Liboka Tsa Tšebeletso
BEKE E QALANG KA JULY 1
10 mets: Litsebiso tsa phutheho le Litsebiso tse khethiloeng ho Tšebeletso ea Rona ea ’Muso. Totobatsa lihlooho tse limakasineng tsa morao-rao tse ka sebelisoang mosebetsing oa limakasine Moqebelong ona.
20 mets: Tšebeletso ea Nako e Tletseng—Monyetla o Babatsehang oa ho Tsamaea le Molimo. (Mik. 6:8) Moholo ea tšoanelehang kapa mohlanka ea sebeletsang, haholo-holo ea leng tšebeletsong ea nako e tletseng, o fana ka puo e mofuthu, e khothatsang. (Bona Molula-Qhooa oa May 15, 1989, maqephe 21-3.) Bolela litlhahiso tse sebetsang tse tla thusa bahoeletsi ba phutheho, ho ea ka maemo a bona, ho nahana ka ho tebileng ka ho kenela mosebetsi oa nako e tletseng. Buisana le bo-pula-maliboho ba babeli kapa ba bararo, ’me u bolele melemo e mengata ea tšebeletso ea nako e tletseng. Nako e ntle ea ho qalisa ke ea selemo se secha sa tšebeletso. Ba qalang ka September 1, 1991, ba ka ’na ba tšoaneleha ho ea Sekolong sa Tšebeletso sa Bopula-maliboho ka 1992.
15 mets: “E-ba le Mamello ’me U Etse Tšebeletso e Phethahetseng.” Sehlooho se akaretsoe ka lipotso le likarabo. Hatisa tlhokahalo ea ho ba le mamello, haholo-holo tšimong e sebetsoang khafetsa. Ka mor’a ho buisana ka serapa 6, e re mohoeletsi a etse pontšo ea kamoo ho ka sebelisoang Sehlooho sa Puisano ha ho fanoa ka bukana e lekanang le makasine ea “Bonang.”
Pina 156 le thapelo e koalang.
BEKE E QALANG KA JULY 8
10 mets: Litsebiso tsa phutheho. Tlaleho ea lichelete. Litaba tsa Puso ea Molimo. Hopotsa phutheho ka litokisetso tsa mafelo-beke tsa tšebeletso ea tšimo.
15 mets: “Kopanela ka Pelo Eohle Tšebeletsong ea Tšimo—Karolo 1.” Puisano ea lipotso le likarabo ka molebeli oa tšebeletso. Khetha esale pele mangolo a sehlooho a tla baloa, ’me u etse hore taba e lokele phutheho ea lōna. Tsosa thahasello bakeng sa letoto lena la likarolo tse hlano.
20 mets: “Itokisetse Hona Joale ho ba Teng Kopanong ea Setereke ea ‘Barati ba Tokoloho’ ea 1991”—Karolo 1. Buisana le bamameli ka lirapa 1-14 tsa kenyelletso.
Pina 204 le thapelo e koalang.
BEKE E QALANG KA JULY 15
10 mets: Litsebiso tsa phutheho. Haeba phutheho e tla fetola linako tsa liboka ka September 1, tsebisa ka kemiso e tlang ho lateloa. Hlahloba lintlha tsa sehlooho tse hlahang tlalehong ea tšebeletso ea tšimo ea phutheho ka June. Babatsa bahoeletsi ka seo ba se finyelletseng tšimong.
15 mets: “Ho Nehelana ka Taba tse Molemo—Ka Masene.” Se akaretsoe ka lipotso le likarabo. Etsa pontšo ka lintlha tse serapeng sa 5. E re mohoeletsi ea nang le tsebo a bontše kamoo ho ka sebetsanoang le mong’a ntlo eo qalong a phehang khang ka hore ka masene a ’motse lipotso le ho ’montša seo Bibele e se bolelang tabeng eo ba buisanang ka eona. Pontšo e lokela ho lokisetsoa hantle esale pele.
20 mets: “Itokisetse Hona Joale ho ba Teng Kopanong ea Setereke ea ‘Barati ba Tokoloho’ ea 1991”—Karolo 2, e fanoe ke mongoli. Buisana le bamameli ka lirapa 15-22, ’me ka bokhutšoanyane u hlahlobe “Likhopotso tsa Kopano ea Setereke” ha nako e lumela. Ka bokhutšoanyane bolela litokisetso tsa marobalo joalokaha li boletsoe lengolong la Mokhatlo la June 15, 1991. Bahoeletsi ba ka ’na ba batla ho tšohla lintlha tse loketseng le liithuti tsa bona tsa Bibele tse tla ba teng kopanong. Khothalletsa lihlopha tsa malapa ho ikhopotsa lintlha tse lihloohong tsena pele li e-ea kopanong.
Pina 67 le thapelo e koalang.
BEKE E QALANG KA JULY 22
15 mets: Moholo kapa mohlanka ea sebeletsang ea tšoanelehang o fana ka litsebiso tsa phutheho. Hlahloba litokisetso tsa phutheho bakeng sa tšimo e sa abuoang haeba ho loketse. Sebelisa lintlha tse tsoang kenyelletsong ea lengolo la May 1, 1991. Ka mofuthu khothalletsa malapa ’ohle ho fana ka tšehetso e felletseng phutuhong ena.
18 mets: “Tokisetso ea Thuto ea Buka ea Phutheho—Karolo 1.” Moholo ea nang le phihlelo o buisana le moholo a le mong kapa ba babeli kapa bahlanka ba sebeletsang bao e leng bakhanni ba Thuto ea Buka ea Phutheho. Hatisa ka ho khetheha lintlha tse peli kapa tse tharo tseo haholo-holo li hlokahalang phuthehong ea lōna, tse kang ho arabela ka mantsoe a rōna le ho sebelisa boitsebiso boo ho buisanoang ka bona.
12 mets: Litlhoko tsa phutheho. Hlahloba lintlha tseo baholo ba ikutloang hore phutheho e hloka thuso ho tsona. Mohlomong u ka sebelisa Mangolo ho hlahloba tse ling tsa lintlha tse ileng tsa hlokomelisoa phutheho ketelong e fetileng ea molebeli oa potoloho.
Pina 42 le thapelo e koalang.
BEKE E QALANG KA JULY 29
15 mets: Litsebiso tsa phutheho le “Kamoo ho ka Sebetsanoang le Likōpo tsa Setlankane.” E fanoe ke moholo kapa mohlanka ea sebeletsang ea tšoanelehang. Haeba nako e lumela kōpa liphihlelo tse mabapi le ho tsamaisa libukana tse lekanang le makasine le ho qalisa lithuto tsa Bibele. Khothalletsa bohle ho kopanela ka mafolo-folo tšebeletsong ka August, e leng khoeli ea ho qetela ea selemo sa tšebeletso. Bakhanni ba Thuto ea Buka ba lokela ho kholiseha hore litlaleho tsohle li nehiloe mongoli bakeng sa tlaleho e felletseng ea phutheho.
15 mets: “Ho Jara Moroalo oa Rōna oa Boikarabelo.” Moholo o buisana le sehlopha sa lelapa ka sehlooho sena. O bolela kamoo phutheho e ileng ea thabela ’me ea rua molemo lenaneong le sebelisoang hona joale la kopano ea potoloho ’me o haha taba-tabelo bakeng sa lenaneo le lecha la kopano ea potoloho. O botsa lihlooho tsa malapa har’a bamameli kamoo lenaneo la 1991 le thusitseng malapa a tsona ka teng. O khothalletsa bohle ho etsa litokisetso tse tsitsitseng e le hore ba be teng ’me ba rue molemo lenaneong le lokiselitsoeng bakeng sa selemo sa tšebeletso sa 1992. Haeba letsatsi la kopano e latelang le tsejoa, le lona le ka phatlalatsoa.
15 mets: “Ho Thibela ho Khutlela Mekhoeng e Mebe.” Puisano ka sehlooho se hlahang ho Tsoha! ea April 8, 1991.
Pina 132 le thapelo e koalang.