Kutangaza Habari Njema Kwa Kutumia Toleo Jipya
1 Wanafunzi wa Biblia wenye mioyo myeupe wametamani kwa karne nyingi kuelewa kitabu cha Ufunuo. Tangu 1917, wakati The Finished Mystery kilipotolewa, vitabu kadhaa vimetangazwa kwa chapa na Sosaiti ili kusaidia watu wanaohofu Mungu waelewe kitabu hicho cha Biblia. Revelation—It’s Grand Climax at Hand! maelezo yaliyo wazi na yenye ufahamu mwingi wa karibuni wa kitabu cha Biblia cha Ufunuo kilichovuviwa.
2 Watu wa Yehova hasa wanapendezwa sana katika Ufunuo, kutia na njozi zayo zenye kuvutia kwa uzuri za “vitu ambavyo lazima vitukie karibuni.” (Ufu. 1:1, NW) Kwa hiyo ilikuwa kwa shangwe kubwa na uthamini kwamba tulipokea kitabu kipya cha Revelation Climax kwenye “Haki ya Kimungu” Mkusanyiko wa Wilaya. Je! umekuwa ukisoma nakala yako? Wakati wa mwezi Machi, tutakuwa na fursa ya kutoa kitabu hiki kipya kwa wote tunaokutana nao.
MAMBO YANAYOTHAMINIWA
3 Revelation—It’s Grand Climax at Hand! kinathaminiwa sana kwa sababu kinatoa mazungumzo ya mstari kwa mstari ya kitabu chote cha Ufunuo. Hiki kitathibitika kuwa chenye thamani sana kwa ajili ya funzo la kibinafsi na katika kuwafundisha wengine.
4 Bila shaka fikira zako zilivutwa na picha za ajabu sana za kitabu hicho. Hizo ni zenye msaada sana katika kuona katika ufahamu mifananisho inayosimuliwa na Yohana. Tumia picha hizo kwa matokeo unapotoa kitabu katika utumishi wa shambani. Tunataka kuonyesha baraka za Ufalme kwa kutangaza habari njema, na pia kuwasaidia watu wanaopendezwa wathamini ujumbe wa haraka kutoka kwa Yesu Kristo unaopatikana katika kitabu cha Ufunuo. Kama vile msemaji katika mkusanyiko wa wilaya alivyosihi: “Tumia kitabu hiki kipya . . . katika kutangazia ulimwengu kwamba Babuloni Mkubwa amehukumiwa maangamizi, kwamba sasa mataifa yanakabili Har–Magedoni, na kwamba upeo mtukufu utafikiwa katika utawala wa Ufalme ulio mzuri ajabu wa Yehova kupitia Kristo na bibi-arusi wake.”
WEWE UTASEMA NINI?
5 Kichwa cha Mazungumzo chetu cha sasa kinachozungumzia baraka za Ufalme kinaweza kutumiwa kuhusiana na picha iliyo kwenye ukurasa 302, ukitumia Ufunuo 21:4 kama ilivyodondolewa kwenye ukurasa 303. Picha zilizo kwenye kurasa 308 na 309 huenda zikahusianishwa pia na wazo la baraka za Ufalme ambazo zitafurahiwa karibuni katika dunia paradiso. Ikiwa unatumia toleo badala, Ufalme Wako Uje katika Kiswahili, huenda ukataka kuvuta fikira kwenye picha zilizo katika kurasa 4 na 5 au 180, 181.
6 Baada ya kujijulisha mwenyewe, huenda ukasema: “Wengi wametamani wangeweza kuelewa kitabu cha Ufunuo. Yenye matokeo makubwa ni ‘saa ya hukumu’ inayotajwa kwenye Ufunuo 14:7. [Soma.] Huenda ikakushangaza sana kujua ni nani ambaye amepokea hukumu kali kutoka kwa Mungu. [Soma Ufunuo 18:2a, 4.] Je! wewe umewahi kusikia msemo ‘Babuloni Mkubwa’? [Ruhusu jibu.] Unarejeza kwenye nini, na tunahitaji kutoka katika nini? [Onyesha kitabu Revelation Climax.] Jambo linalofanya kitabu hiki kiwe chenye kupendeza sana na chenye msaada ni kwamba kinaandaa maelezo yenye kuelimisha kwa kila mstari katika kitabu cha Biblia cha Ufunuo. Habari ambayo imetolewa katika sura za 33-38 zinatambulisha Babuloni Mkubwa na zinasema juu ya uharibifu wake ulio karibu sana. [Kazia rejezo hususa au picha katika kichapo.] Habari hii itakuwa yenye thamani kubwa sana katika kukusaidia wewe na wapendwa wako mchukue hatua ili mpate kibali cha Mungu, na hivyo mwepuke kupatwa na msiba utakaopata Babuloni Mkubwa. Mimi ninakutia moyo ukubali nakala ya kitabu hiki, Revelation—It’s Grand Climax at Hand!
7 Sisi tunapenda Yehova na tupenda jirani zetu. Hilo linatusukuma tutangaze ujumbe wa hukumu wa Mungu. Huku Babuloni Mkubwa akilazimika kufunuliwa zaidi, watu wafuataji-haki lazima wapewe fursa ya ‘kuondoka katika yeye’ na kuchukua msimamo thabiti kwa ajili ya ukweli. Kwa sababu hiyo tunapaaza sauti zetu kwa umoja, tukisema “Njoo!” kwa wale ambao wanaona kiu kwa ajili ya “maji ya uhai.”—Ufu. 22:17, NW.