Kuboresha Ustadi Wetu Katika Huduma—Kuonyesha Jinsi Funzo la Biblia Linavyofanywa Kwa Kutumia Kitabu Biblia Inafundisha

Kwa Nini Ni Muhimu: Huenda watu wengi wasielewe tunachomaanisha tunaposema kwamba tunajifunza na watu Biblia bila malipo. Wanaweza kufikiri kwamba wanapaswa kujiunga na kikundi fulani cha kujifunza au kujifunza kupitia barua. Badala ya kumwambia tu tungependa kujifunza naye, kwa nini usimwonyeshe jinsi funzo linavyofanywa? Kwa dakika chache tu hata ikiwa ni mlangoni, unaweza kumwonyesha mtu jinsi kujifunza Biblia ni jambo rahisi na lenye manufaa.

Jinsi ya Kufanya Hivyo:

Baada ya kujitambulisha, muulize mwenye nyumba ikiwa ana wasiwasi kuhusu wakati ujao.
Mweleze kwamba watu wengi wanahangaikia jambo hilo, na umwonyeshe ukurasa wa yaliyomo katika kitabu Biblia Inafundisha. Fafanua kwamba kitabu hicho kina masomo rahisi yanayoeleza mambo ambayo Biblia inafundisha kuhusu wakati ujao na habari nyinginezo, na umuulize ni sura gani inayompendeza.
Mpe kitabu hicho na umwelekeze afungue sura aliyoichagua. Mweleze kwamba maswali yaliyo mwanzoni mwa sura yanajibiwa katika mafungu yaliyo kwenye sura hiyo.
Mwombe mwenye nyumba asome fungu la kwanza ikiwa yuko tayari kufanya hivyo. Kisha soma swali la fungu hilo na mzungumzie jibu pamoja. Fungua na mzungumzie maandiko yaliyo kwenye fungu yanayounga mkono jibu. Mwonyeshe jinsi ulivyoweka alama kwenye jibu katika kitabu chako.
Zungumzieni fungu linalofuata, na umwombe mwenye nyumba ajaribu kujibu kwa maneno yake mwenyewe.
Mpongeze, na ufanye mipango ya kurudi ili kumalizia somo hilo.
Ikiwa inafaa, mwelekeze kwenye video yenye kichwa Ni Nini Hutendeka Katika Funzo la Biblia? iliyo katika Tovuti ya jw.org/sw.

Jaribu Dokezo Hili kwa Mwezi Mzima:

Sali kwa Yehova abariki jitihada zako za kuanzisha funzo la Biblia.—Flp. 2:13.
Jaribu kuonyesha jinsi funzo la Biblia linavyofanywa kwa kutumia kitabu Biblia Inafundisha, au onyesha video yenye kichwa Ni Nini Hutendeka Katika Funzo la Biblia? angalau mara moja unapokuwa katika huduma.