Jitayarishe Kwa Ajili ya Pitio la Kuandika

¹ Huduma ya Ufalme Yetu ya Desemba 1988 ilionyesha mpango mpya wa mapitio ya kuandika katika Shule ya Huduma ya Kitheokrasi. Mapitio haya yatafanywa mara tatu kwa mwaka—mwishoni mwa Aprili, Agosti, na Desemba. Ingawa jitihada zaidi kidogo ya kibinafsi itahitajiwa, manufaa zaidi yatapatikana kwa wale watakaoshiriki. Kama vile makala iliyotangulia ilivyoonyesha, karatasi la pitio iliyochapwa yenye nafasi za kujaza majibu haitaandaliwa tena kwa mapitio ya kuandika. Hata hivyo, maswali yaliyochapwa yatatiwa ndani pamoja na matoleo ya Huduma ya Ufalme Yetu ya Aprili, Agosti, na Desemba. Kuwa na makaratasi haya mapema kutampa kila mmoja fursa ya kufanya utafiti wa habari halisi ili kuwa tayari kikamili.

² Unapotafuta habari iliyotajwa ambayo maswali yaliyochapishwa yanategemea, usitie alama au kuandika kwenye karatasi ya maswali, kwa kuwa utatumia karatasi hii ya maswali kwa kuandika pitio la kuandika. Kumbuka kwamba Biblia peke yake ndiyo ya kurejezewa wakati wa pitio la kuandika. Maandishi yako ya kibinafsi au marejezo mengine yasitumiwe wakati huo.

³ Katika wakati uliowekwa kwa ajili ya pitio la kuandika, utahitaji karatasi tofauti ya kuandikia majibu kwa maswali ambayo yanahitaji ujibu kwa maneno yako mwenyewe. Jaribu kutoa habari halisi, na kwa ufupi. Kwa kuwa utakuwa umejitayarisha mapema, hii haipasi kuwa ngumu sana. Majibu yanapotolewa na mwangalizi wa shule, utajua kama habari ambayo umeandika chini ni sahihi.

⁴ Kila mmoja anapasa kujitayarisha vizuri kwa ajili ya Shule ya Huduma ya Kitheokrasi kila juma. Toa uangalifu kwa umakini wakati wa mkutano, na jaribu kukusanya mambo ya msingi habari zinapotolewa kutoka jukwaani. Mwangalizi wa shule atahakikisha kwamba mambo yote yatakayozungumzwa kwenye pitio la kuandika linalofuata yanataarifiwa waziwazi.

⁵ Mpango huu mpya unapasa umpe kila mmoja kichocheo cha kuwapo na kushiriki sehemu hii ya Shule ya Huduma ya Kitheokrasi. Utafiti huu ulioongezwa unapasa kusaidia kusitawisha waziwazi mambo ya msingi akilini mwetu. Kwa mpango huu mpya, kusudi la Shule ya Huduma ya Kitheokrasi litatimizwa kikamili zaidi. Hili linapasa kuonyeshwa katika kuwa kwetu tayari kwa kazi ya huduma.