Liboka Tsa Tšebeletso Tsa November
Beke e Qalang ka November 2
10 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso. Lebisa tlhokomelo boitsebisong bo lebokoseng le buang ka liaterese tsa makala. Babatsa bahoeletsi ka karolo eo ba bileng le eona mosebetsing oa boboleli ba ’Muso. Bolela kamoo lintlha tse hlaheletseng ho tsoa limakasineng tsa morao-rao li ka sebelisoang ka teng tšimong ea lōna.
15 mets: “Matla a Lentsoe la Molimo.” Lipotso le likarabo. Khothalletsa bohle hore ba bale pampitšana Lebaka la Hore U Tšepe Bibele, ba hlokomele tsela ea ho beha mabaka le litlhaloso tse bonolo le tse atlehileng tse ka sebelisoang tšebeletsong ea tšimo.
20 mets: “Rala Motheo Ketelong ea Hao ea Pele.” Moena ea etsang karolo ena o kenyeletsa lipontšo tse ’nè tse bontšang e ’ngoe ea likenyeletso tse peli tse boletsoeng ho lirapa 2 le 3 ’me e bontša ntlha ka ’ngoe ea tse boletsoeng ho lirapa 4, 5, le 6. Pontšo ea ho qetela e lokela ho bontša kamoo buka Lentsoe la Molimo e ka buelloang ka teng ketelong ea pele.
Pina 52 le thapelo e koalang.
Beke e Qalang ka November 9
5 mets: Litsebiso tsa phutheho le Litaba tsa Puso ea Molimo.
15 mets: “Na U Latela Litaelo?” Puo ka molebeli ea okamelang e thehiloeng sehloohong se ho Molula-Qhooa oa October 1, 1990, maqephe 30-1. Litlhoko tse tobileng li lokela ho sebelisoa phuthehong ea lōna: ho tlaleha tšebeletso ea tšimo ka nako, tlhoekiso ea Holo ea ’Muso, ho fihla ka nako libokeng tsa tšebeletso ea tšimo, ho laola bana ka Holong ea ’Muso, le tse ling. Babatsa phutheho moo ho loketseng, ’me u thuse bohle hore ba lemohe kamoo phutheho eohle e fumanang molemo ka teng le kamoo mosebetsi oa bahlanka ba khethiloeng o bebofatsoang ka teng ha e mong le e mong a latela litaelo.
10 mets: “Nka Bopula-maliboho bo Thusang ka December.” Ka mofuthu le ka cheseho koahela boitsebiso ka lipotso le likarabo. Etsa tsebiso ka litokisetso tse entsoeng bakeng sa tšebeletso ea tšimo ka December le litokisetso tse khethehileng tse tla etsoa bakeng sa lihlopha tse khōloanyane.
15 mets: “Na U Nka Lingoliloeng Tsa Rōna e le Tsa Bohlokoa?” Puo e khothatsang.
Pina 27 le thapelo e koalang.
Beke e Qalang ka November 16
15 mets: Litsebiso tsa phutheho, ho kopanyeletsa le tlaleho ea lichelete le liteboho bakeng sa monehelo. Babatsa phutheho ka mofuthu bakeng sa ho tšehetsa phutheho ka lichelete haesita le Letlōle la Mokhatlo la Liholo tsa ’Muso le mosebetsi oa Mokhatlo oa lefatše ka bophara. Ka ho khetheha batsoali ba lokela ho hlomella bana ba kenang sekolo bakeng sa likhanyetso tse ka ’nang tsa hlaha nakong ea matsatsi a phomolo, ba sebelisa maqephe 17-21 bukaneng e lekanang le makasine ea Sekolo.
20 mets: “Mokhoa oa ho Hlaolela Thahasello.” Puo le lipontšo, e fanoe ke molebeli oa tšebeletso. Etsa pontšo ea mekhoa e bontšitsoeng ho lirapa 5 le 6. Etsa hore lipontšo li be bonolo ’me ho be bonolo ho li latela.
10 mets: “Khetha Lintlha Tse Khōlō Tse Loketseng.” Puisano pakeng tsa monna le mosali ha ba itokiseletsa tšebeletso ea tšimo.
Pina 198 le thapelo e koalang.
Beke e Qalang ka November 23
10 mets: Litsebiso tsa phutheho. Etsa pontšo ea kamoo mafelo-bekeng ana ho ka sebelisoang ntlha e khōlō ho tsoa makasineng oa morao-rao. Sebelisa litlhahiso tse fanoeng Sebokeng sa Tšebeletso sa beke e fetileng.
20 mets: “Ho Tšepa Jehova ho Sohle Seo re se Etsang”—Karolo 1. Baena ba babeli ba buisana ka lirapa 1 ho ea ho 13 tsa kenyeletso, haholo-holo ebe baena ba sebetsang le Komiti ea Kaho ea Lebatooa e leng sebakeng sa lōna. Ho ka kopanyeletsoa liphihlelo tsa sebakeng sa lōna. Ka mofuthu khothaletsa bohle ba tšoanelehang hore ba ithaope.
15 mets: Lebaka Leo Re sa Ketekeng Matsatsi a Phomolo ka Lona. Puisano pakeng tsa moholo le moshemane ea ka tlaase ho lilemo tsa bocha ea behang mohlala o motle ea se nang ntate. Moshemane o atamela moholo ho kōpa thuso bakeng sa ho sebetsana le khatello e tsoang ho lithaka tsa hae ea hore a ee moketjaneng oa letsatsi la tsoalo. Oa utloisisa hore ho fosahetse empa a ka rata ho khona ho hlalosetsa ba bang ka ho hlakileng hore ho fosahetse. Ka mosa le ka puo e bonolo moholo o ikhopotsa le moshemane boitsebiso bo leng ho maqephe 30-1 ho Molula-Qhooa oa September 1, 1992, le ho maqephe 236-8 bukeng ea Ho Bea Mabaka.
Pina 24 le thapelo e koalang.
Beke e Qalang ka November 30
10 mets: Litsebiso tsa phutheho. Pheta lintlha tse tsoang lengolong la Mokhatlo la August 15, 1992, le khothaletsang bahoeletsi hore ba kenye litlaleho tsa bona Lebokoseng la Litlaleho le khethehileng le leng Holong ea ’Muso.
15 mets: Ho Sebelisa Buka Motho e Moholo ho Etsa Hore Leseli la Rōna le Khanye ka December. Puo le pontšo. Khothaletsa hore bohle ba hopole lintlha tsa tšebeletso ea tšimo hantle. Bua ka lintlha tse khōlō tse thehiloeng likhaolong tseo ho buisanoeng ka tsona Thutong ea Buka ea Phutheho pejana khoeling ena.
20 mets: “Ho Tšepa Jehova ho Sohle Seo re se Etsang”—Karolo 2. Lirapa 14 ho ea ho 25 tsa kenyeletso li koaheloe ka lipotso le likarabo. Hatisa karolo eo mohoeletsi ka mong a ka bang le eona hore (1) a ithaope haeba a tšoaneleha ’me maemo a lumela, (2) a tlatsetse ka lichelete Letlōleng la Mokhatlo la Liholo Tsa ’Muso, le (3) ho tšehetsa mesebetsi ea phutheho ha ba bang ba le sieo ba le kabelong ea ho haha.
Pina 4 le thapelo e koalang.