Mambo ya Kusema Kuhusu Magazeti

Mnara wa Mlinzi Februari 1

“Je, unafikiri Mungu anasikia sala zote? [Mruhusu ajibu.] Ona maneno ya Yesu kuhusu jambo hili. [Soma Mathayo 6:7.] Makala hii yenye kuvutia ina maandiko ya Biblia yanayojibu maswali manne ambayo watu huuliza mara nyingi kuhusu sala.” Mwonyeshe makala inayoanza kwenye ukurasa wa 16.

Amkeni! Februari

“Watu wengi huamini kwamba maisha yetu yameshaamuliwa. Maoni yako ni nini? [Mruhusu ajibu.] Andiko hili linaonyesha kwamba tunaweza kuchagua. [Soma Kumbukumbu la Torati 30:19.] Makala hii inaeleza yale ambayo Biblia inasema kuhusu imani ya kwamba mambo yote yanayotokea katika maisha ya mtu yameamuliwa mapema.” Mwonyeshe makala inayoanza kwenye ukurasa wa 12.

Mnara wa Mlinzi Machi 1

“Je, unaamini kwamba matukio yote ya maisha yetu yameshaamuliwa? [Mruhusu ajibu.] Ona kile ambacho Biblia inasema kuhusu habari hii. [Soma Mhubiri 9:11.] Gazeti hili linaeleza kwamba ijapokuwa Mungu ameshaamua kwamba kutakuwa na hali nzuri duniani, anamruhusu kila mmoja wetu kuchagua mwenendo wetu maishani.”

Amkeni! Machi

“Watu wengi leo wana wasiwasi kuhusu pesa, hasa kwa sababu ya matatizo ya kiuchumi ya siku hizi. Unaonaje? [Mruhusu ajibu.] Ona ushauri huu mzuri. [Soma 1 Timotheo 6:8, 10.] Gazeti hili linazungumzia baadhi ya kanuni za Biblia zinazoweza kutusaidia kushughulikia mambo ya kifedha kwa njia inayoleta amani ya akili.”