යෙහෝවා දෙවිගේ විශ්වාසවන්ත සාක්ෂිකරුවෝ, 2වන කොටස: ආලෝකය දසත විහිදුවාලයි
සහෝදර රදෆඩ් සහ ඔහුගේ ආශ්‍රිතයන් 1919දී හිරෙන් නිදහස් වුණා. එතැන් පටන් ශුභාරංචිය දේශනා කිරීමේ විශාල වැඩ කොටසක් බයිබල් ශිෂ්‍යයන්ට කරන්න තිබුණා. යෙහෝවා දෙවිගේ විශ්වාසවන්ත සාක්ෂිකරුවෝ, 2වන කොටස: ආලෝකය දසත විහිදුවාලයි යන DVD තැටියේ පෙන්නන විදිහට ඔවුන්ට ඒක කරන්න වුණේ ගොඩක් විරුද්ධවාදිකම් මැද්දෙයි. ඒ අතරතුරේ බයිබලය ගැන ඔවුන්ට තිබුණ අවබෝධය තව තවත් වැඩි වුණා. ඒ නිසා ඔවුන්ගේ විශ්වාසය තවත් ශක්තිමත් වුණා. (හිතෝ. 4:18; මලා. 3:1-3; යොහ. 15:20) මෙම DVD තැටිය නැරඹීමෙන් පසුව මෙම ප්‍රශ්නවලට පිළිතුරු සපයන්න ඔබට පුළුවන්ද කියා බලන්න.
(1) ශුභාරංචිය ලොව පුරා ප්‍රචාරය කරන්න බයිබල් ශිෂ්‍යයන් පාවිච්චි කළ ක්‍රම මොනවාද? (2) වර්ෂ 1931දී සහ 1935දී පැවැත්වූ විශේෂ සමුළුවලදී සිදු වුණේ මොකක්ද? (3) වර්ෂ 1939 නොවැම්බර් 1 මුරටැඹ සඟරාවේ සාකච්ඡා කළ වැදගත් කාරණාව මොකක්ද? (4) සහෝදර රදෆඩ් මැඩිසන් ස්ක්වේයා ගාඩ්න්වලදී දේශනයක් දෙමින් සිටින විට සිදු වුණ දේ විස්තර කරන්න. (5) “සාමය, සැමදා පවතීද” යන මාතෘකාවෙන් සහෝදර නොර් දීපු කතාවේ විශේෂත්වය මොකක්ද? (6) වර්ෂ 1942දී යෙහෝවාදෙවිගේ සාක්ෂිකරුවන් දේශනා සේවය පුළුල් කරන්න යෙදූ සැලසුම් මොනවාද? (7) ඇමරිකාවේ, කැනඩාවේ සහ ග්‍රීසියේ සිදු වූ නඩු විභාග ගැන විස්තර කරන්න. (8) දේශනා සේවයට ගිලියද් පාසැල රුකුලක් වුණේ කොහොමද? (9) වර්ෂ 1946දී පටන්ගත්ත වැදගත් කාර්යය මොකක්ද? ඒ ඇයි? (10) තමන් ජීවත් වන ආකාරය බයිබල් ප්‍රතිපත්තිවලට එකඟව සකස් කරගන්න යෙහෝවා දෙවිගේ සාක්ෂිකරුවන් කළේ මොකක්ද? (11) බයිබලයේ සඳහන් සැලැස්මට අනුව සංවිධානයේ වැඩකටයුතු කරන්න 1970 ගණන්වලදී සිදු කළ සමහර වෙනස්කම් විස්තර කරන්න. (12) මේක ඇත්තටම යෙහෝවා දෙවිගේ සංවිධානය කියලත් මේ සංවිධානය තුළ සිදු වෙන හැම දෙයක්ම දෙවිගේ කැමැත්තට එකඟව සිදු වෙනවා කියලත් වඩා හොඳින් තේරුම්ගන්න මෙම DVD තැටිය ඔබට ප්‍රයෝජනවත් වුණේ කොහොමද? (13) බාධක මැද වුණත් දිගටම උද්‍යෝගයෙන් දේශනා කරන්න ඔබ ගෙන තිබෙන අධිෂ්ඨානය තවත් ශක්තිමත් කරගන්න මෙම DVD තැටිය ඔබට උපකාරවත් වුණේ කොහොමද? (14) නෑදෑ හිතමිතුරන්, බයිබල් ශිෂ්‍යයන් වැනි අයට උපකාර කරන්න මෙම DVD තැටිය පාවිච්චි කරන්න පුළුවන් කොහොමද?
ගත වන සෑම දවසක් දවසක් ගානේ යෙහෝවා දෙවිගේ සාක්ෂිකරුවන්ගේ ඉතිහාස වාර්තාවේ අලුත් පිටුවක් දිග ඇරෙනවා. දේවසේවයේ අපි දරන වෙහෙස ගැන ඒ පිටුවල කොයි වගේ විස්තරයක් ලියවෙයිද? ඒ නිසා අතීතයේ හිටිය අපේ සහෝදරයන් වගේ අපිත් දිගටම උද්‍යෝගයෙන් ආලෝකය දසත විහිදුවාලමු.—2 කොරි. 4:6.