Mapendekezo kwa Ajili ya Utumishi

Kuanzisha Mafunzo ya Biblia Katika Jumamosi ya Kwanza Mwezi wa Mei

“Tunawatembelea kwa muda mfupi kuzungumzia swali hili lenye kuchochea fikira. [Mwonyeshe swali la kwanza lililo kwenye ukurasa wa nyuma wa gazeti la Mnara wa Mlinzi la Mei 1.] Wewe una maoni gani?” Mruhusu ajibu. Mzungumzie pamoja habari iliyo chini ya swali na angalau andiko moja lililoonyeshwa. Mwachie magazeti, na ufanye mpango wa kurudi kuzungumzia swali linalofuata.

Mnara wa Mlinzi Mei 1

“Tunawatembelea kwa muda mfupi kwa sababu watu wengi wangependa kujua mambo yatakayotukia wakati ujao. Una maoni gani kuhusu wakati ujao? Je, unatarajia wakati huo kwa hamu au una wasiwasi? [Mruhusu ajibu. Kisha soma andiko moja kutoka katika sanduku lenye kichwa “Matangazo ya Mungu Kuhusu Wakati Ujao.”] Gazeti hili linaonyesha baadhi ya mambo ambayo Mungu anasema yatatokea na linaeleza kwa nini tunaweza kuwa na uhakika kwamba yatatokea.”

Amkeni! Mei

“Tunawatembelea watu kwa muda mfupi ili kuwasaidia waweze kukabiliana na mikazo. Je, unadhani kwamba watu wana mikazo zaidi leo kuliko wakati uliopita? [Mruhusu ajibu.] Wengi wameona kwamba mashauri yenye hekima yanayopatikana katika Biblia yamewasaidia kukabiliana na mikazo yao. Hili ni shauri moja. [Soma Mathayo 6:34.] Gazeti hili linaeleza jinsi kanuni za Biblia zinavyoweza kutusaidia kukabiliana na mambo manne yanayosababisha mkazo.”

Zingatia: Wafanyabiashara wanaweza kuvutiwa hasa na toleo hili.