Wazazi, Wasaidieni Wototo Wenu Kupata Ujuzi

Tunaishi katika ulimwengu unaojaribu kufanya wema uonekane kuwa ni uovu na uovu kuwa ni wema. (Isa 5:20) Kwa kusikitisha watu fulani hufanya mambo ambayo Yehova anachukia, kutia ndani mwenendo usiofaa kati ya watu wa jinsia moja. Vijana shuleni au wengine wanaweza kujaribu kuwashawishi vijana wetu waige mwenendo wao. Unaweza kufanya nini ili kuwatayarisha watoto wako kukabiliana na jaribu hilo au mengine kwa mafanikio?

Wasaidie watoto wako kupata ujuzi wa viwango vya Yehova. (Law 18:3) Kulingana na umri wao, wafundishe hatua kwa hatua kile ambacho Biblia inasema kuhusu ngono. (Kum 6:7) Jiulize: ‘Je, nimewafundisha watoto wangu njia zinazofaa za kuonyesha upendo, umuhimu wa kuvaa mavazi yenye kiasi, na umuhimu wa wengine kuheshimu faragha yao? Je, watoto wangu wanajua jambo la kufanya mtu anapojaribu kuwaonyesha ponografia au kuwaambia wafanye jambo ambalo Yehova anachukia?’ Kuwa na ujuzi kunaweza kuwasaidia kuepuka matatizo. (Met 27:12; Mhu 7:12) Kwa kuwafundisha watoto wako, unaonyesha kwamba unaupenda urithi wenye thamani uliopewa na Yehova.—Zb 127:3.

TAZAMENI VIDEO YENYE KICHWA JENGA NYUMBA ITAKAYODUMU​—WALINDE WATOTO WAKO KUTOKANA NA “YALIYO MAOVU,” KISHA MJIBU MASWALI YAFUATAYO:

• 

  Kwa nini wazazi fulani husita kuwafundisha watoto wao kuhusu ngono?

• 

  Kwa nini wazazi wanapaswa kuwazoeza watoto wao kulingana na “nidhamu na maagizo ya Yehova”?—Efe 6:4

• 

  Tengenezo la Yehova limetoa maandalizi gani ili kuwasaidia wazazi kuwafundisha watoto wao kuhusu ngono?​—w19.05 12, sanduku

• Kwa nini unapaswa kuwasiliana kwa ukawaida na watoto wako kabla ya matatizo kutokea?