Mapendekezo kwa Ajili ya Utumishi

Kuanzisha Mafunzo ya Biblia Katika Jumamosi ya Kwanza Mwezi wa Oktoba

“Tunawatembelea jirani zetu kwa muda mfupi. Watu wengi ambao tumezungumza nao husema kwamba mojawapo ya hali ngumu zaidi ambayo wamewahi kupata ni kufiwa na mpendwa wao. Je, wewe pia huhisi hivyo? [Mruhusu ajibu.] Gazeti hili lilinitia moyo.” Mwonyeshe ukurasa wa nyuma wa gazeti la Mnara wa Mlinzi la Oktoba 1, na mzungumzie pamoja habari iliyo chini ya swali la kwanza na angalau andiko moja. Mwachie magazeti, na ufanye mipango ya kurudi ili mzungumzie swali linalofuata.

Mnara wa Mlinzi Oktoba 1

“Tunawatembelea watu kwa muda mfupi tukiwatia moyo wasome Biblia. Tunajua kwamba watu wengine wanapenda kujifunza Biblia na wengine hawapendi. Wewe una maoni gani? [Mruhusu ajibu.] Biblia inasema hivi waziwazi. [Soma 1 Wathesalonike 2: 13.] Nina uhakika utakubaliana nami kwamba ikiwa kwa kweli Biblia ni kitabu kutoka kwa Mungu, basi inafaa tuisome. Gazeti hili linaeleza kwa ufupi yale tunayojifunza kutoka kwa Biblia na umuhimu wa kuisoma.”

Amkeni! Oktoba

“Ningependa kupata maoni yako kuhusiana na swali hili: Je, inawezekana mtu kuridhika hata akiwa na vitu vichache vya kimwili? [Mruhusu ajibu.] Biblia inasema hivi. [Soma 1 Timotheo 6:8.] Gazeti hili linazungumzia maoni yaliyosawazika kuhusu vitu vya kimwili na pia mambo matatu yenye thamani ambayo hayawezi kununuliwa kwa pesa.”