Liko Katika Hali Gani?

Inafaa kujiuliza swali hilo kuhusiana na chapisho lolote ambalo tunataka kumtolea mtu. Ikiwa chapisho lina kurasa bovu-bovu, zilizochakaa, chafu au zilizopasuka, litaletea tengenezo sifa mbaya na linaweza kumkengeusha mwenye nyumba asikazie akili ujumbe unaookoa uhai ulio katika chapisho hilo.

Tunaweza kufanya nini ili kudumisha machapisho yetu katika hali nzuri? Wengi hupendelea kuweka pamoja vitu vinavyolingana wanapopanga mkoba wao wa utumishi. Kwa mfano, wana mahali pa vitabu, mahali pa magazeti na broshua, mahali pa trakti na kadhalika. Wanaporudisha Biblia au machapisho katika mikoba yao, wanafanya hivyo kwa utaratibu ili wasiharibu chapisho lolote. Wahubiri wengine huweka machapisho yao kwenye bahasha au mifuko ya plastiki isiyo na rangi. Hata iwe tunatumia njia gani, hatutaki kuwapa watu sababu ya kulaumu huduma yetu kwa kuwatolea machapisho yasiyo nadhifu.—2 Kor. 6:3.