Sanduku La Swali

◼ Je, kutaniko liwe na ramani kamili ya maeneo iliyowekwa mahali palipo wazi kwenye Jumba la Ufalme?

Ndiyo, ramani kamili ya maeneo yapaswa kuwekwa katika fremu na iwekwe wazi ukutani kwenye Jumba la Ufalme. Ramani hiyo isiwekwe kwenye ubao wa matangazo. Yapasa kuonyesha mipaka yote ya eneo la kutaniko na mipaka ya kila eneo mojamoja likiwa na namba yake. Mipaka ya maeneo ya makutaniko yote yanayotumia Jumba la Ufalme lilelile yapasa kuonyeshwa. Hiyo itasaidia wahubiri na wale wanaopendezwa vilevile wajue wanaishi katika eneo la kutaniko gani. Kuonyesha sehemu za Funzo la Kitabu la Kutaniko kwenye ramani pia kutasaidia wote wajue funzo la kitabu walilogawiwa. Ramani hiyo yapasa kuwa ya karibuni.

Kuonyesha ramani hiyo huwa kikumbusha kwa wahubiri wote kwamba, ikiwezekana, ingekuwa vizuri kuwa na eneo la kibinafsi. Ramani inasaidia wale wanaotaka kuchagua eneo lililo karibu na nyumbani kwao. Huenda ikasaidia kuokoa wakati wa mikutano ya utumishi, na kumwezesha kiongozi aelekeze bila kukawia kila kikundi cha wahubiri kwenye eneo ambalo wamegawiwa kuhubiri.

Pia ramani hiyo hutoa uthibitisho kwamba kutaniko lina mpango wa kuhubiri ujumbe wa Ufalme kikamili katika eneo lake.—Luka 9:6.