„Leri . . . den sani di mi komanderi oenoe”
1 A meki foe disipel wani taki gi leri. Bifosi wan sma kon tron wan disipel foe Krestes, a moesoe kisi leri „foe ondrow ala sani” di Jesus ben komanderi (Mat. 28:19, 20). A moro boen fasi fa foe doe disi, de nanga jepi foe wan oso-bijbelstudie.
2 A no ala ten a makriki foe bigin wan bijbelstudie. Efoe joe abi moeilekhèit foe feni wan bijbelstudie, no lasi ati. Foe kan bigin bijbelstudie dan wan fasti bosroiti nanga a serjoesoe angri foe tjari a waarheid gi trawan de fanowdoe.—Gal. 6:9.
3 Belangstelling di e gro: Kande sma no sori foeroe belangstelling na a fosi takimakandra foe joe. A de na den omstandigheid di o meki joe libi wan traktaat, wan brochure noso tijdschrift gi na ososma. Joe ben sa kan gebroiki wan foe den poeblikâsi disi foe bigin wan oso-bijbelstudie. Efoe na ososma e sori moro belangstelling gi a boskopoe, kande joe kan kanti go abra na wan tra poeblikâsi di e fiti en moro, te joe e go fisiti en bakaten.
4 Sreka na fesi na a sroto di e gi boen bakapisi. Foe san ede joe no e soekoe wan tekst na fesi di kari ini a traktaat, brochure noso tijdschrift, di joe ben meki a plan foe gebroiki na joe gobaka? Na a fasi dati joe sa man foe tjari kommentaar foe a poeblikâsi kon na ini joe takimakandra. Kande joe sa man foe leisi srefi wan noso toe paragraaf foe a poeblikâsi.
5 Joe ben sa kan taki disi:
◼ Wi e taki wan toe tori di abi foe doe nanga wan bisondroe profeititaki di e kon troe nownow. Leisi Mateus 24:3, èn tjari a prenki nanga a kommentaar foe bladzijde 24 foe a Loekoe-brochure kon ini a tori. So wan sortoe pristeri kan gebroiki te joe e presenteri a traktaat A grontapoe disi sa tan?
6 Te joe e si na opregti belangstelling foe wan sma, joe sa go esi-esi baka na en. Proeberi foe go baka na ini wan wiki ten so taki na lasti takimakandra sa de vers ete ini a prakseri foe na ososma. Ibri tron te joe go baka, taki foe wan toe paragraaf foe a poeblikâsi di joe libi na baka. Dan, na wan joisti ten, joe kan meki a si a Libi foe têgo-boekoe, ala di joe e go doro foe wroko na a srefi fasi leki fa joe ben doe nanga a brochure èn a traktaat.
7 Ini a ten disi foeroe wroko de foe doe ete ini a bigi koti-wroko di Jesus ben taki foe en na fesi (Mat. 9:37, 38). Efoe wi e tan gi leri na den sma di abi wan eerlijk ati, wi abi Jesus en makti djaranti taki „a de nanga oenoe te a bosroiti foe a seti foe sani.”