146 Shemeze Ya+!
Shemeza Yehova, mutima wanje+!
2 Nzoshemeza Yehova mu buzima bwanje+.
Nzohibongoreza Imana yanje igihe cose nzoba nkiriho+.
3 Ntimushire ivyizigiro vyanyu mu banyacubahiro+,
Canke mu mwana w’umuntu yakuwe mw’ivu, ata bukiriro ashobora gutanga+.
4 Impwemu yiwe irasohoka+, agasubira mu butaka bwiwe+;
Uwo musi ivyiyumviro vyiwe bigahera+.
5 Hahiriwe uwufise Imana ya Yakobo bwa mutabazi wiwe+,
Icizigiro ciwe kikaba kiri muri Yehova Imana yiwe+,
6 Wa Muhinguzi w’ijuru n’isi+,
W’ikiyaga, be n’uw’ibiri muri vyo vyose+,
Umwe agumya ukuri gushika igihe kitagira urugero+,
7 Umwe ashitsa urubanza ku bw’abagunzwe+,
Umwe aha umukate abashonje+.
Yehova arabohora ababoshwe+.
8 Yehova arahumura amaso y’impumyi+;
Yehova arunamura abahetamye+;
Yehova arakunda abagororotsi+.
9 Yehova ararinda ba kavamahanga+;
Impfuvyi be n’umupfakazi arabatabara+,
Mugabo inzira+ y’ababisha arayihetarika+.
10 Yehova azoba umwami gushika igihe kitagira urugero+,
Imana yawe, ewe Siyoni, izoba umwami uko iyaruka rikurikira irindi+.
Shemeze Ya+!