Kutangaza Habari Njema-Kwa Njia Mbalimbali Katika Kazi ya Nyumba kwa Nyumba
1 Je! uumbaji wa Yehova si wa namna nyingi mbalimbali? Mtunga zaburi alijulisha wazi hivi: “Ee BWANA, jinsi yalivyo mengi matendo yako! Kwa hekima umevifanya vyote pia. Dunia imejaa mali zako.” (Zab. 104:24) Pia kuna nyuso nyingi kwa habari njema ambazo ametuamuru tuhubiri. Je! wewe unatumia njia mbali-mbali katika huduma yako ya nyumba kwa nyumba ili uwafikie watu wengi uwezavyo?
SIKU YA MAGAZETI
2 Sosaiti inatia wote moyo washiriki kugawanya magazeti kila Jumamosi. Badala ya kutumia Kichwa cha Mazungumzo, kutoa utoaji wa sekunde 30 hadi 60 ukionyesha makala moja tu kisha kutoa magazeti yote mawili kunafaa. Mwenye nyumba akiuliza maswali au akionyesha kupendezwa kusiko kwa kawaida, hakuna haja ya kuhisi kwamba lazima tukimbilie mlango unaofuata.
3 Mnara wa Mlinzi na Amkeni! hayakosi mambo mbalimbali. Mara nyingi, ndugu anayeshughulikia sehemu ya kwanza katika Mkutano wa Utumishi atatokeza habari za kuzungumzia kutoka magazeti ya karibuni. Sikiliza kwa umakini; andika chini madokezo ambayo huenda ukatumia. Ikiwa Mkutano wa Utumishi unatia ndani wonyesho, angalia unavyofanywa, uzoee, kisha uutumie shambani Jumamosi. Ukiona kwamba hukupata itikio zuri, chagua makala nyingine ya kuonyesha. Kila toleo lina habari nyingi ambazo zimekusudiwa zivutie watu wanaopendezwa na vitu mbali-mbali. Kwa kujua sana makala zilizomo katika magazeti yote mawili, itakuwa rahisi kwako kurekebisha utoaji wako ili umpendeze mwenye nyumba.
BADILI UTANGULIZI WAKO
4 Nyakati nyingine Kichwa cha Mazungumzo kinapaswa kitumiwe pamoja na toleo la sasa. Huduma ya Ufalme Yetu inadokeza Kichwa cha Mazungumzo kilicho tofauti mara kwa mara. Unapozoeza wapya, ni jambo zuri kutumia kichwa cha sasa kwa utoaji ulio rahisi. Hata hivyo, nyakati nyingine huenda likawa jambo zuri kubadili mfikio wako. Umejaribu kufungua utoaji wako kwa kutoa mojapo trakti au handibili iwe kama kitu cha kuanzishia mazungumzo?
5 Bila shaka kuna matangulizi fulani katika kitabu Reasoning ambayo hujajaribu bado. Kwa kielelezo, kwenye kurasa 10-11 dokeza matangulizi yanayotegemea matukio ya karibuni. Tunapaswa kujua habari za matukio, na kuweka akilini maandiko ambayo yanahusu habari za karibuni. Je! eneo lenu linafanyiwa kazi mara kwa mara. Ikiwa ndivyo, huenda ukabadili utangulizi wako, ukitumia unaopatikana kwenye ukurasa 15 wa kitabu Reasoning. Pia, usisahau madokezo bora sana yanayotajwa katika Mnara wa Mlinzi wa Julai 15, 1988, kurasa 15-20. Jaribu mengine ya maswali yaliyofikiriwa vizuri kwenye ukurasa 19, fungu 16, ukihakikisha kumruhusu mwenye nyumba atoe maoni yake.
6 Watu walio katika eneo letu wanatoka malezi na hali tofauti tofauti. Tunahitaji kubadili mfikio wetu ili tuwavutie wote wasikilize, tukifanya hivyo kwa kuhangaikia hali njema ya wengine. (1 Kor. 9:19-23) Kutumia njia mbalimbali katika huduma yetu kutatusaidia ‘tujiokoe nafsi yetu na wale wanaotusikia pia.’—1 Tim. 4:16.