Diniwroko Konmakandra fu September

Wiki Di E Bigin 6 September

Singi 84

10 min: Wan tu sani fu a gemeente. Wan tu sani di teki puru fu Wi Kownukondre Dienst.

17 min: „¿Yu E Wroko Nanga wan Marki?” Hori yu inleiding moro syatu leki wan miniti, èn go doro nanga wan aksi-nanga-piki takimakandra. Gebroiki so srefi penti na ini a Bediening-buku, bladzijde 91, 92. Gi ala sma deki-ati fu wroko doronomo na ini a diniwroko èn fu wroko finifini.

18 min: „Papa Nanga Mama​—De wan Bun Eksempre gi Un Pikin.” Wan owruman e gi wan syatu inleiding, èn baka dati tu brada di de papa e hori wan takimakandra fu na artikel. Den e taki dati den e broko den ede fa fu kibri den pikin fu den teige den takru du nanga denki di den kan miti na skoro, den sani di den e si na tapu telefisi, èn den famiri di no de Kotoigi nanga tra sma. Den brada e taki fu den onborsu fasi fa sma e tyari densrefi, grontapu fasi fu taki èn fu weri krosi, èn prisiriten di no bun. Baka te den taki dati a de fanowdu fu gi wan bun eksempre, den e taki fu den fasi fa den kan wiki moro faya gi na osofamiri studie, den gemeente konmakandra, èn gi velddienst.​—Luku A Waktitoren fu 1 yuli 1999, bladzijde 8-22 èn Ontwaakt! fu 22 september 1991 bladzijde 8, 9.

Singi 66 nanga lasti begi.

Wiki Di E Bigin 13 September

Singi 81

10 min: Wan tu sani fu a gemeente. Rapport fu moni afersi.

15 min: Fa Wi Ben Du a Yari Di Pasa? Wan lezing di a dienstopziener e hori. Luku den heimarki na ini a gemeente rapport gi a dienst-yari 1999. Prèise a gemeente gi den bun sani di den du. Sori pe a de fanowdu fu du sani moro bun. Poti prakseri na tapu fa a ben go nanga a fisiti di sma ben fisiti den gemeente konmakandra èn ben hori bijbelstudie. Kari wan tu bun marki gi a yari di e kon.

20 min: „San Yu Sa Taigi wan Hindusma?” Aksi nanga piki. Poti krakti na tapu den wini di de te wi e suku wan sani di abi a belangstelling fu a sma tu, èn kari wan tu kontren pe kande wi ben sa agri nanga wan Hindusma. Sori fa wi kan kenki den pristeri di gi fu man gi kotoigi tu na sma fu iniwan relisi background. Demo wan pristeri di sreka bun, fa wi kan gi wan Hindusma kotoigi. Gi moro bodoi fu a Hindu bribi, luku na inlegvel fu Wi Kownukondre Dienst fu februari 1998; Redeneren-buku, bladzijde 21, 22; nanga De mens op zoek naar God, kapitel 5.

Singi 84 nanga lasti begi.

Wiki Di E Bigin 20 September

Singi 86

12 min: Wan tu sani fu a gemeente nanga ondrofenitori na ini a velddienst.

15 min: Sani di a gemeente abi fanowdu.

18 min: Gebroiki a Schepper-buku Bun. Lezing nanga demonstrâsi. Wi Kownukondre Dienst fu april 1999 ben fruklari taki wi kan pristeri a Schepper-buku awansi o ten wi e miti sma di (1) no e bribi na ini Gado, noso (2) e bribi na ini Gado, ma di no abi no wan idea suma na en, noso san na den eigifasi nanga prakseri fu en. Wi kan gebroiki den aksi di e meki sma prakseri èn den komentaar na a bakasei kafti fu a buku, fu wiki belangstelling na a sma fu leisi a buku. Noso yu kan gebroiki bladzijde 152 bun tu. Wan preikiman ben sa kan aksi: „Pe wi kan feni a moro bun rai di e sori fa fu lusu den moro muilek problema fu wi?” A kan sori a sma fa tiriman di sabi sani bun, ben prèise a Bergitaki fu Yesus, èn a kan aksi en fu teki wan fu den seibi penti di skrifi deki èn di a abi moro belangstelling gi, èn dan a kan leisi wan tu fu den tekst di kari. Demo ala tu fu den pristeri disi fu a Schepper-buku. Gi ala sma deki-ati fu tyari a buku na ini a velddienst, èn fu de srekasreka fu pristeri en te a fiti.

Singi 78 nanga lasti begi.

Wiki Di E Bigin 27 September

Singi 87

15 min: Wan tu sani fu a gemeente. Memre ala sma fu gi den velddienstrapport fu september. Gi ala sma deki-ati fu meki plan fu du furu fu prati tijdschrift na ini a mun oktober. Luku wan tu fu den rai di ben de na ini Wi Kownukondre Dienst fu oktober 1996, bladzijde 8, di e taki fa fu sreka den pristeri. Gebroiki den nyun tijdschrift, kari wan tu bun penti di wi kan taki fu den èn demo wán noso tu syatu pristeri.

15 min: „Aksi Boksu.” Lezing di wan owruman e hori.

15 min: „A Tru Anbegi E Gro na ini Owstu-Europa.” Wan owruman e hori na aksi-nanga-piki takimakandra. Kari ondrofenitori noso buweisi fu a gro na ini den kondre di kari, soleki fa a skrifi na ini den nyun Yaribuku.

Singi 40 nanga lasti begi.