Mambo ya Kusema Kuhusu Magazeti

Mnara wa Mlinzi Feb. 15

“Je, umepata kujiuliza jinsi unavyoweza kuongoza maisha yako vizuri na kufikia maamuzi muhimu? [Ngoja ajibu.] Biblia hutoa miongozo bora, kama vile ile Kanuni Bora. [Soma Mathayo 7:12.] Ni kanuni gani nyingine za Mungu zinazoweza kutunufaisha moja kwa moja? Utapata jibu katika gazeti hili.”

Amkeni! Feb. 22

“Labda umegundua kwamba siku hizi kumekuwa na hatari nyingi sana kazini. Gazeti hili lina madokezo mazuri ya jinsi tunavyoweza kuwa salama kazini. Pia laonyesha kwamba hali yetu njema inategemea kama tuna maoni yanayofaa kuhusu kazi. Tafadhali lisome.”

Mnara wa Mlinzi Machi 1

“Kwa sababu ya yale yote yanayotukia leo, wengi wetu tunajiuliza wakati wetu ujao utakuwaje. Katika sala inayojulikana sana, Yesu Kristo alionyesha kwa nini twaweza kutazamia wakati ujao tukiwa na uhakika. [Soma Mathayo 6:9, 10.] Mwanadamu anarudia makosa ambayo yalifanywa zamani za kale. Lakini siku hizo, wale waliomtumikia Mungu walikuwa na wakati ujao wenye furaha. Gazeti hili linaonyesha jinsi ambavyo sisi pia twaweza kuwa na wakati ujao wenye furaha.”

Amkeni! Machi 8

“Biblia hukazia umuhimu wa elimu inayofaa. [Soma Mithali 2:10, 11.] Wengi wetu twatambua jinsi ilivyo muhimu kwa watoto kuwa na walimu wenye ujuzi. Gazeti la Amkeni! laonyesha daraka muhimu la walimu, jinsi tunavyopaswa kuthamini kujitolea kwao, na kile ambacho wazazi wanaweza kufanya ili kuwasaidia katika kazi yao ngumu.”