэстар, со на жал против законо. Кода жэ, со тэ дэс алав (Чс 6:2; Эк 5:4; Мф 5:33).
Особо халавдицко отрядо.
Када отрядо анда римски халавдэ, савэн стодэ тэ фэрин лэ ӷлавнонэ римсконэ правителёс. Кай кадэва особо отрядо сас баро зор андэ палитика, саво подритярэлас лэ правителёнэн или жэ сшолас лэн па троно (Фп 1:13).
Охранико.
Или «сторожо». Обычно кацавэ манушэн стонас пэ лэ форостирэ стины и пэ башни, важ када вонэ моӷли тэ додиқэн, ко пашол. Андэ халавдэ пэ сторожоря ԥэнэнас часови. Лэ Дэвлэстирэ особи мануша, можно тэ ԥэнэс, сас сар сторожоря важ о израильско народо, важ кода кай вонэ май данглал ԥэнэнас, кай ӥто дэла бида (Мф 27:65; 28:4).
П
Палынь.
Кадя ԥэнэн пэ чаря, савэндэ фартэ кирко вкусо и савэ фартэ қандэн. Андэ Библия ԥэнэнпэ, кай посли кода, сар варико терэл билажавардимос, тасавэл пэ авэр, обжалпэ аврэнца несправедливо и оджал лэ Дэвлэстар, лэсти ашэла кадя жэ дэ киркэс, сар кадэла чарятар. Андэ Свынто тайна 8:11 о алав «палынь» сыкавэл варисо кирко и ядовито.
Панчже дэшэнго дес.
Дик КУРТЕНГО ПРАЗНИКО.
Парнэя.
Дик БИЛАЖАВАРДИМОС.
Патради.
Кадэва празнико справинас кажно бэрш 14 авиво (пэ саво потом линэ тэ ԥэнэн нисано), кай тэ на бистрэн, сар и израильтяноря вижылэ анда Египто. Кай тэ справин кадэва празнико, израильтяноря трэбуй сас тэ зашынэн и тэ запрыжын лэ бакрорэс или лэ бузнорэс. Пэ кадэва празнико ханас о мас киркя зэлэняса и преснонэ марнэса (Исх 12:27; Ин 6:4; 1Кр 5:7).
Перӷаменто.
Када бакрани, бузняни или гурувани мурцы, сави драго вужарэнас и вишутярэнас, кай пэр латэ тэ пистрон. О перӷаменто сас май састо и май долӷо ритярдёлас, чем о папирусо, и пэр лэстэ пистронас и книжки анда Библия. Можэт, андэ перӷаментни лила, савэ о Павло мангля тэ анэн лэсти, сас дэсавэ котора анда Еврейски Лила. Анда перӷаменто сас стердэ дэсавэ лила, савэ виарақлэ паша Мули моря (2Тм 4:13).
Печать.
Када вещь, сави ашавэлас слидо (обычно пэ ӷлина или пэ мэмэли). И печать потвердияс, кай варикасти варисо прижал, сыкавэлас, кай варисо чачуно, или доԥэнэнас, кай сас стердо о доӷоворо. Андэ дэлмутни время и печать терэнас анда састо материало (бар, слоново кокали или витка), пэ саво вишынэнас наоборот и буквы или о рисунко. Инке о алав «печать» можэт тэ пэрэдэл о гиндо, кай варисости исин патяимос, кай варикасти варико или варисо прижал или кай варисо згарадо (Мф 27:66; Ин 6:27; Еф 1:13; Тн 5:1; 9:4).
Пимастири жэртва.
Када вино, саво вишонас по жэртвенико, ай кадяжэ саво сԥабарэнас вместе бутэ аврэ жэртвэнца. О апостало Павло сыстосардя пэс кацавэ виноса, саво роспитялпэ па жэртвенико. Кадэлэса во камля тэ сыкавэл, кай отдэл вся пэско зор важ и ԥрала и ԥэя (Чс 15:5, 7; Фп 2:17).
Помошнико андо ӷурто.
Кадя пэрэандярдёл греческо алав диа́канасо, саво обычно сыкавэл кодэлэс, ко поможый, терэл дила. И помошникоря андо ӷурто дэн зор лэ барэдэрэ ԥралэндирэ круӷости. Кай тэ терэл кадэя дила, во трэбуй тэ авэл кацаво, сар пала када пистромэ андэ Библия (1Тм 3:8—10, 12).
Послидни деса.
Кадя ԥэнэнпэ андэ Библия пэ время, кала трэбуй тэ прожан дэсавэ событии, савэ терэнпэ андэ люма (Иез 38:16; Дан 10:14; Дл 2:17). Андэ Библия май данглал можэт тэ авэл ԥэндо, кай и «послидни деса» моӷут тэ жан набут или бут время. Май ӥто всаворэстар, кадэла алава сыкавэн пэ послидни деса кадэла найлащя люмати андэ кодэя время, кала рияпэ о Исусо (2Тм 3:1; Иак 5:3; 2Пт 3:3).
Послидни деса кадэла люмати.
Када время, кала пашол конец кадэла найлащя люмати, пэ сави хулай о Сатана. Кадэя время заляпэ тоди, кала рисайля о Христос. Лэ Исусостирэ алавэстар и анӷелоря «отделина лэ найлашэн лэ лашэндар» и умарэна лэн (Мф 13:40—42, 49). Лэ Исусостирэ ученикоря фартэ камэнас тэ уӷанэн, кала авэна и «послидни деса кадэла люмати» (Мф 24:3). Англа кода сар о Исусо тэ рийпэ по небо, во дя алав пэстирэ учениконэнди, кай авэла лэнца, пока на поджала и время кадэла люмати (Мф 28:20).
Посто.
Када время, кала о мануш нисо на хал. И израильтяноря ритярэнас посто андо Примирительно дес, ай кадяжэ кала лэндэ тердяпэ варисави бида или вонэ аштярэнас лэ Дэвлэстар помощь. И евреёря штарвар андо бэрш ритярэнас посто, кай тэ сэрэн пала бида, сави сас лэндирэ народоса. И христианоря на трэбуй тэ ритярэн о посто (Езд 8:21; Иса 58:6; Мф 4:2; 9:14; Лк 18:12; Дл 13:2, 3; 27:9).
Правильно; правильно дила.
Андэ Библия кадэлэ алавэнца пэрэдэлпэ о гиндо пала кода, со правильно важ о Дэл, саво витидэл, со лашо, ай со най (Бт 15:6; Вт 6:25; Сф 2:3; Мф 6:33).
Празелито.
Пресно марно.
Преснонэ марнэско празнико.
Пэрво анда трин ӷлавни празникоря, савэ прожанас кажно бэрш андо Израилё. Во залэласпэ 15 нисано, пэ авэр дес посли Патради, и жалас 7 деса. Пэ кадэва празнико и израильтяноря ханас о пресно марно и вспоминали, сар вонэ вижылэ анда Египто (Исх 23:15; Мк 14:1).
Примирительно дес.
Или «дес, кай тэ витинэн». Само важно свынто дес важ израильтяноря, саво вонэ справинас 10 етанимо. Инке пэр лэстэ ԥэнэнас Ёмо Кипуро (лэ еврейсконэ алавэстар ёмо хакипури́мо, со сыкавэл «дес, саво ушаравэл»). Кати андэ кадэва дес, еқвар андо бэрш, о баро рашай зажалас андэ Само свынто комната андэ свынто катуна, ай май интя андэ қандири. Во зажалас интя лэ жывотнонэндирэ ратэса, савэн во анэнас важ пэстирэ бэзэха, важ аврэ левитонэндирэ бэзэха и важ лэ народостирэ бэзэха. Андэ кадэва дес о народо стидэласпэ, ай кадяжэ ритярэлас о посто. Инке во сас сар субота, дес, кала нащи сас тэ терэн нисави бути (Лв 23:27, 28; Дл 27:9; Кл 1:20; Евр 9:12).
Примирительно крышка.
Када крышка па сэртари важ и важни лила. Англа латэ о ӷлавно рашай андо Примирительно дес брызӷиияс лэ жывотнонэнго рат, савэн сԥабарэнас сар жэртва важ о бэзэх. Алавэнца «примирительно крышка» пэрэандярдёл о еврейско алав, саво жал лэ алавэстар «тэ ушаравэс (о бэзэх)» или, можэт, «тэ стрис (о бэзэх)». И примирительно крышка и дуй херувиморя пэ латирэ краёря сас стердэ анда сомнак. Дэкала пэр латэ ԥэнэн просто крышка (Исх 25:17—22; 1Лт 28:11; Евр 9:5).
Пропость.
Греческо алав а́бисос означает «фартэ ӷлыбоко; состэ нинай дно; состэ нинай краё». Кала андэ Гречески Лила тердёл кадэва алав, во пэрэдэл о гиндо пала ҭан, саво сар баруно, или кала андэ варисостэ нинай свобода. Кадяжэ кадэва греческо алав можэт тэ сыкавэл и моӷилка, но най кати ла (Лк 8:31; Рм 10:7; Тн 20:3).
Пэрво бэято.
Лэ дадэско барэдэр шаво (най ла дако). Андэ библейско время лэ пэрвонэ шавэсти доросэласпэ дувар май бут, чем аврэ лэстирэ ԥралэнди, и во залэлас почотно ҭан андо ери и ашэлас хулай по ери, посли кода сар мэрэлас о дад. О Исусо най кати лэ Иеговаско барэдэр шаво, но и пэрво анда вся, со сас создано, и пэрво анда мулэ (Бт 25:33; Исх 11:5; Кл 1:15; Тн 1:5).
Пэрво урожаё.
Само пэрво, со стидэн пэ маля; пэрво варисостар или варикастар. О Иегова аштярэлас, кай и израильтяноря тэ отдэн лэсти «пэрво урожаё»: лэ пэрвонэ бэятонэн и жывотнонэн и само пэрво анда вся, со вибарёл. Всаворэ́ народостар и израильтяноря анэнас лэ Иеговасти само пэрво, со дя и ԥув, кала сас лэ Преснонэ марнэско празнико и лэ Куртенго празнико. Кадяжэ най ворта кадэва алав поджал каринг о Исусо и каринг лэстирэ избрани ученикоря (Чс 15:21; Пр 3:9; 1Кр 15:23; Тн 14:4).
Ԥ
Ԥаро столбо.
Кадя дэкала пэрэандярдёл греческо алав стауро́со, саво сыкавэл «прямо столбо; каш». Пэ кацаво столбо казнисардэ лэ Исусос. Нисо на доԥэнэн, кай о алав стауро́со означает трушул, саво шолпэ пэ кода, со авэр народоря использовали андэ пэстири вера важ бут викоря жы каринг о Христос. О алав «ԥаро столбо» драго сыкавэл о гиндо, саво исин андэ кадэва греческо алав, важ кода кай кадэва алав тожэ ԥэнэн, кала и дума жал пала ԥаримос, пала бида и пала лажаимос, саво исин кай лэ Исусостирэ ученикоря (Мф 16:24; Евр 12:2). Дик СТОЛБО.
Р
Раё.
Када шукарно парко или садо, саво шолпэ по парко. О Иегова создал кацаво ҭан андо Едэмо важ и пэрви мануша. Кала о Исусо дэлас дума лэ чордэӷареса, саво амбладёлас паша лэстэ по столбо, во дя лэсти тэ полэл, кай вся и ԥув ашэла раё. Андо 2 Каринфо 12:4 ԥэнэнпэ, май ӥто всаворэстар, пала раё пэ ԥув, саво авэла англэ, ай андэ Свынто тайна 2:7 — пала раё по небо (Псн 4:13; Лк 23:43).
Рашай.
Када мурш, саво сас лэ Дэвлэско прецтавителё англа мануша и сытярэлас лэн пала Дэл и пала лэстирэ законоря. Во кадяжэ сас лэ народоско прецтавителё англа Дэл, кала анэнас и жэртвы и зашоласпэ пала мануша. Инке сар на сас лэ Маисеёско законо и рашаицко дила терэлас о хулай андо ери. Па лэ Маисеёско законо и рашая трэбуй сас тэ авэн и мурша анда лэ Ароноско ери, анда лэ Левиёско колено, ай авэр левиторя тэ поможын лэнди. Кала сас стердо о нэво доӷоворо, о дэвликуно Израилё ашэля лэ рашанго народо, ай о Исусо Христос — ӷлавно рашай (Исх 28:41; Евр 9:24; Тн 5:10).
Роӷо.
Лэ жывотнонэндирэ роӷоря сас сар посуда, кай тэ шон о пимос и тэ гаравэн о вулей, инке вонэ сас сар вазы важ и чернила и важ и касметика, ай кадяжэ вонэ сас трэбуй важ и музыка и кай тэ ӷудин, кала жалас и бида (1См 16:1, 13; 1Цр 1:39; Иез 9:2). «Роӷо» часто ԥэнэнас, кай тэ пэрэдэн авэр гиндо, кала варикастэ исин баро зор или кала варико вицэлдя или победисардя (Вт 33:17; Мх 4:13; Лк 1:69).
Роӷоря по жэртвенико.
Када найбарэ востри састря, савэ тэрчинас пэ штар вуӷлоря по жэртвенико и шонаспэ пэ роӷоря (Лв 8:15; 1Цар 2:28; Тн 9:13).
Рулоно.
Или «свитко». Када лунго листо анда перӷаменто или анда папирусо, пэ саво пистронас еқа ригатар и саво обычно заболдэнас пэ каштуни рувли. И книжки вимэкэнас сар рулоноря андэ кодэя время, кала пистронас и Библия, важ када и библейски книжки пистронас или пэрэпистронас пэ рулоноря (Лк 4:17—20; 2Тм 4:13).
С
Садукеёря.
Када ашунгли иудейско секта. Андэ кадэя секта ужанас и барвалэ и ашунглэ мануша, ай кадяжэ и рашая, савэндэ сас баро право андэ қандири. И садукеёря на ритярэнас бут традицыи, савэ на сас пистромэ андо законо, и най андэ вся лэнго гиндо зжаласпэ лэ фарисеёнэнца. Вонэ на патянас, кай исин анӷелоря и кай и мануша моӷут тэ жундён. И садукеёря жанас против о Исусо (Мф 16:1; Дл 23:8).
Сажэнё.
Кадэлэса мериинас и ӷлубина. Када сас 1,8 м (Дл 27:28).
Саламоностири веранда.
Андэ лэ Исусостири время када сас садо пэ восточно риг ла баря градатири. Сас дума, кай кадэя веранда ашэляпэ анда лэ Саламоностири қандири. Ӥвэндэ пар латэ ԥирэлас о Исусо, и котэ стидэнаспэ и пэрви христианоря, кай тэ тэлён лэ Дэвлэсти (Ин 10:22, 23; Дл 5:12).
Самаритяноря.
Спэрва кадя ԥэнэнас пэ израильтяноря, савэ жувэнас андо северно царство. Но посли кода сар андо 740 бэрш жы кай амари эра и Асирия захутилдя и Самария, о алав «самаритяноря» линэ тэ ԥэнэн и пэ мануша анда авэр страны, савэн интя пэрэандярдэ и асирийцоря. Андэ лэ Исусостири время о алав «самаритянино» май бут сыкавэлас, сави кай о мануш вера, ай най анда саво во народо или анда сави во страна. Кадя обычно ԥэнэнас пэ кодэла, ко сас анда секта, сави со май фартэ ашундёлас андо дэлмутно Шэхемо и андэ Самария. Андэ дэсо кадэя секта сытярэлас совсем най кадя, сар сытярэнас андэ иудейско вера (Ин 8:48).
Самария.
Када форо, саво варикай 200 бэрш сас ӷлавно форо андо Израилё, андо северно царство; кадяжэ када вся и територия кадэлэ царствостири. О форо Самария сас построимэ по плай, пэ саво ԥэнэнас кадя жэ. Андэ лэ Исусостири время и Самария сас римско область, сави сас машкар Галилея по северо и машкар Иудея по юӷо. О Исусо на росԥэнэнас пала Дэл андэ Самария, но дэкала прожалас через латэ и дэлас дума котэ лэ манушэнца. Лэ самаритянонэнди сас дино о свынто зор, кала о Пётро ла дуйтона тияса, можно тэ ԥэнэс, ԥэрнадя лэнди о дром андо Царство (1Цр 16:24; Ин 4:7; Дл 8:14).
Само свынто комната.
Послиднё комната андэ свынто катуна и потом андэ қандири, кай тердёлас о сэртари важ и важни лила. Па лэ Маисеёско законо андэ Само свынто комната моӷ тэ зажал кати о ӷлавно рашай еқвар андо бэрш, кала жалас Примирительно дес (Исх 26:33; Лв 16:2, 17; 1Цр 6:16; Евр 9:3).
Саранча.
Када ек видо кузнечикоря, савэ барэ стаенца парувэн разни ҭана. Па лэ Маисеёско законо лэн можно сас тэ хан. И барэ стаи, савэ схан вся, со лэнди попэрдёл, и нисо на ашавэн посли пэстэ, сас сар чоро насвалимос (Исх 10:14; Мф 3:4, сн.).
Сатана.
Свободно мануш.
Кала правияс о Римо, «свободно мануш» ԥэнэнас пэ кодэва, кас одмэклэ анда рабство. Кала лэ рабос одмэкэнас и правителя, лэсти дэнас римско ӷражданство, но во не моӷ тэ ашэл барэ манушэса андэ страна. Ай кала лэ рабос одмэкэнас най и правителя, во ашэлас свободно, но лэстэ на сас кацаво жэ право, сар кодэлэндэ, кастэ исин ӷражданство. «Свободно» ԥэнэнас по мануш, савэстэ жы бэятостар сас право, сар кодэлэстэ, кастэ исин ӷражданство, и саво никала на сас рабо (1Кр 7:22).
Свынти Лила.
Свынто; свынцымос.
Када кала варико или варисо андэ вся вужо лэ найлашымастар, идеально и особо (Исх 28:36; 1См 2:2; Ин 17:11). Кала и дума жал пала мануша (Мк 6:20; Дл 3:21), пала мищимос (Рм 7:12; 11:16; 2Тм 3:15), пала ҭана (Мф 4:5; Дл 7:33; Евр 9:1) и пала дила (Исх 36:4), о еврейско алав пэрэдэл о гиндо, со отделимэ или отдино лэ свынтонэ Дэвлэсти и трэбуй кати важ лэстири дила. Андэ Гречески Лила и алава, савэ пэрэандярдён сар «свынцымос» и «свынто», кадяжэ ԥэнэн, кала и дума жал, кай варико андярэл пэс андэ вся вужэс и пэр лэстэ нинай нисави дош (2Кр 7:1; 1Пт 1:15, 16).
Свынто зор.
Свынто комната.
Пэрво комната андэ свынто катуна или қандири, сави сас май бари, чем и Само свынто комната. Андэ пэрво комната андэ свынто катуна сас сомнакуни лампа, сомнакуно жэртвенико важ и араматно смесь и о столо важ о свынто марно. Андэ қандири андэ кадэя комната тердёлас о сомнакуно жэртвенико, дэш сомнакунэ лампы и дэш столоря важ о свынто марно (Исх 26:33; Евр 9:2).
Свынто марно.
12 круӷли марнэ, савэ анэнас лэ Дэвлэсти и вистонас андэ дуй стопки (по шов андэ кажно) по столо андэ Свынто комната андэ свынто катуна и андэ қандири. Дэкала пэр лэстэ просто ԥэнэнас марно. Кажно субота лэс парувэнас по свижо марно. О пурано марно моӷли тэ хан кати и рашая (Исх 25:30; Лв 24:5—9; 2Лт 2:4; Мф 12:4; Евр 9:2).
Свынто тайна.
Свынто ҭан.
Када ҭан, кай тэлён лэ Дэвлэсти; часто кадя ԥэнэн пэ свынто катуна или пэ қандири андо Иерусалимо. Инке кадя ԥэнэн по небесно ҭан, кай находийпэ о Дэл (Исх 25:8, 9; 2Цр 10:25; 1Лт 28:10; Тн 11:19, сн.).
Секта.
Када круӷо манушэн, саво кандэл кодэлэс, ко ӷлавно андэ лэндири вера, и па пэстирятэ полэл лэ Дэвлэс. Кадэва алав ԥэнэнаспэ пэ дуй ӷлавни ӷрупы андэ иудейско вера — фарисеёря и садукеёря. Пэ христианоря ԥэнэнас «секта» или «лэ назаритянонэндири секта», важ кода кай, можэт, гиндонас, кай вонэ вижылэ анда иудейско вера. Ӷэт май интя секты появисайлэ и андо христианско ӷурто. Например, андэ книжка Свынто тайна ԥэнэнпэ пала «лэ Никалаёстири секта» (Дл 5:17, сн.; 15:5, сн.; 24:5; 28:22; Тн 2:6, сн.; 2Пт 2:1).
Синагога.
Кадэва алав сыкавэл «собрания; мероприятия», но май часто кадя ԥэнэн пэ здании или пэ варисавэ ҭана, кай стидэнаспэ и евреёря. Котэ вонэ адинонас и Свынти Лила, сытёнас правильно пэс тэ андярэн, дэнас дума пала Дэл и мангэнаспэ. Андэ лэ Исусостири время и синагога сас почти андэ всаворэ найбарэ израильски фороря, ай андэ барэ фороря лэн моӷло тэ авэл май бут чем ек (Лк 4:16; Дл 13:14, 15).
Синедрёно.
Када Иудейско ӷлавно сындо андо Иерусалимо. Андэ лэ Исусостири время андэ кадэва сындо сас 71 сындомаря. Машкар лэндэ сас о ӷлавно рашай, и рашая, савэ варикала сас ӷлавни, лэндирэ чаче, лэ народостирэ барэдэра, и барэдэра андэ коленоря и андэ еря, ай кадяжэ и законикоря (Мк 15:1; Дл 5:34; 23:1, 6).
Сионо.
Кадя ԥэнэн по форо Евусо, саво састэс тердёлас по плай. Прожыля время и во ля тэ прижал лэ Иерусалимости и сас по юӷо-востоко андо форо. Кала о царё Давидо победисардя лэ евусеёнэн и захутилдя о Сионо, во стердя котэ пэско цэр. Посли када пэ кадэва ҭан линэ тэ ԥэнэн «лэ Давидоско форо» (2См 5:7, 9). Кала о Давидо пэрэандярдя по плай Сионо о свынто сэртари, важ о Иегова кадэва плай ашэля особо свынто ҭан. Ӷэт май интя Сионо кадяжэ линэ тэ ԥэнэн пэ ла қандирятири територия по плай Мориа, ай дэкала и пэ вся о Иерусалимо. Андэ Гречески Лила кадэва алав часто ԥэнэн, кай тэ сыкавэн авэр гиндо (Пс 2:6; 1Пт 2:6; Тн 14:1).
Сирия; сирийцоря.
Сирто.
Кадя ԥэнэнас пэ дуй барэ заливоря паша береӷо, кай находийпэ адесутно Тунисо и Ливия (Северно Африка). Андэ дэлмутни время и морякоря даранас лэндар, важ кода кай котэ неожыдано моӷли тэ авэн буӷроря анда чишай, савэ появинаспэ, кала авэлас и оджалас о паи (Дл 27:17).
Сԥабарди жэртва.
Статуэтка.
Стоикоря.
Кадя ԥэнэнас пэ мануша анда греческо школа важ о стоицызмо. Вонэ патянас, кай важ и бах о мануш трэбуй тэ ладий всаворэса андэ природа и тэ жувэл пэстиря годяса. Па лэндирятэ, па чачимастэ годявэрно мануш на шол сама пэ дук и на цырдэлпэ пала раимос андэ жызня (Дл 17:18).
Столбо.
Када каш, саво састэс тердёлас андэ ԥув. Лэс использовали дэсавэ народоря, кай тэ казнин лэ манушэн и/или кай тэ вистон лэ мулэс, савэс казнисардэ, кай авэр тэ диқэн, со лэнца можэт тэ авэл, или кай тэ лажаварэн кадэлэ манушэс. И асирийцоря, савэ сас фартэ жэстоки, казнинас лэ манушэн, кала бэшарэнас по востро каш кадя, кай во прожалас через о ело и дожалас жы каринг о колин. Па еврейско законо лэ манушэс, саво сас дошало андо баро бэзэх, например найпативалэс дэлас дума пала Дэл или тэлёлас лэ хохавнэ дэвлэнди, спэрва зашонас барэнца или варисар па аврятэ умарэнас, ай потом лэстири тила амблавэнас по столбо или пэ витка, кай авэр тэ диқэн, со лэнца можэт тэ авэл (Вт 21:22, 23; 2См 21:6, 9). И римляноря дэкала просто приԥандэнас лэ манушэс каринг о столбо, и через дэсавэ деса о мануш мэрэлас кодэлэстар, кай мучияспэ ла дуқатар, кай камэлас тэ пэл, лэ боқалимастар и лэ қамэстар. Андэ авэр ситуацыи, например кала казнисардэ лэ Исусос, лэ манушэстирэ вас и пэрнэ примарэнас каринг о столбо (Лк 24:20; Ин 19:14—16; 20:25; Дл 2:23, 36). Дик ԤАРО СТОЛБО.
Стон и вас.
Субота.
Када седьмо дес андо еврейско курко (кодэлэстар, сар зажал о қам в пятницу, жы каринг кода, сар зажал о қам в суботу). Кадэва алав жыля лэ еврейсконэ алавэстар, саво сыкавэл «отцыёс; парашэс». Пэ дэсавэ празнични деса андо бэрш, ай кадяжэ по кажно седьмо и пятидесято бэрш тожэ ԥэнэнас субота. В суботу нащи сас тэ терэн бути; кати и рашая моӷли тэ терэн лэ Дэвлэстири дила андо свынто ҭан. Андо суботнё бэрш пэ ԥув нащи сас нисо тэ садин, ай и евреёря не моӷли тэ мангэн тэ рин лэнди о вужылимос лэ манушэндар анда лэнго народо. Вся, со сас ԥэндо андэ лэ Маисеёско законо пала субота, када сас годявэрнэс. Но через и время и барэдэра андэ вера достодэ бут со пэстар, важ када, кала о Исусо сас пэ ԥув, тэ ритярэн и субота сас найвушэро (Исх 20:8; Лв 25:4; Лк 13:14—16; Кл 2:16).
Сындомарицко ҭан.
Обычно када трибуна ступенькэнца. И барэ мануша, савэ котэ бэшэнас, взвинаспэ каринг всаворэ, ко стидяпэ, и ԥэнэнас пала пэстирэ решэнии. И алава «лэ Дэвлэско сындомарицко ҭан» и «лэ Христоско сындомарицко ҭан» на трэбуй тэ полэн ворта. Када сыкавэл, со о Иегова стердя, кай тэ сындой лэ манушэн (Рм 14:10; 2Кр 5:10; Ин 19:13).
Сэртари важ и важни лила.
Када ящико анда витка акацыя, саво сас опшуто сомнакаса. Во тердёлас андэ Само свынто комната андэ свынто катуна, ай ӷэт май интя андэ қандири, сави стердя о Саламоно. Пэ сомнакуни крышка сас дуй сомнакунэ херувиморя, савэ бэшэнас муй муестэ. Ӷлавно, со сас андо сэртари, када дуй бара, пэ савэ сас вимардэ и дэш законоря (Вт 31:26; 1Цр 6:19; Евр 9:4).
Т
Таланто.
Само бари еврейско мера важ и ловэ и важ о весо; андэр лэстэ сас 34,2 кӷ. О греческо таланто сас май цынёнё — варикай 20,4 кӷ (1Лт 22:14; Мф 18:24).
Тартаро.
Када лажаимос важ и найкандинэ анӷелоря, саво сар баруно. Кадя лэнди стердя о Дэл андэ лэ Ноёстирэ деса. О алав тартаро́о (озн. «шос андо тартаро»), саво исин андо 2 Пётро 2:4, на сыкавэл о гиндо, кай лэ анӷелонэн, савэ стердэ бэзэх, шутэ андо вигиндомэ тартаро (тэмно ҭан и баруно тала ԥув, кай заԥандадэ и дэвла). Кадэва алав пэрэдэл о гиндо, кай о Дэл тэлярдя лэн тэлэ моса, кала одля лэндар вся и патив и заля лэндар о ҭан по небо. Лэндири годи полностью андэ тэмнота, и вонэ совсем на полэн, саво лашымос загиндосардя о Дэл. Кадяжэ англэ лэн на аштярэл нисо лашо: сар ԥэнэнпэ андэ Библия, лэн навсегда умарэна вместе лэндирэ хуласа, лэ Сатанаса. Вижал, о тартаро сыкавэл, андэ саво баро лажаимос находинпэ кадэла найлашэ анӷелоря. О тартаро и «пропость», пала сави ԥэнэнпэ андэ Свынто тайна 20:1—3, када най ек.
Травурно ӥда.
Када ӷрубо материя, анда сави терэнас и гонэ, например важ о зэрно. Кацаво гоно обычно сувэнас анда тэмно бузняни шэрсть; лэс цырдэнас пэр пэстэ сар травурно ӥда (Бт 37:34; Лк 10:13).
Травуро.
Када кала па мануш дицол, кай во умардо бидаса. Андэ библейско время трэбуй сас варисави-то время тэ ритярэн о травуро. Инке кацавэ мануша най кати фартэ ровэнас, но и ԥиравэнас особо ӥда, шонас по шэро о прахо, росшынэнас пэр пэстэ и ӥда и марэнас пэс андо колин. Кала гаравэнас лэ мулэс, ақарэнас манушэн, савэ спецально ӷанэнас тэ ровэн (Эс 4:3; Мф 11:17; Мк 5:38; Ин 11:33; Тн 21:4).
Траснико.
Труба.
Када саструно инструменто, андэ саво ԥурдэнас, кай тэ подэн сиӷнало и тэ дилабэн. О звуко ла трубатар часто исин тоди, кай жал лэ Иеговаско сындо или авэр важни мероприятии па лэ Дэвлэстири дила (1Кр 15:52; Тн 8:7—11:15).
Тэсарутни черӷай.
Дик ОСОБЕНО ЧЕРӶАЙ.
Ф
Фараоно.
Када звания кай и египецки царёря. Андэ Библия пистромэ пала панч фараоноря: Сусакимо, Со, Тиргака, Нехо и Хофра. Но андэр латэ на ԥэнэнпэ, ко правияс, кала жувэлас о Авраамо, о Маисеё и о Иосифо (Исх 15:4; Рм 9:17).
Фарисеёря.
Када ашунгли секта андэ иудейско вера, сави сас андо пэрво вико андэ амари эра. И фарисеёря на сас анда лэ рашанго колено. Вонэ андэ вся ритярэнас лэ Маисеёско законо и тасавэнас пэ мануша, кай вонэ до мелочей тэ ритярэн лэс, и стердэ пэстирэ традицыи сар законо (Мф 23:23). И фарисеёря терэнас вся, кай нисо тэ на пэрэлэн лэ греконэндар. Пэр лэндэ стонас бари патив сар пэ кодэла, ко сытярэл лэ законости и фэрий всаворэ традицыи (Мф 23:2—6). Дэсавэ андар лэндэ сас анда Ӷлавно иудейско сындо. Часто и фарисеёря споринаспэ лэ Исусоса пала кода, сар тэ ритярэн и субота и традицыи, ай кадяжэ пала кода, сар трэбуй тэ обжанпэ лэ бэзэхэстирэ манушэнца и лэ манушэнца анда налоӷово. Дэсавэ фарисеёря ашэлэ христианоря, например о Савло анда Тарсо (Мф 9:11; 12:14; Мк 7:5; Лк 6:2; Дл 26:5).
Фимиамо.
Када араматно смесь, сави стерди анда смола и қоя. Кала вой полокорэс ԥабол, латар жал лашо запахо. О особо фимиамо, саво стидэнас и зӷаминас анда штар части, использовали андэ свынто катуна и андэ қандири. Лэс сԥабарэнас тэсара и вечером по жэртвенико важ о фимиамо андэ Свынто комната, ай андо Примирительно дес — сԥабарэнас андэ Само свынто комната. О фимиамо сыкавэл и уӷодни молитвы, савэ жан лэ Дэвлэстирэ кандинэ манушэндар. И христианоря на трэбуй тэ сԥабарэн о фимиамо (Исх 30:34, 35; Лв 16:13; Тн 5:8).
Х
Хадэс.
Дик МОӶИЛКА.
Халавдицко ӥда.
Када ӥда, сави ԥиравэнас и халавдэ, и сави лэн фэрияс. Када и саструни стади, саструни жылетка, кущик, сандали и щито (1См 31:9; Еф 6:13—17).
Халдеёря.
Када народо, саво жувэлас паша лэн Тигро и Ефрато. Андэ пурани время о форо Уро сас само важно важ и халдеёря. Када сас чачо форо лэ Аврамоско (Дл 7:4).
Херувиморя.
Када анӷелоря, савэ залэн май баро ҭан и терэн особо дила. Вонэ на шонпэ пэ серафиморя (Бт 3:24; Исх 25:20; Иса 37:16; Евр 9:5).
Христианоря.
Христос.
Христоско вороӷо.
Кай кадэва греческо алав исин дуй гиндоря. Кадя ԥэнэн пэ кодэла, ко жал против (греч. а́нти) о Христос. Но кадэва алав можэт тэ сыкавэл и о «хохавно христос» — кодэлэс, ко залэл лэ Христоско ҭан. Лэ Христостирэ вороӷоря моӷут тэ авэн мануша, орӷанизацыи или ӷурторя, савэ хохавэн, кай вся терэн лэ Христостирэ алавэстар, и ԥэнэн пэр пэстэ избрани, или савэ жан против о Христос и против лэстирэ ученикоря (1Ин 2:22).
Ц
Царско рувли.
Или «скипетро». Када лэ правителёстири особо рувли, сави сыкавэл о право тэ правий (Бт 49:10; Евр 1:8).
Цэзарё.
Цэмин важ и свобода.
Или «выкупо». Када цэмин, кай тэ одмэкэн анда рабство, кай тэ на спушэн ни пала со, кай тэ улэн о ԥаримос, о бэзэх или дажэ варисавя дилатар. Кадэя цэмин най всегда потинэнас ловэнца (Иса 43:3). Тэ витинэн трэбуй сас андэ разни ситуацыи. Например, андо Израилё всаворэ барэдэр шаворэ, сар лэ манушэндэ, кадя и лэ жывотнонэндэ, прижанас лэ Иеговасти, и, если важ лэндэ на потинэнас и «цэмин, сави стоди», лэн трэбуй сас тэ отдэн лэ Дэвлэсти (Чс 3:45, 46; 18:15, 16). Если о израильтянино на следияс пала пэско гурув, саво марэлпэ, и кадэва гурув варикас умарэлас, тоди лэстирэ хулас трэбуй сас тэ умарэн или во трэбуй сас тэ потинэн и цэмин, кай тэ злэл пар пэстэ и дош (Исх 21:29, 30). Кодэлэс, ко загиндосардя и умардя варикас, нико не моӷ тэ витинэл (Чс 35:31). Андэ Библия со май бари сама шолпэ пэ цэмин, сави потиндя о Христос. Через лэстири смэрть и мануша, савэ кандэн лэ Дэвлэс, моӷут тэ ашэн свободни лэ бэзэхэстар и ла смэртятар (Пс 49:7, 8; Мф 20:28; Еф 1:7).
Ч
Чудеса; удивительно дила.
Чукни.
Кай и чукни, пала сави пистромэ андэ Гречески Лила, пэ краёря сас стердэ вузлоря, андэ савэ сас заԥанглэ и востри кокаля. Кацавя чукняса марэнас и шындярэнас и тила (Ин 19:1).
Ш
Шоварка.
Када манушни, сави битинэн пэс важ и сэксуально связь. (О греческо алав по́рнэ, саво пэрэандярдёл «шоварка», жыля лэ алавэстар, саво означает «битинэс».) Хоть андэ Библия май часто ԥэнэнпэ, кай кадэла диласа залэнаспэ и жувля, андэр латэ кадяжэ пистромэ пала мурша, савэ терэнас кадэя дила. Андэ лэ Маисеёско законо сас пистромэ, кай нащи тэ терэн шоварицко дила, и кодэла ловэ, саво о мануш затерэл кадэла диласа, во нащи сас тэ отдэл важ лэ Иеговастири свынто дила. И наоборот, кай авэр народоря андэ қандиря, кай тэлёнас лэ хохавнэ дэвлэнди, и шоварки затерэнас ловэ (Вт 23:17, 18; 1Цр 14:24). Андэ Библия кадэва алав инке ԥэнэн, кай тэ сыкавэн авэр гиндо. Кадя ԥэнэн пэ мануша, пэ народоря и пэ орӷанизацыи, савэ тэлён лэ хохавнэ дэвлэнди, но и катэ жэ доԥэнэн, кай полэн лэ чачунэ Дэвлэс. Например, андэ книжка Свынто тайна пала всаворэ хохавнэ веры, пэ савэ ԥэндо «Ашунгло Вавилоно», пистромэ сар пала шоварка. Вой вэдийпэ лэ правителёнэнца андэ кадэя люма, кай латэ тэ авэл право тэ хулаий и кай тэ розбарвадёл (1Лт 5:25; Тн 17:1—5; 18:3).
Шэлуха.
Када санёры шэлуха па зэрно, сави вимарэнас, кала вужарэнас о зэрно. Вой сыкавэл варисо ненужно или состар нинай толко (Пс 1:4; Мф 3:12).
Шырма.
Я
Ягано возэри.
Кадэва ҭан, «саво марэл половняса», па чачимастэ нинай и пэр лэстэ кадяжэ ԥэнэн «дуйто смэрть». Интя шона всаворэ́ бэзэхэстирэ манушэн, лэ Бэнгэс и дажэ и «смэрть и моӷилка» попэрэна интя. И яг не можэт тэ ԥабарэл лэ анӷелонэн, и смэрть и моӷилка, важ када можно точно тэ ԥэнас, кай о «ягано возэри» сыкавэл, кай варикастар чи варисостар нисо на ашэлапэ, ай най кай варико лэла вечно тэ мучийпэ (Тн 19:20; 20:14, 15; 21:8).