Endelea Kulinda Jinsi Utembeavyo
1 Programu mpya ya kusanyiko la mzunguko kwa ajili ya mwaka wa utumishi 1990 itaanza Machi. Itakazia umaana wa kulinda jinsi tunavyotembea, kufuatia mambo yanayotokeza amani, na kuepuka mitego mingi inayowekwa kwenye kijia chetu na Shetani na majeshi yake, ya kiroho na ya kibinadamu.
2 Kutembea kwenye kijia cha uadilifu hakuwi rahisi katika hizi siku za mwisho. Kwa hiyo, programu hiyo ya kusnyiko la mzunguko la siku mbili itatoa kitia moyo na shauri linalofaa ili kusaidia watu wa Yehova wadumishe usawaziko wao wa kiroho na kujithibitisha kuwa washika ukamilifu.
3 Kichwa cha kusanyiko, “Endelea Kulinda Jinsi Utembeavyo,” kinachotegemea Waefeso 5:15, 16, NW, kinafaa sana kwa kukuza na kutoa habari hiyo iliyotayarishwa. Maagizo yatatolewa kwa njia ya hotuba, maonyesho, mambo yaliyoonwa, mahojiano, na tamasha. Siku ya Jumamosi kutakuwako fursa kwa waliojiweka wakfu karibuni kubatizwa. Kwa hiyo, wanaopanga kubatizwa kwenye kusanyiko la mzunguko wapaswa kumjulisha mwangalizi msimamizi kimbele ili mipango ifanywe ya kupitia maswali ya kwanza.
4 Jambo kuu la kusanyiko la mzunguko hilo ni hotuba ya watu wote itakayotolewa na mwangalizi wa wilaya. Habari ya hotuba yake itakuwa “Wabebaji wa Nuru Katika Ulimwengu Wenye Giza.” Mazungumzo hayo ya Biblia yatakuwa na habari ya maana sana kwa watu waliopendezwa karibuni, na itatia moyo wale ambao tayari ni wahudumu wa habari njema.—Mt. 24:14.
5 Mwangalizi wenu wa mzunguko atawajulisha ni lini na ni wapi kusanyiko la mzunguko lenu litakapofanywa. Fanya mipango kamili ya kuhudhuria vipindi vyote kwa siku zote mbili. Hatuwezi kukubali kukosa sehemu yoyote ya programu. Yehova atathawabisha jitihada zako kwa kukusaidia uendelee kulinda jinsi utembeavyo.