Mapendekezo kwa Ajili ya Utumishi

Kuanzisha Mafunzo ya Biblia Katika Jumamosi ya Kwanza Mwezi wa Juni

“Tunawatembelea kwa ufupi ili kuzungumzia swali hili lenye kuchochea fikira. [Mwonyeshe swali la kwanza lililo katika ukurasa wa mwisho wa gazeti la Mnara wa Mlinzi la Juni 1.] Una maoni gani?” Mruhusu ajibu. Zungumzieni pamoja habari iliyo chini ya swali la kwanza na angalau andiko moja. Mwachie magazeti, na upange kurudi ili kuzungumzia swali linalofuata.

Mnara wa Mlinzi June 1

“Uvutaji wa sigara huua watu 6,000,000 hivi kwa mwaka. Je, unafikiri kuna jambo lolote linaloweza kufanywa ili kupunguza tatizo hili? [Mruhusu ajibu.] Watu wengi wamesaidiwa kuacha au kuepuka kabisa kuvuta sigara baada ya kutafakari maoni ya Mungu kuhusu jambo hilo. Kwa mfano, mstari huu wa Biblia umefanya baadhi ya watu wafikirie jinsi wengine wanavyoathiriwa na uvutaji wa sigara. [Soma 1 Wakorintho 10:24.] Gazeti hili linaelezea jinsi maoni ya Mungu kuhusu uvutaji wa sigara yanavyoweza kumchochea mtu aache zoea hilo.”

Amkeni! June

“Mitandao ya kijamii imewawezesha watu wapate marafiki wengi kuliko wakati mwingine wowote. Unadhani ni nini iliyo sifa muhimu zaidi ya rafiki wa kweli? [Mruhusu ajibu.] Andiko hili lina ushauri mzuri kuhusu jinsi ya kushughulika na marafiki. [Soma Yakobo 1:19.] Gazeti hili linaorodhesha kanuni nne zinazoweza kutuongoza na kutusaidia tuwe na utu ambao utawavutia wengine wawe rafiki zetu.”