Schema gi a Diniwroko Konmakandra
Wiki Di E Bigin 10 Yuli
Singi 83
12 min: Wan tu sani fu a gemeente nanga Theokrasia Nyunsu. Wan tu sani di teki puru fu Wi Kownukondre Dienst. Taki fu a maart dienstbericht fu a kondre èn fu a gemeente. Poti a prakseri fu sma na a faki „Luku a Lasti Bladzijde”, èn demo wan fu den pristeri di sreka bun èn di sa abi bun bakapisi na ini a kontren pe a gemeente e preiki.
15 min: „Wi No Kan Tapu fu Taki”. Den sani di yu e taki na a bigin no musu teki moro leki wán miniti, èn go doro nanga wan aksi-nanga-piki takimakandra. Poti krakti tapu den reide fu san ede wi e teki a preikiwroko fu wi leki wan seryusu sani. Taki so srefi tu fu prenspari penti na ini A Waktitoren fu 15 yanuari 1997 bladzijde 23-24, di abi fu du nanga a tori disi.
18 min: „Meki Ala Sani Waka So, Taki Trawan Kan Feni Bun”. Tu owruman e taki fu na artikel. Leisi ibriwan fu den paragraaf nanga den bijbeltekst di kari. Poti krakti tapu den gronprakseri di abi fu du nanga den sani dati. Poti krakti tapu taki a de fanowdu fu abi a koni fu man si sani krin te yu e du bisnis noso te yu e poti yu moni na ini wan bisnis. Taki fu a rai na ini A Waktitoren fu 15 maart 1997 bladzijde 18, 19, 22.
Singi 2 nanga lasti begi.
Wiki Di E Bigin 17 Yuli
Singi 5
15 min: Wan tu sani fu a gemeente. Raportu fu moni afersi. Fruteri syatu fa fu gebroiki a Goddelijke Naam-brochure fu yepi wan sma di wani sabi moro, fu frustan taki a de fanowdu fu sabi èn fu gebroiki a nen fu Gado.—Luku a Redeneren-buku, bladzijde 213, 214.
10 min: „Nyun Kring Konmakandra Programa”. Aksi nanga piki. Meki a datum bekènti fu a kring konmakandra di o kon, èn gi ala sma deki-ati fu de drape ala tu dei. Gi ala sma deki-ati fu du spesrutu muiti fu kari bijbelstudenti kon. Te den bijbelstudenti kon na a konmakandra, dan dati sa meki den wani abi demakandra nanga a gemeente doronomo.
20 min: Suma Musu De Yu Eksempre? Wan papa e hori en osofamiri studie nanga wán noso tu tini pikin. A kon si no so langa pasa taki den takimakandra fu den pikin furutron abi fu du nanga barinen man fu sport, nanga pôpi sma di e prei na ini felem, nanga sma di e kon na tapu televisie, èn so srefi nanga pokuman. A e taki fa a sani disi e gi en broko-ede, bika den pikin e sori a yeye fu grontapu nanga a fasi fa den lobi den sma disi. Den e taki makandra fu na Ontwaakt! fu 22 mei 1998, bladzijde 12-14. Den yonguwan e erken taki na anbegi fu grontapusma e tyari kefar kon, èn den e agri taki Kresten no sa kisi wini fu sma nanga barinen na grontapu. Den e taki fu den winimarki di de fu kisi te den e si papa nanga mama, owruman, nanga tra sma di abi wan bun nen na ini a gemeente — èn spesrutu Yesus Krestes — leki eksempre gi den.
Singi 14 nanga lasti begi.
Wiki Di E Bigin 24 Yuli
Singi 20
5 min: Wan tu sani fu a gemeente.
15 min: Rikomanderi Wisrefi Leki Dinari fu Gado. Tu dinari ini a diniwroko e taki fu a frumane di abi en gron na tapu Bijbel, na ini A Waktitoren fu 15 december 1998, bladzijde 19, 20. Den e frustan taki a de fanowdu taki den e du den wroko bun leki dinari ini a diniwroko, èn den e taki fu den sani di den kan du densrefi fu sori taki den e teki a wroko fu den leki wan seryusu sani. Den e frustan taki a de wan prenspari sani fu de wan bun eksempre na ini a preikiwroko, èn den e taki fu den fasi fa den kan yepi den owruman, fu di den e yepi trawan. Den e agri taki den wani fu du ala san den man du fu yepi a gemeente frustan a tranga fanowdu fu a ten, èn fu gro èn abi bun bakapisi na yeye fasi.
10 min: Skrifi Brifi gi Sma Di Wi No Man Kontakti. Lezing èn wan takimakandra nanga den arkiman. Fu di a e kon muilek moro nanga moro fu feni sma na oso, meki wan tu preikiman abi bun bakapisi fu di den e skrifi brifi. Luku den rai disi. Den brifi musu syatu, den musu abi den gron na tapu Bijbel, èn den musu skrifi nanga lespeki. No seni brifi gi sma, sondro fu poti yu nen na ini. Skrifi nanga pen noso skrifimasyin, ma no skrifi morsu, èn sma musu man leisi a brifi bun. Skrifi na adres fu a Kownukondre zaal èn a ten te den difrenti gemeente konmakandra e hori, makandra nanga wan kari fu kon na den konmakandra. No gi sma na adres fu a Genootschap fu gebroiki te sma wani skrifi kon baka. Taki fu den rai di gi na ini a Handleiding-buku bladzijde 87, 88, nanga na Aksi Boksu fu Wi Kownukondre Dienst fu november 1996.
15 min: Gebroiki inleiding di abi bun bakapisi. Teki tu noso dri inleiding fu bladzijde 2-7 fu a brochure Fa foe bigin èn go doro nanga bijbel takimakandra, èn taki fa preikiman kan gebroiki den fu abi bun bakapisi na ini a kontren pe a gemeente e preiki. Aksi den arkiman: „Sortu fu den inleiding yu e gebroiki te yu e bigin wan takimakandra nanga wan sma na strati, na wan informeel fasi, noso na wan tra fasi?” Dêmo wan noso tu inleiding efu ten de ete.
Singi 54 nanga lasti begi.
Wiki Di E Bigin 31 Yuli
Singi 65
15 min: Wan tu sani fu a gemeente. Memre ala sma fu gi den preikiwroko raportu fu a mun yuli. Aksi den arkiman fu fruteri wan tu fu den eigi ondrofenitori di ben gi den prisiri a mun disi, di den ben prati brochure.
12 min: Sani di a gemeente abi fanowdu.
18 min: „Yu E Warderi a Pasensi fu Yehovah?” Aksi nanga piki. Taki fu wan tu prenspari sani di e sori taki Yehovah abi langa pasensi.—Luku na Inzicht-buku, Deel 2, bladzijde 155-158.
Singi 24 nanga lasti begi.
Wiki Di E Bigin 7 Augustus
Singi 20
10 min: Wan tu sani fu a gemeente.
17 min: „Yu Na wan Sma Di E Syensyen?” Aksi nanga piki. Fruteri wan ondrofenitori di e gi deki-ati, di teki puru fu a Jaarboek 1997, bladzijde 43, 44.
18 min: Kon Koni na ini a Tamara fu Yu. Wan lezing di wan owruman sa hori. Yongu sma wani abi wan koloku tamara makandra nanga den lobiwan fu den. Ala di ala sma wani a sani disi, toku den musu gebroiki a rai fu Gado efu den wani abi bun bakapisi (Odo 19:20). Te sma yongu, dan den kan abi tranga firi fu lobi gi mansma noso umasma. Efu den no e dwengi den firi disi, dan dati kan abi takru bakapisi. Furu sma e aksi densrefi efu tini e sori koni te den e meki a tranga firi fu lobi gi mansma noso umasma, tyari den so fara taki den e meki mofo èn e hori nanga wan sma. Taki fu a frumane di gi na ini a Jonge Mensen Vragen-buku, bladzijde 231-235. Poti prakseri na den prenspari penti na ini A Waktitoren fu 15 november 1999, bladzijde 18-23, di e sori taki a de wan prenspari sani taki yongu sma du ala plekti di den abi na Gado. Gi tini deki-ati fu poti prakseri na a rai disi èn fu taki fu en nanga den papa nanga mama te den wani aksi sani di abi fu du nanga a tori disi.
Singi 34 nanga lasti begi.