Mikutano Ya Utumishi Kwa Julai
Juma Linaloanza Julai 6
Dak. 10: Matangazo Yanayofaa kutoka Huduma ya Ufalme Yetu na matangazo yoyote ya kwenu.
Dak. 20: “Toa Broshua Ili Ushiriki Tumaini Lako la Ufalme.” Mazungumzo ya maswali na majibu; maonyesho. Julisha kundi kuhusu akiba ya broshua zinazopatikana, na uulize wasikilizaji watoe maelezo kuhusu broshua ambazo zingefaa eneo la kwenu hasa. Unapozungumzia fungu la 9, onyesha jinsi broshua inayofaa yaweza kutolewa katika kikao cha kivivi-hivi kwa jirani, kwa mfanyakazi mwenzetu, au mahali penginepo. Kwa kadiri wakati uruhusuvyo, wahubiri waliogawiwa mapema watoe mambo waliyoona katika kutumia broshua. Tia moyo akina ndugu kwa uchangamfu wawe na ushiriki kamili katika kutoa broshua wakati wa Julai hasa katika kampeni ya maeneo yaliyo peke yayo.
Dak. 15: “Fungu Lako Katika Kujenga kwa Ajili ya Wakati Ujao.” Pitia kwa maswali na majibu habari katika nyongeza ya Huduma ya Ufalme Yetu ya Desemba 1990. Ifanye itumike kwa kundi lenu ukikazia mahitaji na jitihada za kundi. Pongeza ndugu kwa utegemezo wa ukarimu unaotolewa kwa miradi ya ujenzi ya kwenu.
Wimbo 165 na sala ya kumalizia.
Juma Linaloanza Julai 13
Dak. 10: Matangazo ya kwenu. Ripoti ya hesabu. Habari za Kitheokrasi. Kumbusha kundi juu ya mipango ya utumishi wa shambani.
Dak. 20: “Kuunganisha Utangulizi Wetu na Fasihi.” Hotuba fupi na maonyesho. Panga mhubiri mchanga atoe wonyesho wa utoaji wa Kimaandiko akitumia madokezo yaliyoonyeshwa katika fungu la 2. Unapotoa utangulizi wa Isaya 65:21-23, tumia njia ya kuanza mazunguzo iliyo katika fungu la 5. Huenda mhubiri mwingine akafanya wonyesho wa utoaji wa broshua “Tazama!” akitia ndani madokezo katika fungu la 3 na 4. Katika hali hizo mbili mwenyekiti akazie jinsi utoaji ulivyounganishwa na toleo la fasihi. Katika wonyesho mmoja onyesha jinsi mhubiri angeendelea mbele ikiwa hakuna kupendezwa hususa kunakoonyeshwa na mwenye nyumba. Kumbusha kundi lichukue ugavi wa broshua na magazeti baada ya mkutano.
Dak. 15: Maswali Kuhusu Har–Magedoni. Hotuba ikipitia habari kutoka kitabu Kutoa Sababu, kurasa 86-91.
Wimbo 137 na sala ya kumalizia.
Juma Linaloanza Julai 20
Dak. 12: Matangazo ya kwenu. Zungumzia ripoti ya kundi ya utumishi wa shambani ya Juni, ukitoa pongezi pamoja na kitia-moyo kinachohitajiwa kwa ajili ya maendeleo. Onyesha jinsi kuchunguza andiko la mwaka kutia na muktadha hutusaidia kupata furaha ya kweli tunaposhiriki katika huduma ya shambani na kushirikiana na kundi.—Rum. 12:9-16.
Dak. 18: “Kutoa Habari Njema—Kwa Ushahidi wa Barabarani.” Maswali na majibu. Kati ya mazungumzo, tia ndani maonyesho mawili au matatu mafupi kuonyesha mambo ambayo wahubiri wataweza kutumia katika kutoa ushahidi barabarani. Ikiwa kundi limepokea mgawo hususa wa eneo la kutolea ushahidi barabarani, zungumzia miongozo iliyo katika barua ya Juni 2, 1992.
Dak. 15: Mahitaji ya kwenu, au wahoji wahubiri watatu au wanne juu ya kile kilichowavutia kwenye kweli. Wanaweza kutia ndani vizuizi vyovyote walivyolazimika kushinda.
Wimbo 184 na sala ya kumalizia.
Juma Linaloanza Julai 27
Dak. 15: Matangazo ya kwenu. Pia, kazia mambo mawili hususa ya kuzungumzia yanayoweza kutumiwa tunapotoa magazeti mwishoni mwa juma hili. Sanduku la Swali. Mwangalizi wa utumishi anaweza kugawiwa ashughulikie sehemu hii.
Dak. 20: “Kusitawisha Kupendezwa na Ujumbe wa Ufalme.” Baada ya utangulizi mfupi, toa wonyesho wa ziara ya kurudia kwa (1) mtu aliyekubali magazeti ya karibuni, (2) mtu aliyeonyesha kupendezwa lakini hakukubali fasihi, na (3) mtu aliyekubali broshua “Tazama!” Katika kila hali weka msingi kwa ajili ya ziara ya kurudia itakayofuata.
Dak. 10: Pitia Mipango ya Kampeni ya Maeneo Yaliyo Peke Yayo. Mwangalizi msimamizi apitia mipango ya kueneza eneo la “Makedonia” lililogawiwa kundi. Ikiwa kundi halikupokea mgawo hususa, eleza mipango ya kueneza sehemu za maeneo ya kundi zisizofanyiwa kazi mara nyingi. Hakikisha kwamba kuna ugavi wa kutosha wa broshua, trakti, na fasihi nyinginezo. Jaribu kupangia ziara za kufuatia kupendezwa. Katika Agosti, fanya mipango ya ziada kama inavyohitajiwa wakati wengi wanashiriki wakiwa mapainia wasaidizi
Wimbo 157 na sala ya kumalizia.