Liboka tsa Tšebeletso tsa November
Beke e Qalang ka la 7 November
10 mets: Litsebiso tsa phutheho le Litsebiso tse loketseng tse tsoang ho Tšebeletso ea Rōna ea ’Muso. Bolela ntlha e le ’ngoe kapa tse peli tse ka buelloang limakasineng tsa morao-rao ’me tsa sebelisoa ha re li tsamaisa.
18 mets: “Lentsoe la Molimo le Matla.” Lipotso le likarabo. Kopanyelletsa le litlhaloso tse bolelang bohlokoa ba ho bala Bibele kamehla tse thehiloeng ho selelekela sa Ho Hlahlobisisa Mangolo Kamehla—1994.
17 mets: “Bibele—Mohloli oa Matšeliso le Tšepo Lefatšeng le Khathatsong.” Buisana le bamameli. Lokisetsa lipontšo tse peli tse bontšang kamoo ho ka sebelisoang linehelano tse bontšitsoeng.
Pina 24 le thapelo e koalang.
Beke e Qalang ka la 14 November
10 mets: Litsebiso tsa phutheho. Litaba tsa Puso ea Molimo. Bala tlaleho ea lichelete le liteboho leha e le life tsa monehelo.
17 mets: “U Bontša Moea oa Mofuta Ofe?” Puo. Kopanyelletsa litlhaloso tse tsoang tokollong ea Molula-Qhooa oa December 15, 1977, leqephe la 563, lirapa tsa 4 le 5.
18 mets: “Litsela tsa ho Ntlafatsa Boboleli ba Rōna ba ’Muso.” Lipotso le likarabo. Mema bamameli hore ba phete liphihlelo tse bontšang kamoo ho ’nileng ha sebelisoa litlhahiso tse fanoeng ho Tšebeletso ea Rōna ea ’Muso ka liphello tse molemo.
Pina 37 le thapelo e koalang.
Beke e Qalang ka la 21 November
12 mets: Litsebiso tsa phutheho. “Likhopotso tsa Kopano ea Setereke.” Buisana le bamameli. Etsa hore boitsebiso e be bo sebetsang sebakeng sa lōna.
15 mets: Litlhoko tsa phutheho. Kapa puo ka moholo e thehiloeng ho “Ananela Tšebeletso e Halalelang ea Hao” tokollong ea Molula-Qhooa oa September 1, 1994, leqepheng la 29.
18 mets: “Ba Thuse Hore ba Utloe ‘Hape.’” Buisana le bamameli. E-ba le lipontšo tse peli tse lokiselitsoeng hantle tse bontšang kamoo Bibele e ka sebelisoang ha ho qalisoa thuto.
Pina 52 le thapelo e koalang.
Beke e Qalang ka la 28 November
12 mets: Litsebiso tsa phutheho. Bontša litsela tsa ho nehelana ka limakasine tsa morao-rao. Ikhopotseng sehlooho “Likhopotso tse Nakong” ho Tšebeletso ea Rōna ea ’Muso ea December 1993. Bohle ka phuthehong ba lokela ho lemoha tlhokahalo ea hore ba kopanele tšebeletsong mathoasong a December le ho tiisa hore ba tlisa litlaleho tsa bona pele ba ea phomolong kapa ba ea kopanong. Batsamaisi ba thuto ea buka ba lokela ho hopotsa bohle ba lihlopheng tsa bona ka sena.
15 mets: “Litlhohonolofatso tse Tlisoang ke ho Sebetsa le ba Bang.” Lipotso le likarabo. Khothalletsa bohle ho tšehetsa liboka tsa tšebeletso ea tšimo tse lokiselitsoeng ke phutheho ho e-na le hore kamehla ba iketsetse litokisetso tse ka thōko ’me ba tsamaee ba le bang. Ho sebetsa le sehlopha ho fella ka litlhohonolofatso tse eketsehileng, tšebeletso e atlehang haholoanyane, le ho khothatsana.
18 mets: Ho Nehelana ka Buka Motho e Moholo ka December. Buka ena e hlokahala haholo. Batho ba makholo a limilione ba ipolela hore ke balateli ba Jesu ’me ba bolela hore ba lumela seo a se rutileng. Ho hlokahala hore batho ba tsebe se ileng sa mo khetholla ho batho ba bang bohle—polokeho ea bona e itšetlehile ka hona. Buka Motho e Moholo, khaolo ea 133, e re: “Lipelo tsa rōna lia ameha ha re nahana ka sebete le bonna ba hae bo hlollang, bohlale ba hae boo ho seng bo ka bapisoang le bona, matla a hae a ikhethang joaloka tichere, boeta-pele ba hae bo sebete, le kutloelo-bohloko le qenehelo tsa hae tse mosa.” Ka ho hlakileng Bibele e mo tsebahatsa e le (1) Paki (Joh. 18:37), (2) ’Moloki (Lik. 4:12), le (3) Morena (Tšen. 11:15). E re mohoeletsi ea khonang a etse pontšo a sebelisa tse ling tsa lintlha tsena. Khothalletsa bohle hore ba be le karolo ho abeng buka ena, pele ba ea phomolong kapa ba ea kopanong ea setereke.
Pina 61 le thapelo e koalang.