Kuboresha Ustadi Wetu Katika Huduma—Kutayarisha Utangulizi Wetu

Kwa Nini Ni Muhimu: Ikiwa utangulizi wetu hauchochei upendezi, mwenye nyumba anaweza kukatiza mazungumzo kabla hatujamhubiria. Kwa hiyo, wahubiri wengi huona kwamba kuwa na utangulizi mzuri ni muhimu sana. Ingawa kuna mapendekezo kwa ajili ya utumishi kwenye Huduma Yetu ya Ufalme na kitabu Kutoa Sababu, ili tuweze kubadilikana na hali, si mapendekezo yote yaliyo na utangulizi kamili. Hata kama mapendekezo ya utumishi ni kamili, mhubiri anaweza kuchagua kuyabadilisha au anaweza kuamua kutayarisha utangulizi wake mwenyewe. Hivyo basi, tutapata matokeo mazuri zaidi ikiwa tutatayarisha utangulizi kwa makini, badala ya kusema tu jambo lolote linalokuja akilini tunapompata mwenye nyumba.​—Met. 15:28.