Trakti ya Pekee Habari za Ufalme kwa Kila Mtu
1 Kuanzia Aprili 24, tulianza ugawanyaji wa ujumla wa trakti ya pekee Habari za Ufalme ambayo imechochea kupendezwa kwa watu wenye kujali kila mahali! Ujumbe wayo si wa wakati unaofaa tu bali pia wenye uharaka. Wahubiri katika kila kutaniko wameonyesha tegemezo la moyo wote, wakitaka kuweka ujumbe huu mikononi mwa maelfu ya watu. Je, unajitahidi kuwa na ushiriki kamili?
2 Upakizi wa Habari za Ufalme ulipelekwa katika kila kutaniko, karibu 50 kwa kila mhubiri na 250 kwa kila painia. Je, umeweza kugawanya ngapi? Ikiwa hujaweza kugawanya nyingi kama ulivyotumainia, je, umefikiria njia za kutoa nyingi kabla ugawanyaji kuisha Mei 14? Vipi juu ya kujiandikisha kuwa painia-msaidizi? Je, waweza kutumia kwa manufaa mikutano ya ziada ya utumishi wa shambani wakati wa juma, kama vile ile ya ushahidi wa jioni?
3 Wazee watakuwa wakipitia eneo kwa uangalifu. Kama haitawezekana kwa kutaniko lililogawiwa kuhubiri sehemu fulani, wazee wapaswa kujulisha makutaniko jirani yatoe msaada. Jitihada yetu ya nafsi yote, pamoja na ushirikiano mzuri kati ya makutaniko, vyapaswa kufanya kazi itimizwe.
4 Yaelekea umepata shangwe ya ziada katika kazi hii kwa sababu wengi wameweza kushiriki, kutia ndani wahubiri wapya na vijana. Inatumainiwa kwamba, roho hii ya shangwe itaendelezwa, ikitia moyo wote wafanye ziara za kuwarudia wale ambao wameitikia vizuri. Tulitiwa moyo tuweke maandishi mazuri ya nyumba kwa nyumba, tukiandika wale walioonyesha kupendezwa. Sehemu ya mwisho ya Mei itakuwa wakati mzuri wa kukazia kufanya ziara za kurudia tukiwa na mradi wa kuanzisha mafunzo mapya.
5 Twaweza kusema nini tunaporudi? Huenda ukaona kukiwa na matokeo kusema: “Unaweza kukumbuka habari iliyochapishwa niliyokuachia hivi majuzi; natumaini ulipata fursa ya kuisoma na kufikiria jambo hilo. Ujumbe wayo kwa hakika umechochea mazungumzo mengi katika jamii, kwa kuwa inakazia masuala muhimu yanayokabili wanadamu wote.” Rejezea baadhi ya maelezo yenye kuamsha fikira kwenye ukurasa wa pili, kisha uulize: “Unafikiri twahitaji kufanya nini ili kuhakikisha tuko tayari kwa yatakayotokea wakati ujao?” Ruhusu itikio. Kupendezwa kukionyeshwa, zungumza mambo yaliyo kwenye ukurasa wa 2-4 wa trakti Habari za Ufalme, na utoe funzo la Biblia, isipowezekana, toa magazeti ya karibuni.
6 Ikiwa unahubiri katika eneo la kutaniko jingine, hakikisha unalipatia majina ya wenye kupendezwa wowote wanaopatikana ili kwamba wahubiri wa kutaniko hilo wafanye ziara za kurudia. Vivyo hivyo, ukipewa marudio, usikose kurudi mara hiyo.
7 Ugawanyaji wa pekee wa hii trakti Habari za Ufalme umetokeza msisimko na uchocheo kwetu sote kuzidisha jitihada zetu katika kazi ya kuhubiri Ufalme. Twaweza kuwa na uhakika kwamba itapata mafanikio makubwa, ikiongeza kujua kwa watu jina kuu la Yehova na kusudi lake. (Isa. 12:4, 5) Kadiri tunavyoweza kufanya zaidi ndivyo shangwe yetu inavyokuwa nyingi zaidi.—Zab. 126:3.