Kemiso ea Sekolo sa Tšebeletso sa Puso ea Molimo Bakeng sa 1997
LITAELO
LIBUKA: Bibele, Phetolelo ea Lefatše le Lecha ea Mangolo a Segerike a Bakreste [bi7-SU], Lipaki tsa Jehova—Baboleli ba ’Muso oa Molimo [jv-SU], “Lengolo Lohle le Bululetsoe ke Molimo ’me le Molemo” [si-SU], Tsebo e Isang Bophelong bo sa Feleng [kl-SU], Ho Bea Mabaka ka Mangolo [rs-SU] le “Lihlooho Tsa Bibele Tsa Puisano” tse fumanehang ho Phetolelo ea Lefatše le Lecha [*td-SU] e tla ba tsona mohloli oa likabelo.
Sekolo se lokela ho qala KA NAKO ka pina, thapelo le mantsoe a kamohelo ’me se tsoele pele ka tsela e latelang:
KABELO NO. 1: Metsotso e 15. Ena e lokela ho fanoa ke moholo kapa mohlanka ea sebeletsang, ’me e tla thehoa ho Lipaki tsa Jehova—Baboleli ba ’Muso oa Molimo, kapa “Lengolo Lohle le Bululetsoe ke Molimo ’me le Molemo.” Ha e thehiloe bukeng ea Baboleli, kabelo ena e lokela ho fanoa e le puo ea taeo ea metsotso e 15 ho se tlhahlobo ea molomo; ha e thehiloe ho “Lengolo Lohle,” e lokela ho fanoa e le puo ea taeo ea metsotso e 10 ho ea ho e 12 ’me e lateloe ke tlhahlobo ea molomo ea metsotso e 3 ho ea ho e 5, ho sebelisoa lipotso tse hatisitsoeng tse leng bukeng. Sepheo e se be feela ho akaretsa boitsebiso empa ho lebisa tlhokomelo molemong o sebetsang oa boitsebiso boo ho buuoang ka bona, ho totobatsa se tlang ho fana ka thuso e khōlō ka ho fetisisa phuthehong. Ho lokela hore ho sebelisoe sehlooho se bontšitsoeng. Sebui se ka ’na sa hlalosa le ho sebelisa litšoantšo, lifoto le lichate tse fumanoang bukeng ea Baboleli e le lithuso tsa ho ruta.
Barab’abo rōna ba abetsoeng puo ena ba lokela ho hlokomela hore ba boloka nako eo ba e abetsoeng. Keletso e ka thōko e ka fanoa haeba ho hlokahala kapa haeba sebui se e kōpile.
LINTLHA TSE KHŌLŌ TSA ’MALO OA BIBELE: Metsotso e 6. Lintlha tsena li lokela ho fanoa ke moholo kapa mohlanka ea sebeletsang ea tla sebelisa boitsebiso ka tsela e sebetsang litlhokong tsa phutheho. E se ke ea e-ba feela kakaretso ea ’malo o abiloeng. Ho ka ’na ha kenyelletsoa tlhahlobo e akaretsang ea metsotsoana e 30 ho ea ho e 60. Leha ho le joalo, pakane e ka sehloohong ke ho thusa bamameli ho utloisisa lebaka le hore na boitsebiso bona ke ba bohlokoa joang ho rōna. Ka mor’a moo molebeli oa sekolo o tla bolella liithuti hore li ee litlelaseng tsa tsona tse fapaneng.
KABELO NO. 2: Metsotso e 5. Ona ke ’malo oa Bibele oa boitsebiso bo abiloeng o lokelang ho fanoa ke mor’abo rōna. Sena se tla sebetsa sekolong se ka holong e khōlō le lihlopheng tse ling. Hangata likabelo tsa ’malo li khutšoanyane ka ho lekaneng ho lumella seithuti hore se fane ka boitsebiso bo bokhutšoanyane litlhalosong tse qalang le tse qetellang. Ho ka akaretsoa taba ea histori, se boleloang ke boprofeta kapa lithuto tsa bohlokoa tsa motheo, le kamoo melao-motheo e sebetsang kateng. Litemana tsohle tse abiloeng li lokela ho baloa ho sa kenyelletsoe letho lipakeng. Ho hlakile hore moo litemana tse lokelang ho baloa li sa latellaneng, seithuti se ka ’na sa bolela temana eo ’malo o tsoelang pele ho eona.
KABELO NO. 3: Metsotso e 5. Ena e tla abeloa morali’abo rōna. Lihlooho tsa nehelano ena li tla thehoa ho Tsebo e Isang Bophelong bo sa Feleng. Boemo e ka ’na ea e-ba ho paka ka mokhoa o sa reroang, leeto la ho boela kapa thuto ea Bibele ea lehae, ’me ba nkang karolo ba ka lula kapa ba ema. Molebeli oa sekolo o tla thahasella haholo-holo tsela eo seithuti se thusang mong’a ntlo ka eona ho nahana le ho utloisisa boitsebiso le kamoo mangolo a sebelisoang kateng. Seithuti se abeloang karolo ena se lokela ho tseba ho bala. Molebeli oa sekolo o tla se abela mothusi a le mong, empa mothusi e mong a ka ’na a sebelisoa. Seithuti se tla rera hore na mong’a ntlo o lokela ho bala lirapa tse itseng kapa che. Ntho e nehoang tlhokomelo e ka sehloohong ke ho sebelisa boitsebiso ka tsela e atlehileng e seng boemo.
KABELO NO. 4: Metsotso e 5. Ena e tla abeloa mor’abo rōna kapa morali’abo rōna. E tla thehoa ho Ho Bea Mabaka ka Mangolo kapa “Lihlooho Tsa Bibele Tsa Puisano” ka tsela eo li fumanehang ka eona ho Phetolelo ea Lefatše le Lecha. Ha e abetsoe mor’abo rōna, e lokela ho ba puo ho bamameli bohle. Ho ka ba molemo haholo ha mor’abo rōna a ka lokisetsa puo ena a hopotse bamameli ba leng Holong ea ’Muso e le hore e be e rutang e le kannete ’me e be le molemo ho ba hlileng ba e utloang. Ha e le morali’abo rōna ea filoeng karolo ena, boitsebiso bo tla fanoa joalokaha ho bontšitsoe bakeng sa Kabelo No. 3.
KELETSO LE LITLHALOSO: Ka mor’a nehelano ea seithuti se seng le se seng, molebeli oa sekolo o tla fana ka keletso e tobileng, ho sa hlokahale hore a latele tatelano ea lenaneo la lintlha tsa keletso tse thathamisitsoeng ka ho latellana leqetšoaneng la Keletso ea Puo. Ho e-na le hoo, o lokela ho lebisa tlhokomelo likarolong tseo seithuti se lokelang ho ntlafatsa ho tsona. Haeba seithuti se tšoaneleha ho fumana feela “H” ’me ho se na ntlha e ’ngoe ea keletso e tšoauoeng “N” kapa “S,” joale moeletsi o lokela ho etsa lesakana lebokoseng, leo ho lona ka tloaelo ho neng ho tla ngoloa “H,” “N” kapa “S,” la ntlha ea keletso eo seithuti se lokelang ho sebeletsa ho eona nakong e tlang. O tla tsebisa seithuti ka sena hona mantsiboeeng ao le ho ngola ntlha ena ea keletso leqetšoaneng le latelang la seithuti la Kabelo ea Sekolo sa Tšebeletso ea Puso ea Molimo (S-89). Ba fanang ka lipuo ba lokela ho lula ho elella ka pele holong. Sena se tla boloka nako ’me se tla lumella molebeli oa sekolo ho fana ka keletso ka ho tobileng ho seithuti ka seng. Ha nako e lumela ka mor’a ho fana ka keletso ea molomo e hlokahalang, moeletsi a ka ’na a fana ka litlhaloso tse rutang le lintlha tse sebetsang tse sa kang tsa akaretsoa ke seithuti. Molebeli oa sekolo a se sebelise metsotso e fetang e ’meli bakeng sa keletso le lintlha le ha e ka ba life tse khutšoanyane ka mor’a hore seithuti ka seng se nehelane ka puo. Haeba mor’abo rōna ea fanang ka kabelo ea lintlha tse khōlō tsa Bibele a hloka keletso, sena se ka etsoa ka thōko.
HO LOKISETSA LIKABELO: Pele seithuti se lokisetsa puo eo se e abetsoeng, se lokela ho bala ka hloko boitsebiso bo ho Buka ea Tataiso ea Sekolo bo sebetsanang le ntlha ea keletso eo se lokelang ho sebeletsa ho eona. Liithuti tse fanang ka kabelo No. 2 li ka khetha sehlooho se loketseng karolo ea Bibele e lokelang ho baloa. Likabelo tse ling li tla fanoa tumellanong le sehlooho se bontšitsoeng kemisong e hatisitsoeng.
NAKO: Ha ho motho ea lokelang ho ja nako, leha e le keletso le litlhaloso tsa moeletsi. Kabelo ea No. 2 ho ea ho ea 4 li lokela ho emisoa ka bohlale ha nako e se e felile. Ea khethetsoeng ho fana ka pontšo ea ho emisa o lokela ho etsa joalo hang-hang. Ha baena ba fanang ka Kabelo No. 1 le lintlha tse khōlō tsa Bibele ba ja nako, ba lokela ho fuoa keletso e ka thōko. Lenaneo lohle: metsotso e 45, ho sa akarelletsoe pina le thapelo.
TLHAHLOBO E NGOLOANG: Nako le nako ho tla ba le tlhahlobo e ngoloang. Ha u lokisetsa, ikhopotse boitsebiso bo abiloeng le ho qeta ’malo oa Bibele o kemisong. Ho ka sebelisoa Bibele feela nakong ea tlhahlobo ena ea metsotso e 25. Nako e setseng e tla sebelisetsoa puisano ea lipotso le likarabo. Seithuti ka seng se tla tšoaea leqephe la sona. Molebeli oa sekolo o tla hlahloba likarabo tsa lipotso tsa tlhahlobo le bamameli ’me a lebise tlhokomelo lipotsong tse thata haholoanyane, a thusa bohle ho utloisisa likarabo ka ho hlaka. Haeba mabaka a itseng a sebaka sa lōna a qobella, tlhahlobo e ngoloang e ka ngoloa bekeng e latelang e bontšitsoeng kemisong.
LIPHUTHEHO TSE KHŌLŌ: Liphutheho tse nang le liithuti tse 50 kapa ho feta li ka ’na tsa hlophisa ho ba le lihlopha tse eketsehileng tsa liithuti ho fana ka likarolo tse ling kemisong ka pel’a baeletsi ba bang. Ho hlakile hore batho ba sa kolobetsoang bao bophelo ba bona bo lumellanang le melao-motheo ea Bokreste le bona ba ka ngolisa sekolong ’me ba fumana likabelo.
BA SA BENG TENG: Bohle ka phuthehong ba ka bontša kananelo bakeng sa sekolo sena ka ho etsa boiteko bo matla ba ho ba teng lenaneong la beke e ’ngoe le e ’ngoe, ka ho lokisetsa likabelo tsa bona hantle le ka ho nka karolo mananeong a lipotso. Ho tšeptjoa hore liithuti tsohle li tla nka likabelo tsa tsona ka ho teba. Haeba seithuti se le sieo nakong eo ka eona se abetsoeng puo, e mong a ka ithaopela kabelo eo, a etsa boiteko leha e le bofe boo a ikutloang hore o lokela ho bo etsa ka nako eo e khutšoanyane eo a tsebisitsoeng ka eona. Kapa molebeli oa sekolo a ka ’na a akaretsa boitsebiso ka hore bamameli ba kopanele ka tsela e loketseng.
KEMISO
La 6 Jan. ’Malo oa Bibele: Zakaria 1 ho ea ho 5
No. 1: Selelekela sa Zakaria (si-SU maq. 168-9 lir. 1-7)
No. 2: Zakaria 2:1-13
No. 3: Motho o ne a sa Etsetsoa ho Shoa ((kl-SU leq. 53 lir. 1-3)
No. 4: Moea oa Lefatše ke Eng, Hona ke Hobane’ng ha o le Kotsi? (rs-SU leq. 321 ser. 3–leq. 322 ser. 1)
La 13 Jan. ’Malo oa Bibele: Zakaria 6 ho ea ho 9
No. 1: Kamoo Mosebetsi oa ’Muso o Tšehetsoang ka Lichelete Kateng (jv-SU leq. 340 ser. 1–leq. 343 ser. 3)
No. 2: Zakaria 7:1-14
No. 3: Morero o Mobe oa Bolotsana (kl-SU maq. 55-6 lir. 4-7)
No. 4: Boikhohomoso le Borabele ke Pontšo ea Moea oa Lefatše (rs-SU leq. 322 ser. 3–leq. 323 ser. 1)
La 20 Jan. ’Malo oa Bibele: Zakaria 10 ho ea ho 14
No. 1: Zakaria—Lebaka Leo e Leng Molemo (si-SU maq. 171-2 lir. 23-7)
No. 2: Zakaria 12:1-14
No. 3: Kamoo Satane a Ileng a Phethahatsa Morero oa Hae Kateng (kl-SU maq. 56-8 lir. 8-12)
No. 4: Moea oa Lefatše o Hōlisa Litakatso Tsa Nama (rs-SU leq. 323 ser. 2)
La 27 Jan. ’Malo oa Bibele: Malakia 1 ho ea ho 4
No. 1: Selelekela sa Malakia le Lebaka Leo e Leng Molemo (si-SU maq. 172-4 lir. 1-6, 13-17)
No. 2: Malakia 1:6-14
No. 3: Kamoo Sebe le Lefu li Ileng Tsa Ata Kateng (kl-SU maq. 58-9 lir. 13-15)
No. 4: Moea oa Lefatše o Hōlisa Lerato la Lintho Tse Bonahalang (rs-SU leq. 323 ser. 3–leq. 324 ser. 1)
La 3 Feb. ’Malo oa Bibele: Matheu 1 ho ea ho 3
No. 1: Selelekela sa Matheu (si-SU maq. 175-6 lir. 1-10)
No. 2: Matheu 2:1-15
No. 3: Hlokomela Maqiti a Satane (kl-SU maq. 59-60 lir. 16-18)
No. 4: Loana ka Thata Khahlanong le Mesebetsi ea Nama (rs-SU leq. 324 ser. 2)
La 10 Feb. ’Malo oa Bibele: Matheu 4 le 5
No. 1: Ho Tšehetsa Libaka Tsa Liboka le Katoloso ea Mehaho ea Bethele ka Lichelete (jv-SU leq. 343 ser. 4–leq. 347 ser. 1; ho ka suptjoa mehlaleng e ho maq. 352-401)
No. 2: Matheu 4:1-17
No. 3: E-ba le Tumelo ’me U Itokisetse Khanyetso (kl-SU maq. 60-1 lir. 19-21)
No. 4: Tšepa Jehovah, Eseng Babusi ba Batho (rs-SU leq. 324 lir. 3-4)
La 17 Feb. ’Malo oa Bibele: Matheu 6 le 7
No. 1: Mosebetsi oa ’Muso Hase oa Khoebo (jv-SU leq. 347 ser. 2–leq. 351 ser. 6)
No. 2: Matheu 7:1-14
No. 3: Seo Molimo a se Entseng ho Pholosa Moloko oa Batho (kl-SU maq. 62-3 lir. 1-5)
No. 4: Ke Mang ea Molato Bakeng sa ho Hlomoha ha Batho? (rs-SU leq. 130 lir. 1-3)
La 24 Feb. ’Malo oa Bibele: Matheu 8 le 9
No. 1: Lipaki ho Isa Karolong e Hōle ka ho Fetisisa ea Lefatše (jv-SU leq. 404 ser. 1–leq. 408 ser. 3)
No. 2: Matheu 8:1-17
No. 3: Lebaka Leo Mesia a Neng a Tla Shoa ka Lona (kl-SU maq. 63-5 lir. 6-11)
No. 4: Ho Hlomoha ha Batho ho Qalile Joang? (rs-SU leq. 131 lir. 1-2)
La 3 Mar. ’Malo oa Bibele: Matheu 10 le 11
No. 1: Kananelo e Ile ea ba Susumelletsa ho Bolela (jv-SU leq. 409 ser. 1–leq. 414 ser. 3)
No. 2: Matheu 11:1-15
No. 3: Kamoo Thekollo e Lefiloeng Kateng (kl-SU maq. 65-8 lir. 12-16)
No. 4: Seo Molimo a se Entseng ho Thusa Moloko oa Batho o Hlomohang (rs-SU leq. 131 ser. 3–leq. 132 ser. 1)
La 10 Mar. ’Malo oa Bibele: Matheu 12 le 13
No. 1: Leseli la ’Nete le Khanya Lefatšeng Lohle (jv-SU leq. 414 ser. 4–leq. 422 ser. 3; ho ka akarelletsoa le kakaretso e ho leq. 422)
No. 2: Matheu 12:22-37
No. 3: Thekollo ea Kreste le Uena (kl-SU maq. 68-9 lir. 17-20)
No. 4: Ke Hobane’ng ha Molimo a Lumeletse Hore ho Hlomoha ho Tsoele Pele? (rs-SU leq. 132 ser. 3–leq. 133 ser. 6)
La 17 Mar. ’Malo oa Bibele: Matheu 14 le 15
No. 1: Lilemo Tse Tšosang Tsa Ntoa ea I ea Lefatše le ho Kenngoa Bophelo bo Bocha (jv-SU leq. 423 ser. 1–leq. 427 ser. 2)
No. 2: Matheu 14:1-22
No. 3: Na Molimo oa Ikarabella Bakeng sa Mahlomola? (kl-SU maq. 70-2 lir. 1-5)
No. 4: Seo Re Lokelang ho se Tseba ka Likoli Tsa Tsoalo (rs-SU leq. 134 lir. 1-4)
La 24 Mar. ’Malo oa Bibele: Matheu 16 le 17
No. 1: Basebeletsi ba Chesehang ba Arolelana Linnete Tsa Bohlokoa Tsa Bibele (jv-SU leq. 427 ser. 3–leq. 433 ser. 1)
No. 2: Matheu 17:14-27
No. 3: Qalo e Phethahetseng le Phephetso e Lonya (kl-SU maq. 72-3 lir. 6-10)
No. 4: Ke Hobane’ng ha Molimo a Lumella “Likoluoa Tsa Tlhaho”? (rs-SU leq. 134 ser. 5–leq. 135 ser. 2)
La 31 Mar. ’Malo oa Bibele: Matheu 18 le 19
No. 1: Leseli la Moea le Khanya Masimong a Afrika, a Spain le a Portugal (jv-SU leq. 433 ser. 2–leq. 438 ser. 4)
No. 2: Matheu 19:16-30
No. 3: Litseko Tsa Sebele le Mokhoa oa Jehova oa ho li Lokisa (kl-SU maq. 74-6 lir. 11-15)
No. 4: Na Batho ba Hlomohang ke Bobe ba Otloa ke Molimo? (rs-SU leq. 135 ser. 3–leq. 136 ser. 2)
La 7 Apr. ’Malo oa Bibele: Matheu 20 le 21
No. 1: Ho Finyella Batho ba Libakeng Tse Hōle ka ho Fetisisa le ho Mamela Molimo Khanyetsong (jv-SU leq. 439 ser. 1–leq. 443 ser. 2; ho ka akarelletsoa le kakaretso e ho leq. 443)
No. 2: Matheu 20:1-16
No. 3: Seo ho Lumella ha Molimo Bokhopo ho se Pakileng (kl-SU maq. 76-7 lir. 16-19)
No. 4: Na ho Bua Lipuo Lisele ho Paka Hore Motho o na le Moea o Halalelang? (rs-SU leq. 125 ser. 5–leq. 126 ser. 3)
La 14 Apr. ’Malo oa Bibele: Matheu 22 le 23
No. 1: Ho Tšoareha Haholo ka ho Bolela Litaba Tse Molemo (jv-SU leq. 444 ser. 1–leq. 448 ser. 2)
No. 2: Matheu 23:1-15
No. 3: U Ema ka Lehlakoreng la Mang? (kl-SU maq. 78-9 lir. 20-3)
No. 4: Ke Hobane’ng ha Bakreste ba Lekholo la Pele la Lilemo ba ne ba Bua Lipuo Lisele? (rs-SU leq. 126 ser. 4–leq. 127 ser. 2)
La 21 Apr. ’Malo oa Bibele: Matheu 24 le 25
No. 1: Ho Bolela Europe ba Talimane le Mahloriso a Nakong ea Ntoa (jv-SU leq. 448 ser. 3–leq. 454 ser. 2; ha nako e lumela, akarelletsa litlhaloso tse khutšoanyane tsa Lipaki tse tšepahalang, maq. 451-3)
No. 2: Matheu 24:32-44
No. 3: Ho Etsahala Eng ka Baratuoa ba Rōna ba Shoeleng? (kl-SU maq. 80-2 lir. 1-6)
No. 4: Re ka Khetholla ba Nang le Moea o Halalelang oa Molimo Joang? (rs-SU leq. 127 lir. 4-7)
La 28 Apr. Tlhahlobo e Ngoloang. Ho Qetiloe Zakaria 1 ho ea ho Matheu 25
La 5 May ’Malo oa Bibele: Matheu 26
No. 1: Tsoelo-pele ho sa Tsotellehe Mathata Lilemong Tsa Ntoa (jv-SU leq. 455 ser. 1–leq. 461 ser. 2; ho ka akarelletsoa le kakaretso e ho leq. 461)
No. 2: Matheu 26:31-35, 69-75
No. 3: Se Hlileng se Boleloang ke ho Khutlela Lerōleng (kl-SU maq. 82-3 lir. 7-10)
No. 4: Kamoo Bakreste ba ’Nete ba Khetholloang Kateng Kajeno (rs-SU leq. 128 lir. 1-3)
La 12 May ’Malo oa Bibele: Matheu 27 le 28
No. 1: Matheu—Lebaka Leo e Leng Molemo (si-SU leq. 180 lir. 29-33)
No. 2: Matheu 27:11-26
No. 3: Boemo ba Bafu ke Bofe? (kl-SU maq. 83-4 lir. 11-14)
No. 4: Mpho ea Lipuo Lisele e ne e Tla Tsoela Pele ho Fihlela Neng? (rs-SU leq. 128 ser. 4–leq. 129 ser. 3)
La 19 May ’Malo oa Bibele: Mareka 1 le 2
No. 1: Selelekela sa Mareka (si-SU maq. 181-2 lir. 1-11)
No. 2: Mareka 1:12-28
No. 3: Bohle ba Khopolong ea Jehova ba Tla Tsosoa (kl-SU maq. 85-7 lir. 15-18)
No. 4: Thuto ea Boraro-bo-bong ke Eng, Hona e Qalehile Hokae? (rs-SU leq. 90 ser. 3–leq. 92 ser. 1)
La 26 May ’Malo oa Bibele: Mareka 3 le 4
No. 1: Ho Batla ba Kang Linku ka ho Phethahetseng (jv-SU leq. 462 ser. 1–leq. 466 ser. 2)
No. 2: Mareka 3:1-15
No. 3: Ho Tsohela Hokae? (kl-SU maq. 88-9 lir. 19-22)
No. 4: Na Moea o Halalelang ke Motho? (rs-SU leq. 92 ser. 2–leq. 93 ser. 3)
La 2 June ’Malo oa Bibele: Mareka 5 le 6
No. 1: Ho Ntšetsa Pele Thuto e Fanang ka Bophelo (jv-SU leq. 466 ser. 3–leq. 470 ser. 2)
No. 2: Mareka 5:21-24, 35-43
No. 3: ’Muso oa Molimo le Morero oa Oona (kl-SU maq. 90-1 lir. 1-5)
No. 4: Na Jesu le Jehova ke Motho a le Mong? (rs-SU leq. 93 ser. 4–leq. 95 ser. 1)
La 9 June ’Malo oa Bibele: Mareka 7 le 8
No. 1: Ho Bolela Lihleke-hlekeng Tsa Pacific ho sa Tsotellehe Khanyetso (jv-SU leq. 470 ser. 3–leq. 474 ser. 4)
No. 2: Mareka 7:24-37
No. 3: ’Muso oa Molimo ke Puso ea Sebele (kl-SU maq. 91-2 lir. 6-7)
No. 4: Na Bibele e Ruta Hore Jehova, Jesu le Moea o Halalelang Kaofela Baa Lekana? (rs-SU leq. 95 ser. 2–leq. 96 ser. 5)
La 16 June ’Malo oa Bibele: Mareka 9 le 10
No. 1: Nōka e Khōlō ea ’Nete ea Phalla Afrika (jv-SU leq. 475 ser. 1–leq. 481 ser. 1)
No. 2: Mareka 9:14-29
No. 3: Kamoo re Tsebang Kateng Hore ’Muso oa Molimo ke oa Sebele (kl-SU maq. 92-3 lir. 8-11)
No. 4: Na Bibele e Ruta Hore e Mong le e Mong ho ba Boleloang e le Karolo ea Boraro-bo-bong ke Molimo? (rs-SU leq. 96 ser. 6–leq. 97 ser. 4)
La 23 June ’Malo oa Bibele: Mareka 11 le 12
No. 1: Ho Khetholla Linku Tsa ’Nete (jv-SU leq. 481 ser. 2–leq. 484 ser. 4)
No. 2: Mareka 11:12-25
No. 3: Lebaka Leo ka Lona ’Muso oa Molimo e Leng Eona Tšepo Feela ea Moloko oa Batho (kl-SU maq. 94-5 lir. 12-13)
No. 4: Kamoo Batšehetsi ba Boraro-bo-bong ba Sebelisang Mangolo Hampe Kateng (rs-SU leq. 97 ser. 5–leq. 99 ser. 2)
La 30 June ’Malo oa Bibele: Mareka 13 le 14
No. 1: Basebetsi ba Eketsehileng ba Kopanela Kotulong (jv-SU leq. 484 ser. 5–leq. 488 ser. 1)
No. 2: Mareka 14:12-26
No. 3: Lebaka Leo ka Lona Jesu a sa Kang a Busa Hang ka Mor’a ho Nyolohela Leholimong (kl-SU maq. 95-6 lir. 14-15)
No. 4: Lebaka Leo ka Lona Mangolo a Mang a Buang ka Jehova a ka Sebelisoang ho Kreste (rs-SU leq. 100 lir. 1-2)
La 7 July ’Malo oa Bibele: Mareka 15 le 16
No. 1: Mareka—Lebaka Leo e Leng Molemo (si-SU maq. 185-6 lir. 31-3)
No. 2: Mareka 15:16-32
No. 3: Linako Tse Behiloeng Tsa Lichaba li Ile Tsa Qala Neng ’me Tsa Fela Neng? (kl-SU maq. 96-7 lir. 16-18)
No. 4: Mangolo a Sebelisoang Hampe ke Batšehetsi ba Boraro-bo-bong (rs-SU leq. 100 ser. 3–leq. 101 ser. 4)
La 14 July ’Malo oa Bibele: Luka 1
No. 1: Selelekela sa Luka (si-SU maq. 187-8 lir. 1-9)
No. 2: Luka 1:5-17
No. 3: Ana ke Matsatsi a Qetello (kl-SU maq. 98-9 lir. 1-4)
No. 4: Lebaka Leo ka Lona Johanne 1:1 le 8:58 li sa Tšehetseng Boraro-bo-bong (rs-SU leq. 101 ser. 5–leq. 104 ser. 2)
La 21 July ’Malo oa Bibele: Luka 2 le 3
No. 1: Lichaba Tsa Bochabela le Europe li Hlahisa Barorisi ba Eketsehileng ba Jehova (jv-SU leq. 488 ser. 2–leq. 495 ser. 2)
No. 2: Luka 2:1-14
No. 3: Litšobotsi Tse Ling Tsa Matsatsi a Qetello ke Life? (kl-SU maq. 99-103 lir. 5-7)
No. 4: Lebaka Leo ka Lona ho Hlahloba Taba e Potolohileng Mangolo ho Leng Bohlokoa (rs-SU leq. 104 ser. 3–leq. 106 ser. 5)
La 28 July ’Malo oa Bibele: Luka 4 le 5
No. 1: Kamoo Batho ba Eketsehileng ba Ileng ba Finyelloa Kateng ka Litaba Tse Molemo (jv-SU leq. 495 ser. 3–leq. 500 ser. 4; ho ka akarelletsoa le kakaretso e ho leq. 501)
No. 2: Luka 4:31-44
No. 3: Boitšoaro bo Litšila ba Batho bo Boletsoe Esale Pele Bakeng sa Matsatsi a Qetello (kl-SU maq. 103-4 lir. 8-12)
No. 4: Jesu Kreste le Jehova ke Batho ba Arohaneng le ba Ikhethang (rs-SU leq. 107 ser. 1–leq. 108 ser. 3)
La 4 Aug. ’Malo oa Bibele: Luka 6 le 7
No. 1: Likopano Tse Khōlō le Boitšoaro ba Bokreste li Fana ka Bopaki (jv-SU leq. 502 ser. 1–leq. 507 ser. 4)
No. 2: Luka 6:37-49
No. 3: Litšobotsi Tse Peli Tse Ikhethang Tsa Matsatsi a Qetello (kl-SU leq. 105 lir. 13-14)
No. 4: Jesu ha aa ka a Itsosa Bafung, ’me ha ho Mohla a Kileng a Bolela Hore o Lekana le Molimo (rs-SU leq. 109 lir. 2-5)
La 11 Aug. ’Malo oa Bibele: Luka 8 le 9
No. 1: Masimo a Soeufaletse Kotulo (jv-SU leq. 508 ser. 1–leq. 513 ser. 1)
No. 2: Luka 9:23-36
No. 3: Arabela Bopaking ba Hore Ana ke Matsatsi a Qetello (kl-SU maq. 106-7 lir. 15-17)
No. 4: Ke Hobane’ng ha ho Khomarela Tumelo ea Boraro-bo-bong ho le Kotsi (rs-SU leq. 110 lir. 1-3)
La 18 Aug. ’Malo oa Bibele: Luka 10 le 11
No. 1: Pakela Batho Libakeng Tsohle le ka Linako Tsohle ha ho Khoneha (jv-SU leq. 513 ser. 2–leq. 517 ser. 1)
No. 2: Luka 11:37-51
No. 3: Meea e Khopo e Teng! (kl-SU leq. 108 lir. 1-3)
No. 4: Ke Hobane’ng ha Bokhopo bo le Bongata Hakaale? (rs-SU leq. 64 lir. 1-5)
La 25 Aug. Tlhahlobo e Ngoloang. Ho Qetiloe Matheu 26 ho ea ho Luka 11
La 1 Sept. ’Malo oa Bibele: Luka 12 le 13
No. 1: Jehova o Potlakisa Mosebetsi (jv-SU leq. 517 ser. 2–leq. 520 ser. 2; ho ka akarelletsoa le kakaretso e ho leq. 520)
No. 2: Luka 13:1-17
No. 3: Mangeloi a Khopo a Nka Lehlakore la Satane (kl-SU leq. 109 lir. 4-5)
No. 4: Ke Hobane’ng ha Molimo a Lumeletse Bokhopo? (rs-SU leq. 65 ser. 1–leq. 66 ser. 1)
La 8 Sept. ’Malo oa Bibele: Luka 14 ho ea ho 16
No. 1: Baromuoa ba Chesehang le Mosebetsi oa Sekolo sa Gileade (jv-SU leq. 521 ser. 1–leq. 524 ser. 3)
No. 2: Luka 14:1-14
No. 3: Hana Mefuta Eohle ea Tšebelisano le Meea (kl-SU maq. 109-11 lir. 6-8)
No. 4: Kamoo Re Ruileng Molemo Kateng ka Hore Molimo a Lumelle Bokhopo (rs-SU leq. 66 lir. 2-3)
La 15 Sept. ’Malo oa Bibele: Luka 17 le 18
No. 1: Kamoo Baromuoa ba Gileade ba Neng ba Fapane Kateng (jv-SU leq. 525 ser. 1–leq. 531 ser. 4)
No. 2: Luka 17:22-37
No. 3: Lebaka Leo Bibele e Nyatsang Tšebelisano le Meea ka Lona (kl-SU maq. 112-13 lir. 9-11)
No. 4: Kamoo Bibele e Talimang Basali Kateng (rs-SU leq. 49 lir. 3-5)
La 22 Sept. ’Malo oa Bibele: Luka 19 le 20
No. 1: Ho Ithuta Puo e Ncha le ho Bula Masimo a Macha (jv-SU leq. 532 ser. 1–leq. 537 ser. 3)
No. 2: Luka 19:11-27
No. 3: Bibele e Re Bolella Kamoo Meea e Khopo e Sebetsang Kateng (kl-SU maq. 113-14 lir. 12-13)
No. 4: Na ho Abeloa ha Banna Bohlooho ho Nyenyefatsa Basali? (rs-SU leq. 50 lir. 1-3)
La 29 Sept. ’Malo oa Bibele: Luka 21 le 22
No. 1: Kamoo Lerato le Cheseho Tsa Baromuoa li Ntšelitseng Pele Mosebetsi oa ’Muso Kateng (jv-SU leq. 537 ser. 4–leq. 541 ser. 3)
No. 2: Luka 22:24-38
No. 3: Mokhoa oa ho Hanela Meea e Khopo (kl-SU maq. 114-15 lir. 14-15)
No. 4: Na Basali e Lokela ho ba Basebeletsi? (rs-SU leq. 51 lir. 1-2)
La 6 Oct. ’Malo oa Bibele: Luka 23 le 24
No. 1: Luka—Lebaka Leo e Leng Molemo (si-SU maq. 192-3 lir. 30-5)
No. 2: Luka 23:32-49
No. 3: Kamoo U ka Matlafatsang Tumelo ea Hao (kl-SU leq. 115 lir. 16-17)
No. 4: Ke Hobane’ng ha Basali ba Bakreste ba Roala Hloohong ka Linako Tse Ling? (rs-SU leq. 51 ser. 3–leq. 52 ser. 1)
La 13 Oct. ’Malo oa Bibele: Johanne 1 ho ea ho 3
No. 1: Selelekela sa Johanne (si-SU maq. 193-5 lir. 1-9)
No. 2: Johanne 1:19-34
No. 3: Tsoela Pele U Loana Khahlanong le Meea e Khopo (kl-SU maq. 116-17 lir. 18-20)
No. 4: Na ho Loketse Hore Basali ba Itlotse ka Litlolo Kapa ba Roale Mabenyane? (rs-SU leq. 53 lir. 1-3)
La 20 Oct. ’Malo oa Bibele: Johanne 4 le 5
No. 1: Ho Hlomelloa ho Sebeletsa Jehova ho sa Tsotellehe Khanyetso (jv-SU leq. 541 ser. 4–leq. 546 ser. 6)
No. 2: Johanne 4:39-54
No. 3: Ho Phela Bophelo ba Bomolimo ho Tlisa Thabo (kl-SU maq. 118-19 lir. 1-4)
No. 4: Bokamoso ba Lefatše Lena ke Bofe le Moeta-pele oa Lona? (rs-SU leq. 214 ser. 1–leq. 215 ser. 3)
La 27 Oct. ’Malo oa Bibele: Johanne 6 le 7
No. 1: Matla a Susumetsang Litaba Tse Molemo (jv-SU leq. 547 ser. 1–leq. 551 ser. 1)
No. 2: Johanne 6:52-71
No. 3: Botšepehi bo Fella ka Thabo (kl-SU maq. 119-20 lir. 5-6)
No. 4: Bakreste ba ’Nete ba Lokela ho Talima Lefatše Joang? (rs-SU leq. 215 ser. 4–leq. 216 ser. 4)
La 3 Nov. ’Malo oa Bibele: Johanne 8 le 9
No. 1: Ho Fihla ‘Libakeng Tse sa Keneheng’ Habonolo ka Litaba Tse Molemo (jv-SU leq. 551 ser. 2–leq. 553 ser. 4)
No. 2: Johanne 9:18-34
No. 3: Ho Fana ka Seatla se Bulehileng ho Tlisa Thabo (kl-SU leq. 120 lir. 7-8)
No. 4: td-SU 21A Ke ba 144 000 Feela ba Eang Leholimong
La 10 Nov. ’Malo oa Bibele: Johanne 10 le 11
No. 1: Ho Bolela Phatlalatsa le ka Ntlo le Ntlo (jv-SU leq. 556 ser. 1–leq. 561 ser. 1)
No. 2: Johanne 10:22-39
No. 3: Lebela Matla a Hao a ho Nahana ’me U Qobe se Sebe (kl-SU maq. 121-2 lir. 9-10)
No. 4: td-SU 22B Mollo ke Tšoantšetso ea Pheliso e Feletseng
La 17 Nov. ’Malo oa Bibele: Johanne 12 le 13
No. 1: Kamoo Boikarabelo ba ho Bolela bo Ileng ba Phethahatsoa Kateng (jv-SU leq. 561 ser. 2–leq. 565 ser. 2)
No. 2: Johanne 12:1-16
No. 3: Ho Tšepahala ho Molekane oa Hao ho Tlisa Thabo Lenyalong (kl-SU maq. 122-3 lir. 11-13)
No. 4: td-SU 28A Matsatsi a Ketekoang Selemo le Selemo le Bahlanka ba ’Nete ba Jehova
La 24 Nov. ’Malo oa Bibele: Johanne 14 ho ea ho 16
No. 1: Ho Paka Libakeng Tsa Pontšeng le ho Ithuta ho Hlalosa Tumelo ea Rōna (jv-SU leq. 565 ser. 3–leq. 570 ser. 1)
No. 2: Johanne 16:1-16
No. 3: U se be Karolo ea Lefatše (kl-SU maq. 123-5 lir. 14-15)
No. 4: td-SU 25B Borapeli ba Litšoantšo e ne e le Leraba ho Baiseraele
La 1 Dec. ’Malo oa Bibele: Johanne 17 le 18
No. 1: Letšoao le Khethollang Lipaki Tsa ’Nete Tsa Molimo (jv-SU leq. 570 ser. 2–leq. 574 ser. 4)
No. 2: Johanne 18:1-14
No. 3: Lebaka Leo Bakreste ba ’Nete ba sa Ketekeng Keresemese le Matsatsi a Tsoalo ka Lona (kl-SU leq. 126 lir. 16-17)
No. 4: td-SU 5A Ho na le Bolumeli bo le Bong Feela ba ’Nete
La 8 Dec. ’Malo oa Bibele: Johanne 19 ho ea ho 21
No. 1: Johanne—Lebaka Leo e Leng Molemo (si-SU maq. 198-9 lir. 30-5)
No. 2: Johanne 19:25-37
No. 3: Le ’ne le Boloke Sejo sa Morena sa Mantsiboea (kl-SU leq. 127 ser. 18)
No. 4: td-SU 14A Tsebahatsang Lebitso la Molimo
La 15 Dec. ’Malo oa Bibele: Liketso 1 ho ea ho 3
No. 1: Selelekela sa Liketso (si-SU maq. 199-200 lir. 1-8)
No. 2: Liketso 1:1-14
No. 3: Kamoo Melao-motheo ea Bibele e Sebetsang Kateng Mosebetsing le Boithabisong (kl-SU maq. 127-8 lir. 19-20)
No. 4: td-SU 14C Litšobotsi Tsa Molimo Tse ka Sehloohong ke Life?
La 22 Dec. ’Malo oa Bibele: Liketso 4 ho ea ho 6
No. 1: Ho Hlahisa Lingoliloeng Tsa Bibele Bakeng sa ho Sebelisoa Tšebeletsong (jv-SU leq. 575 ser. 1–leq. 579 ser. 3)
No. 2: Liketso 5:27-42
No. 3: Bontša Tlhompho Bakeng sa Bophelo le Mali (kl-SU maq. 128-9 lir. 21-3)
No. 4: td-SU 24A Qaleho ea Lipaki Tsa Jehova ke Efe?
La 29 Dec. Tlhahlobo e Ngoloang. Ho Qetiloe Luka 12 ho ea ho Liketso 6
td-SU “Lihlooho Tsa Bibele Tsa Puisano” tse fumanehang ho Phetolelo ea Lefatše le Lecha