Kurudi Ili Kuchochea Kupendezwa Katika Biblia
1 Wakati mwingine sisi hukuta watu katika utumishi wa shambani wanaoonyesha kupendezwa kwa kadiri fulani na habari njema lakini ni wenye shughuli nyingi sana wasiweze kuongea nasi tunapowazuru. Je! sisi hujaribu kurudi tena wakati mwingine ili tushiriki ujumbe wa Ufalme pamoja nao? Au labda tumekuwa na mazungumzo yenye kupendeza na mwenye nyumba, lakini hakubali fasihi yoyote. Je! sisi hurudi ili tuongee na yeye zaidi kuhusu kweli?
2 Ni jambo la maana kulihubiri kikamili eneo letu na kufuatia wenye kupendezwa wote tunaowapata. Je! sisi hufanya ziara za kurudia kwa wale tu wanaochukua kitabu au magazeti? Ikiwa ndivyo, tunaweza kuwa tunawapuuza watu fulani wenye kupendezwa. Kwa hakika hatungependa kuhukumu mtu kuwa asiyestahili kitia-moyo zaidi cha kiroho eti kwa sababu tu hakukubali fasihi. (Linganisha Warumi 14:4.) Labda baada ya ziara yetu, mwenye nyumba anaweza kufikiria yale tuliyoongea au anaweza kuja kuthamini jitihada yetu ya kumzuru. Huenda akawa na mwelekeo unaofaa zaidi tunaporudi.
3 Unaporudia mtu aliyekuwa na shughuli, unaweza kusema:
◼ “Nimefurahi kukuona tena. Nilipokuwa hapa mara ya mwisho, hatungeweza kuzungumza kwa sababu ulikuwa huna wakati. Naweza kuona kwamba wewe ni mtu mwenye shughuli, na nitasema kwa ufupi. Bila shaka unahangaikia afya njema yako na ya wale unaowapenda. Basi, ulipata kujua kwamba Mungu ameahidi kumaliza magonjwa yote? Je! jambo hilo halitasisimua? [Ruhusu itikio.] Ona jambo kuu kwenye fungu la 4 la broshua hii yenye kichwa ‘Tazama! Mimi Ninafanya Vitu Vyote Kuwa Vipya.’” Wakati ukiruhusu, soma fungu hilo kisha ufikirie mojapo maandiko yaliyo chini ya ukurasa 4 linaloonyesha hali katika ulimwengu mpya. Mwenye nyumba akikubali, unaweza kuanzisha funzo la Biblia.
4 Unapomtembelea tena mtu aliyekubali trakti, unaweza kusema hivi:
◼ “Mara ya mwisho nilipokuona, ulikubali nakala ya trakti hii yenye kichwa Ni Nani Hasa Anayeutawala Ulimwengu? Je! unaona ikiwa vigumu kuamini kwamba Shetani anautawala ulimwengu huu? [Ruhusu itikio.] Angalia fungu la kwanza ukurasa wa 6.” Soma fungu hilo, kisha uliza: “Kwa nini Shetani angependa kutudanganya?” Baada ya mwenye nyumba kujibu, fikirieni pamoja fungu la nne katika ukurasa 3. Unaweza kuendelea kuipitia trakti hiyo kikamili, au unaweza kuingiza ile broshua Je! Kweli Mungu Anatujali? na kupitia fungu 8 ukurasa 13.
5 Kuna sababu nzuri ya kuwa chanya na kufuatia kupendezwa tunakopata katika kazi yetu ya kuhubiri hata kama kunaonyeshwa kwa kadiri ndogo. Ni jambo la maana kujali wengine, kuchochewa kuwasaidia wajifunze kweli. Tengenezo la Yehova huandaa fasihi na utoaji wenye kudokezwa ambao unaweza kutusaidia kufanya wengine watambue uhitaji wao wa kiroho.—Mt. 5:3.
6 Ikiwa umepata kuwa na mazungumzo yenye kupendeza na mtu ambaye labda alipendezwa kidogo tu, usipuuze kurudi tena ili usitawishe kupendezwa. Huenda kukatokeza kuanzisha funzo la Biblia nyumbani na kumweka mtu kwenye njia ya uhai. Tunawatia moyo wote kuendelea kushiriki kwa bidii katika kazi hii ya kuokoa uhai.—1 Tim. 4:16.