Kaeni Mkikesha na Kubaki Mkiwa na Akili Zenu

¹ Kwa sababu ya mandhari ya ulimwengu yenye kubadilika-badilika, ni jambo lenye kufaa kama nini kwamba kichwa cha kusanyiko la mzunguko kwa mwaka wa utumishi wa 1991 ni “Kaeni Mkikesha na Kubaki Mkiwa na Akili Zenu.” (1 The. 5:6, NW) Mfululizo huu utaanza Aprili. Sisi sote twapaswa kufanya matayarisho tuhudhurie mara tu mwangalizi wa mzunguko wetu akiisha kutujulisha tarehe.

² Baadhi ya mambo makuu ya programu yatatia ndani hotuba mfululizo yenye sehemu nne zilizokusudiwa kutusaidia ‘tubaki na akili zetu katika mambo yote.’ (2 Tim. 4:5) Ijapokuwa huenda tukawa tulikuwa na wakati uliopita wa ukosefu wa akili, sasa twawezaje kufanikiwa kuepuka mitego ya Shetani na kukinza roho ya ulimwengu? Hakikisha kwamba hutakosa habari hii iliyo muhimu kwa uhai. Muda wote wa siku mbili za kusanyiko, akili zetu zitavutwa pia kwenye shauri lenye mafaa linalopatikana katika kichapo Questions Young People Ask—Answers That Work. Huenda ukataka kuja na nakala yako. Hasa vijana watataka kusikiliza kwa makini habari itakayoelekezwa kwao na mwangalizi wa mzunguko Jumamosi. Kama ilivyo kawaida, kutakuwako mipango ya ubatizo Jumamosi, hivyo wale wanaotamani kuonyesha wakfu wao wakati wa kusanyiko la mzunguko wapaswa kujulisha mwangalizi msimamizi kimbele upesi iwezekanavyo.

³ Jumapili asubuhi masomo yenye thamani yatakaziwa kwa mfululizo wa maonyesho kuonyesha jinsi tunavyoweza kunufaishwa na shida zitupatazo, kutia na makosa yetu wenyewe. Alasiri mwangalizi wa wilaya atatoa hotuba ya watu wote juu ya kichwa “Tenda kwa Hekima Katika Ulimwengu Usio na Akili.” Wahubiri wote wa Ufalme na wenye kupendezwa wapaswa kufanya kila jitihada wawepo.

⁴ Kwa kuwa mikazo ya maisha inaendelea kupanda, twaamini kwamba nyote mtapata manufaa na burudisho kutokana na habari iliyotayarishwa kwa ajili ya kututia moyo. Tutaona njia ambazo katika hizo twaweza kuwa chonjo hata zaidi kwa mahitaji yetu binafsi ya kiroho na ya wale wa familia zetu na wengine katika kundi. Azimia kuwapo kwenye kusanyiko lote la mzunguko na kusikiliza kwa makini wakati wote wa programu “kwa maana sasa wokovu wetu u karibu nasi kuliko tulipoanza kuamini.”—Rum. 13:11.